صور شقتى:امانة قبل ما تدخلوا تقوله بسم الله ما شاء الله

أولا الله يهنيج حبيبتي في شقتج و يجعلها منزل مبارك ان شاءالله .. و عقبال البيت يارب .. :)

من كلامج حسيت روحج رياضية و Open minded ما شاءالله ,, يعني تتقبلين المدح و النقد ..

بصراحة اكثر غرفة عجبتني فالشقه هي غرفة النوم لأنها بسيطة و ناعمة .. و الله يهنيكم فيها يارب .. اما باقي الغرف فاسمحي لي على صراحتي .. يمكن لأني مهندسة ديكور فلازم ابدي رايي ماقدر اسكت :o الكل عارف عني هالطبع .. خصوصا ان هالشي تخصصي ..

حسيت ان كل الغرف زحمة و ما في تناسق كثير بين الستارة و الاثاث .. مو من ناحية اللون لكن من ناحية الدزاين .. ما راعيتي حجم الغرفة بالنسبة للستاير ..
يعني الصالة الحمرة .. ديزاين الكراسي ما يتوافق مع الستارة
و غرفة الطعام لو تقدرين تستغنين عن واحد من الاثنين البوفيه او الخزانة الثانية .. عشان توسع الغرفة شوي و ما تكون مكتظة .. و الستارة ما تتناسب مع الغرض من الغرفة .. تنفع حق مجلس او صالة كلاسيك أكثر من غرفة الطعام ..

و جفتج مكثرة من الزرع الصناعي .. اتوقع لو استغنيتي عنه بيطلع المكان احلى .. خصوصا فالمطبخ و الحمام ..

و تحملي نقدي .. اتمنى ان ما تزعلين مني .. ما حبيت أطول أكثر بس هاي أهم نقاط لاحظتها ..

و فالنهاية الناس أذواق :thumbs_up: