الرئيسية أركان البيت والأسرة والمجتمع قضايا وحلول ساعدوني وش اسوي مع زوجي جنني

ساعدوني وش اسوي مع زوجي جنني

عيون دادي 19-03-2010 79 رد 3,486 مشاهدة
]
][حورية البحر~
عروس ماسية
19-03-2010 | 11:29 PM
هلا وغلا بك
الي فهمته منك انك موظفه وبقى لك ترم وااحد من الدبلوم الي تدرسينه
بعده راح يكون عملك بالدمام عند زوجك
بما انهك شرطتوا عليه العمل والدراسة وهو ولد عمك يعني قريب لك مره
ووافق على الشرط
راي اناا لاتتركين العمل ابد وحاولي تقنعينه بااسلوب حلو ولا تعاانديه
بما انه وافق على شرطك من اول راح يتحمل ويصبر
كلمه وخبريه ان العمل رااح يكون في صالحكم وراح تستفيدون
الدنيا تغيرت مره وكل شيء صاار صعب والوظيفه اماان لك
وكثري عليه وترجيه انه يتحمل بس هالترم مابقى منه الا كم شهر
وانه الترم رااح يمشي بسرعه ولا راح تحسون فيه
لكن انتبهي تعاانديه او ترفعي صوتك عليه-الرجاال مع الكلام الحلو والاسلوب يلين الي في راسه
وخبريه ان العمل رااح تستفيدون منه وانك راح تشتغلين لفتره معينه لاحد ماتامنون مستقبلكم وعيالكم
تبون بيت ملك والحياة تبي من يجااريهاا
وعليك بالاستغفاار ودعااء ربك ان الله يسخره لك ويهديه
وانتي لك اسلوبك في اقنااعه-لاتنسين انك شرطتي الدراسه بس لاتحسسينه انه شرط وهو لازم يقبل فيه
بعض الرجاال مايحب احد يذكره بانه شرط عليه شيء او انه وعد بشيء واخلف او غير من كلامه
ولاتنسين الصلاة باللليل والدعااء له وان الله يسخره لك ويوفقكم
----
تجربة صديقتي كانت تدرس دبلوم سنتين تزوجت وشرطت تكمل دراستهاا واافق
بعد الزواج صار يحن ماله داعي وكذا ولما كثرت عليها قال هالترم مو لازم كملي السنه الجايه
سمعت كلامه وتركت دراستهاا بعد كم شهر تركها عند اهلهاا بلا مصروف كذا من راسه وهي حامل ب4 شهور
بعده طلقهاااا ماكملت عنده سنه وجاابت طفل
وهي الحين ندمانه لانها ماكملت والحين عندهاا طفل
الوظيفه امااان وضمان للوحده
ربي يسعدك ويوفقك اكثري من الدعااء
خبرينا شنو يصير معك
ز
زوجي حبيب قلبي
عروس ماسية
19-03-2010 | 11:53 PM
الله يهديه
o
oum saad
عروس ماسية
20-03-2010 | 12:35 AM
الله يفرج همك
S
Soft Touch female
عروس ماسية
20-03-2010 | 12:40 AM
اختتتي انتي معاه بروح الفكااهة قولي له لا تحاول ما بتررك ونتي تضحكييين ..قولي له انا احب شغللي وهاي شررطي وانت تعععرف هل شششي .وقلي له لا تخااااف الوضضع معاك ما بيتغيير وبالعككس لو دعمتتتني اب هل امممر راح تكبر بعيوني وبببحبك اكثثثر وقولي له عشان لا تخسررني لا تفاتحننني اب هل موضوع وربي يوفققج
u
umjana79
عروس ركن قضايا و حلول
20-03-2010 | 09:37 AM
عزيزتي ... انا معاكي في نقطه ,, وهي الدراسه .. وهو من حقك ودامك شرطتي وهو وافق .... فعليه الالتزام....

لااعلم بخصوص العمل .. ولكن يا عزيزتي ... ان كنتي في غنى عن الوظيفه ... ووجودها ليس سوى ( إثبات لوجودك ) فإنا لست معكي..

لاني من وجهه نظري المرأه ملكه منزلها ... وقرن في بيوتكن .. يا عزيزتي .... والتي تخرج .. لا تخرج الا لحاجه او لرفع مستواهم المادي والمعيشي.. وليس للبحث للكماليات ,, والاتي يفعلن ذلك .... الله يهديهن .. ويصلحهن..

ان كانت أموركم الماليه تحتاج إلى وقفتك مع زوجك ... ورفع مستواكم المادي... فما عليكي الا بالقيام بواجبك المنزلي بكامل حقوقه ودون تقصير فالمرأه العامله مستحيل ان توفق بين المنزل .. وبين العمل وبين الاولاد ( إن وجودو) وستدخل الخادمه حياتكم .. وما ادراكي ماالخدم... زي البطيخ.... منهم الصالح ومهنم الطالح وما اكثرهم...

لا تفكير بنفسك فقط.... فكري بكل النواحي... على الاقل .. اقنعيه لحد ما تنجبي اطفال.... او اقنعيه من ناحيه الظروف الماديه .. وكيف ستساعدكم ... ومن لديه حيله فليحتال..

بالنسبه للدراسه لا انصحك بالتنازل .. ومدام هو وافق..لازم يتحمل هالشرط وذكريه والحي عليه ...


تحياتي

ام جنى
L
LoLo Wa BaS
عروس برونزية
20-03-2010 | 09:45 AM
كل شي بالهداوة يا محلاه
اقعدي معاه واقنعيه على الاقل تكملين دراستك وتصير الشهادة بايدج اما على الشغل اذا ما يبيج تشتغلين فطاوعيه كم شهر وشوفي الوضع قدمي على اجازة بدون راتب وشوفي حياتج اشلون راح تصير

بس اهم شي التفاهم والشهادة خذي الشهادة وبعدين لكل حادث حديث
S
Sweet N Sour
عروس ركن العناية بالبشرة والجسم وركن العطور والعناية بالشعر
20-03-2010 | 11:59 AM
اختي : اولا خذي الموضوع خطوة بخطوة يعني الاول الدراسة و بعدين العمل، يعني مو كل ما تكلنتوا عن دراستك اللي هي الوضع الراهن تفتحي موضوع العمل.

اكمال الدراسة هذا حقك و محد يقدر انه ينازعك فيه ابدا لا و لازم تصرين عليه بعد. بس بعد ما تكملي الدراسة حسب ظروفكم و تفاهمكم و الفرص المتاحة امامك تناقشي خيار العمل.

حبيبتي صحيح انا معك انك تضلي تتحاوري و تتفاوضي معاه بخصوص الدراسة و ما تتخلي عنها، لانها بتعطيكي قيمة في عينه و في عين المجتمع،،بس برضه لا تخلي الخلاف يتجاوز الخطوط الحمرا و يخرب علاقتم يعني امسكي العصا من النص.

و كل ما تكلمتو في هالموضوع اكدي عليه انك ما تتخلين عنه و ان دراستك هذه هي في مصلحة اسرتكما على المدى الطويل.
م
مشـــاعل
عروس مبدعة
20-03-2010 | 01:51 PM
الله يهديكم بس
يعني الي تقول اهم شي الدراسه لكن الشغل ماهو مهم وماادري ايش البنت مكمله دراسته وماباقي لها الا كورس
تاخذ الشهاده وتزين بها جدار البيت يعني الله يهديكم ويصلح بالكم
ومن يقول ان العمل ماهو مهم للحرمه اذا البنت موهوبه وتقدر بشهادتها تنفع نفسها وتنفع بلدها وفرصة العمل متوفره لها ليه ماتشتغل على اساس ان الرجاجيل ضمان والمحاكم على طول بصف الحرمه في حال قصر الزوج
يا ويـــــــــــــــــــــــل قلبي منكم اكرر واعيد لصاحبة المشكله حذااااااااااااااااااريك انتبهي انتبهي تتخلين عن وظيفتج او دراستج وجربي كل الحلول
اعتبري تحذيري هذا رجاء من وحده مناصره للمرأه وحقوقها 100%
ماهو شرط يتغير يجوز هو يطيح لا سمح الله بظرف اثنين يكدون بالبيت افضل من واحد ضرف عائلي والا صحي والا حتى بالشغل عنده ماحد يدري به ناس كثيره غيرت الظروف القهريه احوالهم
ع
عيون دادي
عروس متألقة
20-03-2010 | 05:50 PM
الله يعطيكم العافيه يالغاليات ماقصرتوا انا بسوي الي علي وبكسبه والباقي على الهادي
انا ماتعودت اطلب ريال من احد ومابي الدنيا تدور وتخليني اعوز الناس انا الي مخليني اتمسك بالدراسة وبالشغل ان دراستي صحيح دبلوم بس تخصص قوي على مستوى المملكه 40 طالبة بس في هالمجال وخبره اكبر من خبره الجامعيات
ربي ييسر ويكتب لي الي فيه الصالح
ماقصرتوا خواتي مره ثانيه كلامكم ريحني
ج
جوجو 6
عروس جديدة
20-03-2010 | 07:50 PM
الله يهديكي يا اختي الغالية لزوجك رب الاسرة والرجال قوامون وادرسي وتخصصي في طاعة الزوج ابرك لك اخر موضة الزوج بمدينة والزوجة بمدينة لا وتقوله عاجبك ولا طلقني اخر زمن
ج
جوجو 6
عروس جديدة
20-03-2010 | 07:53 PM
إذا باتت المرأة هاجرة فراش زوجها لعنتها الملائكة حتى تصبح).

طاعة المرأة زوجها بالمعروف من أعظم ما تتقرب به المرأة إلى ربها - تبارك وتعالى -، فطاعة الزوج والقيام بأمره، واحتساب الأجر في ذلك على الله سبب لدخول الجنة، كما جاء في الحديث الذي قال فيه النبي - صلى الله عليه وسلم -: (إذا صلت المرأة خمسها، وصامت شهرها، وحفظت فرجها، وأطاعت زوجها؛ قيل لها: ادخلي الجنة من أي أبواب الجنة شئت).1

وفي المقابل فإن معصية الزوج وتكدير حياته ذنب عظيم، ومعصية تؤدي بالمرأة إلى غضب الله ولعنته، إذا كان زوجها صالحاً لا يأمرها إلا بخير، ولا يطلب منها إلا ما تطيقه نفسها من الأمور المعروفة لا المنكرة .
]
][حورية البحر~
عروس ماسية
21-03-2010 | 12:55 AM
جوجو
الاخت ماقالت انها تبي تعصي زوجها
هس ذكرت انه شرط عليه
والمسلمون على شروطهم وهو ملزم بالشرط وكفيل انه يتحمله
وفيه بنات كثير كذا تكون بمدينة وزوجها بمدينة لفترة معينة ويكون راضي لان زوجته تدرس
وتروح له او هي يجيها مافيهاا شيء بما ان الامر فيه صلاح لهم
والاخت ماتركت زوجها وعصته هو كان راضي
يمكن انه يحن عليها لانه يشتااق-ربي يسعدهم ويوفقهم ويسخره لهااا
والاخت تسال وتبي الراي
واكيد راح تحرص على حياتها وبيتهاا
S
SHREEFA
أخصائية اجتماعية
21-03-2010 | 01:06 AM
السلام عليكم
غاليتي .... انا لا اقول لك لا تتركين وظيفتج علشان زوجك ... لان ماكو رجل يستاهل او يستحق التضحيه الى هذه الدرجه
لا
اختي ... انتي في بداية حياتج الزوجيه ..
فكري في الموضوع
هل هو من العدل او .. من الواقع ان يعيش كل منكم في منطقه بعيده عن الاخرى

يعني اي زواج تتحدثين عنه ... لماذا لم تأجلوا فكرة الزواج حتى تنهين دراستج ... ؟؟؟

والآن تقولين الوظيفه افضل من الزواج والطلاق هو الحل

تعوذي من الشيطان

تكلمي مع زوجك ... وقولي له اللي كان اوله شرط اخره نور ... احنا اتفقنا قبل الزواج ان اكمل دراستي ... انتظر علي قليلا
حتى انهي المرحلة الدراسيه اللي انا فيها ... واذا السالفه مطوله وقفي قيدك على الاقل فتره معينه وارجعي كملي دراستج
فعلا ان الشهاده هي عز للمرأه في وقتنا الحالي ... ولكن لا اخسر حياتي الزوجيه ...

وبخصوص الوظيفه تستطيعين ان تغيرين مكان عملج وتشتغلين بنفس المنطقه اللي زوجك فيها ..
ولك حرية الاختيار ....

والله يسهل الامور


دمتم سالمين
اختكم شريفة
.
.. لوليـ ..
عروس ماسية
21-03-2010 | 03:08 AM


السـلام عليكم ..

حبيبتي اسمعي ..

سالفة الوضيف والدراسه هذي لكل وحده فينا وجهة نظر فيها يعني في بنات يشفوها ضروووريه وبنات لا لاي سبب من الاسباب ممكن يستغنو عنها بسهوله ..

لاكن في وضعك انتي كان شرط وهو وافق عليه وهذي الشغله كافيه في انه يكون لك كل الحق في اكمال دراستك ووضيفتك والا وافق بس عشان يتم الزواج ؟؟..

كلميه بهدوء صحيح شغلة البعد صعبه بس يتحمل مو مشكله لان لو كان هو بوضعك كان اتحملتي عشانه وكان نصحوك البنات اللي يقولولك اتركي دراستك ووضيفتك بانك تتحملين عشانه ..

قوليله ما ابغى نقاش بالموضوع مره ثانه لانه متعب نفسيتك غير تعب البعد عن بعض وهو موافق من البدايه وانتي شرطي لانو مو مستعده تتنازلي عن المسأله نهائيا ...

الله يكتبلك اللي فيه الخير يارب ..
ع
عيون دادي
عروس متألقة
21-03-2010 | 05:29 PM
الله بيسلمكم خواتي على ردودكم الحلوة
انا بسوي الي علي والله الهادي
بالنسبه لأختي جوجو انا ماارتكبت جريمه ولا هجرته حسستيني اني مذنبه اذا اهو مو موافق ولا رضى يتأجل الزواج لبعد مااخلص ياليت اذا عندك رد طيب قوليه وماله داعي تهاجميني وجزاك الله خير
m
moon_bride
عروس مشاركة
22-03-2010 | 12:15 PM
amouna85;11588395:
الحمد لله انك متفقة معي... أشوف ان كل البنات يشجعونها على التمسك بوظيفتها مقابل رضى زوجها و هذا غلط يعني عشان وظيفة أتخلى عن الناس اللي أحبهم؟؟؟؟ عندي ليكي سؤال، انتي تحبين زوجك كتير؟؟؟
الله يوفقك يا moon_bride و ييسر أمور زواجك و زواجي و أمور جميع المسلمين عاجلا و غير أجلا



العروس أمونة، السلام عليكم

أنا لست متزوجة بعد، أنا مخطوبة. أنا أحب خطيبي كثيرا كثيرا:032: و الحمد لله هو رجل صالح و بتوفيق من الله أتمنى أن اسعده و أن اكون زوجة صالحة:016: له يا رب آآآآآمين.
جازاك الله خير على الدعاء اللهم آآآمين و ييسر لك كل أمورك و زواجك و يفرح كل بنات المسلمين يا رب آآآمين.
m
moon_bride
عروس مشاركة
22-03-2010 | 12:19 PM
بنت القمر وأحلى قمر;11589199:
والله حبيبتي لو هو مو مقصر معاكي من ناحية المصاريف ويحبك ومو مقصر عليكي بشي خلاص اتنازلي عشانه وربي يعوضك خييير


لحديث الرسول صلى الله عليه وسلم: (لو كنت امرا احدا ان يسجد لاحد لامرت المرأة ان تسجد لزوجها لما له عليها من فضل .)


[COLOR=#3333ff]وحديث خير خلق الله صلى الله عليه وسلم:
[/COLOR]


[COLOR=#990000](إذا صلت المرأة خمسها وصامت شهرها وحفظت فرجها وأطاعت زوجها قيل لها ادخلي الجنة من أي أبواب الجنة شئت.)


[/COLOR]






يعني حبيبتي افرضي انتي عصيتي زوجك ورفضتي طلبه تتوقعي الله حيبارك لكي؟

او انك حتكوني سعيده باللي سويتيه عصيتي زوجك عشان الوظييفه؟


والله حبيبتي انا قداامك اموووت بشي اسمه دراااسه وشرطي كان الدراسه بس لما حسيت اني ماراح اوفق بين زوجي وبيتي وبنتي قلت الله يعووضني خيير ويكتبلي الاجر ويسعدني بحياتي ويرضا علي من جد احتسبت الاجر عند الله ووقت ماحيكون عندي وقت حكمل واذا ماقدرت ماحكمل اهم شي زوجي وبنتي وبيتي وانا انصحك نصيحة اخت انك ترضيه وراح تكبري بعيينه واذا حسيتي بتقصيره دوري على شغل واشتغلي اهم شي سويتي اللي عليكي والله يسهل عليكي حبيبتي


ومع احترامي للبنات اللي شجعوكي تكملي وتتوظفي شجعوها على الخير حبيباتي على رضا الله ثم رضا زوجها تخيلوا نفسكم بمكانها ماتوقع تخربوا بيوتكم عشان وظيييفه واختلاف الاراء لايفسد للود قضيه




تحياتي


مااااااااااا ششششاااااء الله,, ربنا يكملك بعقلك و يخلي لك زوجك و بنتك يا رب آآآمين.
ه
همس الياسمين
عروس مشاركة
22-03-2010 | 01:04 PM
لوكنتي معاه بنفس المكنطقة كنت أول المشجعين لج انج ما تتركين الوظيفة بس انتي بمكان وهو بمكان !! وي م بالاسبوع وايد صعبه على الريال ...


مو غريبة اذا فكر يخون ولا يتزوج !!
ا
ام زيوني
عروس مشرقة
22-03-2010 | 03:36 PM
والله مافي رجال بهدينا ينضمن لو يتأمن بي حبي الي اتشوفي صح سوي
ح
حكايه المطر
عروس فضية
22-03-2010 | 10:18 PM
اقووول ظل رااااجل ولا ظل حيطه
من زين الوظايف هالاياااام
الرجل الصالح ماينتعوض احفظي بيتك وزوجك بلاوظيفه بلاهم
مارح تنفعك الوظيفه مع لقب مطلقه
البنات عنسوا مالقوا رجاجيل وشلون المطلقات
المراه لا لقت الرجل الصالح تحب ايدها مقلوبه وتحافظ عليه
كوني له امه يكن لك عبدا ......
ماادري شلون تفكرون يابنات هذا الي خلى الطلاق يكثر بشده
مالرجاجيل لامه نسوان يتشرطون انقلبت الموازين........
اسمحي لي على قسوتي بس خايفه عليك تخسرين زوجك
عشان وهم اسمه وظيفه ووهم اسمه مستقبل
مستقبلك هو زوجك وبيتك وعيالك.....
X