كل ما تريدين معرفتة عن منتجات اوريفليم الجزء السابع شهر ربيع الثاني 1431

مكرووونة;11732304:
تسلميلى يا انوش

المفروض ان عيد ميلادى الشهر دا
هل ليا هدية فى اوريفلام و هى ايه ؟ و اقولهم لما اعمل اوردر ؟

الله يسلم قلبك ياقمر
وكل سنة وانتي طيبة عقبال 100 سنة سعادة :025:

هما اواخر 2009 كانو بيدو ماسكرا ومازالو لدلوقت بيدو ماسكرا
بس خدي بالك لازم تكوني مجمعة 50 نقطه من فاتورة واحدة وتقوليلهم عايزة ماسكرا كذا لان من حقك تختاريها ماعدا ماسكرا جيورداني
من رأيي اختاري المزدوجة حلوة وقيمة :094:

بج كالوج 5 وهم اوى وفى حاجات تحفه

بنااااااااااااااات عايزه اعرف الماسكرا اللى لونها احمر 19
وهى احلا ولا وندر لاش

بنات الشهر ده فى نوعين اقلام عيون الاتنين سعرهم الواحد 17 واحد فى صفحه التصفيات مكتوب عليه قلم مضىء للعينن والتانى اللى نازل اخر البروشور انهى واحد احسن

om euad;11733576:
بج كالوج 5 وهم اوى وفى حاجات تحفه

فعلا فيه حجات حلوة ماشاءالله
نورتي يا قمر :087:

bon bonaya;11734045:
بنااااااااااااااات عايزه اعرف الماسكرا اللى لونها احمر 19
وهى احلا ولا وندر لاش

بنات الشهر ده فى نوعين اقلام عيون الاتنين سعرهم الواحد 17 واحد فى صفحه التصفيات مكتوب عليه قلم مضىء للعينن والتانى اللى نازل اخر البروشور انهى واحد احسن

انا مش جربت الحمرا بس فرشتها شكلها مش لذيذة

بالنسبة للاقلام بتاع اخر البروشور هو دا الكحل الكريمي يا قمر بجد جميل التركواز والاخضر والاسود وعايزة اجرب البني والموف والرمادي ان شاءالله هجيبهم وعلى فكرة سعرهم وااااو مش بينزلو كده خالص دايما ب 24 ج

انما التاني المضيء دا مش جربتة :025:

ميااده2006;11725037:
بنات ده كتالوج شهر مايو ل 2010
اليه هيبتدى من يوم 1/5 ل 31/5
ودى نقلاها والاخت اليه مكتوب اسمها انا نقلاها منها











يتبع

قولولى يا بنات هو قلم الكحل ده حلو ولا لا؟؟؟؟
وبعدين صحبتى كانت قالتلى جربت واحد من اوريفلام شبهه قلم الروج وعجبها هو فيه من الشكل ده كذا نوع؟؟؟؟ ولا هو هيبقى ده؟


وياريت يا بنات لو فيه ماسكارا حلوه فى الكتالوج ده او بتاع شهر اربعه تقولولى عليها
؟؟؟؟

ربنا يكرمكم يارب ردوا عليه عشان عايزه اجيب كحل ضرورى

فين لو سمحتم يا جماعه برفانات ميد سمر الرجالي والحريمي منها انا عاوزه البدي سبراي ميد سمر الرجالي ضروري اصل خطيبي بيحبه اووي ومرسي علي البرمشن يا قمره وعلي مجهودك العروض حلوه اوي فييه

بنات عايزة اجيب كحل اسود من اورفليم وان شاء الله استقريت على الى ب17 بس ياريت حد معاه الكتالوج يجبلى الكود بتاعو بالظببببببببط وعايزة كمان كحل ملون ومضى ياريت ترشحولى حاجه حلوة وطريه والونها واضحه

مريم ءادم;11737041:
قولولى يا بنات هو قلم الكحل ده حلو ولا لا؟؟؟؟
وبعدين صحبتى كانت قالتلى جربت واحد من اوريفلام شبهه قلم الروج وعجبها هو فيه من الشكل ده كذا نوع؟؟؟؟ ولا هو هيبقى ده؟


وياريت يا بنات لو فيه ماسكارا حلوه فى الكتالوج ده او بتاع شهر اربعه تقولولى عليها
؟؟؟؟

ربنا يكرمكم يارب ردوا عليه عشان عايزه اجيب كحل ضرورى

انا مش جربته ياقمر للاسف في بنوته جربته وشكرت فيه بس انا بستخدم اقلام الكحل الكريمي اللي في الكتالوج الحالي في اخر صفحة

واه هو دا اللي زي قلم الروج كان بينزل نوعيه شبهه بالوان رمادي وابيض وزيتي :025:

D0Nya;11737834:
فين لو سمحتم يا جماعه برفانات ميد سمر الرجالي والحريمي منها انا عاوزه البدي سبراي ميد سمر الرجالي ضروري اصل خطيبي بيحبه اووي ومرسي علي البرمشن يا قمره وعلي مجهودك العروض حلوه اوي فييه

دنيا معلش تقصدي بايه هما فين يعني عايزة تشتريهم من مكان ولا ايه مش فهماكي :083:

at2ota;11742155:
بنات عايزة اجيب كحل اسود من اورفليم وان شاء الله استقريت على الى ب17 بس ياريت حد معاه الكتالوج يجبلى الكود بتاعو بالظببببببببط وعايزة كمان كحل ملون ومضى ياريت ترشحولى حاجه حلوة وطريه والونها واضحه

اجبهولك من عنيا الاسود : 10967
والكحل الملون منه يجنن خصوصا التركواز والاخضر
وعلى فكرة لو عايزة اضاءه حلوة استخدمي الايشادوهات الكريمي تحفة بجد مش هتلاقي منتج يديكي نتايج افضل منها :087:

أنوش;11732971:
الله يسلم قلبك ياقمر
وكل سنة وانتي طيبة عقبال 100 سنة سعادة :025:

هما اواخر 2009 كانو بيدو ماسكرا ومازالو لدلوقت بيدو ماسكرا
بس خدي بالك لازم تكوني مجمعة 50 نقطه من فاتورة واحدة وتقوليلهم عايزة ماسكرا كذا لان من حقك تختاريها ماعدا ماسكرا جيورداني
من رأيي اختاري المزدوجة حلوة وقيمة :094:

انوش و انتى طيبة يا عسلاية و سكراية :087::087::087::087:
طب لازم اعمل الفاتورة دى فى نفس يوم عيد ميلادى و لا اى يوم فى الشهر ؟

و قصدك بالمسكرا المزدوجة اللى هى الجديدة بتاعت اوريفلام الشهر دا ( ناحية طول و ناحية كثافة )
و لا اللى فيها ناحية ابيض كدا ؟

انا كنت بقول قلم يانوش عشان اعمل خط رفيع تحت العين ياترى الايشادو هيدينى الخط دة ولو اة فهستعمل اي فرشه عشان يدينى الخط دة

at2ota;11742691:
انا كنت بقول قلم يانوش عشان اعمل خط رفيع تحت العين ياترى الايشادو هيدينى الخط دة ولو اة فهستعمل اي فرشه عشان يدينى الخط دة

اااااه طبعا منا بعمل بيه خط رفيع فوق او تحت العين
تعرفي انا عندي فرشة ايشادو مشطوفه اللي هي حاده ومايله كده
اي لون ايشادو عاجبني ببل الفرشه دي وبستخدمه وبرسم بيه زي الايلاينر
خصوصا لو ايشادو كريمي اللون هيكون واضح اوي وجميل ولمعته تجنن ودي شكل الفرشة



وبوصي النتيجة بتكون زي فالصورة دي اللون الاخضر اللي فوق او الموف اللي تحت فالصورة التانية

طيب تمام اوى يانوشه ان شاء الله هجرب والنتيج ان شاء الله تبقى حلوة بس هو لازم ايشادو كريمى ولا ينفع البودر

at2ota;11742828:
طيب تمام اوى يانوشه ان شاء الله هجرب والنتيج ان شاء الله تبقى حلوة بس هو لازم ايشادو كريمى ولا ينفع البودر

الكريمي جي من اسمه عامل زي الكريم فا هيتفرد بسهوله بلس ان الوانه اوضح من البودر العادية
انما العادي هتحسي انه بهتان وسهتان كده ههههههه

انا عايزه اشتري كريم اساس اوريفيليم - انا بشرتي عاديه-مش جافه ومش دهنيه ولوني افتح من قمحي بدرجه بس مش عارفه ازاي ختار درجة اللون المناسبه ليا؟؟؟؟؟
وكمان ايه افضل نوع لبشرتي كريم الاساس السائل؟؟؟ ولا المتماسك (المط) شبه قلم الروج كده؟؟؟
معلش آخر سؤال من فضلكم هو ايه الفرق بين التونر والميلك ؟؟؟؟ وايه الاحسن في الاستخدام؟؟؟ وايه افضل نوع انتوا جربتوه من اوريفليم؟؟؟؟

آسفه على الازعاج بس انا بجد حيرانه ومافيش اجمد منك يساعدني يابنانيت:025::08:

nourelamar999;11745070:
انا عايزه اشتري كريم اساس اوريفيليم - انا بشرتي عاديه-مش جافه ومش دهنيه ولوني افتح من قمحي بدرجه بس مش عارفه ازاي ختار درجة اللون المناسبه ليا؟؟؟؟؟
وكمان ايه افضل نوع لبشرتي كريم الاساس السائل؟؟؟ ولا المتماسك (المط) شبه قلم الروج كده؟؟؟
معلش آخر سؤال من فضلكم هو ايه الفرق بين التونر والميلك ؟؟؟؟ وايه الاحسن في الاستخدام؟؟؟ وايه افضل نوع انتوا جربتوه من اوريفليم؟؟؟؟

آسفه على الازعاج بس انا بجد حيرانه ومافيش اجمد منك يساعدني يابنانيت:025::08:

اهلا بيكي ياقمر منورة
بوصي ياقمر بالنسبة لكريم الاساس بما ان بشرتك عادية يبقى هيناسبك جيورداني السائل والدرجة هي البورسلين لان دي اللي بتناسب الابيضين والقمحاويات وكلنا هنا بنستخدم نفس الدرجة وبتكون حلوة جدا معانا لان اساسات اوريفليم مش بتعتمد على اللون اوي اكتر من انها خفيفة وبتدي لوك ناتشورال

اما الفرق بين التونر والميلك هو
ان التونر سائل خفيف زي المايه بيناسب البشرة العادية والدهنية
انما الميلك دا بيكون كريمي اوي ومش بيناسب غير البشرة الجافة بس لانه مدهنن

احسن تونرات وغسولات وكريمات صبح وليل في اوريفليم هي من اوبتمالز تشتريها وانتي مغمضة وبما ان بشرتك عادية يبقى هاتي اوبتمالز البشرة العادية عشان تناسبك (:

بس كده انا خلصت ولو عندك اي سؤال تاني اسالي براحتك وان شاءالله هجاوبك باللي اقدر عليه ^_^

أنوش;11745552:
اهلا بيكي ياقمر منورة
بوصي ياقمر بالنسبة لكريم الاساس بما ان بشرتك عادية يبقى هيناسبك جيورداني السائل والدرجة هي البورسلين لان دي اللي بتناسب الابيضين والقمحاويات وكلنا هنا بنستخدم نفس الدرجة وبتكون حلوة جدا معانا لان اساسات اوريفليم مش بتعتمد على اللون اوي اكتر من انها خفيفة وبتدي لوك ناتشورال

اما الفرق بين التونر والميلك هو
ان التونر سائل خفيف زي المايه بيناسب البشرة العادية والدهنية
انما الميلك دا بيكون كريمي اوي ومش بيناسب غير البشرة الجافة بس لانه مدهنن

احسن تونرات وغسولات وكريمات صبح وليل في اوريفليم هي من اوبتمالز تشتريها وانتي مغمضة وبما ان بشرتك عادية يبقى هاتي اوبتمالز البشرة العادية عشان تناسبك (:

بس كده انا خلصت ولو عندك اي سؤال تاني اسالي براحتك وان شاءالله هجاوبك باللي اقدر عليه ^_^

جزاكي الله خير يا انوش ياجامده :025: مش قادره اقولك انا بستفيد اد ايه من مواضيعك للانها مش مجرد معلومات وخلاص انما بتفيدينا بنتيجة تجاربك وبصراحه جزاكي الله الف خير عنا جميعا:083:

معلش انا عارفه اني غلسه بس استحمليني شويه , انا جربت انواع تانيه من كريم الاساس السائل ده وبشرتي بقت دهنيه اوي ومكياجي بقى بيسيح وكانت مهزله.....مع ان مكياجي كله ثابت ومش بغير فيه كتير وبستخدم نفس الانواع بس من غير كريم الاساس السائل مكياجي استمر 12 ساعه ماشاء الله وكان زي الفل :013:...... ايه رايك بقى ياانوش؟؟؟ ايه الحل؟؟؟ ولا اجيب اوريفليم السائل ده وخلاص ولا ايه؟؟؟

nourelamar999;11745634:
جزاكي الله خير يا انوش ياجامده :025: مش قادره اقولك انا بستفيد اد ايه من مواضيعك للانها مش مجرد معلومات وخلاص انما بتفيدينا بنتيجة تجاربك وبصراحه جزاكي الله الف خير عنا جميعا:083:

معلش انا عارفه اني غلسه بس استحمليني شويه , انا جربت انواع تانيه من كريم الاساس السائل ده وبشرتي بقت دهنيه اوي ومكياجي بقى بيسيح وكانت مهزله.....مع ان مكياجي كله ثابت ومش بغير فيه كتير وبستخدم نفس الانواع بس من غير كريم الاساس السائل مكياجي استمر 12 ساعه ماشاء الله وكان زي الفل :013:...... ايه رايك بقى ياانوش؟؟؟ ايه الحل؟؟؟ ولا اجيب اوريفليم السائل ده وخلاص ولا ايه؟؟؟

ربنا يخليكي ياقمر كلك ذوق واسالي براحتك عاتي (:
هقولك حاجة
احنا بئالنا كام سنة في مصر الصيف عندنا جامد جدا
هتلاقي كل انواع البشرة بتقلب على دهنية وبتطلع زيوت في الصيف اكيد بنسب متفاوته بس مهما كان نوعها فا مع الحر والرطوبة العالية هتدهنن واي كريم هيسيح معاكي
وعشان كده مينفعش ابدا تحطي كريم اساس بدون بودره فوقيه لو مش بتحبي يبان اللوك بتاعك رسمي يبقى استخدمي اللوس بودر هي بتكون شبه شفافه وبودره مفتته مهمتها انها بتقفل اللمعان وبتخلي كريم الاساس متماسك ومش يسيح مع الحر
وانا كنت استخدمت الصيف اللي فات لوس بودر من اوريفليم اسمها اير سوفت وهي درجتها كلير شفافة ملهاش لون كانت كويسة معايا وبتقفل اللمعان ومش بتدي لوك اوفر خالص شكلها اكنها مش موجوده مجرد بس بتساعد ان كريم الاساس يفضل موجود عالبشرة فترة اطول
وبما ان نوعية بشرتك اصلا عادية هتناسبك جدا وهتدوم معاكي فترة اطول

عارفة لو بشرتك اساسا نوعيتها دهنية كنت قلتلك لا مش تجيبي كريم اساس سائل بس فعلا في الصيف امر طبيعي المكياج يسيح مع كل انواع البشرة

أنوش;11742565:
انا مش جربته ياقمر للاسف في بنوته جربته وشكرت فيه بس انا بستخدم اقلام الكحل الكريمي اللي في الكتالوج الحالي في اخر صفحة

واه هو دا اللي زي قلم الروج كان بينزل نوعيه شبهه بالوان رمادي وابيض وزيتي :025:

متشكره قوى يا انوش على الرد يا جميل ربنا يكرمك يارب
معلش اكديى تانى عشان انا مربيه جحش جوه دماغى:037: يعنى الكحل ده الى شبهه الروج مافيش منه غير نوع واحد وده الى كان نازل فى مارس ب 34 جنيه صح؟؟؟؟ اصلهم وصفينوا فى الكتالوجين وصف مختلف فى مارس كاتبين كحل وفى مايو كاتبين محدد عين ومش مراعيين الناس الزيكو زيكو الى زيى فعشان كده حسيت ان محتاجه اخد درس خصوصى فى الكتالوج عندك وتشرحيلى:03:

سؤال كمان يا انوش معلش مقلتليش نوع ماسكرا حلو اجيبها من شهر ابريل او مايو؟؟؟؟

مريم ءادم;11745871:
متشكره قوى يا انوش على الرد يا جميل ربنا يكرمك يارب
معلش اكديى تانى عشان انا مربيه جحش جوه دماغى:037: يعنى الكحل ده الى شبهه الروج مافيش منه غير نوع واحد وده الى كان نازل فى مارس ب 34 جنيه صح؟؟؟؟ اصلهم وصفينوا فى الكتالوجين وصف مختلف فى مارس كاتبين كحل وفى مايو كاتبين محدد عين ومش مراعيين الناس الزيكو زيكو الى زيى فعشان كده حسيت ان محتاجه اخد درس خصوصى فى الكتالوج عندك وتشرحيلى:03:

سؤال كمان يا انوش معلش مقلتليش نوع ماسكرا حلو اجيبها من شهر ابريل او مايو؟؟؟؟

ههههههههههههههههه
اسالي على راحتك ياقمر
واه والله مفيش اقلام كحل على شكل روج غير النوعية دي وهما دايما يسموها اما كحل او محدد
حتى اقلام الكحل الكريمي اللي بتتبرى بردو بيقولو عليها محدد وكنت خايفة اجيبها زيك كده خفت احطها جوا العين مش تبان بس طلعت اقلام كحل عادية بتتحط جوا او برا العين ولونها واضح وجميلة ماشاءالله
ودا شكل الكحل الكاجال اللي كان بينزل بس هو خلاص مش بئه بينزل منه غير الاسود



بالنسبة للماسكرات اكيد مفيش افضل ولا احسن من ماسكرا جيورداني جولد vip مكثفة وبتخلي الرموش زي المروحة ههههه وكمان عرضها لذيذ في بروشور مايو

أنوش;11742565:
دنيا معلش تقصدي بايه هما فين يعني عايزة تشتريهم من مكان ولا ايه مش فهماكيsrc="images/small_smiles/087.gif" border="0" alt="" title="087" smilieid="381" class="inlineimg" />

اصل انا مش شايفاهم في برمشن 5 ؟؟؟؟؟؟