.. || تجهيزات عرائس ( ليبيا ) لشهر ربيع الثاني 1431 - 2010 م / الجزء = 9 || ..

بيسا;11601348:
والله مزال انشالله نهاية الشهر

وانا تقريبا كملة حاجاتى مزال منشر الغسيل -بخارة-طنجرةالكسكسو(على اساس طباخة)
ونبى نشرى فترينا-وفرن- وغسالة صحون القيتهاغالية نوعيةممتازةب600دينار.
سؤال المخالفة شنو كملتى وشنو مزال؟؟

توا يابيسو ماتقهرنيش بالله عليك تشري غسالة صحون بهادا السعر وهي لاتنظف لاشي :060::060:والله مرة امشيت لحوش خالي بناخد طاسة نشرب فيها لقيتها صنتها زي الجيفة في هاديكا الغسالة والله ماخير من غسيلنا بيدياتنا لوحي عليك ووفري فلوسك سلم اوخيتي

رموسة الحلوه;11597733:
عروس ليبيا .... تبيدى حاجاتك اللى خذيتها بالهناء والسعاده يارب :016:

رموسة الحلوة تسلمي يارب الله يبارك فيك مشكوووورة

طرابلسية لسرتاوي;11597866:
عروس ليبيا ربي يهنيك ومبركات مسعودات وان شاء الله بالزياده ياااااااااااااارب

طرابلسية لسرتاوي الله يحميك ويبارك فيك والعقبه ليك تشري وتبيدي بالهناااااااااااااء.

عروسة ليبيا;11597897:

عروس ليبيا

مشااااااااااااااء الله تبارك الله علا عروستنا ايو هكي اتمتعي بي كل لحظه

العفو وبلا جميل حبيبتي وووومشاء الله علا عقلك

ربي يتمم بخيررر ايوا هكي نبو الحماااااااااااااااااااااس تفائلي بالخير تلقيه حبيبتي تبيدي حاجاتك السمحه بالهناء

وعجبني الروب الاحمر الي معاه ديشمبر لانه شتوي

انا زمان نتعب بش نحصل شيء شتوي وحلو وفيه شوي دلع

ربي معاااااااااااااااااااكي

عروسة الغااااليه سلمك ياااااااااحنه الله يحميك ونسمع خبر حملك في اقرب وقت

الحمد لله خليتها على الله وبديت نجهز وان شاء الله كل الامور تمشي بخير بفضل دعائكن ليا ياسمحات

توا نصورك الديشمبر الاحمر نسهفك عليه ههههههههههه.

روح الوليد;11597963:




عروس ليبيا


الف الف الف مبروك ماشريتي وتلبسية بااعافية يارب . بس شن رايك تصوريه لنا لانك سهفتينا انشوفوا . وسؤال معليش شني يعني دي شامبر .

روح الوليد لعينكن حاضرين مع اني كنت مانبيش نصور شيء الوقت زر عليا ولغايه في نفسي كنت نبيه مرة وحده لكن ولا يهمك حنصوره والديشمر هو الروب الخارجي يا حلوة .

نرجس الشرق;11600455:
مبروكة حاجتك يا عروس ليبيا اتبيديها بالهناء

نرجوووووووسة السموحه نورتي والله يسلمك ويبارك في عمرك يا رب

امورة خطيبي;11600724:


عروس ليبيا مبروكات مسعودات وتبيديهم بالهني يارب..

امورة خطيبي الله يسلمك ويبارك فيك يا حلوة وتشري وتبيدي حتى انتي .

هونيده;11600748:

مبروكة حاجتك يا عروس ليبيا اتبيديهن بالهناء والسعادة

بيكاتشو;11601027:
عروس ليبيا مبروك عليك

بيكاتشو;11601027:

وربى يتمم على خير

والله مزال انشالله نهاية الشهر

وانا تقريبا كملة حاجاتى مزال منشر الغسيل -بخارة-طنجرةالكسكسو(على اساس طباخة)
ونبى نشرى فترينا-وفرن- وغسالة صحون القيتهاغالية نوعيةممتازةب600دينار.
سؤال المخالفة شنو كملتى وشنو مزال؟؟

ماشاء الله عليك يابيسو نبو قايمة عاد بعد لاتكملي عشان تسهلي علينا . ربي يتمم عليك يارب .
ايمعي تبي الكسكاس ستيل لو تبيه ستيل ارفعى معاك مغناطيس للسوق ولازم تختبريه بيه يعني لو جذب المغناطيس الطنجرة معناها فيه نسبة كبيرة من الحديد ومعناها هدا نوعية مش كويسة .
وباالنسبة لغسالة المواعين راهي مش مهمة وفعلا يفيدوك فلوسها في شي تانى خيرلك بالف مرة . انا اختى شاريتها و وليها سنتين متزوجة ويتعدوا عاالاصابع المرات اللى استخدمتها فيهم يعني لما يجيها ضيوف وجو عزومات وبس .

امس مشيت لبهجة المنازل لقيت عنده اباجورات كريستال اتهبل بس لون القماش ابيض و القيت اباجورات تانيات ايهبلن حتي هن بس القماش لونه قهوي حسيت دين ما يمشنش مع دار نومي و رغاني لانه القهوي حيظلم الدار و الابيض مش عارفه لانه الورغان سكري و المفارش حتي هن

*****نبي نصيحة******...

اصبري يانرجس بلكي تلقي عاالسكري .

Ghado;11602277:

بنياتي ..

كيف حالكم .. ان شاء الله بخير ..

و الله اليومين الي فاتوا جايتني حالة كابة ..
روقي ياحلو وليش الكابة غير روقي علينا عاد

عندي فلوس و محصلتش وقت نطلع نطربقهم :094: .. نبي 100 حاجة و حاجة و محصلتش وقت بكل نروح من العمل هلكاااانة
و العشية تحسيها مهناكش
والله مش عارفة كيف بندير تعب يا ناس.
ديري زي اختى يوم السبت تنوض بكري وتدور في الحوش وتطيب الغدا لان حتى راجلها اجارزة السبت .. وتحط بنتها في كرسيها في سيارتها وتاخد الكروسة مع ماكلتها وشرابهاطبعا وتنطلق من سوق لسوق يعني من بعد الظهر لعند امتا ماتكمل
:03: .

بيسو: كيف حالك حبوبتي .. سلمك نشادة نجيهالي يا ربي و نشوفك عريسة ان شاء الله:087:

عرس حماتي تأجل خطيبها صارتله حالة وفاة في عيلته ..
نستونوا في أمه بتجي الاسبوع الجاي باش نتفاهموا عالتفاصيل

لكن عندي عرس بنت خال راجلي 20 / 04 .. و العيلة كلهم توتيله .. و حمواتي كلهم ينقرزوا على راسي يبوني نصدر و نلبس قفطان كبير و دنيا و عالم حايس..

ايه واللله صح الصدرة حلوة راهوا ابتطلعي روعة وخاصة انك مش متعودة ايشوفوك بيها حتطلعي طلقة ... وخصوصا انك في عرس حماتك بتحوسي ومش حتقدري اتصدري لو بتحملك مسؤلبه . وفيها جو راهوا الصدرة . اختاري مزينة زمنية تحزم تحزيمة سمحة وتعرف كيف تنحط الحاجات ومكياج صدرات والحنة ردي بالك تنسي لان الصدرة تبي حنتها.والدهيبات عاد وووووووواو حلوة الصدرة ياغويدة راه زيدي فكري .
وبس
:025:
هادي اخر الأخبار

يا عرايس يا حلوات كل سنة و كل امهاتكم بصحة و الف خير و انشاء الله يا رب نكونوا امهات صالحات في المستقبل

حابة نعرف رايكم في هديتي لماما و هديتي لام خطيبي انشاء الله يعجبوكم

هذي تعليقة و سلسلة من عريبي لمامتي ربي يحفظهالي انشاء الله



و هذي شنطة بوشاحها من ياسمين الشرق لأم الغالي

عروس ليبيا الف شكر ليك و انشاء الله كل سنة و امك بصحة و عافية و ربي يحفظهالك

خيييييرا ياحلوات

اسمعو نبي نسال سؤال بايخ
اني شفاشيفي زي ماعارفين زي العرجون وتوا زعمينتا امدايرة جدول حمام زيت ومعاش نبي انسشور ولا اندير اي حاجة لعرسي وعندي عرس صاحبتي عادي كان لبست باروكة مايضحكوش عليا الناس ماهو اني عندي وحدة

وانا خديت لام الصلوعي بودرة وبودي لوش انشانتر وتورتة لفيتهم بتول موف مرشوش وربطن فيوكة فضية

ياسر حتى هيا بتصك حديد بـ 700 دينار في العرس عشرة تنطح عشرة دفعتهم واني فرحاااااااااااااااااااانة

دايموند مبرك على اميمتك ربي يخلهالك حلوة التعليقة اتغول
بالله كم كلفاتك التعليقة

دايموند
مشاء الله حاجاتك حلوه
ربي يطولك في اعمارهم وكل سنه وماما و ام الغالي بخير

عروس ليبيا
مبروك عليك ما شريتي
وربي يهنيك

بنسبه سؤل باروكة مش عارفه حتي اني مره خذيت واحده ماقدرت نلبسها نهائ هههههههههههه

اني نقولك لو استشورا يوم واحد مش ها يتاثر

وبعدين بنقولك ع كريم فاطمه بصبار لونها اخضر نستعمل فيها
كل بعد دش ندهن شعري وندهن بي كميه كبيره من يوم23في شهر واحد
حسيت شعرتي صااارت رطبه
لكن مزالت فيها حكايه لفه
اني امس درت دوش وقلت بنستشورا
مش مديره كريمه لانه بتخليه مزيت

واني لي حسيته هو نعومه وللمعه

واني كنت ديمه نستعمل حمام زيوت بس كريم فاطمه حسيت بفرق بسرعه

غولة يا عسل و حياة حلوة شكرا ليكم و ربي يحفظلكم امهاتكم
تعرفي غولة بالنسبة للباروكة و الله اني درتها قبل بياني عندي محضر و ما نبيش نسشور بس خوديها نوعية كويسة يعني شعر طبيعي و الله درت معاها مكياج بسيط و طلعت تحفة و نيو لوك و انتي يا بنت من لسانك العسل واضح انك ضاربتها ايزي و واثقة في روحك فديريها يا سمحة و لا يهمك

غولة;11603871:
دايموند مبرك على اميمتك ربي يخلهالك حلوة التعليقة اتغول
بالله كم كلفاتك التعليقة

سامحيني يا غولة نسيت نرد على سؤالك التعليقة بدون سلسلة 455 د.ل من عريبي

اولا مبروك يادياموند التعليقه تهبل وممكن تقوليلى وين يجى محل العريبي
غولتنا ايااااااااااااااااااااااك واياااااااااااااااااااااااك الباروكه اولا حرااااااااااااااااااااااااااااااااام
قال رسول الله صل الله عليه وسلم(لعن الله الواصلة والمستوصله)
ومن غير حتى حرام اخى بالله عليك خليك بشعيراتك العاديات وبعد ماتروحى ديريله زبده او زيت والله جربي الزبده تو تمشى معاك وترطبهولك

الكل يعيط نعومي غاااااااااالي اسعاره نااااااااااار قلت يا بنت يا دايموند بري ديري طلة مشيت اليوم و الله على اساس مش شارية بس جولة تفقدية عجبتني هلبة

حاجات و اسعاره معقولة يعني زي باقي محلات اللانجري خديت بس اندرويرات قطنية عملية لان كل اللي واخدتهم لبتاتي ركام و تانغو و حركات



كيس نعومي فيه 7 اندرويرات مكتوب على كل واحد يوم من ايام الاسبوع سعرهم 19 د.ل يعني معقول

حلوات يادياموند وان شاء الله بالزياده صح رخيص وفيهم لقطه حلوة متع الايامات هما العاديات القطعه ب2 ونص وموفقه

طرابلسية لسرتاوي;11604436:
اولا مبروك يادياموند التعليقه تهبل وممكن تقوليلى وين يجى محل العريبي
غولتنا ايااااااااااااااااااااااك واياااااااااااااااااااااااك الباروكه اولا حرااااااااااااااااااااااااااااااااام
قال رسول الله صل الله عليه وسلم(لعن الله الواصلة والمستوصله)
ومن غير حتى حرام اخى بالله عليك خليك بشعيراتك العاديات وبعد ماتروحى ديريله زبده او زيت والله جربي الزبده تو تمشى معاك وترطبهولك

شكرا يا سمحة عريبي يجي في شارع بن عاشور الرئيسي و انتي جاية من ميدان القادسية على ايدك اليمين بحدى بن نصير

اهاااااااااا ايه ايه تذكرته توا بارك الله فيك يااحلى دياموند