.. || تجهيزات عرائس ( ليبيا ) لشهر ربيع الثاني 1431 - 2010 م / الجزء = 9 || ..

جوهرة2010;11760239:
السلام عليكم ورحمة الله وبركاته

بنغازية اني من سبها واي استفسار عن اي حاجة تفضلي
عروسة سامحيني ديما مغلبينك معانا روب الصباحية ايش اللون اللي نختاره و شكله كيف و اي عروسه شراته يا ريت تحط صورته

ننس وينك عندي هلبة اسئلة

عروسة ليبيا;11656126:

من بحثى وتجميعي من مواقع عديده

حبوباتي

حياه حلوة روح الوليد وكل عروس ف طريق

حبيت نحط تدرج لي قمصان النوم بالتدريج يعني هوا راي ونقطه ف بحر كل حد عارف روحه شن يحب وشن يعجبه في سره

السوق الليبي مرات اطلعن منه حاجات زي هكي وف حاجات احلا

والاسعار معقوله

انا نصيحتي ليكم من تجربتي

ركزن علا ستان والخامات الي لما تلموسها ناااااااعمه

وووالاحلا انو الستان ساتر هلبا مناطق ويوحي بان المخبي ااحلا

هههه يعني لان الوحده اول ما تتزوج جمسها ينحل ويزيد مهما حاولت

ف تغيرات تجي فيه لازم يتنفخ شوي وف الي عندها خطوط بيضا او عيوب معينه

الستان الحلو فيه يغطي الشين ويطلع الزين

نصيحتي الاخرى

نوعن ف الالوان والاطوال

يعني غالبا نبدو اول ليالي ب الكلاسيك ولوك ناعم زي الاميرات

وبعدها ممكن الطول يبدا قصير او طويل فيه فتحات

وبعدها يجي الحاجات القصيره والمثيره

بنقولكم معلومه علا قصاد ما يحكو الخطاب علا لبس الجرئي علا قد بعد لو قعد ديما ديما يبدا ممل ومش مثير

يعني الوحده تعرف امتي تلبس وماتخليش لحمتها تبرد تبدا ديما سحتوته ويصير تعود عليها كيف لابسه كيف مش لابسه

يلا نخليكم مع الصور والله من بكري وااااااانا نلف ف القوقل والمنتديات صعب نلاقا صور اروب ولانجري مش عرينات

بنحكي علا الاورب فقط يعني متاع الجو واللحظات الحميمه
في بالاضافه لي هادو لبس البيت القطني من قفاطين قطن كيوت ولا شورتات وتنورات قصيره والجو هذكا

اروب الدخله اول مرحله ف الزواج مثلا زي الاتي

روب كلاسيك لصباحيه

يفضل يكون محشوم مش متعري هلبا ويكون ناعم

حبذا من الالوان الهاديه الرقيقه وردي سماوي موف اخضر هادي فستقى

الاحمر ما تستعجلوش عليه يعني مش اول خمس ايام تعطو كل الحركات وتلبسن اكثر لون مثير

خلو مثلا بعد سبوع من زاوج لان الراجل يبدا علا نار امتى يشوف عروس باللون المفضل لرجاله

خلوه 7 يوم او 10 يوم ليكم وتكون ليله مميزه بمناسبه مرور 7 او 10 ايام علا زواجكم

بيجايم ====2 بيجامتين بنطلون كويسات

في ف ليبيا يا روح ويا حياه حلوة معاها زي الروب قصير

وفي الي بطم من قدام حتى هيا حلوووووووة مع الرجاله ههههههه

يعني زوز بيجامات تمام بس خوذوهن فيها الاوسسسسسسسسع نصيحتي

اروب قصيره منوعه

الوردي ناعم====روب واحد وردي

اغلب الرجاله الليبين بشهاااااااااااااااده صحابتيي وقريباتي وحتى اختى يحبو رجلتهم جو الورد الرقيق ف الارواب او رسمات ناعمه

او روب من قدام قصير ومن تالي طوووويل

الروب الاحمر لا غنى عنه علا الاقل زوز يعني وواحد قصير

واحد طويل زي الي فات لي الفتره الاولى وواحد قصير مثير بعد تسكرو شهر يكون عندكم مناسبه اولى تحتلفو بيها وممكن العروس ادير شموع وكيكه حلوة وجوووو تخص بيهم غاليها هدكا اليوم

اخ الجاي عاااجبني موت لدرجه نفكر نخيط زيه بذات ف رقص يجننننننننن

واحد تايقر ===== جو شريخااااااان اووو رررهيب بجديات

بذات مع يرغان تايقر

تركواز محلاه ينور وعليه رسمه عين تركواز

بيجامات شرتات ستان حلوات يعني قطعتين =2 منهم تمام

بس راهو متاعات الشرت والبنطونات

خدوهم واسعاااااااااات لان جسمك ينتفخ لو حتى مش سمن ف نفخه تجي للعرس ناتجه عن الزواج

تحس دبشها يتشحط عليهااااااااااااا

امممم عموما هادو عينه للعرايس الجدد يعني تقريب لصورة

ملاحظه

راعي وانتي تشري ف لبس النوم انه مش زي لبس طلعه ومش لازم تاخذي كله بنظرتك انتي ف لبسك التاني

يعني لا مورد منقرش ولا لمعه ولا ترتر ولا حركات

لالالالالالالالالا هدا لراجل الرجل بطبعه يميل للبريق والحاجه الي فيه حركه والالوان

وماتنسوش تنوعن

انا نسيت روحي زمان نشري نشري ولما جيت نشوفه طلع كله متشابه لانه بي نفس الذوق

وووووالله راجله يملو لما يكون كله نفس جوووووو

مش كان قال نحب القصير نخلوووووووووووووووه كله قصير

يعني لازم من التنويع ومرات نرجعو للمحشوم والمستور بش جماعه يشتاقو للقصير والمكشوف

====================================

دعوااااااااااااااااااااااااااااتكم ليا =====دهشتوني

عروسة ليبيا;11674185:

الارواب

اولا متاع الدخله ابيض سكري كريمي === حسب الذوق

تانيا صباحيه نرشح نمبر ون الوردي او البنك

تانيا السماوي او الموف

طبعا الدرجات الهاديه والالوان الحالمه

يعني روب صباحيه بعدها لو مش طالعت العشيه ممكن قفطان قصير جو علا ركبه ومعاه اكسسورات سلاسل وخرسات = حلق كبير وجو خلخال

ولو طلعتو ورجعتو والجو ليل البسي روب طويل ناعم

وهك المعتاد النواعم والكلاسيك والجرئه مش من الاول

الاورواب الطوال عدد خمسه = 4 غير روب دخله

مجموع==== 5====
تنوعن بيها مع القصار

وبالاكيد مش معنى طوال انهم اول مده بس او انهم مافيهم اغراء

نووو بالعكس حلوات

وووفي طويل صدره مشبك او طويل وفي فتحه

او طويل ظهره عريان

يعني الاهم مش العدد الاهم انهم يختلفن عن بعض من حيت اللون والموديل والقصه

اما القماش اكثررو من ناعم الملمس

انا كان عندي كم واحد عادي طوال رفعت درولهم فتحات ف الخياط

وجوووو حلوااااااااااااات

ولازم تنوعن ماهوش كله قصير

الارواب القصار

الي مش كلاسيك يعني تبدو فيهم بعد الطوال الاول والجرئه ف لبس ليل تبدا تدرجي من الاستر لي الاجرئ

نقولو 10 وكل حد حسب ما يقدر
نحس عشره رقم مقبول

وراهو تلقو رخاص ومتوفرات يعني

ف حاجات بي 10 15 20 25

ووقنينااااااااااااااات جدا

وف ستان خفيف ف غوط شعال ب 5 وف محلات شارع 10 غوط شعال وصلات جنزور

والله زمان اختى حصلته منهم تايقر وخامه حلووو ب 5

وبدلت الشورت ب 4 ونص و كااانت خامات حلوة حلوة

يعني راهو الرجاله والله والله ما يلاحظو هادي ماركه ولا يركزو

ولان الاوراب يبو تنويع وتبديل

لما يكون بسعر كويس يعني تقدرو تاخذو كميه قنينه

======================

منور او مورد خخخخ ف رسم يعني ولون زاهي

هادا يبان قماش

ستان

اممم وهادا البنك لناس الي يحبو ويناسبهم

مرات تقابلكم حويجه قنينه وفيها بريق ولا جو لمعه مش تقولو شعبوطه ويخ يع وزغد

لالالالا الرجل كائن بصري يعشق البريق والامور اهيا تلفته ف الاوقات الحميمه

شوفو شن يقابلكم منهم ويجي عليكم ستان ولا القماش

المهم يتماشى مع جسمكم ولون بشرتكم

واااااااااكيد القالب غالب

بس من اروع الالوان الي تطلع ف ستان تجنن الوردي والاحمر والنبيتي او دم غزال تقولوه

========================

ملك الالوان

الاسود ممكن يكون فيه جهات شفافه

احلا لون ف شفاف او المشبك
هوا الاسووووووووود

تقدرو تاخذو 2 اسود علا طويل ولاقصير

او 2 علا الاحمر طويل وقصير لانهم لونين مطلوبات بقوووة

تايقر ===== جو شريخان مثير راهو

الاوب القصار منوعه الاطول والموديل والالوان

حاولو تكون مختلفه عن بعض ف الموديل

اضافه

في حاجات جو جرئه ومشبكات او زي الميوهات او

عفريته مشبكه زي شخشير لحمي علا جسم كله

و لانجرى تنكرى والحاجات اهيا لا تتعدى كم طرف

لانها مش كل راجل يتبقلها ومش كل راجل يحب يشوف مرته بالجرئه الصراخه مهما كان جرئي ف كلامه وهو خطبها

ف حاجات لانجري الي يشوفو فيها شباب ف افلام === ..........

انا متلا راجل اختى ينرفزززز منها مرا كشخ وقللها نحي لبس ........

وف رجاله حبوه بس لان الجو اهو مش والوحد عروس ومش من اول شهرين

يديرو فيه لما يسرب الروتين والرتابه

عشان هكي ماتكتروش عن قطعتين او 3 من الحاجات الجريئه جداا

0k

فا حتى الي تاخذ تنكري تحاول يكون كيوت وومناسب جسمها

=========================

امممم ويارب يفيدكم الكلام وووالارقام كل وحده حسب ما تقدر ووالله حاولت تكون حاجه مقبوله

وزي ما خبرتكم خلوها اسعار قنينه بذات ف جو القصار لانهم متوفرات ف محلات رخاص

سواسو;11760689:
السلام عليكم بنات شني الجو
انا صديقتكم الجديده