.. || تجهيزات عرائس ( ليبيا ) لشهر ربيع الثاني 1431 - 2010 م / الجزء = 9 || ..

هلا بيسا السمحه ليك وحشه ان شاء الله بخير

لالالا خلطة تبيض امتاع بودرة بيبي جونسن وميه ورد

حبوبة ماتشغليش بالك واجد انتي عارفه في ناس حتي من التفكير تسمن

مش العكس وفي اكيده العكس لكن انتي حاولي اديري كنترول يعني لما تجوعي

اشربي ميه واجد واقعدي قولي حي عليا الفيلو لو ناكل حنسمن ومعش يسكر

ممكن هذا حافز يخليك تفطني زتقللي من وكالك مش تقطعي روحك لالالا

قللي بس وفي عروستنا قالت ع رجيم النقاط اساليها عليه انا مانعرفيش

وان شاء الله خير

هونيده;11737485:

بيسا عليك وعلي كوب ماء مغلي +ملعقة كبيرة كمون حوت+ شريحة ليم في الليل قبل لاترقدي ديريهن

ولم اتنوضي في الصباح حركية واشربية كله وكولي الليم وماتاكليش الا بعد ساعة وشوفي جسمك واظبي عليها يوما

يعمل انسداد في الشهية وينقص عن تجربة شخصيه في اسبوع اتشوفي النتيجة

ياناعلى ياهونيدة ربى يعطينى العزم انشالله حنبدا فيها من بكرة

اهلين بيك يا بيسا وينك انا متابعة اغلب بتاتك تفرجت عليه بس الباقي ما طقيتش فيه حتى صاحباتي معايا في العمل تفرجن بس الفيلو مشفتاش انتي نزلتيه والا لا وبالنسبة لنرجوسة راهو المواد الكهربائية مانبيهنش صفر نبيهن مولينيكس عادي لانه هو اصلا لونه ابيض وفي الكتيبة بالاصفر و اللي تلقى اي حاجة من بنات بنغازي تلقى حاجة امتاع مطبخ باللون الأصفر اتقولي علي مكانها خاطري حتى في الادوات الصغار اللي هن الفتاحة واللي اتقص في البيتزا والاكسسوارات امتاعات المطبخ نبيهن صفر كان نلقى لان اللي لقيتهن اغلبهن سود في محل جوهرة بنغازي واسفة عالقصقصة يا بيسا :02:

سويلي;11737642:
اهلين بيك يا بيسا وينك انا متابعة اغلب بتاتك تفرجت عليه بس الباقي ما طقيتش فيه حتى صاحباتي معايا في العمل تفرجن بس الفيلو مشفتاش انتي نزلتيه والا لا وبالنسبة لنرجوسة راهو المواد الكهربائية مانبيهنش صفر نبيهن مولينيكس عادي لانه هو اصلا لونه ابيض وفي الكتيبة بالاصفر و اللي تلقى اي حاجة من بنات بنغازي تلقى حاجة امتاع مطبخ باللون الأصفر اتقولي علي مكانها خاطري حتى في الادوات الصغار اللي هن الفتاحة واللي اتقص في البيتزا والاكسسوارات امتاعات المطبخ نبيهن صفر كان نلقى لان اللي لقيتهن اغلبهن سود في محل جوهرة بنغازي واسفة عالقصقصة يا بيسا :02:

اه حطيت صورتة الفيلو بس مش مذكرة فى اين جزء وعيونك انتى وصحباتك الى حلوات ياسمحة

حبوبة عندك الغول الي في البسي في سيت كامل

امتاع ادوات ولونة اصفر انا شاريه منه بس مش اصفر ومنزله صورته

هنا في التجهزات شوفيه توه تلقي

وعندك في الببسي الاوجلي الي جنب مواد الغذائية امتاع الصلهاب

عنده كم حاجه بالاصفر عجبني مري عليهم ان شاء الله نكون افدتك حتي اشويا

تسلمي يا بيسا :087:

شكرا بارك الله فيك يا قدور ان شاء الله حنمر عليهم بس طلب اخر قصقصة مرة اخرى سامحني جايتكم وحدة قصقاصة بكل ممكن اتوريني الحاجات اللي نزلتيهن انا مشفتهنش وبعدين قولنلي كيف انزل الصور من جهازي عالمنتدى

بيسا راهو حتي السواقة تلعب دور
خودي مني البرنامج هضا :::
امشي ع طريق البط من نص ساعة لساعة في اليوم خاصة بعد المغرب و لما تروحي ما تاكليش الا سلاطة وزباي او خودي كبية حليب بالشاهي تصكر نيتك طول

بلاك اند ديكر الي في المنزلية في المجمع التجاري عنده الاصفر بس راهو ب 65 طقم الساقم والمغارف

ايوه هذا الي نحكي عليه يانرجوسه انا واخذه كامل اثنين

توه نرد نحطهم ندورهم بس

وعسول راهو مانعرفيش نشرحلك كيف تنزلي الصوؤة

الحق ماركه روعة هذي واخذه حاجاتي منها

وتلقي حاجات المطبخ ع الاصفر بس يعتبر غالي

بما انها ماركة ومقارنة بالحاجات الثانية

انتي امشي شوفي وربي يتمم عليك بالخير

قدرك كبير بقلبي;11737939:




الحق ماركه روعة هذي واخذه حاجاتي منها

وتلقي حاجات المطبخ ع الاصفر بس يعتبر غالي

بما انها ماركة ومقارنة بالحاجات الثانية

انتي امشي شوفي وربي يتمم عليك بالخير

ايوه نفس هدين بالضبط في منهن

اممم مش عارفه المحل الي انتي تحكي عليه وين

بس انا نحكي من الي خذيته منه في في صالة زكريا وفي الي في

الببسي الي انا حكيت عليه هذوما فيهم الوان

شنو صار خلاص تمتي حاجاتك كلهم

بيسا;11737275:
صباح الخيرات على حلوات
عروسة ليبيا متزعليش روحك ...هضاك اليوم كنت ماشية لدكتور جلدية وقمعزة نستنى فى غرة الاستقبال ابتاع الوليات ياحنة والصباييا كلهن ايهدرزن ان معنديش عيال اناحملة بعد كم سنة انا وانا المهم كلهم يشكرو فى البردقوش وفيه وحدات قالن محملنة الة بعد مخديناه ومنهم عريسات اصغار الى لها سنة والى لها اقل المهم قصقصة على الطريقة وهى انك تاخدى لبردقوش الخضر وتطبخى وتشربى والباقى على رب العالمين
وانشالله ربى يجبر بخاطرك قريب
سويلى مرحبتين انستينة ونورتينة
روحو ودايمون مشالله حاجتكم حلوة بكل بكل
بنات حى علية الفيلو مقاسة 40 اول مرة تتفكرو كان ايجي وفيه الضيقة اشوية لكن توة قعدة ابقرة وزنى من 58 قعد 62 حى علية شنو اندير ؟؟؟؟؟
وشاهيتى مفتوحة 24 ساعة دبرنى يابنات ؟؟؟متقولوليش خودى قاطع الشهية لانى ناخد فيه من قبل وتوة معش يأثر فية يعنى لمة ناخدة مكأنى وخدة بكل حى عليا حى عليا بطنى طلعة ولبسى الى كنة من قبل امنقصتة كل فتحة الخياطة ابتاعة بناااةات الله يربحكن وصفات خلطات اى حاجة حتى خطيبى قالى تهيالى رايحة سامنة :031::031:

بيسا حتى انا نفس المشكلة واخرى انا الفيلو مقاس 38 قريب ينفجر عليا
انا اطول منك شوى يا بسبوسة لكن عظمى ثقيل
لكنك فى عرس خوك كنتى ماشاء الله جسمك روعة شن صار
وتعرفى خشى على قسم التغذية فى الموقع وشوفى ريجيم النقاط والله حلو لما نديرا ننقص
واشر ميزان رقمى عشان تراقبى روحك بالقرام

غدغود : الف مبروك وربى يخليك راجلك
ويحفظلك الحلو الصغيرون
وما تنسيش الصور ضرورى

اسمعو يابنات مش مفروض نمشي توا اندير التحليل ولا مازال شوية ؟؟؟

وهو قداش يقعد باش يطلع

غولة;11739023:
اسمعو يابنات مش مفروض نمشي توا اندير التحليل ولا مازال شوية ؟؟؟

وهو قداش يقعد باش يطلع

يقعد يومين تلاتة بس كان قصدك علي تحليل الفاتحة:072: