التجمع الثاني لبنات الخليج والوطن العربي لشهر ربيع الثاني 1431 هـ

بحرينيه عز;11700918:

ام فوفي ويخلييييييج ربي ويخلي عيالج ااي انا احط صور في مشتريات بس الجزء اللي طاف
والحين تقفل وشفت ثياب الامورة يجنننوووون رديت عليج بعد بس يمكن ماالاحظتيييي
يالله نبي نشوووف ملابس فصولي الامور :072:

اليووم كنت مريضه بلاعيميي ومصدعه وظهرري ولا قدرت اقوم لعلاوي صار عند عمتي بعدين
صرت احسسن وقمت له :033:

باركووووووووووولي صج صار اسم يبرررق لونه ورردي هههههههه وصرت متميزززه وعقبالكم:041:

اهليييييييييييين والله ياعسل ،، والله احنا بعد اشتقنا لك أكثر :016:

غريبه والله ماقد مروا علي ملابس علووي !!!! يمكن منزلتهم على آخر الجزء اللي تقفل :057:
وياقلبي اييييه شفت ردك ورديت عليك بعد :02: ، ان شاء الله اذا فضيت اليوم صورت ملابس فصووولي

وياعمري ماتشوفين شر ياارب ، شكل الكل هالفتره مو ذاك الزود !!
انا وعيالي كل ماقمنا من النوم والا الكحه ذابحتنا ونجلس فتره على ماتروح والحين اتدرى عليهم
علشان مايتعبون اشين شي مرض الصغاااار :060:

والف الف مبروووووووووووووووووووووووك التميز واللون الوردي :029: ، طالعه تهبليييييين :049:

&*أم علي*&;11702585:

ام فوفي ما يجوف شر فصوول كريهه الاكزيما واحس مالها علاج ان شاء الله يتشافى البطل وما يجوف شر

الحوال اكره شي في الدنيا واغراضي تفلتت والهنود يشتغلون والوصخ والغبار عليهم وانا اصيح واصرخ من القهر وكنت باقي شوي واتطلق من جذي ما ابغي اضيق خلقكم

الشر مايجيك ياعسل ، ايه والله مررررة كريهه ويوم تخف واستانس بعدين ترد ترجع وبقوووه
وتضيق خلقي :091: ، ولدي مااااااااات من كثر مايحك احس فيه ياقلبي اهو :01:
بكرى ان شاء الله موعده ، ان شاء الله اقدر ادخل ويوصف لي شي يريح ولدي حبيبي :032:

والله يعينك ياقمر على النقل ، والله انه شيييييين خصوصاً لو ماكنتي حابه تنقلين :091:
انا مجربته ونقلت كم من مرة :033: ، والله ييسر أموركم ويسخركم لبعضكم يارب ..

++مونيكا++;11702645:

سلام صبايا شخباركم ...

حبيت اسلم عليكم واطمنكم عن فطوم الحمدلله زينة وما صخنت بس كانت رجولها شوي وخفت الحمدلله رب العالمين ...
الموهيم شخباركم ..

ام فوفي هلا حبيبتي شسوي يوم اجي و10 انشغل ويه عروستي ههههه بس ما اقطع مستحيل

هلا والله بـ موني ، الحمدلله اللي ماصخنت فطووومة الحلوة ان شاء الله كذا بكل تطعيماتها :083:
وياعمري عادي اخذي راحتك بس لاتنقطعين عننا ، والله اننا نشتاق لكم ولسوالفكم :072:

:

وأحلى سلااااااااام لكل الغايبات /

ضيووونه - سيدوون - عروووس - خيوووش :086: اشتقنا لكم والله

هلا بنات اخباركم ..

وحشتونه .. داخلة بس اتطمن عليكم

هلا والله ام حسين شخبارج

صباح الخير بنااااااااااات

اخباركم؟؟


ام فوووووووووفي الله يبارك فيج حبيبتييييي اي نزلتهم على اخر شي خساارة انتي شوفي

قبل جزء هذا تسلميين ياعمري ماقصرتي .. والله يعافيكم والشر مايجييييييكم..


جمول الشر مايجييج حبيبة قلبيييييي والله يشافينا ياارب ويشافي عيالناا ..


موني هلا بالقمر وينج مختفيه كل عروستج هاا الله يخليها لج ياارب لاتقطعين ياكريهه..


ام علي لاتقولين جذي لاززم يصير عصبيه وضغط نفسي من الحوال يالله معليه كلها فترة

وتعدي صبري عشان عيالج ..



باقي البنات شخباررررررررررركم




صورة علاوي اليوووووووم مهيتناا ههههههههه :087:

بحبوووح .. صباح الورد غناتي

واعليه ما عليج شر حبيبتي الله يشاافيج

ومبروك علاوي كمل 3 شهور ودخل الرابع :093::013:


:


ام علي .. عليكم السلاااام

تمامووو انتي شخبارج وشخبار سجوودي وعلاوي

هههه وترى حالي من حالج ويا الحوال من باجر ببدي انقل

اغراضي لشقتي فووق اشوه باجر مو اني زوجي لاني مو هني هههه

بس اللي بعده امبييه شكله شغل شدان :037:

والله يزيد الافراح وناااسة لكن خخخ



:


مووني .. عليكم السلاااام هلا والله بهالطلة

احنه بخير نسأل عنكم انتي واتوومتنا .. الحمد لله

ربي يبارك في حياتج خيوو هههههه قوية عاد اجيب الصور بالتجمع :085:

صورت امس مال الملجة بشوف لي يوم وبحط لكم الصور

لان الكاميرا حاليا مافيها جارج وحطيتها لباجر بعد الخطوبة


:


ام حسوون .. هلا والله غنااتي

شحواالش وشحوال حسوون و فطوووم

صار العكس بقى 4 ايام وتطلعين من الاربعين :013::029:




:



اخباري زفت اليوم بنات قعدت اصيح ويا مريوم

صار لها جم يوم ما ترضى ترضع من صدري تعبت وياها

وصدري بدى يجف الحليب ما اقدر اشفط يعورني النيبلز متشققين حدهم

وما فاد وياي هالكريم اللي شريته اسمه افالون كأن

اصلا سالفة الشفاط تجيب ليي كآبة اتملل

ومعورة قلبي ماقدر اخليها من الحين بس ع الحليب الصناعي

من اقربها من صدري تفزع المكان ما خليت شي ما سويته نفس الشي

ورديت اعطيها بالابرة مع انه صعب عليي وعليها بس يمكن يفيد وترضغ من صدري

ادعو لي بناااااات والله تعبانه نفستي وراسي يعورني من الصياح والتفكير :033:

الشي اللي غير نفسيتي شوي اني رحت تحنيت وباجر بتعدل خخ

بوحااا يدنن علااوي اللهم صلي ع النبي

كل ما يكبر يحلى فديته الله يخليه ويحميه من العين

wardat amal;11708298:




اخباري زفت اليوم بنات قعدت اصيح ويا مريوم

صار لها جم يوم ما ترضى ترضع من صدري تعبت وياها

وصدري بدى يجف الحليب ما اقدر اشفط يعورني النيبلز متشققين حدهم

وما فاد وياي هالكريم اللي شريته اسمه افالون كأن

اصلا سالفة الشفاط تجيب ليي كآبة اتملل

ومعورة قلبي ماقدر اخليها من الحين بس ع الحليب الصناعي

من اقربها من صدري تفزع المكان ما خليت شي ما سويته نفس الشي

ورديت اعطيها بالابرة مع انه صعب عليي وعليها بس يمكن يفيد وترضغ من صدري

ادعو لي بناااااات والله تعبانه نفستي وراسي يعورني من الصياح والتفكير :033:

الشي اللي غير نفسيتي شوي اني رحت تحنيت وباجر بتعدل خخ

السلام عليكم
بحبوح ما شاء الله عليه القمر يجنن

وردوون يمكن استوى الآلو وتغير طعم الحليب عليها

برووءة شخبارج وشخبار زهووور

مساء الخير



يسعدني ان تشرفوني الموضوع

http://forums.3roos.com/showthread.php?t=524619

مساء الخير شخباركم

بحبح

ماشاء الله يهبل علاوي وصاير نفس رزوق ايده كله بويه بقسات ومرات يكفخ عيونه ويصيح ههه

وروود

سبحان الله انتي نفسي بالضبط بس كمل رزوق شهرين بس خلالالالاص صدري بده ينشف والشفط صاي يؤلم عرق صدري من فوق
غير النبلز وارمه شكبرها ومن اقربه من صدري مايرضى لانه تعود على الشفط والصناعي تالي قلت لا الولد يموت من اليوم كافي انه نتفه
وحولته على الصناعي :(:( شي يعووووووووووووووووووووووور القلب موت بس شسوي شنو الحل :(


باجي البنات شخباركم ان شاء الله بخير :)

اليوم رحنه المول انا والصغار نغير جوووو
وتغدينه هناك وعيالي لعبوا بولنق وانا قعدت اتمشى السوووووووووووووق كله تنزيلات يوونس بس ماقدرت ادخل الا مذركير وكنت ابي من صيدلية
بوتس جم شغله وبس مشينه صج عيوني طايره على المحلات والسيييل بس مااقدر اتسوق معاي اليهال لانه راح يتمللون وريلي راح يتملل
لانه مايحب يتسوووووق ابدا يحب يروح ياخذ الشغله ويمشي اما انا لا افتر واطالع والركب البدل واحب جذي اخذ راحتي واطالع كل
شي بسسسسسس مالي امل :( المهم انه غيرنه جو الحين بعشي اليهال وياخذون شور وينامووون

أم حسين القمر;11705231:

هلا بنات اخباركم ..
وحشتونه .. داخلة بس اتطمن عليكم

هلا والله ام حسوون وفطوومه :087: ، كيفك ياعسل ؟؟ وكيف الصغار ؟؟؟
اسم الله عليهم توني شفتهم في موضوع صور الاطفال .. الله يخليهم لك ويرزقك برهم ان شاء الله :094:

بحرينيه عز;11708172:

صباح الخير بنااااااااااات
اخباركم؟؟

ام فوووووووووفي الله يبارك فيج حبيبتييييي اي نزلتهم على اخر شي خساارة انتي شوفي
قبل جزء هذا تسلميين ياعمري ماقصرتي .. والله يعافيكم والشر مايجييييييكم..

صورة علاوي اليوووووووم مهيتناا ههههههههه :087:

هلا والله بحبوووحه ، حساافه ماشفتهم !!!! وماني عارفه وين الملف القديم :091:
عادي حطيهم هنا بتجمعنا خلنا نتفرج هههههههههههههههه :013:

وحياااتي على الأمير ، يجننن اسم الله على قلبه :016:، الله يحميه ويحرسه يارب :032:

wardat amal;11708298:

اخباري زفت اليوم بنات قعدت اصيح ويا مريوم
صار لها جم يوم ما ترضى ترضع من صدري تعبت وياها
وصدري بدى يجف الحليب ما اقدر اشفط يعورني النيبلز متشققين حدهم
وما فاد وياي هالكريم اللي شريته اسمه افالون كأن
اصلا سالفة الشفاط تجيب ليي كآبة اتملل
ومعورة قلبي ماقدر اخليها من الحين بس ع الحليب الصناعي
من اقربها من صدري تفزع المكان ما خليت شي ما سويته نفس الشي
ورديت اعطيها بالابرة مع انه صعب عليي وعليها بس يمكن يفيد وترضغ من صدري
ادعو لي بناااااات والله تعبانه نفستي وراسي يعورني من الصياح والتفكير :033:
الشي اللي غير نفسيتي شوي اني رحت تحنيت وباجر بتعدل خخ

بعد قلبي وردووونه ، لاتضيقين صدرك :01:
ان شاء الله ميمي ترد له بس انتي حاولي ماتعطينها الرضاعه علشان تضطر ترضع منك
وعن الحليب كلي اشياء تدر الحليب ، سمعت عن الحلبة وحلاوة الطحينية ..

والله يهدي ميمي ان شاء الله :032:

:

واحلى سلام لكل الأمهات :025:، والامهات اللي قطعوا عننا وييييييييييينكم من زمااان عنكم :091:

*جمال الروح*;11712907:
اليوم رحنه المول انا والصغار نغير جوووو
وتغدينه هناك وعيالي لعبوا بولنق وانا قعدت اتمشى السوووووووووووووق كله تنزيلات يوونس بس ماقدرت ادخل الا مذركير وكنت ابي من صيدلية
بوتس جم شغله وبس مشينه صج عيوني طايره على المحلات والسيييل بس مااقدر اتسوق معاي اليهال لانه راح يتمللون وريلي راح يتملل
لانه مايحب يتسوووووق ابدا يحب يروح ياخذ الشغله ويمشي اما انا لا افتر واطالع والركب البدل واحب جذي اخذ راحتي واطالع كل
شي بسسسسسس مالي امل :( المهم انه غيرنه جو الحين بعشي اليهال وياخذون شور وينامووون

هلا والله جمووووله ، واااي ونااسه الطلعه خصوصاً مع سيل المحلات :093: ، انا ودي اخم السوق كللله وقت السيل ههههههههههههههههههه :02:

بس زييين اللي فرحتوا العيال وغيروا جو شوي عن البيت :094: ، وابونا مثل ابوكم مايحب الفراره
بالسوق يبيني اخذ الشي اللي ابيه واطلع وانا مثلك :037:، اصلاً قد شفتي رجال يحب السوق :085:

سلامو بنات شخباركم كلكم ...وحشتوووني شخبار البيبيات :065:
ام علي افا كل هذا يصير عادي حبيبتي معذوورة وازمة وبتعدي ترى يصير جدي من الضغط والزحمه الله يعينش :095: ويلا خلنا نشوفش بالتجمع مو يصير عندش شي وتنجفين بعد مافي مجال للتأجيل :037:

وردووون عادي خيو اني ما استغرب من مريوم عشان انها ماترضع لانه تقريبا كل بيبياتنا عافين يرضعون من عندنا الظاهر هذلين موديلات 2010 مال الصناعي وبس :091:وبالتوفيق بالحفلة وبالعافية الحنه :087:

بحبوووحه بالعافية على علاوي الطلعة اني بعد مستنه ويه فطوم بالطلعات اليوم رحنا الواحه تسوقت شوي وغيرت جووو :094:

ام فوفي طمنينا عن فصول شصار بالموعد :014:
باقي البنات وينكم خيشووون وسيدووون ونبووض طبعا ام لطيوور هههههه :039:تعالي سجلي الاسماء له :094:
باقي البنات شخباركم كلكم لكم وحشه لاتقطعوون :072:

سلااااااااااااااااامو

هلا اااااااااااااااااااابكم

مريت وقريت هذرتكم قلت يابنت مايصلحلك ذا المكان شيلي قشك واطلعي بره <<<<<<< الاخت انسه

S H A M O A;11712977:
هلا والله جمووووله ، واااي ونااسه الطلعه خصوصاً مع سيل المحلات :093: ، انا ودي اخم السوق كللله وقت السيل ههههههههههههههههههه :02:

بس زييين اللي فرحتوا العيال وغيروا جو شوي عن البيت :094: ، وابونا مثل ابوكم مايحب الفراره
بالسوق يبيني اخذ الشي اللي ابيه واطلع وانا مثلك :037:، اصلاً قد شفتي رجال يحب السوق :085:

من صجج بعد ماتغدينه قالي ها وين بتروحين وبعينه نظره حائره :085:
قتله بروح اتسوق وعطاني هل العيييين :023:
قتله ود الاولاد البولينق يلعبون وانا اروح اتمشى وادخل كم محل قالي
خلاص اوصلهم للبولنق وايلج قتلللله لالالا اقعد معاهم اخاف عليهم <<<تبي الفكه :037:
انخطف لونه بس طول ماانا اتسوق وانا افكر فيه اقول حرام جني دقرته لووول :01:
بس خلصت من المحلين وصار حزت رضعت يسوف دقيت عليه وقعدنه بكافيه شربنه كوفي
ورضعته ونطرت الاولاد على ماخلصوا مشييينه رحنه البيت :022: صاجه والله مافي
رياااااااااااااااااااااااااااااااااال يحب السوق :036:

بروووء .. عليكم السلااام

هلا والله بخير الحمد انتي شخبارج وشخبار زوزي

مافيه شي مسكينه انزين لو فيه فطريات جان حتى المرضعه

مابتقدر تشربها .. اييييي احس هي اللي سوت لي جذي

حاولت اشفط بايدي ما ينزل شييييي يمكن 5 نقط بس

احس انه جففففف :091: :033: والله مو سالفة اني ما آكل

شي يدر الحليب بالعكس الدكتورة قالت لي اييي شي آكله بينزل لي حليب

عسى لو سندويشة :091: :033:



:


ام علي .. عليكم السلام

خخخ الظاهر غلطانه في النمرة خخخ

ترى برووء اللي يمكن استوى آالوها مو اني :085:




:



جمووول .. مساء الورد

اييي اني حسيت انه ينشف مثل ما قلتي

واااي بالضبط مثلي خخخ

المشكله اللي يزيد همي كل من يلومني من صوب

انتي اللي عودتيها وانتي وانتي وانتي

بعد شسوي مو بيدي لازم ادخل لها الحليب الصناعي

اولا لانها واجد ترجع وهذا ضد الترجيع وثانيا لانها ما تشبع

وبجذي ما تكبر ميصير اقطعه عنها بعد بعدين اعطيها من وين

صدري مافيه كل ما اقول لهم جيه ما يصدقوون :091::033:

وعليكم بالللللف عافية ع الشوبنق والطلعه والله زين سويتو

غيرتو جووووووو تصدقوون عاد من جبت ميمي للحين ما طلعت وياها مكان

مو راضي الاخ يقول ع الاقل لين يصير عمرها 4 شهور :057:




:


ام فووفي .. آآه يا ام فصول لو علي جان حاولت اتناسى

بس اللي يلومون فيني من كل صوب وحتى زوجي انضم لهم شنو اسوي

وحتى لو ردت له يا حياتوو وهو مافيه شي ما بتشبع

ما اقدر واعليه ماعطيها رضاعه تظل تصيح بعنف لانها جوعانه وصدري

ناشف شسوي لها ذيك الوقت :091:

ياارب الله يسمع منج عيووني ما تقصرين

ها شخبار فصوولي ورحتين الموعد او لا و شنو صار ؟؟



:



مووني .. عليكم السلام دووبا مس يووووووووو

ربي يسمع منج وربي يعاافييج ..


:




خلاص اليوم قررت اكلم زوجي عن الحليب الصناعي لان كسرت خاطري

ميمي وما عندي حل غير اني اعطيها الصناعي وادعو لي ان يوافق بدون تعصب

وااي اليوم او باجر ببدأ بنقل الاغراض لفوووق يارب الله يكون في العون

السلااااااااام عليكم لاحلى امهات غايبات !!!! ويييه وينكم !!!! بسم الله علينا شكل احد صاكنا عين :057:

وش فيكم مالكم لاحس وخبر :047: !!! اشتقنا لكم والله :072:

++مونيكا++;11714722:

ام فوفي طمنينا عن فصول شصار بالموعد :014:

هلا حبيبة قلبي موووني ، كيفك ياعسل ؟؟ وكيف فطوومه الحلووة ؟

الحمدلله قدرت ادخل عـ الطبيب ، بس العذر منكم نسيت اقول لكم وش صار عليه !!

الطبيب قال لي من النهاية ... الاكزيما مالها علاج :091:
وقعد يشرح له درس وش طوله عن الاكزيما ، وقال لي انه الى الان العلاج الوحيد لها هو الترطيب
قال لي لو بغيتي تحطين له الكريم (اللي قلت لكم عنه قبل) 10 مرات باليوم مايأثر عليه اهم شي
الترطيب ووصف لي صابون حق الحساسية ، وعطاني مرهم قال لي انه الوحيد اللي يحتوي على
أقل نسبة كورتيزون وآمن على البيبيات لمدة 3 ايام وحذرني اطول في المدة لان كثرته تضر
وبما انه لا انا ولا ابو فصوولي فينا اكزيما قال لنا ان شاء الله يخف خلال اول سنتين من عمره
لان هالمرض وراثي ، والحمدلله اليوم وجه حبيبي منور :016: .. الاحمرار راح والقشور خفت
الله يشفيه ويسخره ويخليه لي يارب :032:

*جمال الروح*;11719197:

من صجج بعد ماتغدينه قالي ها وين بتروحين وبعينه نظره حائره :085:
قتله بروح اتسوق وعطاني هل العيييين :023:
قتله ود الاولاد البولينق يلعبون وانا اروح اتمشى وادخل كم محل قالي
خلاص اوصلهم للبولنق وايلج قتلللله لالالا اقعد معاهم اخاف عليهم <<<تبي الفكه :037:
انخطف لونه بس طول ماانا اتسوق وانا افكر فيه اقول حرام جني دقرته لووول :01:
بس خلصت من المحلين وصار حزت رضعت يسوف دقيت عليه وقعدنه بكافيه شربنه كوفي
ورضعته ونطرت الاولاد على ماخلصوا مشييينه رحنه البيت :022: صاجه والله مافي
رياااااااااااااااااااااااااااااااااال يحب السوق :036:

هههههههههههههههههههههههه ياحليلك جموووله ، يالله على الأقل استانسوا العيال بالطلعه
والله فرحتهم تسوى الدنيا ومافيها :086: ..

wardat amal;11720047:

ام فووفي .. آآه يا ام فصول لو علي جان حاولت اتناسى
بس اللي يلومون فيني من كل صوب وحتى زوجي انضم لهم شنو اسوي
وحتى لو ردت له يا حياتوو وهو مافيه شي ما بتشبع
ما اقدر واعليه ماعطيها رضاعه تظل تصيح بعنف لانها جوعانه وصدري
ناشف شسوي لها ذيك الوقت :091:
ياارب الله يسمع منج عيووني ما تقصرين
ها شخبار فصوولي ورحتين الموعد او لا و شنو صار ؟؟

خلاص اليوم قررت اكلم زوجي عن الحليب الصناعي لان كسرت خاطري

ميمي وما عندي حل غير اني اعطيها الصناعي وادعو لي ان يوافق بدون تعصب

وااي اليوم او باجر ببدأ بنقل الاغراض لفوووق يارب الله يكون في العون

ياحياتي وردوونه والله حاسه فيييك ياقلبي :091:
انا فطمت فصوولي من وانا بالاربعين ، انا بطني موتني مغص مو طبيعي وعطوني علاج بس
مايصلح ارضع معه واضطريت افطمه ، والله كان صدري مرررة يألمني من الحليب وكنت اشفطه
واكبه وميته من الصياح متحسفه عليه ودي لو ولدي يشربه ، لكن الحمدلله على كل حال :01:

وعادي ياقمر انا امي وابوي كانوا بس يهاوشوني وامي تحسف فيني اني فطمت ولدي وانا
مبينه لهم انه عادي وانا قلبي يحرقني راحمه ولدي ودي امنيتي ارضعه :033:

والله يهون عليك يارب :065:

: