رابطة امهات واطفال مصر لشهر ربيع الثاني (كل عام وانتم بخير واحسن حال)....

اناااااااااااااااااااااااااااااااااااااااااااااااااااااااااااااا
هنا

ازيكو
طبعا محدش هنا كالعادة


بنات ماتنسوش بكرة صيام 13 و14 و15
اتنين وتلات واربع ان شاء الله

ايمان ازيك
انتى روحتى ولا لسه عند طنط؟؟

الحمدلله يا سالي تمام
انتي عاملة ايه ومحمود اخباره ايه لسة تعبان ولا بقى احسن

انا روحت امبارح بالليل بس معاذ نام بدري فقلت افتح شوية

السلام عليكم ورحمة الله وبركاته

اخباركم بنات

ايمان بقولك تعرفي ازاى بتثبتي لون الخط وحجمه فى كل رد ؟؟



.

ايمان جزاكى الله خيرا على التذكير

*Om Mo3az*;11664743:
الحمدلله يا سالي تمام
انتي عاملة ايه ومحمود اخباره ايه لسة تعبان ولا بقى احسن

انا روحت امبارح بالليل بس معاذ نام بدري فقلت افتح شوية

الحمد لله يا ايمان احسن بفضل الله
بس الزن شغال على طول ومن غير سبب كده

ازيك ياشوشو وازى حسن؟؟

ادخلو تابعو حمله عيالنا كبرو فى حاجات جديدة

واياكي يا سالي
هتصومي ولا مش هتقدري
انا بقى لي كتير اوي ماعملتش حاجة كويسة ربنا يقدرنا يارب


وعليكم السلام
ازيك يا رعشة عاملة ايه وحسن ازيه
بصي ادخلي على لوحة التحكم وبعد كده هاتي تعديل الخيارات واكتبي لون الخط اللي انتي عاوزاه بين الكلام اللي هتلاقيه مكتوب عندك يعني مش تمسحيه
بس كده

بس انتي ليكي لون معين مش بيتغير ولا انتي بتغيريه في كل مشاركة ؟

انا حاسة ان كلامي مش مفهوم يا رعشة
قولي لي لون الخط اللي انتي عاوزاه لو مافهمتيش كلامي وانا اعمله لك واحطه لك هنا كوبي وبيست

مش عارفة يا ايمان هقدر اصوم ولا لأ
انا نفسى والله اعمل حاجة برضه بس شكلى مش هقدر انا اصلا على طول هبطانة من غير حاجة
الله المستعان
صومى انتى لو تقدرى وربنا يتقبل ان شاء الله

معلش يا سالي ليكي عذرك ماتزعليش
ان شاء الله لما تولدي تبقي تصومي براحتك
انا هصوم باذن الله ماصدقت لقيت فرصة جات لي بصراحة
الله المستعان

مش فهماك ايمان :042:

استنيى اجرب وارجعلك

xxx

بصي يا رعشة امسحي كلمة indigo وحطي مكانها اللون اللي انتي عاوزاه وبعد كلمة سايز برضو حطي السايز اللي انتي عاوزاه او سيبيه زي ماهو
بس وسيبي كل حاجة زي ما هي بقى وامسحي الكلام اللي هتلاقيه مكتوب عندك وحطي اللي انتي غيرتي فيه ده
بس

ههههههههههههههههه الكلام ماوصلش مع انه مش لينك موقع ولا حاجة يعني

ربنا يتقبل يا ايمان ان شاء الله وبالله عليكى ادعيلى وانتى بتفطرى

بنات كنت عاوزة اسألكم على حاجة الله يكرمها اللى تعرف

انا حملت المرة دى وانا برضع محمود ولما فطمته صدرى مجمعش لبن ولا وجعنى ولا الافلام دى خالص محستش بيه خالص لانه اصلا كان قليل اوى
يا ترى ده بسبب الحمل اللى جه على الرضاعه ولا ايه؟؟
وكمان انا خايفة يأثر على الرضاعه المرة دى؟؟
وخصوصا حاسة ان صدرى صغير خالص المرة دى
غير حملى فى محمود كنت ضااااااااربة خالص
ايه رأيكم فى الموضوع ده ؟؟

وياريت لو حد يعرف حالات مشابهه زييى حملت وهى بترضع يقولى الله يرضى عنكم

سالي بصي انا اعرف انه كل لما اللبن بيقل كل ما فرصة الحمل بتزيد
وانتي زي ما بتقولي ان اللبن كان قليل وعشان كده حملتي
واعتقد انه مافيش علاقة ان اللبن كان قليل يبقى هياثر على الرضاعة في المرة التانية دي حاجة ودي حاجة تانية
لانه اللبن عندك قل لان محمود كان بدا ياكل وياخد لبن صناعي انما بعد ما تولدي هيبقى الموضوع عادي جدا ان شاء الله زي اي ولادة واللبن هيبدا يتجمع في صدرك عادي جدا

رعشة رحتي فين
كل ده بتجربي ولا ايه

ازيكم ؟

يا بنات انا النهارده خلعت ضرس العقل
جننى اليومين اللى فاتو ومكنتش بنام من الوجع الرهييييييييييييييييييب
وفي الاخر اضطريت اخلعه لان التسوس كان وصل للعصب

منها لله الدكتورة اللى كنت رحتلها قبل الحمل هيا اللى بهدلتنى كده وزودت الطين بله