تجمع حوامل مصر لشهر ربيع الثاني

شموخـ الأمل;11664001:
ازيك يا بوبا
اخبارك ايه واخبار النونة ايه ؟

الحمد لله يا قمر ازيك انتى؟

CuTie KaTkOoTa;11664014:
طبقت جزء كويس من الغسيل الحمدلله عقبال الباقي :085::085::085:

ربنا يعينك
انا والله مش عارفة هلاحق على ايه ولا ايه لما ارجع البيت

كويس يا ايمى عقبال الباقى
وعقبالى لما اتلحلح واقوم احط الغسيل فى الغسالة

بيبو حمد لله ع السلااااامة

قصة الولادة بقى يا ايمى كالآتى
اخر التاسع كان الاحد
طبعا كنت بمشى كتير وكده ماكنتش بحس لا بطلق ولا تفاسيح ولا وجع فى الحوض ولا حاجة
روحتلها الاتنين البنت برضه ماكنتش نزلت الحوض والرحم مقفول ومفيش اى حاجة وضغطى كان عمال يعلى فقالتلى خلاص هولدك قيصرى لانها خافت من موضوع الضغط ده ممكن يعلى فجأة وانا مش دايما ببقى حاسة بصداع واعراض ارتفاعه
حددتلى يوم التلات .. صومت من الساعة 12 بالليل وزودتلى جرعة دوا الضغط كانت خايفة من التوتر والقلق يزودوه
وروحت تانى يوم المستشفى قعدوا يكشفوا عليا ويشوفوا نبض البيبى كذا مرة لحد ما الدكتورة جت وكده وجهزونى وادونى الحقنة الشرجية وبعدها بفترة كده دخلت بقى العمليات وركبتلى قسطرة
انا كنت خايفة من وجعها بس بصراحة اهون من ان الواحد يقوم كل شوية على الحمام والجرح بيبقى تاعب الواحد جامد
دخلت وعملت العملية الساعة 4 العصر انا كنت مرعوبة جامممممممممد وقعدت اعيط قبلها كتير وبعدين هديت نفسى وكده وتوكلت على الله
وبدأت افوق من البنج وهم بيشيلوا انيوبة الاكسجين من بقى بس ماكنتش قادرة اتكلم ومفيش ثوانى وقعدت اكلمهم اسألهم عن البنت بنت فعلا ولا ولد :)
وبعدين اول ماخرجونى من اوضة العمليات حسيت بالجرح جامد قعدت اصوت واقولهم يدونى مسكن مش قادرة الدكتورة قالتلى انتى يابنتى لحقتى تفوقى امتى وقالتلى انا مدياكى مخدرات :) قولتلها ادينى تانى :)
ادتنى وشوية كده والالم بدأ يهدا
ونقلونى اوضتى بس برضه الجرح بيوجع وفضلت بقى مزغللة ومش شايفة ومش مركز قوى طول اليوم
على الساعة 8 كده جت الممرضى قومتنى الحمام عشان تشيلى القسطرة وجعتنى بسيط الحمد لله
وفيييييين على بالليل الغازات جت بسيط قوى .. ماشربتش بقى سوايل الا على الفجر
والاكل ما اكلتش الا زبادى على 12 الظهر تانى يوم وانا بقى ماشية خلاص
واليوم عدى على خير الحمد لله وبدأت ارضع البنت بس ماكنتش قابلة ترضع
اليوم اللى بعديه بقى جالى مغص فوق العادى والدم بدأ ينزل وبقيت بصوت ومتبهدلة جدااااا بعت للصيدلى جه ادانى حقنة وكده والحمد لله كل يوم بيبقى احسن من اللى قبله
وفعلا مفيش ولادة سهلة كله تعب
بس الحمد لله نعمة ومأجورين ان شاء الله

الله يسلمك يا مها
ازيك وازى بناتك عاملين ايه؟؟؟؟

على فكرة هاقولكم معلومة حلوة
حياتك هتبقى عادى وتقدرى تعملى كل حاجة تغسلى وتطبخى وتنضفى عادى لمدة 5 او 6 شهور لان البيبى بيكون ظريف وبينام كتير
لكن بعد كده ومرحلة الزحف والمشى الموضوع هيصعب شوية

هيلوووووووووووووووووووز
ازيكم

موها مابعتليش رقمك تانى يابنتىىىىىىىىىىىىىىىى


بيبو حمدلله على سلامتك نتى وجوجا يا قرم تتربى فى عزكم

هيلوز يا ميوى

حمدا لله على سلامتك يا بيبو وتتربى بعزكم اوجى يارب
عاوزين نعاين العروسة بقه
مفيش صورة؟؟

انتوا ساكتين لييييييييه
انا احتمال امشى يوم الجمعه اللى جايه :(

ازيك يا مى وازى صوفى

أم حموودى القمر;11664032:
كويس يا ايمى عقبال الباقى
وعقبالى لما اتلحلح واقوم احط الغسيل فى الغسالة

لا انا حطيته من بدري ما هو دلوقتي بقي الغسالة مش بتترحم خلاص ورا بعضه وبتبقي مليانة علي اخرها الحمدلله

Eng. BoB;11664043:
الله يسلمك يا مها
ازيك وازى بناتك عاملين ايه؟؟؟؟

انا بقي ولادتي مختلفة عندك في شوية حاجات نونو
اولا انا فترة صيامي كانت اقل منكم كلكم تقريبا اقل من 12 ساعة خالص
ثانيا انتي اخدتي حقنة شرجية ليه مادام ولدتي قيصري؟؟
انا اعرف انها بتبقي للطبيعي عشان تفضي البطن وكمان ما انتي صايمة فترة كبيرة اهو يبقي لزمتها ايه؟
انا طلعت من اوضة العمليات علي اوضتي وانا لسه في البنج ومش فايقة وقعدت ساعة كده تقريبا علي كلامهم يعني عقبال ما فوقت شوية بس بردو لساني تقيل ومش عارفة افتح عيني ولا احرك ايدي او جسمي.
ومركبتش قسطرة خالص الحمدلله، واخدت لبوستين شرجي لما جم يحموني بعدها بشوية ودخلت الحمام عملت بقي علي بالليل متاخر خالص قرب الفجر باين وبعدين لما الشيفت بتاع الصبح بدأ جابولي ينسون وبعديه بشوية جابولي فطار خفيف زيادي وجبنة ومربي وعيش فينو وكده

جوجتي الكلبة
قاعدة معايا على الكمبيوتر

اه ونسيت اقولك طبعا المسكن ده اساسي هما ادوني حقن الاول مش فاكرة كل اد ايه حقنة وبعدين قالتلي كده خلاص نوقف الحقن وهتاخدي بقي كتافلام

monyfofo;11664086:
انتوا ساكتين لييييييييه
انا احتمال امشى يوم الجمعه اللى جايه :(

ليه كداااااااااااااااااا
هاتوعشينى خالص

أم حموودى القمر;11664090:
ازيك يا مى وازى صوفى

ازيك يا سالى مودى عامل ايه يا قلبى
احنا كويسين الحمدلله




كتكوته ازيك وازى جوجو

ميووووووية صوفيتا ما شاء الله عينيها الله اكبر عليها، بس ده انتي طلعتي متقصدة تركيا بقين يعني جدة مامتك وجوزك، منشنة من وانتي صغيرة اكيد :085::085::085:

وانتى كمان يا ميوى هتوحشينى

يا عيال عاملين ايه كلكم نفر نفر

كتكوتة ان شاء الله اكتب قصة كفاحي مع ولادة الاستاذ مومو لما يخف من المغص الغتت اللي عنده دا عشان اقدر اقعد معاكم شوية

عنده مغص فظيع و بيعيط على طوووووووووووووووووووووووووووووووووووووووووووووووووووووووووووووووووووووووووووووووول

ندى
هي جنى ررضعت قبل ما اخدها ؟؟؟؟