تجمع حوامل وامهات دار الزين ( مملكه البحرين ) لشهر ربيع الثاني 1431ه

أم يسور .. مايشوف شر علاوي

نور .. ماعرفه لأني ما أحب أروح السيتي في أي طابق وعند وين ؟

مس روز: الطابق الثالث يم مذركير الاصلي ، امشي شويه يصير في الصفة المقابلة له

تسلميين حبيبتي نور تصدقيين توقعت انها صغيره يبين عليها كنت بسالج عن الحجم بعديين حسيته سؤال غبي لان اغلب الشماسي سايزها واحد

nooral9ba7;11595998:
سولفي هني لين يضيع الوقت، وما عليج من الناس، لو تعطينهم عيونج ما يعجبهم، والمفروض يقدرون ظروفج

ايي والله صدقتي

مس روز: ما يصير احط الثيم

سويت كل شي ما طلع شي

انزين وشلون احفظ الخط على الي ابيه ، مابي كل مره اكتب مشاركه اعدل الخط

نو شخبار حصه ان شاء الله خفت عليها الحساسيه؟

حبيبتي أم حصيص ليش مايصير

روحي لوحة التحكم بعدين خيارات في مربع

حطي فيه وصلة الصور وشوفي تنسيق الخط

:032:
مسجات حب وشوق من اختياري:072:


حتى الشوق من صبح الدرايش قام يهدي لك
عصافير الرضا ترفرف على بيبان مدخالك
هنا ترمي صباح الخير قبل لا تروح وادعي لك
وهنا تضوي مساء الخير في عيني من هلالك

:032:
يكفى فضا صدري فؤادن غرامه
يحمل محبة انسى تلاقي مثلها
يعني إذا قلت احصي شوقه وهيامه
تقدر تقول بكثر هالدنيا كلها
:032:
اهواك وارسم للتعجب علامه
كلما بنورك عيني خطت كحلها
وأسأل هواك اللي عظيم مقامة
هل خلى فيني ذرة ما وصلها
:032:
صباح الخير يا أجمل صباحاتي على الأطلاق
جميل الصبح لكن يجي مع طلتك أجمل
:032:

وربي فوث رؤوس الشوك لـ أخلي القلب يمشي لك
وأخلي ظلالي يسبقني قبل يحضني منزالك



:032:
أنا من الليل يقطفني شعوري لك واغني لك
أنا من الصبح يليني الحزن من لون موالك
حرام الليل ما هو ليل إذا ما كنت في ليلي
وحرام الصبح ماهو صبح إذا ما كنت في ظلالك

فوائد الشاي الاخضر

فوائد اتباع السنه النبويه باكل سبع تمرات في اليوم
اللي ما يأكل ســـ 7 ــــبع تمرات باليوم..
يندم على كل يوم مضى من عمره.!

هل تعلمون فوائد التمر ؟؟؟؟

1 - خفض نسبة الكلسترول بالدم والوقاية من تصلب الشرايين لاحتوائه على البكتين.

2 - منع الإصابة بسرطان الأمعاء الغليظة والوقاية من مرض البواسير وتقليل تشكل الحصيات بالمرارة ولتسهيل مراحل الحمل والولادة والنفاس لاحتوائه على الألياف الجيدة والسكريات السريعة الهضم.

3 - منع تسوس الأسنان لاحتوائه على الفلور.

4 - الوقاية من السموم لاحتوائه على الصوديوم والبوتاسيوم وفيتامين ج.

5 - علاج لفقر الدم ( الأنيميا) لاحتوائه على الحديد والنحاس وفيتامين ب2.

6 - علاج للكساح ولين العظام لاحتوائه على الكالسيوم والفسفور وفيتامين أ.

7 - علاج لفقدان الشهية وضعف التركيز لاحتوائه على البوتاسيوم..

8 - علاج للضعف العام وخفقان القلب لاحتوائه على المغنيسيوم والنحاس.

9 - علاج للروماتزم ولسرطان المخ لاحتوائه على البورون.

10 - مضاد للسرطان لاحتوائه على السلينيوم وقد لوحظ أن سكان الواحات لا يعرفون مرض السرطان.

11 - علاج للضعف الجنسي لاحتوائه على البورون وفيتامين أ.

12 - علاج لجفاف الجلد وجفاف قرنية العين ومرض العشى الليلي لاحتوائه على فيتامين أ.

13 - علاج لأمراض الجهاز الهضمي العصبي لاحتوائه على فيتامين ب1.

14 - علاج لسقوط الشعر وإجهاد العينين والتهاب الأغشية المخاطية لتجويف الفم والتهاب الشفتين لاحتوائه على فيتامين ب2.

15 - علاج للإلتهابات الجلدية لاحتوائه على فيتامين النياسين.

16 - علاج لمرض الإسقربوط وهو الضعف العام للجسم وخفقان القلب وضيق التنفس وتقلص الأوعية الدموية وظهور بقع حمراء على الجلد وضعف في العظام والأسنان وذلك لاحتوائه على فيتامين ج(2) أو حامض الاسكوربيك.
من التمر، يمكن استخلاص عدد كبير من الأدوية والمضادات الحيوية والفيتامينات
لاستخدامها كعقاقير للوصفات الطبية لعلاج الأمراض المشار إليها قبل ذلك.

17 - علاج الحموضة في المعدة لاحتوائه على الكلور والصوديوم والبوتاسيوم.

18 - علاج أمراض اللثة وضعف الأوعية الدموية الشعرية وضعف العضلات والغضاريف لإحتوائه على فيتامين ج.


واحسن شىء تعطيه الطفل يأكله هو التمر...
لما له من فوائد لا تحصى
أنه أكل التمربالزبد ،واكل التمر بالخبز ، وأكله مفرداً
والتمر مقو للكبد ملين للطبع يزيد في الباه وأكله على الريق يقتل الدود
وأيضاً للتمر بأنواعه فوائد عديدة

أولاً : أنه من الأغذية الغنية بعنصر المغنيسيوم التي تحمي من مرض السرطان

ثانياً : أن له أثراً كبيراً على تهدئة الأعصاب بالنسبة للمصابين بالأمراض العصبية

ثالثاً : فيه مزيج طبيعي من الحديد والكالسيوم يهضمه البدن ويستقبله بسهولة
كل هذا في التمر..!

سبحان الله العظيم , والحمد لله رب العالمين .

منقول من ايميلي

ماشاء الله تبارك الرحمن فديت الضحكه يهبل ماشاء الله الله يخلي لج رنين

شوف السخافه ام بي سي ماكس قبل يترجمون باللبناني اللحين مترجميين بالمصري قمة السخافه خربو الفيلم حلاة الفيلم بلغته الاصليه

بنات عشرين الف وحده في التجمع الصلاة على النبي محمد وكله ساكتيين عشريين الف رد لي ورد واحد لكم سولفو لا

:091:اهئ اهئ بصيح من الملل

تجربة بعد التعديل

عاشو عاشو

شالو شالو

ميرسي كتير كتير ميسو

عليج بالعافيه نور حلو النيو لوك

نور .. مبرووك عليج اللوك اليديد

ام يسوور;11595196:
هاااي بنات شخباركم ان شاءالله زينين وحشتووووني كلكم
بنااااااااااااات ولدي علاوي من زمااان اجوف فيه انتفاخ في منطقة العااانه وجهه وحده بس والصراحه وايد مهلنا عليه على ماوديناه المستشفى ولما ودينا السلمانيه ودخلنه على الدكتور قال لنه هاذي بوفتاق ويحتاج عمليه جراحيه بسيطه كلش في احد اتعرف عن هالشي تخبرني وقالي من الحين لوقت العمليه شوفي الجهه الثانيه اذا فيه انتفاخ بعد او لا وطمني ان هالشي عاااااادي كلش ومافيه خوف ومسكين بخدرونه كامل وبسوون له وفي نفس اليوم بيطلع بس بصووم من 5 ساعات الي 6 ساعات على قلبي وعليه ياهل 3 شهور شلون بصووم وقالي اذا انتفخ خصوصا مع الصياح الشديد اظغط عليه ويدخل مره ثانيه ادعووا له بنااات الله يحفظه ويسلمه من كل شر

الله يحفظ لج علاوي ويسلمه خيو وديه دكتور ثاني وشوفي شنو بيقول لج وطمنينا عليه

ام يسوور;11595590:
بنااات ولدي علاوي 3 شهور يصير بتطلع له ضروس بسرعه كله يمص برطمه التحتي وكل يطلع ريري ويسوي حركاات في بوزه مو طبيعيه شسالفه

ولدج بيسنن لان ولدي نفس الشي يوم كانوا بيطلعون له بس تم فترة طويلة يمكن شهر او شهرين وبعدين طلعوا له

روحي وليد;11595925:
العرس اللي قلت لكم عنه من بعيد ويبون يرحونه اهلي سبحان الله صار عندنا خطوبة وملجة ولد خالي بنفس اليوم ويي بشكل مفاجأ وانا ما رحت الله يستر من التعليقات والزعل اكره هالمواقف واكره احد يتشره علي لان صج ما ادري شبقول وبما ان اليوم الخطوبه بيتنا من الظهر في الصالون وعقب سيده بروحون الحفله وزوجي بعد بدل وراح ملجة الرياييل وانا كاني قطو بروحي في البيت وحده ملل وشكلهم ما بردون إلا متاخر:091:

احسن لج الناس قعدتي في البيت الناس مهما تسوين لهم لازم بيتحجون

nooral9ba7;11596221:
مس روز: ما يصير احط الثيم

سويت كل شي ما طلع شي

انزين وشلون احفظ الخط على الي ابيه ، مابي كل مره اكتب مشاركه اعدل الخط

روحي تعديل خيارات وفيه مربع تحت حطي التعديلات الي تبينها وحفظيها او اذا تبين طريقة اسهل كتبي هني في الرد XXX وبعدين عدلي الخط مثل ما تبين وبعدين سويله كوبي وبيس في تعديل االخيارات ان شاء اكون فهمتج بس اذا ما فهمتي للحين قولي لي وبحط لج رابط موضوع يشرح اشلون تسوين هالسوالف

صبااح الخير شخباركم شمسوياات ..

: ( حدي مريضه كحه وزكاام والتهاب في الاذن حالتي حااله ..!

مب مترقعه .. اخلص من شي واطيح في شي جنه احد داعي علي !!

خذيت ويييييينج حبيبتي لج وحشه .. الامهاات كلكم شخباركم ؟؟

قنووت - مس رووز - زهوور - عيوون - صوووت - فرااوله - رووحي ولييد - اسااير - ناايس - بطوو - فاتي -نوور الصبااح - وكلللللللكم

رووحي وليد / الله يسهل عليج ياارب ونشووف ضنااج بين ايدينج .. يارب


عيوون / ماتشووف شر والدتج الله يشافيها يارب ويخليها لج ..

ام عماري / مايشووف شر البطل .. اكا علاوي مسكين التهاب وكحه وزكاام :(

مس رووز / شخبارج وشخباار شوواقي ؟؟ طرشيلي رقم اللي تسوي الحلوياات ..

عيوون .. بسألج غناتي

الحين اذا تدشين او تفتحين مواقع مثل منتديات وتشاركين فيها من البي بي .. يصرف عليج او ياخذ عليج زياده او يعتبر من تبع الخدمه .. ؟!


ونفس الشي المسن ؟ / يصرف او يعتبر تبع الخدمه ؟؟!

وحدك .. ماتشوفين شر يالغلا