u
umjana79
عروس ركن قضايا و حلول
26-03-2010 | 10:04 AM
كل مقابله تختلف عن الي قبلها ....
واحيانا يكتفون بسؤالين والسلام.. او اسئله عاديه ..
واحيانا يطفشونج من الاسئله لدرجه تحسين انج داشه حق منصب وزير مب شرطيه ....
اخر اخباري .... لا جديد .... محاولات مضنيه لنقلي من مكاني لاني بنفجر..... نفسيا نا تعبت .. والمكان يتعب نفسيه الواحد...
بس ابي اقول شي حق كل وحده تبيت تشتغل شرطيه.... وحق كل وحده تقول ( انا ابي اخدم )
طبعا محد مخير وين يتعين..... وللاسف كل وحده لمن تدش العسكريه..... تشغل الواسطات .. عشان تريح نفسها .. ( وكلام الليل يمحيه النهار)
الدوله لمن تحط ناس في مناصب معينه ... فهي لضروره وليس كماليات...
كمثال ... في بنات شرطيات ... لمن خذوهم خذوهم حق حمايه شخصيات... طيب وين المشكله ...
تدريب حماية الشخصيات يكون مكلف ويسخر طاقات جباره ... .. طبعا الشرطيه.. من تكون في الدفعه .. تبي تخلص التمرين والسلام.. وقليل الي هي فعلا حابه تكون حمايه شخصيات..
لمن تخلص الدوره .... تشتغل الواسطات عشان تكون ( دوام واحد نهار) بدون شفتات ... بدون اوامر ... بدون محد يثقل عليها الشغل.. وإلى مال ذلك..
وناسيه انها لمن تسوي جذي تظلم ناس وايد.. وتاخذ مكان غيرها ... وخصوصا ( بما انها ضمنت الوظيفه.. تبي..تتزوج.. شلون تتزوج وهي دوام شفتات .. وحماية شخصيات الي يتطلب منها ... ان تليفونها مفتوح 24 ساعه ..
طبعا هالمثال ينطبق على بنات الشغب والتحقيقات وغيرهم الي يتطلب شغلهم ان يكونون تحت الطلب بإي وقت...
الي يدخلون في الرابطه هذي ,, ويسألون عن اجراءات ... بنظري انها مب مهمه : كثر ما سالفه شغل الشرطيه نفسها ... شنهي ..
المفروض كل وحده تسوي بحث على عمل الشرطه النسائيه ... وتقصى وتسأل .. ولازم اتعرف ان الشرطيه اذا وصلت رتبه معينه وهي اغلبها عريف ورئيس عرفاء .... الوزاره تقدرها وتحولها إلى شفت نهار وتريحها من بعد خدمة السنوات..
ولازم شغله ثانيه تعرفونها... ان كثره المرضيات ,, وكثره التغيب تأثر على الملف... واي تقرير يطلع على الشرطيه ... يا ان يوديها سابع سما ,, يا ان ينزلها سافل ارض..... ولا تتوقع انها بما انها تشتغل .. ( يمكن ملازمتها او مسئولها ان ينصفها ) الظلم وارد ويا مكثره ... ( وانا اعان من هالشغله الحين.)
مسأله الشرطيه .. مب سهله ,, ولا هي ثياب كحليه ورتبه .. ولا هي رزه بس في الفريج .. ( انا اشتغل شرطيه) المهمه اكبر من جذي بوايد...
حتى الضباط ماعليهم عتب كثر ما يحصل العتب هو الشرطي \ والشرطيه....
اتمنى كل وحده تبي تضم الشرطه.... وبعد ما تستقر ... لا تقول الدوله ماعطت والدوله.. ما سوت .. والوزاره مافيها .. والداخليه ما عطتنا ولا قدرتنا...
وايد يسونها .. وامثله حيه عندنا بالشغل .. ناس تستلم راتب وتمش يدها بالطوف.....
الي تبي تدش العسكريه لازم تحط بباله اسوء الظروف واسوء الاماكن... حتى لو اشتغلتي .. بوظيفه وتوسطتي يحطونج بمكتب لا يمنع ان في اي مناسبه تصير ... افتتاحيات او فورملا او زواج من العائله الحاكمه ان ما ينادونج ..ويخلونج مرتزه 13 ساعه .... حمايه !!
ولا تتوقعين ان بما انج في شغله ثانيه .. مايتصلون فيج حق شغله ما تمت بصله حق شغله... بما ان عندهم نقص .. وانتي تسدين .. وحتى لو كل مره انتي الي ينادونج ... وما ينادون زميلتج .... لازم تعرفون ان هذي تأديه واجب.... وانتي قدمتي على اساس هالشي
طبعا الي عندهم خوات من الشرطه او اهل من الشرطه اكيد عندهم فكره جزئيه ...
واتمنى اني رسمت صوره كليه عن الموضوع ... اتمنى من كل وحده .... تترفع عن اسئله شنو بالمقابله .. وشنهو شروط الشرطه... وتسأل بالاول شنهي ( الشرطه النسائيه )
تحياتي
ام جنى:096:
ا
القلب الحنون25
عروس مبدعة
26-03-2010 | 10:21 AM
الله يعطيج العافيه ام جنى على هالمعلومات
ام جنى
يعطيج العافيه حبيبتي كفيتي و وفيتي ويمكن وضحتي حق البنات اشياء ماكانوا يعرفونها
وبالنسبة لج اختي وايد ناس يمكن مثلج مو مرتاحين في المكان اللي موجودين فيه لكن صابرين
والله يعيينكم ويفقكم ان شاء الله
جزيل الشكر لج اختي ام جنى على هذه المعلومات المفيده يعطيج الف مليون عافيه ماقصرتي صراحه
وضحتي اشياء وايد ماكنا ندري بها .. مشكوره
الله يوفقج
بناااااااااااااااات خبر أكيد سألت مرت اخوي واكدت لي ان الدفعه بداية شهر 4وعلى طاري اللسته اهمه قالوا ان بغيرون اللسته عشان يرصدون اسامي يدد بس اللسته مثل مااهيه ولا غيروها ولاهم يحزنون :047:...
انا عن نفسي خلآص كنت حآطه امل اني ان شالله ادش معاهم في دفعة 4 بس مرت اخوي ماحصلت اسمي فاللسته ولان ماغيروها ولا عدلوهااساسا اللسته ..
خلآص فقدت الامل والله اني تعبت وماعدت اتحمل وخصوصاً يوم دريت ان مو موجود اسمي فاللسته والله قهر ليش يسوون جذي فالناس يخلونا نعلق امال كبيره وهمه ولابحاسين ذبحونا وهم مخلينا نحاتي وننطر التلفون يرن .. اف خلآص لاعت جبدي منهم :091:
تسلمين اختي إيمي .. والله يوفقج ان شاالله ويعطيج ربي اللي في بالج..
shying Girl;11644327:
بناااااااااااااااات خبر أكيد سألت مرت اخوي واكدت لي ان الدفعه بداية شهر 4وعلى طاري اللسته اهمه قالوا ان بغيرون اللسته عشان يرصدون اسامي يدد بس اللسته مثل مااهيه ولا غيروها ولاهم يحزنون :047:...
انا عن نفسي خلآص كنت حآطه امل اني ان شالله ادش معاهم في دفعة 4 بس مرت اخوي ماحصلت اسمي فاللسته ولان ماغيروها ولا عدلوهااساسا اللسته ..
خلآص فقدت الامل والله اني تعبت وماعدت اتحمل وخصوصاً يوم دريت ان مو موجود اسمي فاللسته والله قهر ليش يسوون جذي فالناس يخلونا نعلق امال كبيره وهمه ولابحاسين ذبحونا وهم مخلينا نحاتي وننطر التلفون يرن .. اف خلآص لاعت جبدي منهم :091:
خبر حلو ان تقررت الدفعه اخيرا متى راح تكون لان ملينا من الانتظار على الاقل نعرف اذا وياهم او لا
اما بخصوص اللسته اختي انا اقولج لا تفقدين الامل لان لو اللسته ماغيروها وماعدلوها جان ماتعبوا عمرهم وتموا ينادون ناس لي الاسبوع اللي طاف حق فحوصات وغيره
توكلي على الله اختي وان شاء الله كلنا في الدفعه بأذن الله
وبالتوفيق للجميع ,,
اختي shying Girl ترة مب شرط الي اسمة في الستة ياخذونة انا اسمي في لستة مالت الفحص
انة الفحص مالي اوك عاد مادري تاخذوني اولا لاتفقدين الامل خلي املج باالله قوي الله كريم
ام جنى
تسلمين اختي على المعلومات والله اول مره اسمع فيها ماقصرتي
ق
قلبي ملكـ زوجي
عروس مشرقة
27-03-2010 | 08:13 AM
وانا بعد ترى مليت من الأنتظار واحس روحي معلقة ومب عارف مصيري شنو راح يكون
الله يوفقني و يوفقكم انشاء الله ويسسر امورنا وينادونة
عاجلا غير أجل
أمــــــــــــــــــــــــــــــــــــــين
آآميييين اختي الله يسمع منج
u
umjana79
عروس ركن قضايا و حلول
27-03-2010 | 07:56 PM
هذي المعلومات نقطه ببحر...
بس حبيت اوضح الصوره ,,,
تحياتي
ام جنى
ام جنى ..
اختي الغاليه ..
اولا حبيت اشكرج على طرحج للمعلومات وتوضيح الصوره .. ومثل ما قلتي .. هاي نقطه في بحر !!
الشرطيه .. بحد ذاتها اسم يحمل الكثير من الألتزامات والمسؤليات ..
وبالضبط كلامج .. قبل ما الواحد يسأل عن مقابلات وما الى ذلك .. ان يعرف بالضبط شنو شغلة الشرطه!!
انا بنفسي .. جفت بنات يصيحون من الداخليه ..
ويذمون فيها .. .!!
يقولون: مابي على اخر عمري احد ايي يشرشحني ويزفني على شي انا ما سويته !!
تخيلي .,,
العسكريه .: لو يقولون لج هاي اللون أخضر واهو في الاساس اسود ,, انتي لازم اجاوبيهم اي نعم اخضر !!
لان انا جفت تجارب شرطيات ولحد يومج ذي لا حمدا ولا شكورا ,,
واللي تقولج ,, انا قديمه في المركز الفلانه ,, مابي على اخر عمري اتيي لي وحده ارفع مني وتوها متخرجه تتشرط وتأمر علي !!,,
واللي تقولج ,, مابي مناوبه ,, وراي ريل وعيال !!
وما خفي اعظم ,,
انا مادري ليش ,, احب ان اكون تحت مسؤليه وامان ,, وهاي اول شي كان دافع لان اختار العسكريه ,, على رغم من معرفتي لجميع الضغوط اللي تخص الشغل ,, بس فعلا كنت اتمنى هالشي ,,
واذا الواحد حب شي معين ,, وحس ان اهو بيكون قد الشي وقدود ,, لا شعورا بيجوف الشي من الناحية الايجابيه اكثر من السلبيه ..
بس ايجابيت الشغل وايد : ومنها انها حكوميه ,, ومن السلك العسكري ,, تشملج الزيادات .. راتب معقوول او نقدر نقول ممتاز بنسبه لوضع البحرين ,, دريس خاص وما الى ذلك
يعطيكم ألف عافيه .. وبالتوفيق
ا
القلب الحنون25
عروس مبدعة
27-03-2010 | 09:39 PM
الله يوفقني ووفقكم يااارب
u
umjana79
عروس ركن قضايا و حلول
27-03-2010 | 10:22 PM
اكيد عزيزتي الايجابيات موجوده..
بس الواحد يحط باعتباره السلبيات الي ممكن احيانا تخلي الواحد ينسى كل الايجابيات.... وكل الي قلتيه صح... وما عليه غبار ( من الغبره الي تارستنا اليوم )
اتمنى التوفيق للجميع واي شي اسمعه باخبركم ان شاء الله
ام جنى
موفقين يعطيكم الله العافية
دمتم بود
up
up
up
u
umjana79
عروس ركن قضايا و حلول
28-03-2010 | 03:20 PM
بنات ... ماحبيت اكون انا الي ايب لكم هذي الخبر... بس معلوماتي اكيده...
بنات الدفعه دشت من زمان وصار لهم الحين بيكملون الشهر .. من اول ما تخرجت الدفعه .. الي راحت هم دخلو بعدهم....
هالكلام من مسؤلتي لانها اليوم نادتني وسألتني ليش ما رحت ..التدريب... وشكله اسمي سقط سهواً.... فهي اتصلت وبترتب اني ادش..وقالو بردون عليها
والفحصوات الي قاعدين يسونها ..هي حق السنه اليايه مب الحين....
ومافي دفعه بدش غير الي دشت ..
تمنياتي بالتوفيق للجميع والله ييسر حال الجميع ...
ام جنى
آآآآآآخ عيل احنا ننتظر للسنه اليايه
بس متى دخلت الدفعه احنا سمعنا بالدفعه الي تخرجت بس الي دشت ماسمعنا .. ان شاء الله تكون في دفعتين يارب وياخذونا وياهم في هالسنه
بالتوفيق للجميع يارب
ق
قلبي ملكـ زوجي
عروس مشرقة
28-03-2010 | 04:11 PM
امـــــــــــــــــــــــــــــــــــــــــين ياربي
الله يسمع منج
بتوفيق للجميع