الماسية 2004;12582794:
السلام عليكم
بنات بغيت أسئل كم يكون راتب رئيس العرفاء بالضبط
إلي يعرف لايبخل علي
وسؤال ثاني الحين وقت التدريب ينزل راتب حق رئيس العرفاء وكم ؟؟؟
لأن سمعت يقولون ينزلون مبلغ بسيط وبعد 6 شهور ينزلون الباقي
لاتبخلون علي
شكراااااااااااا
موفقين
! أم حسووون !;12583100:بنات بسألكم سؤال ..؟؟
طبعاً بعد عجزي عن الحصول على الوظيفه قلت ما ألجأ الا لكم ..
بغيت اعرف التقديم في الشرطة النتسائية شنوو شروطه والمطلوب مني لو بغيت اقدم ووين اروح بالضبط ياريت تزودوني بجميع المعلومات لعل وعسى يكون لي نصيب هناك ..
شوشو 87;12578866:
دلالي غير رووحي وقولي لهم انج تحتاجينه ضروري حق الشغل
والله يسر أمورج وأمورنه وياج ياااااااارب ..
ايمي الجكر;12583395:
بالضبط جم مادري ..!!
بس كل شهر في فترة التدريب ينزلون مبلغ 250 دينار
ماعندي سالفة;12611123:
اووووكي بنات وهل فيه شي ثاني غير الفحص الطبي وغير اختبار الجري ؟؟
سمعت ان في امتحان ثقافة وكأنه رياضيات ماادري انجليزي ؟؟
اتمنى تفيدونا في هالشي ؟؟
ومشكورين خواتي
الماسية 2004;12613200:
أعتقد مقابلة بعد الفحص الطبي والجري
وبعدين إذا قبلونا بتكون في محاضرة قبل الدورة
موفقين بنات
тόǾόмiε.ßucђεзяi;12619913:بنات الله يوفقكم كلكم يارب وينادونكم
وبالنسبة عن البنية إلي سألت عن راتب رئيس عرفاء
فترة التدريب يكون 200 وشي
وطبعاً أول ما أتدشين المعسكر أول 3 شهور مافي معاش
يعني ينزلونه مال 3 شهور كامل مرة وحده وماعرف إذا ذي الشي تغير أحين أو نفسه
وعقب ما أتخرجين يمكن المعاش 400 وشي أو 500 وشي يعني على حسب رتبتج إلي حصلتيها
ولج علاوات وهالشي بعد يعتمد على الإدارة إلي أنتي فيها
BlackBerrey;12618050:
حق شرطه لو تلميذ عسكري
دلالي غير;12620722:
الحمد الله افادتي اطلعت وباجر ان شاء الله باروح اكمل اوراقي :thumbs_up:
тόǾόмiε.ßucђεзяi;12620799:بنات إلي بدش حق مستجدة وعندها شهادة ثانوية عامة بس
رتبتها بتكون شرطي أول وعن سالفة أن إذا تميتو سنة في فترة التدريب وبترفعون هذي صار لي سنة أسمع هالشي بس ما تطبق لي حد الحين
وإذا بدش وعندها بكالريوس بيعطونها رئيس عرفاء
وعن سالفة فترة التدريب من سنتين كان من 6 لي 8 شهور
بس أخر دفعة تخرجت تمووو تقريباً سنة فالمعسكر
وبالنسبة حق البنات إلي موجودين فالمعسكر أحين
حطووووو على روحكم ولا وحده تفكر أنها تنسحب لأن الصراحة حرام وهالأيام كلش مافي أشغال
وشربوووو ماااي وايد ولا تحطون كريمات في ويهكم
ولين تخرجتو بتمنون أنكم تردون المعسكر لأنها أيام حلوووه
والله يوفق الكل إن شاء الله
وإلي ليحين ما أتصلو لها إن شاء الله يتصلون لكم جريب
ايمي الجكر;12621190:
شاكره لج اهتمامج بالموضوع .,, وردودج الطيبه
انا ما اذكر ان قريت نكج في بداية الموضوع .,, اعتقد انج عضوه يديده اذا ما خاب ضني .,,
ف مادري اذا سألتج هالاسئله من قبل .,, عذريتي لان لوود وايد علي وبسرعه انسى .,,
ع العموم .. حبيت اسألج ,,
انتي مقدمه عسكريه ولا انتي تشتغلين حاليا .,, احس من ردودج كأنج تشتغلين ولا احساسي غلط ؟ّ!!
ثانيا ,, انا اسمع الكل يقول .. ان لحد يستخدم كريم في فترة التدريب .,, لان يحرق الوي ,, بس شلون اخلي اشعة الشمس مباشره اتيي على ويهي بدون واقي .,, لان مثل ما تعرفين ان الاشعه فوق البنفسج وايد خطيره على البشره ,, وفي كريمات تحميج من هاي الشي ,, او تقلل من نسبة اصابتها مباشره على البشره .,, فمادري يعني الواحد اذا ما استخدم كريم مصيبه واذا استخدم كريم المصيبه اكبر .,!! شنو تنصحين فيه ؟!!
سوري ثقلت عليج بالاسئله .,, ومثل ما قلت لج اذا سألتج اياهم من قبل عطيهم طااااف هههه
يسلمووو الغاليه