تجمع حوامل وامهات {قطر} لشهر ربيع الثاني لعام 1431 ه ***

Gina82;11636213:
السلام عليكم امهات وحوامل ..

عندي سؤال وابي افضفض شوي ..

من دكتورة نساء زينة ف الاهلي وماعندها زحمة ؟

الفضفضة ,,

انا زوجة وام ل 3 اطفال جبتهم الحمدلله ورا بعض ، اولويات حياتي زوجي وهم،
ولاعمري سافرت عنهم ولاني راعية اعراس يعني من بعد عرسي من تقريبا اربع سنين ونص
ماحضرت الا اربع اعراس ، اللي قريبين مني وايد ينبهرون شقد انا مهتمة بزوجي وبكتاكيتنا ،
سبحان الله ، الله يسير ، وبقد ما يكون الوضع متعب ف ايام بقد مايكون سعااادة ع قلوبنا ،
يحبون بعض وايد و يتناحسون مرات بس مستانسين ع بعض ويحبون يكونون 3 مع بعض ،
أنا و زوجي مجانين بيبيات ، نموووت ع العيال ، ونتخيل اسرتنا كبيرة ، المهم
جاتني انسانة يفترض انها تعرف اني من النوع اللي يهتم بعيالي ، تقول : انتي تلحقين تشوفينهم ، انتي تدرين عنهم،
انا عيوني صاروا مدورين ، قتلها : اكيد اجابلهم واهتم فيهم ، قالت : ماتحسين انج تظلمينهم ، قتلها : دايما الام تحس بتانيب ضمير
بس الحمدلله وقتي لهم ، عقب يومين قالت: ريلج تقدرين تهتمين فيه ، افييه منها والله حالة خلصت من العيال راحت حق الريل ، قتلها الحمدالله ،
بس صج عقب لما رجعت بيتي صحححححت ، مش شي سهل تجيين لأم تقولين لها انتي تحسين انج تظلميين عيالج ومادري شنو ،
وبعد الشي اللي يضحك بحكم القرابة اللي بينا انا اعرف انها ماتسوي ربع اللي اسوية حق زوجي ، والله مادري تشوفني مستانسة انا وريلي
تبي تلعوزني ،
تعلمت شي :
1- السعادة لاتظهرينها الا جدام اللي واثقة فيهم
2-كلامج لازم يكون محدود و رسمي مع بعض الناس ، الثقة الزايدة سذاجة

امم بس قلت اللي ف خاطري وراتحت ..

لولوة قطرية;11636235:


جينا

اهم شي انتي راضيه عن نفسج .. وما عليج من اي كلمة تنقط عليج

وحطي في بالج شي واحد

" لا ترمى الا الشجرة المثمرة "

والله يسعدج دووووووم

وبخصوص الدكتورة .. ماعرف غير روزفي ودايما عندها زحمة

دوحانية;11636259:



جينا /
الله يحفظج و يحفظ بيتج و عيالج .. و يكفيكم شر الناس ..
و اسمحي لي ما اعرف عن الاهلي ..

الليازي;11636340:

هلا اختي

بخصوص احسن دكتوره بالاهلي وزينه وماعندها
زحمه ماعندي خبره
بس اللي اعرف انه دكتوره رزفي ممتازه
لكن ززززحمه عليها وايد

وبخصوص الموضوع :

بقولج شغله بغضضض النظر انج تكونين مستانسه
ولا حياتج كلها مشاكل
المفروووووض هالشي مايطلع برررررى البيت
بينج وبين زوجج بسسس!
لأنها تعتبر من أسرارج الشخصيه سواء
حق القريب او البعيد
العيييييين حق!!
وإحتمال أقرب الناس لج بعد يحسدون
لاتستبعدين هالشي ..
خلاص إنتي مرتاحه مع زوجج وعيالج وقاااايمه بهم ماااااااله داعي
تنشششرين هالشي بين الناس المفروض
تحافظين على حياتج الزوجية ، ولو كانت هناك
مشاكل بعد المفروض ماتطلعين مشاكلج
الزوجيه برى البيت يعني بالحالتين تحاااافظين
على بيتج .
شلون الليازي ، أنا مستانسة اكيد يبين علي هالشي ،

اما كلام و سوالف اكيد هالاشياء ما تنقال ،

كل اللي اسويه انا ماتشكى ولا ب نكدية ،

ومثل ما قلتي لو في مشكلة ما راح انشرها ،

في اشخاص غصب عليج بيقدرون يعرفون عنج اشياء بحكم

القرابة..

واللي قالت لج هالكلام تأكدي تأكدي إنها حاسدتج
لأنها تشووفج مستانسه ومرتاحه
وإنتي أهم شي من ذي كله حصني نفسج وعيالج
وريلج بالأذكار ودوم إدعي بالصلاة الله
يوفقكم ويستر عليكم ويبعد عنكم
عيون الحساد وماعليج منها ...
:095::095:

camellia;11636363:


جينا
المفروض ثقتج بنفسج تكون اكبر من جذي
دام انج راضيه عن حياتج وعن اداء واجبج اتجاه عيلتج
المفروض ما تتاثرين بكلام اي حد
وباين وواضح ان كلامها كلام وحدة حاقده يعني المفروض ما تاثر فيج بالمره تسمعين الكلام من هالاذن وتطلعينه من الاذن الثانيه
يمكن بكره تسمعين كلام اقوى واقسى من جذي المفروض تكونين مستعده للرد ومستعده للاستقبال كلام فاضي من هالنوع

um ghanim;11637013:

مرحبـا بنــات ^_^ ..

الله يسهل على كل الأمهات اللي ماولدوا

ويتمم حمل .. الأمهات الجدد

الله يعطيكم الصحه والعافيه جميعاً .. ويجمع بينكم على

خير يارب ..

متابعه بين فترة وفترة ..

: )

/

عليكم السلام ورحمة الله

مرحبـا عزيزتي ..

بخصوص إستفسارج عن دكتورة نساء في الأهلي

الدكتورة "إحسان دياز " .. أو مثل مايسمونهـا د.دياز

ممتازة ماشاء الله عليهـا .. وهادية ..

جنسيتهـا عراقية ..

تقدرين تاخذين موعد هالأيام .. من 23 / 3 ... لين 28 /3 ... عشان تضمنين أقرب موعد

في شهر 4 .. لآن عيادة النساء عندهم بشكل عام زحمه ..

الله يحفظج ويعطيج اللي في بالج يارب ..

:049:

um ghanim;11637657:

العفو حبيبتي ..

حبيت أصحح إسم الدكتورة .. دانيز إحسان ..

><

عطيتج إياه مساع بالغلط مثل ماقريته في الورقه .. إسمحيلي مرة ثانية