تجمع حوامل وامهات {قطر} لشهر ربيع الثاني لعام 1431 ه ***

عن ازنكو

دوامي خلص .. وبروح بيتنا

الله يحفظني

:D

لولوة قطرية;11601325:
هاي خواطر ايام الدورة مشكله

هههههههههههههههههه صح .. كلشي يدش خاطري وقتها.. حتى الكافي اللي ماحبه اشتهيه لما تيي الدورة خخ

الله يحفظج خخخ

مرحبااااا
شخباركم


ام حمني
وااااااااااااااااااي ربي يهون عليج ان شالله


مزمز
بالمبارك شرفت الدورة خخخخخ

زيونه ولولوة
يالمفاجيع عيب عليكم :02:
انا كنت جذي بعد :085:
وكنت اتغدى واشبع وعقب ساعه او ساعه ونص اجوع امبيييييييه احتر وابي شي اكله
انطر بس انزل بيت هلي واكل من اكلهم او اي شي عندي توست وجبن
وساعات اخلييهم يسوون لي بسرعه اذا ماقلت لبوالشباب يمر اي معصرة واكل لي شي
وكم مرة قلبوو طبخت طبخات حلوووة وامن اشوفها اقول لها ماتكفي :047::047::047:
تقول لي ليش اقول لها انا ابي اكثر من صحن يمكن :040:

غيووور
وصلني ايميل الاسبوع اللي طاف
بس مبالغ فيه استقبال ولاده جذي عيل العرس واستقبال الععرس<<الهدية
اشلون بيكون

ام حمني ودحدوحه
نفس مشكلتي
انا عندي هالات سوده
وتزيد مع السهر والتعب وفقر الدم
عموما
في طريقه البطاطا .تكون نيه وتقطعينها شرايح مو متينه احسن خلوها دقيقه شوي وتنحط عالعين ربع ساعه كل يوم مرة اومرتين في اليوم ..
انفعتني صج هاي من ماماتي فديتها قالت لي
بس ماستمريت الحين بعد العيز ضارب عدل
مع انه مايبيله شي انسدحي واحطيهم
وعقب غيرهم حق المرة الثانيه



يالله برب

زفات عرس تحفة
تتبدي الزفــة ،،، وتدخل بنت لابسة فستان أسود قصيــر،، ومسويه عجفتين ،، وفي يدها حلاوة مصاص ،،وتمشي للكوشه!!!

وفجأءه ينتبه الموجودين لشي !!

لحــظه !!! لحظه !!! هل بنت أهي نفسها العرووس !!!!!!!

شوي يدخل المعرس ،،وفي يده فستان العرس،، ويلبسها الفستان ،، ويفل شعرها ،،وياخذ الحلاوة المصاص من يدها ويحذفه!!

(يعني انها أنتقلت من عالم الطفوله ،، لعالم ثاني )

تعليقي: شالزوج الي صار "ناني" ،،، وبعدين من الغبيه الي بتسوي لها عجفتين في عرسها !!

2

تدخل العرووس بسرعهـ ،، و تركض للكوشــهــ ،،وويوه المعازيم كلها تتغير للدهشهـ ،،، وكلهم في بالهم سؤال واحد "وي شفيها تراكض !!"،،وعيونهم تلاحقها بأستغراب؟!! ،،، و OPps يطيح جوتي العرووس ،،!!!

(وه شالفشيله !!،،، امبيه ،،ليش محد من خواتها شال الجووتي !!،، خل ياخذونــهـ يعطونهـ اياهااا !!! )

في هالحظة يدخل المعرس ،، ولما يووصل لعند الجوتي ،، يرفعهـ ،، ويمشي لي العرووس ،، ينزل لمستواها ووو،،،، ويلبسهـ أياها !!

انهـ يازعم "جوتي سندريلا"

تعليقي: الشرهه مو عليهاا الشرهه على هالريل الي ماعطاها وي

3

القــاعه مغطيــه بلون الأخضر ،، ودرجاته ،، من طاولات وكراسي وستندات تزينها ورود وشويهـ أغصاان ،،والسقف مغطي بأورااق

"اوكي كل شي تمام "

شووي يطلع طرزااان @@ لا مواحد،،هاي مجموعهـ طرازنااات !! شسالفهـ !!

لحظة شووي ،،، لا ،، لا ،،هاي مو طرزان ،هاي الفلبينيات الي يباشرون الضيووف،،ملبسينهم لبس طرزان !!

أنا من جفت بطاقة الدعوه مكتوبة على ورقة شير ،،عرفت ان ماوكلي بيعرس اليووم

تعليقي : اعنبو شالحركات ،، أمس سندرلا معرسهـ،، واليوم ماوكــلي !! ،، باجر من عليه الدوور "ليون كنغ "

4

في واحد من الاعرااس ،، دخــلت العرووس ودخلت معاها شهقات وعلامات أستنكار و ..[ أستغفااار ]... ليش؟!

لأن العروس أدخلت لابسه مايو قطعتين !! وبكل جراءه ووقاحهـ ،، ووقفت عند الكوشهـ !! واهي تبتسم !!

دخل بعدها الزوج ،، حامل بيدينه فستان عرسها ،، ولبسهــا أياه !!

وسطـ الدهشة والأستنكااار !!

تعليقي: قلة ادب !! وين العرووس الي تمشي مستحيهـ وراسها في الأرض!!

5

دخلت العروس على الموسيقى الكلاسيكــيه بهدووء ،، وثواني ودخل زوجهــا،، أول ماشافت العرووس زوجهـا ،،رفعت فستانها وصارت تركض !! وتدور بين الطاولات !! وزوجها مثلها رقع البشت وصار يركض وراها!!
لين مسكها آخر شي ،،ولمها ،، وخذها معاه للكوشهـ وهي تضحكـ

تعليقي:واههههههههههههههههههههههههههههههههههههههههه ه

هذي قمة المصخرة... تخيلي بس المراكض اللي يصير

6

بدت الزفة بمسرحيــة !! كان الممر مغطى بلون أخضر والستندات مغطى بأغصان،، دخلت بنت صغيره لابسة جاكيت أحمر ،، وأم العرووس وقفت في آخر الممر !! "يعني ليلى والذيب " وصارت البنت تنادي (مسجل طبعا ) ،،اين العرووس ياجدتي !!،، أين العرووس هند ياجدتي ؟؟،، اين العرووس ياجدتي !!
وتوصل لجدتها !! وتطلع العرووس !!

تعليق: "نو كومنت"

8

تدخل العرووس وجدامها بنت ماسكه بالونات وعلى الأطرااف واقفين بنات وماسكين شمووع ،،أتيها بنت صغيره وفي يدها سله فيها ولاعـه،، تولع العرووس الشمووع ،، ليما توصل للستيج ،،وبعدها أتيها البنت وفي يدها مقص وتقص الخيط وتطير البالونات ،، "وفي حركة ثانيه أن يكون عندها قفص وتفتحه وتطير العصافير" المهم الممر الي تمشي فيه العرووس يكون أقوواس ،، وفي آخر قووس مربوط به باقتها ، تفك الباقة،، وتصعد على الكووشه!!!

تعليقي: شنو ذي أعماااااال شاقهـ مو عرس،،اعنبو شالعروس الي لها مزاج حق ذي كله !!

9

تشغل أصووات طبوول ،، ومسدسات ،، ويدخلون مجموعه من البنات لابسين ثياب الجيش

النتيجه: المعازيم طلعوووا من الخووف كل وحده شالت على عمرها ،، ودخلت العرروس والقاعه خاليه!!

10

تدخل العرووس معا المعرس ،،اووبس ،،سوووري أقصد ،، المعرس يدز العرووس على كرسي متحرك ،، مزين بالورود !!

والعرووس تلوح للمعازيم ،،وتبتسم من دون لاتحس ان حركتها مالها معنى !!

تعليقي: شالمستفاد من الموضوع !! انه لين طحت زوجي بيشيلني !!

11

يدخل العرووسين القاعهــ ،، بس لا مو اي دخله،، هاي دخلة شيووخ

داخلين بسياره لكزس !! ويوقفون في النص !! ويتبادلون الدبل !!ويسوق السياره للعند الكوشه ،، ينزل المعرس،،ويفتح الباب للعرووس!!

تعليقي : شنو يعني ،، انه جوفوا عندي لكزس ،، عالم عندها بدل السياره ألف ماسوت هالحركه !!

12

موسيقى هاديه وتمشي العرووس أول خطوتين بخجــل وحيا !! وفجاءه يتغير صوووت الموسيقى وتبدى الموسيقى المصريه،،تحذف عليها وحده من صديقاتها ،، حزام أبيض،،وترقص العرووس مصري للكوشهـ !!وتجوف أمها واخواتها ،، ويرقصون كلهم !!

ويدخل المعرس وياخذ له شوط معاها !!

تعليقي: احتمال انهم ايبون "فيفي عبدوو " عما قريب !!

14
العرس على شكل فقرات ،،الفقرة الأولى خطاب بالعربي!!الفقره الثانيه ،، خطاب من خوات العرووس بالأنج!!،،الفقره الثالثه مقطع من مسرحية شكسبير!! والفقره الرابعه أسئلهـ على الحضوور !!

تعليقي: طابور الصباح مو عرس!!

هااي شويهـ من الزفات خذتها لكم من منتديات ،، يعني مو عارفه هالعالم لين وين تبي توصل !!

وحده تقوول دخلت في زفتها بنتين لابسين جناح ويرقصون باليه حولها !!يعني لو انا مكانها شوتهم !!بروحي في حاله وفي ثنتين يناقزون حوولي!!

ووحده تقول طيرت حمام معليهـ عادي ،، لكن الأخت الي طيرت فرااشات ،،شتبي من الدنيا !!
(--- انا عندي خوات فيهم فوبيا من الفرااشات !! شاسوي بهم حزتها

وحده تقول نثرت لولو صناعي ع الموجودين!! أنا أشهد انها فلعت الموجودين

وحده تقوول دخلت القاعهـ الا اجووف بنت طايحه ،،رحت لها وانا اقوول "وي سمله عليها شفيها البنــت !!"وبالأخير

ههههههههههههه اوبي مت من الضحك

انا قبل امس كان عرس ولد عمي
العروسة دخلت لابسة نفنوف ضيق و كان مكياجها خفيف و ومسوية كبة و حاطة طرحة قصيرة (ستايل اجنبي)
و كانت داخلة و شاقة الحلج و ما كانت خايفة ماشالله عليها
و لما قعدت قالوا في اغنية اهداء من العروس حق امها
و فجاة نشوف العروسة ترقص مع امها بس مو اي رقص
قامت تطق رقبة و طق اصبع وربي ما اجذب اني انا فجيت حلجي ومستغربة من جرائتها
و شوي رحت اسلم عليها و الا الاخت قاطة المسكة و قاعدة تصفق و ترقص و تتمايل و الا جنها اهية العروس
و لما دخل المعرس دخل مع ابوها
و فجاة قالوا في اغنية اهداء من العروس حق ابو العروسة
لوووووووووووووول العرس كله اهداءات
و حطوا اغنية الجسمي واسدة وقامت تمثل الاغنية و ترقص و تلم ابوها و نزلت مع امها و اخوانها و يرقصون
حسيييت اني قاعدة بعيد ميلاد مو عرس
و تذكرت عمري لما كنت بالكوشة
احس انه الكوشة راح تطيح من كثر ما ارجف من زوجي

لولو

ههههههههههههههه الله يبارك في حياتج خخخ

انا مرة رحت عرس هالحجي قبل 15 سنة تقريبا
وربي العروس كل شوي تدش بنفنوف غير ... يمكن دشت 7 مرات وكل مره لبس غييير
حتى بأخر لبس اللي اهو كان لونه ابيض قبل لاتقعد بالكوشه .... طاحت مسكينة
وامهاا اتقول بصوت عالي قل اعوذ برب الفلق ... عيون الناس ماترحم
تعليقي لها : دام الناس عيونها ماترحم ليش شسويتي عرس بالاساس دامج خايفه من العين :/

هههههههههههههههههههههههههههههاي

لولو /
شرايح البطاطا ما تصلح لي ..
ابي شي سحري ..
استمريت فترة مب طويلة على جل ماركة vichy بس ما حسيت بتحسن مخليته الحين بس حق ترطيب منطقة العين ..


موزان /
هههههههههه عبط بصراحة ..
اما سندريلا و طرزان ..

بخصوص العروس اللي ترقص ههههههههههه خبللللة هذا اللي تبي تستانس في عرسها !!

باااك من بعد الغدا

دح دوووح

الهالات السودا مايوديها الا الراااااحه
<<<<<<<<<<< عن تجربة

جاتني فترة ارقد 9 ونص 10 والله ان لا هالات ولا مايحزنووون

أم الغاليين الثلاث;11601820:
دح دوووح

الهالات السودا مايوديها الا الراااااحه
<<<<<<<<<<< عن تجربة

جاتني فترة ارقد 9 ونص 10 والله ان لا هالات ولا مايحزنووون

اي بالله صدقتي , الراحة زينة :02:
بس أنا ما أعرف أرقد بدري ..

دوحانية;11601922:
اي بالله صدقتي , الراحة زينة :02:
بس أنا ما أعرف أرقد بدري ..

انا مااعرف ارقد بدري بس ذيكي الفترة كنت من تجيني النوووده اروح احط راسي وارقد
خبرج لا ياهل يزعج ولا مايحزنووون :057:

دح دوووح

اشبكي المسن

يختي انا للحين ما عندي سستم عدل ..!!
و هالشي متعبني واايد ومأثر علي ..

من أمس أحاول أفتح المسن ع الايميلين و مب راضي يفتح ..

دوحانية;11602016:
من أمس أحاول أفتح المسن ع الايميلين و مب راضي يفتح ..

وييييه لايكون انبااااق :confused:
بنت عمي صارت لها نفس السالفه وعقب اكتشفت انه انباق
انزين اش صار على العشا؟

السلام عليكم

شخباااركم

أم الغاليين الثلاث;11602068:
وييييه لايكون انبااااق :confused:
بنت عمي صارت لها نفس السالفه وعقب اكتشفت انه انباق
انزين اش صار على العشا؟

ويييي لا ما اظن ..!
شدعوة الاثنين بينباقون !!