اسعار تفصيل فساتين السهره البحرين

بنات اللي اعرفه

سوق واقف - الاطراف الناعمه

فيه حريم ياخذون القياس

بس مادري كم سعره

سمعة اقل شي 20 دينار ؟!

******

بالنسبة للسعر

بقولكم موقف صادني

مره كان عندي قطعه يايبتها من الهند

والقطعه مقسمة وجاهز كل شي فيها الا التوب بعد جاهز بس يبيبله ناخذ القياس ونفصله

رحت حق محل في المنامة في مره تاخذ القياس ارتحت انها مره مابي ريال ياخذ قياسي بس اخر شي صدمتني في السعر قالة ب 30 دينار

رحت محل ثاني جريب منه فيه هندي بس ماعنده مره تاخذ القياس فخليت امي تاخذ قياسي وقال بفصل لي نفس القطعه ب 5 دينار

جفتوا الفــــــــــــرق الشاسع

من جذي ابي محل زين وسعره زين

اختي نفس ما قلتي اغلب المحلات اللي فيهم حريم ياخذون القياس اسعارهم اغلى من خياط الهنود العاديين فانتي ممكن تسويين نفس ما كنتي مسويه قبل ان امج او اختج تاخذ القياس واهو يسويه لان حتى لو بقولج اسامي مستحيل يسوي لج ب20 او ب30 كلهم اغلى بعكس لو خياط عادي مال هنود..

انا قلت بمر على الخياط النسائي وبجوف اسعارهم وبتفاهم معاهم

اذا جفت انهم بضبطونه او شي يمكن اسوي عندهم

بس يعني حتى لو الفستان بسيط يعني بجي سعره اغلى من 30 !؟ والله حاله

المشكلة اني بسوي حفلة وفي البيت وعائلية بس لانه مافي في السوق اللون اللي ابيه فمن جذي رحت شريت لي قطعه وقررت افصلها ؟! :(

قلب ريلها;11542365:
انا قلت بمر على الخياط النسائي وبجوف اسعارهم وبتفاهم معاهم

اذا جفت انهم بضبطونه او شي يمكن اسوي عندهم

بس يعني حتى لو الفستان بسيط يعني بجي سعره اغلى من 30 !؟ والله حاله

المشكلة اني بسوي حفلة وفي البيت وعائلية بس لانه مافي في السوق اللون اللي ابيه فمن جذي رحت شريت لي قطعه وقررت افصلها ؟! :(

والله شقولج اختي صايريين وايد يتضربون في الاسعار واهو بعد يعتمد على الموديل فإذا حابه تجربيين وتتفاهميين معاهم اكثر يمكن يسوي لج باقل
عندج شمواه في الديه
عندج السعفه بعد اللي ياخذون القياس وتتفاهميين معاهم نسوان
وعندج خياط جواهر بس ناسيه باي منطقه لان من زمان مخيطه عندهم
وعندج بعد في توبلي خياطه ام نواف و في بعد جم خياط في فلبينيات بس مو مثبته اساميهم
الأولى في المحرق
الأنامل الحريرية
اليكانزا في البوكوارة

وان شاء الله بعد باقي البنات يفيدونج اكثر ويمكن إذا كلش بسيط يسونه اقل شي بثلاثين

مشكورة الشبخه ع مساعدتك لي

ورحت اليوم اسوق واقف مريت الاطاراف الناعمه طلع ما عندهم وقت

رحت حق المليج مجابل ساهره ولقيت لي بنات هناك

ساعدتني في الدزاين وقالت لي ب 26 ..

توكلت ع الله وقلت لها تسوي لي وان شاء الله بجيكه الاربعاء وبنجوف شلون بيطلع

تحياتي لك واشكرك ع مساعدتك

السلام عليكم

العفو ابوي
واشوه دام لقيتا عارفه معاناتج خصوصا انج حامل ما تقدريين تلفيين وايد وان شاء الله يطلع مضبوط ونفس اللي ببالج واحسن

موفقين

:)

شوووووكرا