تاب ألويا الحراااميه

رأيي من رأي انثى
مااحط فلوسي في شئ خربوطي مثل سنتر بوينت( مذركير التقليد) وفي بديل بنفس السعر وبفارق الجودة!!


وفي التخفيض الماركات سعرها انزل من سعر مذركيرالتقليد ونفس سعر ماكسإن ماكان اقل مع فارق الجودة!!


بصراحة انا من غير مااكون مضطرة مااشتري الا في تخفيض
ليش؟
موقلة ذات يد ولابخل والله
بس فارق السعر انا وعيالي اولى بيه من التجار !
ليش اعطيهم الزيادة!
ليش اسمح الهم ياخذوا ربحهم مني اضعاف مضاعفة!
تعلموا في التخيض تاخذون مو قدر الحاجة زي مااسوي
خذوا فوووووق الحاجة بحبتين تحسباً لاي طارئ او مناسبة مانعمل الها حساب


بالنسبةللموضوع الاصلي فانا أقول لو انهم لاقين مثلك ميمو في كل زبانئهم ماتجرؤا وسواها
بس الشكوى لله الناس تشتري وبس كأنها لاقية الفلوس في الشارع

طيب شوفي غيرهم

مووووو ،،، بلى فهمت عليش
وأرد اقول صراحة بضاعتهم حلوة ونوعيتها زينة بس أسعارها مرتفعة

وبصراحة اني عندي راتب بس ماآخد من عندهم الا في التخفيض
لان ينزلون السعر لتحت الارض!!!!

أممم طرشي ليهم على السايز ، مع اني مااعتقد بسسون شي اصلا!

الله يكون بالعون

هلا خواااتي أشكر ردودكم بالنسبه للاخت اللي قالت مذركير التقليد !! انا بصراحه ما اشوف اسعاره تقل عن تاب الويا أبدا وفرق في الشكل ألف ..

وأنا مو كاتبه الموضوع متحسرة على الفرقيه اللي دفعتها أو شي .. لا بس حسيتها استغفال لنا احنا المستهلكين ان ياخذون زياده لهم على صوب عن السعر الاصلي .. ومثل ما قالت وحده من الخواات .. انا مرة كنت باخذ من عندهم دنغاري مثل ما ذكرت مسبقا مكتوب سعره الاصلي سبعة دنانير ومحطوط عليه لصقه مسوينه بتسعة دنانير ورجعت لخه في السيل مسويين عليه عشرين شي وأخذته بسبعه يا زعم بعد السيل انهم تكرموا وشالوا الدينارين اللي ماخذينهم على جنب لروحهم مالت عليهم!!

ومشكورات خواتي على المشاركه

انا احس اسعارهم عاديه !!

يعني ماقط لاحظت انها غاليه او في فرق !!

بس اذا اللي قالته لج صح .. من حقج تشتكين .. يعني في الاول و الاخير لازم مانكوون مغفلين و ناخذ كل شي ولا ندري




مره في ( تويز ار اص ) صار لنا نفس الشي .. اختي شرت لعبه و لما رحنا الكاشير طلع سعر ارفع و قالت اووه يمكن احنا بالغلط حاطين عليه سعر ارخص !!


المشكلة انج لما تروحين تشترين اكثر من قطعه السالفه تضيع .. لكن لين تشترين قطعه وحده تنتبهين


انا لووو منج حتى لو مان الفرق دينارين ما ادفع و اطالب اني اقاابل المسؤوول .. !!

مو عن ان متبيخله ادفع الفرق .. لا .. بس عشان يعرفوون ان غلط يستغلفوونه !!

السلام عليكم

والله جذبني هلامووضوع نفسه والردود الكثير إلي تفرعت

اولا لاختي صاحبه المووضوع يا عمري والله صج كلامج وهو صح ومثل ما قالواا بعض الخوات انه حتى في السايتات غير لانه طبعا الوكيل مالهم غير عن حتى السعوديه وكل وكيل وضميره وحبه للربا بس تقدرين حبيبتي انج تنبهين حمايه المستهلك او تتصلين على وزارة التجاره وتستفسرين إذا تبين عندج شكوه وين تحطينهم واكيد اهم بيدلونج وآنه اشجعج وبقوه بعد واشجع الكل لو حتى في شي عادي لو براده بعد انكم تتصلون

اهو صج تجاره ،، بس تره قانون التجاره عندنا فيه قوانين وحدود نتصل ونشوف لينا حق وله لا ،، صح كلامي

ومن بعض الردرو إلي قريته وصار في قلبي كلمتين ابي اقولها

الشاطر والسنعه تقدر تلبس عيالها عساه من سوق الحراج ويكونون حلوين ويجننون كأنه اخت سمات قالت جذيه

والله وكيلكم آخذ من ماركات مو بس حق بنتي إله حتى حقي بس وقت التخفيض

ولاني من قبل اعرف انهم الأسعار إلي تدخل البحرين اكثر من مكان ثاني وفيها ربح لهم ادبال عشان جذيه حتى في التخفيض ما يخسرون

بس هذا إلي عندي حاليا


شي ثانيا ابي اقول لكم انه قبل الثياب اهتمو تشترون لعبه تره الياهل يفرح بالعبه ما يفرح بالثياب نفسكم انتون صح لانه إذا شريتو الثياب فرحتو نفسكم مو عيالكم بعكس اللعبه تفرح الياهل قبل وإكيد اذا اهو فرح الأم فرحت وراه

اذا كان قصدك انو السعر الي مكتوب على بطاقه الاسعار غير الي يحسبه الكاشير ,,, فان دايما اخذ من عندهم واللي مكتوب في بطاقه السعر المعلقه على اللبس ادفعه ... ومايزود شي من عنده ,,,
المحلات تختلف ,,, الله يستر علينا من استغفالات المحلات ,,,

كل المحلات حراميه
تتكلمي عن من وتتركي من
مو بس الملابس صارت حتى المحلات العاديه يتضربوا بالاسعار
الله يكون بالعووووووون

غريبة كذا مرة اشتري من عندهم واطالع اللصقة اللي تقولين عليها بس ما قط صادتني هالحركة ان يحطون عليها لصقة وعليها سعر غيرر

والله الين بتشكتيكن زين اتسوين
ويش هالاوادم
صارت بس تبي تبلع فلوس وبس
ومايهمها شي ثاني
حسبي الله ونعم الوكيل فيهم

كل الماركات جذي

واحنا مانتوب ابد

تابا الويا وبمكن باتش ومذركير البريطاني اذا اشتري منهم مااارتاح وايد احس اني اقط فلوسي في شي ماايسوى واناا غي الاغلب مااشتري الى وقت التخفيض ............

بس تاب الويا

بإستثناء حركتهم هذه

أسعاره معقولة مقارنة بغيره من الماركات

الوكيل اصلا ما يستحي على وجهه ..

والشكوى لله سبحانه على هالحرامي ..

المفروض نسوي مقاطعه وننشر الخبر إلى الكل عشان الكل يتضامن عشانه انأدبه عشان ما يقعد يبوق الناس

خسارة أختي لو انتي مصورة التاق تقدرين اطرشين ايميل الى لجنة حماية المستهلك تبع وزارة التجارة او تتصلين فيهم وهم يتكفلون بالسالفة .. لان الشركة الرئيسة بيكون مالها علاقة بالفرع هني صاحب المحل مشتري الأسم ويورد بضاعة من عندهم ..

هلا خواتي اوردي القميص بسعره الاصلي والسعر مال الرصيد بعد عندي

اللي قلتيه اختي صح أنا مرة أخذت لولدي جوراب من عنهم وكان سعره على التاغ 1,750. الكاشير قالي ب 2 دينار أشوى اني حطيت بالي :023:, صح ان اللي بقى 250 بس الحق حق، بعدين الكاشير سوى روحه انه ما يدري ورد لي الباجي :02: .