بموت من القهر قهرتني الله يسامحها

اول شيء اختي الله يحفض جنينك و يشفي زوجك شفاء لا يغادر سقما عاجلا لا اجلا يارب .. قادر على كل شيء
تاني شي
طنش عش تنتعشششششششششش

ياريت اقدر اطنش جان عشت مرتاحه بدل هالبلاوي يله الله كريم واهي من هذاك اليوم ما اتصلت ولا طرشت مسج وانا بعد ودي اطرش بس كرامتي ما تسمح لي عقب اللي قالته

...

اختي روحي وليد

اسأل الله العظيم رب العرش العظيم أن يشفي زوجك

اللهم رب الناس مذهب البأس اشف أنت الشافي لا شافي إلا أنت


اختي العزيزة انتي الحين مو بحال تقدرين تفكيرين فيه بصديقتج


الاولى انج تفكيرين بزوجج وتسخرين وقتج له وللدعاء له


ولازم ما تفكرين بشغلات تتعب نفسيتج لانج بوقت محتاجه ان نفسيتج تكون هادية


اول شيء عشان زوجج وثاني شيء عشان البيبي

والله يقوم زوجج بالسلامة ويحفظ ويثبت اللي ببطنج بحق محمد وآل محمد

..

دقات قلبFي;11538099:
اسأل الله العظيم رب العرش العظيم ان يفرج همك ويتمم حملك ويشفي زوجك انه على كل شي قدير


بالنسبه لخويتك فالباب اللي يجي منه ريح سده واستريح

خلاص اتركيها بما أنها تسبب لك ضيقه

اهتمي بنفسك وحملك وزوجك

وبس


وادعي ربك وربي ما بيخيبك

والبنات كفوا ووفوا بالردود

تقبلي مروري

دمتي بود حبوبه ودعواتي لك

:03::03::03:

البنات ماقصرو لكن اقولك كرري قوله تعالى ربـــــــي لا تذرني فردا وانت خير الوارثين

در مكنون;11532566:
الله يحفظ لك جنيك وتقر عينك بشوفته سليم معافى

خيتو أنا قرأت الجزء الأول من المشكلة وهذا الجزء وبصراحة وأتمنى ما تزعلي من صراحتي بس حسيت من المواقف المذكورة أنو انتو الثنتين في وضع صعب

أكيد محد يقدر يلومك على مشاعرك الطبيعية ... وهالمشاعر ما فيها أي خطأ ومن الطبيعي أن تنوجد لكن هم ردة فعل صديقتك غصباً عنها

في فترة الحمل الوحدة تكون شديدة الحساسية وتتضخم الأمور في عيونها ... غير هذا أنا حسيت أنها من شدة حبها لك وقربك منها كانت تتكلم بعفوية ... الوحدة لما تفرح بشيء تحب كل العالم يفرح معاها خصوصاً المقربين وتشعر بمتعة في الكلام عن اللي يفرحها

ويمكن هي تتكلم بهاي العفوية عشان ما تحسسش أن في مشكلة أو أنها خايفة منك أو أنك تحسديها ... أصلا لو جى هذا في بالها مستحيل كانت طلبت منك تشاركيها فرحها

تعرفي أحياناً الانسان في هالموقف " خصوصاً اللي ما مر فيه " يحتار شنو التصرف الأنسب والأقل إيلاماً ... أكيد هي خافت تتكلم وياك بتحفظ أو تكتم حول هالموضوع وتفهي ردة فعلها خطأ وأنها خوف منك لا غير وهي كانت حابة تشاركك فرحتها اللي أكيد تتمنالك تمرين فيها

أكثر من مرة قرأت في فضفضات في عروس يكون الموقف عكسي أن وحدة متضايقة ومجروحة لأن خبوا عنها حمل أو ما يكلموها عنه إلخ وهم تتفسر داخلها خطأ

وصدقيني من كلامك واضح جداً أن صديقتك مو قصدها تقهرك أبداً وأن ردة فعلها ناتجة عن حيرتها وجهلها للتصرف الأمثل وزعلها " أو عتابها الخفيف " لأن هم هي في مرحلة حساسة وكانت متوقعة شيء ثاني


متأكدة بعد فترة ولما راح يهدأ الأمر راح ترجع الأمور لسابق عهدها اهم شيء لا تفكري في الموضوع كثيري وتشيلي في خاطرك على صديقتك ... وترى الصديق الوفي نادر هالأيام فلا تضيعوا صداقتكم مهما كان الألم هاللحظة قوي ... إن شاء الله لما تتضح الأمر بيندمل تماماً وبدون أثر

حالياً انسي كل تفاصيل هالمشكلة وركزي على زوجك وعلى اللي في بطنك ... لا تشغلي بالك بأشياء توتر بالعكس حاولي تفكري باللي يريح نفسيتك بس ، وبمتابعة حالة جنينك مع مختص بشكل مستمر

معاها حق البنت
الاااااااااااااااااااااااااااااااااااااااااااااااااااااااااااااااااهي بحق هالثلث الاخير من الليل الي ينادي بها رب العالمين هل من داعي استجيب له انه يثبت جنينك يابعد قلبي ياجعل ربي يبرد قلبك بشوف الضنا
ويشفي سقم زوجك يارب عورتي قلبي وانا ماني حساسه ولا عاطفيه ولاشي لكن يمين بالله عورتي قلبي الله يفرجها عليج الله يفرجها عليج ويثبته ويطول بعمرها ويرزقك الي بعده والي بعد بعده يارب
قوي علاقتج برب العالمين
ومن تقوى علاقتج بالله صدقيني صدقيني بتصيرين اقوى وماعاد الي عند غيرك يذكرك بخسارتك صدقيني انا ادري انك ماانتي حسوده ولا حقوده مصدقتك
بس كل مايزيد الايمان بقلب المسلم كل ماكان قادر يواجه بلاءه بهالدنيا
والله الواحد بمثل هالمواضيع الي تكتف يد البني الادم ماله الا يرفعهم للسما ويدعي
انسي اللحين وركزي على عنايتك بحملك ونفسيتك ماانصح تفتحين معها الموضوع مره ثانيه شكلك حساسه والهرمونات لاعبه بأعصابك
انتظري يثبت حملك وتالدين بالسلامه والحين التهي بصحتك وطلعي مشاوير خفيفه توسعين بها صدرك مع الاهل والله معقود لساني سامحني ان كنت ماوفيتك حقك بالاجابه ماعندي غير الدعاء

مشكوريين خواتي الله لا يرحمني منكم وايد ردودكم خففت علي وقلت بتعوذ من الشيطان وبنسى كل اللي صار بس تفاجأت ان رفيجتي دزت لي مسج بما معنى ان كل اللي بينا انتهى دام اني ما احبها ونسيتها على قولتها لان قطعت المسجات فتره اسبوع تقريبا ردييت عليها بان حقج علي وجذي ولحد اللحين حاقرتني على العموم متفائله ان الامور بترجع مثل قبل واحسن والله يهدي الجمييع

الله يفرج همج يااارب ويثبت حملج ويشفي زوجج اللهم آميييين

شوفي حبيبه قلبي

انتي غلطتي من الاول واسمحي لي على كلامي

ادري بتقولين الكلام اللي يغث ويعور القلب مابيه

صح معاج حق حبيبتي

بس لازم تعرفين كل شي

هذي مثل ما قلتي انها صديقه عمرج فهل من المعقول انج تتركينها عشان الكلام اللي تقوله!!!

هذا شي غلط لو انتي مكانها شنو بتسوين

صح هي المفروض تراعي شعورج بس بعد انتي لازم تقدرين شوي هي مستانسه انها حامل وهذا شعور طبيعي عند كل وحده متزوجه

الشي الثاني حبيبتي لو انتي تضايقتي من هالكلام قولي لها

الصديقات وخصوصا اللي قراب من بعض لو يتصارحون بكل شي ماتوقع وحده منهم بتزعل غير لما انج تبتعدين عنها من دون سابق انذار

وتبينها الحين ترجع تكلمج بدون عتاب او شي!!!

هذي لو ماتحبج صج ما كان بتعاتبج او بتقولج شي

بس من زود معزتج عندها تعاتب على الفتره اللي بعدتي عنها وهي كانت تبيج وياها

لو انتي مكانها جان بتقولين نفس الكلام اللي قالته لج

حتى لو قلتي لا بقدر ظروفها بعد بتقولين لها نفس الكلام

الحين الله يصلح مابينكم ان شاء الله

ويخفظ لج جنينج من الشر وان شاء الله نشوفج مشاركه منج بعد ست شهور تقولين لنا عن تجربتج بالولاده كيف

الله يخلي لج زوجج ويشافيه ان شاء الله

دايما تذكري انه هذا بلاء من رب العالمين

والله اذا حب العبد يبتليه

اسمحي لي على كلامي ادري يمكن يغث بس انا انسانه صريحه

الله يوفقج يارب