يوم الاسرة

حلوه الفكره لاكن بما اهنا عدد الاخوان قليلين فه الى انجمعه انحاول نشترياقلاده ذهب حق الماما لانه اخواني اصغار او كلهم يدرسون او بس انا او اختي الاكبار
فه عشان انغير جو انسوي عشى او انه نشتري من بره مشاوي او معجنات او غيره او انسوي جاي او انروح الحديقه نقعد مكان في اشوي خضار او يوم الثاني انروح المطعم نتغدة او انروح السعوديه ههههههههه
لاكن البابا ما يحصل شئ (غير الخساير )

و الله ذكرتوني بنفسي

كل سنه احن على زوجي اني بعد ام ما بتهديني في عيد الأم ؟

و أرز الفيس ولا يعبر خخخخ مع انه مو من عوايده بس يمكن لأنهم ما يحتفلون بهالمناسبه في بيتهم فما يتذكر

بس خاطري ان ولدي يهديني لكن مو حلوة رزة الفيس خخخخ

اني العام عيااالي اهدوني باااقة ورد روز

مع مبااايل فكرة باباتهم .........زز

محمديه الهوى;11547083:

خيو شلون قصدك عقيقة يعني

وصير يعني حتى عن الموتى!!!!!!!! الصرااااااحة مافهمت.....



:042:

اي عادي تصير حق الصغير والكبير وحتى الميت

نوتيلا *;11549714:
هاي .. حبيت أشاركم بأفكاري اليوم وسوري أمس كنت حساسة شوي

لازم بهالفترة أصير حساسة بعد أم ..

أول شي أحب أقول لكل ماما (( كل عام وانتون طيبين و يبلغكم بعيالكم ويخلي لكم والديكم ويطول بعمرهم ويعطيهم الصحة والعافية ))

بالنسبة لي صارت كم سنة ما نسوي حفلة حفلة

لأنه يصادف يوم الأسرة في وقت مو مناسب

يعني السنوات اللي قبل كان يصير في شهر صفر عشان جذي نأجل تقديم الهدايا

وما نسوي حفلة ..

أما السنة تشجعت من الردود وناوية أعرض الفكرة على أخواتي العزيزات نسوي حفلة عشا

عائلية

وشتريت هديتين لست الحبايب ماما الغالية وهم أغراض للمطبخ محتاجينهم
>> ماما ما تشبع من القدور :085:

وبعد بشتري هدايا ثانية

وبعرض عليكم بعض الأفكار :

1 - الذهب وخصوصا الأصفر .. النسوان ما يشبعون من الذهب وحتى لو عندهم
( خاتم ، أسويرة او معاضد ، صندوق اللي يخلون في القرآن يلبسونه في سلسلة ... ) عل حسب الميزانية

2 - موبايل كل النسوان الحين عندهم موبايل

3 - قدور وأغراض المطبخ اللي مامتها مثل ماماتي تحب القدور وما تشبع منهم تاخذ لها طقم ستيل مثلا :014:

4 - قطعة كاربت فخمة هذي هدية للأسرة كلها أو اذا البيت مفروش كاربت تحاول تطلع أمها وأبوها محل وتفرش لهم البيت كاربت جديد وممكن بعد تصبغه أو تحط وول ستكرسز في المطبخ أو الغرف وممكن تخلي لهم بالغرفة كماليات تغير الأباجورات المفرش او تحط هم شريط الجدار ...

5 - دفة حرير + نعال + شنطة

6 - ممكن تهدون البابا مسباح ، موبايل ، بوك ، عطر ...

7 - وفيه فكرة حلوة للبابا والماما تهدونهم تذكرتين سفر


الحين نجي لينا احنا كأمهات حلو عيالكم يتعودون من الصغر يهدونكم في عيد الأسرة وحتى ولو هم صغار

بالنسبة لي من كمل ولدي البكر السنة علمته يطلع مع أبوه وياخذ لي هدية ويقدمها لي في هاليوم وكان وايد يستانس واني بعد تكون لي أغلا هدية :065:

والسنة أني ماما لـ 3 عيال الله يخليهم ويحفظهم لي يارب ومن فترة واني اشتغل عل الموضوع

أذكرهم بيوم الأسرة وشنو يسون في هاليوم وبعد شوي أقول محتاجة جذي خاطري بجذي ...

>> آه مني مستغلة هاليوم ههههاي :085:

لا بصراحة يوم حلو مو عشان الهدايا الا تترابط الاسرة وفرصة كل واحد يعبر عن شعوره وحبه لأمه وأبوه .. :072:

بنوتي الحنونة هالأيام وايد صايرة عاطفية وياي بالهمناسبة ولأنه الروضة ماخذين منهم مبلغ

عشان كل طفل يقدم لأمه هدية ومستانسة حدها وزايدة المحبة .. :016:

يعني مو تقولون عيالنا بعدهم صغار وذا كبرو ان شاءالله يهدونا لا عادي خلوهم يطلعون مع أبوهم ويفمهم بنشري هدية حلوة للماما لأنها تعبت معانا وبنسوي لها سبرايس ....

ونا السنة ناوية بعد أخذ العيال وأشتري لباباهم هدية لأنه البارحة على عمري سأل والبابا ماله هدية ؟!

وفكرت أخذ له شواية باربكيو .. عشان نستفيد منها كلنا :014:


أخيرا شكرا بسمة أطفالي على فتح الموضوع :087:

zahary;11549502:

اممممم بقول لكم عن الهدايا اللي كنا نوديها لامي في السنوات اللي طافت

يمكن تستفيدون

ذهب (تراجي - تعليقة للسلسلة - معاضد)

دفة كشخة + شيلات

عطور عربية + بخور

طقم صفاري ماركة زينة ومعروفة

ساعه كشخة

جلابية جاهزة

قطعة قماش حق جلابية

مكنسة تنظف كل شي بالبخار القوي السيراميك والسجاد (شفناها دعاية في التلفزيون)

وبما ان الوالدة حاليا ممنوع عليها الدهون نفكر ناخذ لها جهاز يسوي الاكل على بخار بعد شفناه دعاية بالتلفزيون

جهاز بديكير

استشوار

هذا اللي اتذكره

واذا شرينا الهدية بقول لكم شنو

عجيبه افكاركم :025:

اللعام قبل عيد الام قررنا نسوي لامي واختي الكبيرة مفاجاة فـ خبرنا خواتي حق يجون مع اولادهم ،، واخواني مع زوجاتهم واولادهم ،و يوم التجمع العائلي بدل لا يكون في بيت البابا قلنا بنغير وبنروح بيت اختي ، وفي بيت اختي زينا ع السريع وجبنا الطاولة والاكل والكيكة .. واختي نزلت من غرفتها استغربت وقالت لو قلتون بتسوون ليي مفاجاه حق اكشخ :057:> اذا قلنا لش مابتصير مفاجاة :085: .. وراحت كشخت عالـ سريع ،، وعطينا امي واختي الهدايا وصورنا .. وفي النهاية اكلنا وشغلنا اناشيد اسلامية والجهال تمو يرقصون ..

هذي صورة الكيكة ،،


اما باقي الصور للأسف مو عندي حاليا :02:


^^

طبعا اني اخت صاحبة الموضوع " بسمة اطفالي " ،، :040:

السنة بما ان عيد الاسرة او كالـ متعارف عيد الام يصادف يوم الاحد 21 مارس
قلت لخواتي يوم الجمعة 19 مارس ( يوم التجمع العائلي عندنا ) بنسوي حفل بسيط
واشوفهم للحين ساكتين وماكو اي تفاعل :057: ،، سواء سووا حفل او لا
قررت اخذ هديتين متشابهتين لأم خطيبي ولامي ،، بس للحين ماقررت ويش هالهديه :02:

هلا هذيان نور الموضوع والله
والسنة ان شاء الله بعد راح نكرر الحفل والهدايا << كانت خوش حفلة

ومشكورة عالمشاركة خيتو

محمديه الهوى;11550979:
اني العام عيااالي اهدوني باااقة ورد روز

مع مبااايل فكرة باباتهم .........زز

تسلمين عالمشاركة وفكرة حلوة

خصوصا لما يشاركو الحلوين

والله يخلي الوالدة ان شاء الله

ووينكم ..

قرب التااريخ , ويالله ابي افكااار,

والله كلش مو طالع معااي اي شي ..

وخلاص الساعه شلتها من بالي ..!

لانه حماتي شرت حق امها ساعه ,

من اولدوو يعني مو حلو كذا وحده مثل الشي ساعات ..!!!

شنو اشتري شي كشخاا اووف تعبت من تفكير ...

وابو علاووي يقول لي قرري شي ,

وبنروح نشتريه خخخ , عليه بس الدفع واني التفكير !

اممممم داخلة عرض خخخ
عطورات شرقية وغربية عود ومسك 00 بخور 00 طقم مرشات طقم فناجين واستكانات طقم للشاي والقهوة اجهزة كهربائية خلاط 00 وغيره طقم قدور طقم كاسات ملاعق صحون مبخر ملابس جلابية بدلة احذية وانتو بكرامة قطعة سجاد او طقم مساند او حتى لو مكتبة اي شي ناقص البيت ويحتاج للتجديد الذهب بجميع انواعه حجز للمدينة او عمرة او تذاكر او حتى مع حملات حقيبة قراءة جلوات ام 00 ههه واعزموني سووها عروس طقم لحاف او بطانية لابتوب للشابات جوال اجدد اليها غرفة لو الظروف تسمح سواء للنوم او مجلس عموما الهدية مو بقيمتها وكاميرا للشابات تعليقة او اسوارة مكتوب عليها اسم الأم او فيها صورة جماعية لاولادها من الداخل او اطلعها السوق وتاخذ الا تبغاه كوبون مشتريات خخخ او مثلا اذا يحبو يجو السعودية اخذها امشيها واعشيها ساعة اكسسوارات لها او للبيت لو محتاجة قطعة قماش فاخرة اجيب اليها حناية للتجديد ومصورة لتصوير العائلة جماعة للذكرى الجميلة ولاتنسو التورتة سجادة صلاة مع بقية الاشياء كتب ادعية هذا الا في بالي حاليا او اسوي عزيمة على شرف الأم اما الأموات الله يرحمهم برحمته واهدوهم سورة الفاتحة او قراءة القران والصيام والصدقة الجارية او صدقة السر وياااااااااااااااارب امهاتنا وابوتنا الله يطول اعمارهم ويعيشو بألف خير وسلامة

تسلمين ايسمار عالافكار الحلوة

والموضوع موضعش خيتو

الحين نبي كلمات حلوة في حق الأم

بسووومه ..

خلينا نخلص من الهديه اول ,

بعدين انتظري الكلمات :037: ..!!

انه قررت اخذ حق امي طقم دلال جاي وقهوه مع الاستكانات والفناجيل مالهم
وعمتي دفه حرير وعطر

وكان الله غفور رحيم

مزحوميين احنه هالاسبوع من ملجه خالي
والله كان في بالي نسوي لها حفله