خوااااااااااااااتي هيييييييلب مي

ايمي الجكر;11527080:
الاختلاط من وجهة نظري اذا كان بطريقه محترمه جدا .. وكل واحد حاشم نفسه .. وانا اتكلم عن النساااء .
اذا كل وحده حشمت نفسها .. واحترمت نفسها في مكان شغلها .. مافي غلط ..
والمرأءه اذا اشتغلت مو معناته رايحه تشتغل عشان الخلط .. لا .. عشان لقمة العيش والظروف الصعبه
وما اعتقد ان كل مرأءه عامله عليها ذنوب بسبب الاختلاط ..

بس في بعض الدول يمنع الاختلاط تجنبا عن وقوع الغلط .. واللي حاليا موجود في مجتمعنا ..
ناس رايحه تشتغل .. وفي نفس الوقت مو رايحه تشتغل ..
الله وكليج لا حشمه ولا ستر .. واتحجى وتضحك مع كل من هب ودب .. لا احترام ولا شي .. هني اقدر اقولج وجودها في مقر العمل غلط في غلط ومحاسبه عليه نظرا لوجود اجانب واهم الرياييل ..

بس اذا وحده حشمت نفسها .. ورايحه تشتغل وتكد على نفسها وعلى عيالها وتساعد ريلها .. هني الله أعلم بنياتها .. وما راح يحاسبها على شي اذا مشت في دربها..

اكا السووق .. لما تروحين تشترين اغراض .. مو المحل فيه ريال .. السوق مافي رياييل .. السوق مو اختلاط .. لكن انتي رحتي السوق عشان شنو ؟!! مو عشان الحاجه . تشترين غرض معين ... هل اقدر اقول ان روحتج حق السوق غلط وحرام لان السوق مختلط ... ما اعتقد !!
..

في النهايه وجهة نظر لا اكثر ولا أقل ... والله العالم

حور الروح;11536148:

عزيزتي لازم اول شئ نعرف مفهوم الاختلاط وشنو الحرام وشنو الحلال فيه.

ما نقدر نقول ان كل الاختلاط حرام او كله حلال.

في وظائف جدا مهمة للمرأة ، مثلا الطبيبة والممرضة، ومعروف اللي تبي تصير طبيبة او ممرضة لازم تدرس بجامعة ، وتقريبا كل الجامعات اللي بها هالتخصصات مختلطة وفيها بنات وشباب يدرسون، والدكاترة اللي يدرسون المادة اغلبهم رجال. وبعدين يتدربون بالمستشفى ويشتغلون وهي فيها اختلاط بعد. فهل نحرم هالدراسة وهالشغل؟؟ واذا حرمنا ما بيبقى في طبيبات وممرضات ولازم نكشف عند رجال ونولد عن رجال ونظهر جسمنا لاطباء رجال.

وفي بنات تضطرهم الحاجة والفقر وعدم وجود شهادة انهم يشتغلو مثلا في محلات يبيعو واحيانا مثلا محلات العطور والملابس يدخلها نساء رجال عشان يشترون ، فهل نقول حرام البنت تشتغل هنا لان في رجال يشترون ؟!! عيل البنت كيف تصرف على اهلها ونفسها هل تموت جوع ؟؟ واذا فرضا ما اشتغلوا وكان مكانهم رجال وفي ملابس حريم داخليه وغيرها ترضى الوحدة منا رجال يجلس يوريها ملابس داخليه ومقاسات ؟!

طيب اللي تشتغل في وزارة او شركة وبلبس محترم ومحتشم وتتعامل مع الكل بإحترام تام وتؤدي عملها ومجتهدة وما عندها حركات مني ومناك هل نقول لا حرام ليش تشتغل ؟!!

طبعا في وظائف انا اعتبرها ابدا ما مناسبة للمرأة مثلا وحدة تشتغل في مقهى نادلة ، ولا تشتغل في مكان مخصص بس للرجال مثل النوادي وغيرها . لأن اولا هالاماكن كلها رجال والبنات يشتغلو بوظائف تقلل من احترامهم والرجل يشوف عليها نظرة غلط .

المفروض نفرق بين الحلال والحرام بطريقة صح ، عيل اذا الاختلاط كله حرام فكيف نطلع السوق والسوق كله فيه رجال !!! يعني الوحدة منا حرام تطلع مع امها واخواتها للسوق او المول او تروح محل او تجلس بمطعم مع بنات ومع اهلها من الحريم لانه هالمكان فيه رجال وبالتالي يكون في حكم المختلط؟؟؟

طيب اللي دريول يوصلها مو هذا اختلاط؟ ليش ما يعتبر حرام ؟ لا تقولون الخدامة معانا تراها الخدامة مو محرم للبنت ومحد يأمن منها .

لا تعتبروني متحررة او اشجع ان البنات والشباب يختلطون ويسون سوالف غلط لا ابدا ولكن لازم ما نجلس نقول ان كل شئ حرام ونعقد الامور بدون ما نحدد الصح والغلط .