رايكم ضروري ساعدوني عشان اتخذ قرار

صح لازم يحس بقيمتج لا ترجعين بسهوله اللي سواه مو شوي قضيه و محاكم و طاعه اذا يبيج خليه اهو يعتذر من اهلج و يصالحهم مره و مرتين وثلاث و انتي لا توقفين ضد اهلج عشانه حتى لو ندم لازم يتحمل نتيجة غلطه

انا مع اختي دلوعة بوحسون خليه يجي يعتذر لما يهون عليه يدخلك المحكم وبيت الطاعة لازم يتحمل الزعل والصراخ عليه شوي
واذا رضختي لطلبه بدون رضا اهلك لا تتوقعي انهم بيوقفوا معك مرة ثانية واقول مرة ثانية لانه اذا استسهل موضوع رجوعك توقعي انه ممكن يعيدها
اتمنى ما اكون شيشتك عليه بس تبقى وجهة نظر
تقبلي مروري

والله هدولا الرجال كلهم بلاء كبير ومامنهم ألا الهم أسمعي لو هو من جد يبغاكي حيجي ويعتذر من أبوكي وقوليلو انتي لو تبغاني وتحبني من جد تجي تعتذر
من أهلي لأنو يلي سويتو فيهم مو قليل انت وصلتهم للمحاكم وتبغاهم فجأه يرضوا عنك مستحيل طبعااا وأنا خايفه يكون بيلعب فيكي والله الرجال هدولا
ماعليهم أمان أذا أطمنتيلي مضبوط يسير بعده تسوي الخطوه يلي قلتلك عليه وطبعاااا مع الدعاء أدعي الله في السجود وأتوسلي وألحي في الدعاء أنو الله
يغير حالك ألا أحسن حال ويقدملك ألي فيه الخير وأستخيري الله كتير لأن ربنا وحدو يلي يعرف فين الأصلح لكي هو عالم الغيب وأهتمي في ولدك هذي الفتره
لا تجعلي مشاكلك تؤثر على الولد وأتمنى لكي من قلبي الفرج القريب لكي ولي ولأمة محمد أجمعين

مشكورات خوااااتي والله الواحده يوم تقرا ردودكم ترتاح نفسيا انا خلاص بودعه الوداع الاخير والله اهلي عطوه فرصه عل وعسى بس هو ما يفكر الا بكرامته وانا بلا كرامه يباني اطلع له في الشارع بدون ما يجابل اهلي انا خلاص مليت تعبت من كذب اهله وسؤ المعامله والله الوحده مالها غير كرامتها هو يباها شغل ذل

والله يا بنات النفس طابت انا تعبت منه حاولت معاه بس بدون فايده اصلا الحين المحامي رح يتولاه ويعلمه السنع والله المستعان ادعولي يا بنات

شوفي اختى اذكري الله ثم اذكري الله

وحاولي تفكرين بهدوء واعطي نفسك فترة وفرصة للتفكير لاتستعجلي في شي ،بصراحة اختى كلامك مش واضح ومتداخل في بعض ، كمان انا يمكن ما اعرف ايش هي اسباب الخلاف لاني ماقريت موضوعك السابق عموماً بالنسبة لزوجك انا اشوف انه مدام اخطأ لازم يعترف باخطائه واذا كان رجال ويتحمل مسؤولية بيت لازم يتحمل نتيجة اخطائه بعد لازم يعتذر منك ومن اهلك، انا اشوف انك ماتكلمي اهلك بسالفة الرجوع يا اختى خليه هو يبتدي لاترخصين من نفسك ابدا وخصوصا عند زوجك حتى بعدين يحس بحجم خطائه ومايرجع يكرر الخطأ مرة ثانية ، انا اشوف يا اختى ان الزوج لازم يحس بان الزوجة عندها عزوة وسند ينشد فيهم الظهر ويحط لهم الف حساب حتى مايتطاول على زوجته لان الرجال اذا شاف المراة ضعيفة ومافي حد واقف معاها يبيع ويشتري فيها .

اسالي نفسك انتي للحين تحبينه ومع الوقت هل راح تقدري تغفري له اخطائه وتسامحيه على اللي سواه ، اذا كنتى تعتبريه انه انسان ماتقدري تواصلي الحياة من دونه ، او ان الحياة من دونه مالها طعم فأعطي نفسك فرصة عشانك وعشان ابنك ، حاولي الحين تهدئي وتفكري بشكل صحيح اذا تبين ترجعين لازم هو يقدم تنازلات بقدر التنازلات اللي انتي راح تقدميها يعنى لازم هو يحاول يصلح من حاله وانتي بعد تساعدينه حتى يسير مركب حياتكم بالطريقة الصحيحة.

اختى قولي له السالفة مافيها كرامة ورجولة ، الرجولة هي انك تقدر تحافظ على بيتك وزوجتك والانسان العاقل السليم هو اللي اذا اخطأ يحاول يصحح اخطائه ويعتذر مافيها شي مو عيب ، بس العيب ان الانسان يغلط ويظل في الغلط ومايعتذر ، واذا هو يشوف انك تستاهلي وللحين يحبك صدقينى مع الوقت هو راح يعتذر بنفسه .

بعدين انتو ليش ماتعيشون لحالكم بعيد عن اهله يكون افضل لك ولحياتك الزوجية بعيد عن المشاكل وعن اخته اللي احس انها مأثرة على حياتكم .

اختى الطلاق صعب مو سهل خصوصا على المرأة في مجتمعنا ، لذلك انصحك انك ماتستعجلي بسالفة الطلاق خصوصا اذا كان فيه ولد ماله ذنب في الموضوع

هذا رائي ولكي الخيار الاول والاخير

تحياتي لكي

استغفري ربج وصلي ستخارة عسى ربي يهديج للطريق الصواب

الله يعينج

weeb;11542118:
والله يا بنات النفس طابت انا تعبت منه حاولت معاه بس بدون فايده اصلا الحين المحامي رح يتولاه ويعلمه السنع والله المستعان ادعولي يا بنات

واللة انا زيك لي شهر متزوجة وجنني والحين عند اهلي اطلب الخلع ولي شهر ومو راضي يخلعني وربك يفرجة علي وعليك بس نصيحة كرمتك بدنيا لا تنزلين نفسك لة ورديلي:ok:

حبيبتي مع اني بعد ما فهمت المشكله كااامل

بس نقطه وخليها ببالش.. اذا هو اللي غلط عليش عاازه عليه كرامته يصلح خطأه

فكيف انتي تقبلي تهيني نفسك وكرامتك...؟؟

خليه يوضح لأهلش انه فعلا يباش وندمااان ... وخليش عزيزه نفس .. انتي وضحتي له انش مستعده ترجعي

اذا اللحين هو المفرووض اللي يجي لأهلش ويتساامح منهم وياخذش من بيت اهلش مرفوعة الراس

وربي يهدي سركم ويوفق بينكم

مشكورات خواتي ع الردود بس ما اقول غير حسبي الله على اخته

اذا جه عند اهلج .. ابدا ابدا لا تفكرين ترجعين لج .. شنو يحسب انج مقطوعه من شجره ولا ما عندج ظهر