اهلين بالكل
سوالفكم حلوه وما تنمل يا ريت نشوف بعض صج .. جان ونااااسه
رقة الورد مادري احس هرمونات الحمل مأثره علي وايد ولاعبه في نفسيتي لعب صايره باروت ما اتحمل ولا شي وحساسه اكثر من اللازم ..
noor m كيفك يالغاليه واخبار البيبي سمعتي نبضه ولا باقي ؟؟
orange mango الله يخلي لك عيالك وابوهم ويتربون بعزكم يالغاليه .. قولي لنا السر في سهولة ولاداتك ما شاء الله بسم الله عليك الله يتمم حملك وييسر ولادتك .. انا بولادتي السابقه شفت كل الوان الموت 3 ايام وانا اطلق والرحم ما يتوسع .. ادعوا لي هالمره غير ..
رسيل الورد حاسه بشعورج واكره الفضوليين واجد واقترح عليش تغيرين اسمك في المنتدى ترتاحين اكثر وتكون لك خصوصيه ..
اميرة الوفا خذي موعد قبل تروحين العياده اريح لج وخصوصا صار لج موقف معاهم ..
وردة خريف انا كمان بنجن في البرتقال وكل شي حامض تطيح سعابيلي عليه