مســـــــاءالورد /صباح الورد
كيف حالكن جميعاً
ملاحظه:اللي تبي ترد رد جارح رجاءاً تنسحب الله يجزاها ألف خير لأن الرسول يقول( فليقل خيرا أوليصمت) فيما معناه
مشكلتي زوجة أخي الله يسامحها متزوجها من 3 سنوات ونصف صحيح إنها ساكنه مع أهلي اللي هم(أمي وخواتي 2)لكن والله الذي يعلم إنها مأخذه راحتها أكثر من اللي ساكنين بروحهم أمي وخواتي مايتدخلون فيهاوين رايحه وين جايه وأخوي ماشاء الله مدلعها ع الآخر وبالنسبه لشغل البيت كان أهلي عندهم شغاله تقوم بالشغل اليومي أما بالنسبه للضيوف لوهم ضيوف أخوي اللي يقوم بهم خواتي هي ماتسوي شي إلا بالسنه حسنه بعد ماراحت الشغاله صار اللي يقوم بالبيت خواتي طبعا (خواتي يبون الستر ماراح يحطون راسهم براسها وإلا يطلع البيت جيفه )وبعد هذا ماسلمن كل يوم بمشكله منها (لاأحد يقول إن البيت مشترك مع أهلك لازم يشتغلون خواتك) تخيلن أقل القليل الغداء يجي أخوي المسكين مايتغدا بعد ماكانت وجبة الغداء أهم وجبه عنده بتقولون ليش أقولكم إن حضرتها ماتطبخ له الغداء اللي تطبخ الغداء أمي وهي الله يخليها لنا تعبان ظهرها تقول وليدي يرجع من الدوام تعبان وهو يرفض يتغدا عرفنا بعدين إن قصده يتحاشا المشكلجيه اللي عنده وتصوروا إنها إذا كان بينهاوأخوي مشكله إن نسمع أصواتهم في المجلس وهو أبعد الغرف عن غرفتهم (أنا من الإحراج بطلت أروح لهم )مع أني في مدينه ثانيه ماأجيهم إلا بعد ثلاث أسابيع يعني حرمتني من أمي
أنا يقهرني أخوي متنازل عن أبسط حقوقه (طبخ ماتطبخ له /غسيل ماتغسل له ولا يوم أهلي عندهم شغاله كانت الشغاله تغسل وتكوي مع إن الشغاله اللي مقدمها لأمي احنا واللي يدفع رواتبها أمي يعني أخوي ماله فيها/مشاكل ماتريحه حتى لو هو جاي من الدوام /مشاويرها أحيانا مايرجع من شغله إلا العصر ماترحمه لازم يوديها مشوارها وإلا تقلب الدنيا عليه/ احترام وتقدير مافيه وتسبه عند القاصي والداني مع إنه مايرد لها طلب)
احنا لوهي طيبه معاه ولو كلها عيوب قلنا هذي زوجة وحيدنا تستاهل كل خير
تصدقون إن في إجازة المنتصف سببت مشكله (اخترعت لها كذبه وحلفت عليها ورمت علينا حسبي الله عليها وإلى الآن ماتكلمنا حنا وأمي (احنا مانبيها تتكلم معانا ع الأقل تكلم أمي بس إنشاء الله الدنيا ترد لها اللي تسوي بأمي ،تصدقن إنها تسوي القهوه وتمر بها من عند أمي ولا تقول :ياعمة تقهوي معانا لو مجامله (مع أن أمي الله يخلينا لها إن شاء الله مو محتاجه لها لكن مهما كان ماتبغى تقطعها من ولدها وولده)
أنا بس ودي أدري الناس عندهم مثل زوجة أخوي وإلا حنا ربي ابتلانا ليختبر صبرنا
ملا حظه أخيره :
زوجة أخوي متربيه ببيت كله مشاكل ومتعوده على الطق والمطاقق عكسنا احنا بيتنا هادي وربي ساتره إلا يوم جتنا الله يهديها طلعت سوالف عنا مو فينا
نسيت أقول لكم إني أنا وخواتي متزوجات والحمد لله ربي إنا نعز أهل رجالنا من معزة رجالنا
نرجي اللي عند ربنا بس
هذي مشكلتي بالمختصر المفيد ولو كتبتها الظاهر ألفت لي روايه
ودمتم بحب في ظل حبايبكم