وأخــــــيـــــراَ طلع لـي خــطـــيــــن

الف الف الف الف مبروووووووووووووك
الله ايثبته لج ان شاء الله
ادعيلي الله يرزقني بالذريه الصالحه

والله يابنات اني اقراء ردودكم وعيوني تدمع وعد مني اذا جاء وقت ولادتي بدعي لكم ان ربي يرزقكم

بالحمل السلييييييييييييييييييم وبالذريه الصالحه وان شاء الله مايجي ذاك اليوم الا كــــلــكــم حـــوامـــــــل ..

بخصوص اختي كرستينا يعطيك العافيه يالغلا على الشريط وامس انا طلبت شريط من الاخت أنوار الحب وسوته لي

وانتي فديتك تعبتي نفسك وسويته لي تسلمين ياعمري على هديه والله يسعدك يااارب

وعندي سؤال شلون عرفتي اني بدخل الثاني بعد 6 أيام ؟؟؟

<= تحس انها للحين في شهرها الاول ..!!

أنا لما اعرف من الدكتور انا بأي اسبوع اعرف احسب باقي الأشهر عن طريق الجدول الي عندي بس الحين مااعرف :(

.
.

وبخصووص الاخت الي من مصر <= اسمحي لي ماعرف اسمك ..!!

كانت تسالني عن أهماي الي تسببت في تسقيط ولدي في بدايه شهري السادس تقريبا ..

انا ياقلبي لما دخلت الشهر الثالث اشتغلت في بيت وبتحديد كنت انظف ثلاجتي وكنت أتطيول على رجولي

أممممم يمكن ماتفهمين قصدي صح ..؟؟

يعني كنت واقفه على أصابيع رجلي عشان انظف ثلاجتي لانها كبييييييرة وحسيت بألم شديد في اخر البطن بس قلت بصبر وبيروح

وبعدين رحت اصلي العشاء وأحس فيه شئ ينزل مني ولما رحت الحمام لقيت ينزل مني دم مع افرزات وسوائل ولا رحت لمستشفى قعدت

منسدحه بفراشي واكلم خواتي وحدة منهم قالت لي انتظر لبكرة اذا للحين الدم ينزل روحي للمستشفى وفعلا جاء بكرة الظهر والدم ينزل معاي

بس بخفيف مو مثل أمس بالليل واروح المستشفى وتعطيني الدكتورة أبرة حق التثبيت وكاااااااانت تعوووووور وقالت لي خلااص لازم ترتااحين

لان الدم يعتبر تحذير للأجهاااض ووصفت لي مثبتااات واستمريت فيها لي شهر الخامس وكان وقتها عندنا اعراس اخواني وكنت كله اروح لسووق

اجهز نفسي للاعراس وأهلي جايين من الكويت وكان وقتي بين أهلي وبين الاسواق وماكنت أرتاح كله مشي وشغل وكنت أنام على ظهري

وللحين انام على ظهري واليوم الي سقطت فيه كنت من امس كله امشي عند أهل زوجي وتعبت وعلى طووول سقطت

وقعدت سنه و7 شهور وتوني الحين أحــمــل ولله الحمد ..


.
.

فيه وحده من الخوات سألتني عن مراجعاتي مع الدكتور ..

اول شئ يالغلا انا اخذت ثلاثه شهور علاج والحمدالله تم الحمل فيها وكانت الدورة متخربطه من يوم سقطت للحين

وعندي نقص في هرمون الغده وللحين اكل حبوبها وبستمر فيها مع حملي

الشهر الأول = أكلت حبتين كلوميد لمده خمس ايام من ايام الدورة طبعاَ اكلتها من ثاني يوم

وفي اليوم الحادي عشر من الدورة اروح اتابع التوبيض وللاسف كانت صغااااااااااار ولا يكبر حجمها مع الايام

الشهر الثاني = كليت ثلاث حبات كلومييد في اليوم الواحد ومع المتابعه زاد حجمها شووي

الشهر الثالث = أكلت حبتين كلوميد ولما رحت يوم الحادي عشر من الدورة لقينا بويضه ناضجه وكان حجمها 22 ماشاء الله تبارك الله

واخذت ابرة تفجيريه ولله الحمد حملت في هذا الشهر وعقباااالكم ياااااااااااااارب ..

.
.

لاحظت ان اكثر البنات كانوا يقولون ليش علمت بحملي ..!!

والله ابي افرح وافرح أهلي وانا ماعلمت الا امي وخواتي وعمتي وعمي وبسسسسسسسسسس

لانهم بيفرحون من كل قلبهم ..

.
.


لكم جميعاَ ...

الله يرزقكم بالذريه الصالحه وعسى ربي يسعدكم ويوفقكم في حياااتكم ..

على فكرة نسيت اقول لكم لما كنت أحف من تحت بالشيرة (( الحلاوة )) كان ينزل مني دم ..

ولما اروح للعزايم كان ينزل علي دم كثر مااقعد واقوم وانا أسلم على الحريم ..!!

والحين انا قررت اني احف بموس وكل وقتي منسدحه على السرير ولا اروح لاي عزومه او اي عرس

اهم شئ عندي الحين جنيني ابي احااااااااااافظ عليه :)

والله يثبته لي ويتممه على خييييييييير يااااااااااااااار ب..