تجمع حوامل مصر لشهر ربيع الاول ..ربنا يقومنا بالسلامة

sweet_toota;11483012:
لا حول ولا قوة الا بالله ... انتى شايلة منه جامد اوى يا ميرو...انا عارفة ان هو مقصر فى حقك كتير بس مفيش حاجة عملها تشفعله عندك؟؟؟ حاولى تبصي للجزء المليان من الكوباية مش الفاضي و استعيذى من الشيطان اللى هدفة يفرق اى اتنين

lifedrop;11483071:
ممكن بقى تقولى السبب اللى حتيجى قدام ربنا يوم القيامة وتقوليله انا نصرت الشيطان واطلقت؟؟؟؟

Princess_miro;11483073:
مش قادرة خلااااااااص
انا عملت حاجات كتير اوى و هو مش بيقدر اى حاجة
اى واحدة مكانى مش كانت استحملت نص اللى بيعمله فيها

Princess_miro;11483117:
انا عندى اسباب كتير يا ندى انا مش عيلة صغيرة

sweet_toota;11483151:
بيشرب مخدرات؟؟؟ بيرجعلك سورى سكراان؟؟؟ بيرنك كل علقة و التانية؟؟؟بيخونك و مضيع فلوسه على الستات؟؟؟؟ طالما ولا حاجة من دول احمدى ربنا عليه لانى اعرف ناس بتستحمل الحاجات دى عشان متخربش على بيتها...متزعليش من كلامى الصريح بس دة الواقع بجد فى ناس متتعاشرش والله و جوزك ميجيش جمبهم حاجة

lifedrop;11483182:
انتى زعلتى ؟!!!
والله مش قصدى... انا معرفش ايه المشاكل اللى بينكم بس انا قولت انصحك لان ربنا عالم انا بحبك قد ايه...
وعلى العموم انا اسفة انى اتكلمت بحماس زايد
بس استخيرى وخدى بالاسباب كلها الاول وربنا يعملك اللى فيه الخير

Princess_miro;11483206:
مش لازم تكون الاسباب تتعلق بيه
اقرأى كده الفتوى اللى ندى لسه حاطاها
و كمان قدرات الناس على التحمل متفاوتة يا دودو

كوباية مايه;11483225:
انا جيت انا كمان

sweet_toota;11483236:
ميرو حبيبتى ربنا مبيديش حد اكتر من طاقته و قدرتك ربنا كاتبهالك و كاتبلك زوجك بردو يعنى اكيد ربنا عالم بيكى و مش ظالمك ولا مديكى واحد يكلفك اكتر ما فى وسعك

dew.dew;11483272:
انا عارفه القشه اللى قصمت ظهر البعير
تقريبا كده موضوع عيد ميلادك:058:
معلش احنا الحمل مخلينا مش مستحملين حاجه
وبتصعب علينا نفسنا

lifedrop;11483292:
بصى يا ميرو
امسكى نفسك لحد ما تولدى
صبرتى كتير مبقاش الا القليل
لو متغيرش او انتى مهدتيش ابقى اعملى اللى انتى عايزاه
عشان خاطرى والله ببقى عايزة اعيط لما حد فيكم بيجيب سيرة الطلاق الارف دى

sweet_toota;11483334:
طيب يا ميرو متخلى باباكى يعمل قعدة ناس كبيرة و يجيبه او حتى يقعد هو معاه و يكلمه؟؟؟