تجمع حوامل مصر لشهر ربيع الاول ..ربنا يقومنا بالسلامة

صباح النور

معملتش اى حاجه انا بس انهارده كان تطعيم الدرن بتاع ياسين والمفروض انه يجي ياخدنى ببص لقيته بيكلمنى 8 الصبح بيقولى بابا مستنيكى يوديكى تطعميه

قولتله وانت فين

قالى انا مسافر مش موجود بقالى يومين وهرجع على عقيقة ياسين
قولتله عقيقة ياسين؟؟ امتى دى؟؟
قالى يوم الجمعه هعملها

قولتله ومقولتيليش ليه اجهز نفسى قالى وانتى مالك اصلا بالعقيقه انتى تقعدى فى شقتك وتقفلى على نفسك وانا هجيب طباخ يعمل كل حاجه وتجهزى الواد وانا هاخده الناس تشوفه
قولتله وانا مش هطلع للناس دى

قالى لا هقلهم انك تعبانه ....ملكيش لزمه

كوباية مايه;11478119:
صباح النور

معملتش اى حاجه انا بس انهارده كان تطعيم الدرن بتاع ياسين والمفروض انه يجي ياخدنى ببص لقيته بيكلمنى 8 الصبح بيقولى بابا مستنيكى يوديكى تطعميه

قولتله وانت فين

قالى انا مسافر مش موجود بقالى يومين وهرجع على عقيقة ياسين
قولتله عقيقة ياسين؟؟ امتى دى؟؟
قالى يوم الجمعه هعملها

قولتله ومقولتيليش ليه اجهز نفسى قالى وانتى مالك اصلا بالعقيقه انتى تقعدى فى شقتك وتقفلى على نفسك وانا هجيب طباخ يعمل كل حاجه وتجهزى الواد وانا هاخده الناس تشوفه
قولتله وانا مش هطلع للناس دى

قالى لا هقلهم انك تعبانه ....ملكيش لزمه

:(
معلش قولي يارب
دي عين والله ومسكت فيكو ااقولك طلعي حاجه لله بنيه ان ربنا يصلح الحال
تحسي ان مش هو اللي بيتكلم كانه حد تاني
قولي يارب

السلام عليكم

بسبس انا خايفه اقول راى من امبارح لاتزعلى

معلش يا لولا انا اسفه والله بتأخر لانى كل شويه ابص على ياسين واكتب كلمتين عشان الدكتوره انهارده قلقتنى عليه

وعليكم السلام يلاديو ديو اسمك ايه بقي عشان الاسم ده صعب شويه

قولى يا ديو يا حبيبتى والله مش هزعل

انا والله بجد ملقيتش غيركو اصلا واقف جمبى وبيسئل عليا بجد

والله انتوا اجدع واحسن مليون مره من اى حد عرفته

اه يا لولا والله فعلا بحسه واحد تانى

المشكله ان ابوه انتهز الفرصه واخده تحت جناحه وهو دلوقتى مش شايف غير ابوه وكلام ابوه

واللى ابوه بيقوله هو الصح وبس

بصي والله ده شيطان وجوزك معدنه كويس ماشاء الله انا بيتهيالي هو مش حاسس باللي بيقوله
دي تلاقيها عين
بصي يابسبس بجد لما الاعصار يكون شديد اوي كده اهدي انتي لان الحياه الزوجيه مليانه مشاكل ودي اول واحده كبيره
طلعي شيء لله بنيه انه يردهولك ويرد كيد الكايدين يارب
بجد يابسبس ده اول اختبار صعب ليكو مع بعض
وياتثبتي جداره يالاقدر الله حاجه وحشه

انتو مشيتو وسيبتونى؟؟

انا هنا يابسبس

مانا المشكله هطلع حاجه لله فين وازاى؟؟
انا هنا معرفش اىحاجه

بصى والله يا لولا انا عارفه ان دا مش جوزى وعارفه انه واخد عين واننا اصلا واخدين عين

عشان هما هنا بيعتبروا ان اللى بيجيب ولد دا بيبقى عمل معجزه

وخصوصا اننا ماشاء الله 5 حوامل فى العيله عنده

ال 4 حوامل فى بنات وانا الوحيده اللى ولد

وبعدين احنا مبقيناش كدا غير لما الناس جم وزارونا وكدا

كوباية مايه;11478119:
صباح النور

معملتش اى حاجه انا بس انهارده كان تطعيم الدرن بتاع ياسين والمفروض انه يجي ياخدنى ببص لقيته بيكلمنى 8 الصبح بيقولى بابا مستنيكى يوديكى تطعميه

قولتله وانت فين

قالى انا مسافر مش موجود بقالى يومين وهرجع على عقيقة ياسين
قولتله عقيقة ياسين؟؟ امتى دى؟؟
قالى يوم الجمعه هعملها

قولتله ومقولتيليش ليه اجهز نفسى قالى وانتى مالك اصلا بالعقيقه انتى تقعدى فى شقتك وتقفلى على نفسك وانا هجيب طباخ يعمل كل حاجه وتجهزى الواد وانا هاخده الناس تشوفه
قولتله وانا مش هطلع للناس دى

قالى لا هقلهم انك تعبانه ....ملكيش لزمه

بصى انا مش عارفه اجبهاللك ازاى
بس طالما اهله مقوينه زى ماقولتى
ومشجعينه على اللى بيعمله


هو ممكن يكون بيعمل كده كنوع من الضغط عشان بعد كده محدش يجى جانبه ولا جنب تصرفاته او تصرفاته معاكى
واهللك يعملولو حساب ويخافوا على كل كلمه بعد كده يقولوهالوا

من الاخر كده ووحيات ياسين متزعلى من الكلمه اللى جايه دى هو عاوز يربيكو
بمعنى انك خلاص بقيتى معاكى طفل وهتبقى باقيه على كل حاجه عشان الطفل ده انتى واهللك
فهو بيلعب على الوتر ده عشان كده محسسك ان الحاجه الوحيده اللى باقى عليها هو ابنه يعنى من غيره كان بجد معلش يعنى هيسيبك
ودايما الاهل لما بنتهم بتكون معاها عيال خلاص بيحولوا يوفقوا مابينها وبين جوزها حتى لو كان وحش

ومن الاخر دى حركات صدقينى عشان يوصل للى هو عاوزه
وهو هيموت عليكى وعلى ابنه وصدقينى انتى صعبانه عليه كمان عشان كده كل الكلام فى التليفون لانه مش شايفك
عارفه لو اتكلمتو وانتو شايفين بعض كان الوضع اختلف
بس زى ماقولتى اهله مقوينه عشان كده مستحمل

نصيحه انا مش بقولك اتخنقى معاه بس طالما الموضوع ده حصل
احتمال فى اى زعل مابنكم يسيب البيت ويكلمك فى نفس الطريقه وتفضلى عايشه فى دوامه وخايفه على زعله
وساعتها هتتعبى
خدى حقك بالادب
طنشيه بجد هو هيستغرب ساعتها صدقينى لما يحس انك مش عايشه فى دور انا من غيرك اموت
كلميه بهدوء مش بببرود

لما قاللك ملكيش دعوه بالعقيقه
قوليله على بصوت حنين ده ابننا احنا الاتنين
ولما قالك مش هتخرجى من الاوضه
قوليلوه دى اول بيبى ليا ومتحرمنيش انى افرح بيه
انتا قولت انى مليش ذنب فى الموضوع من الاول يبقى ازاى ازاى بتقولى مطلعش ومليش دعوه بابنى ساعتها
وطبعا كل ده بصوت حنين وهادى

بصى دى وجهه نظرى انا مش بكبر الموضوع بس ساعات الواحد لما بيكون فى مشكله مش بيشوفها زى اللى شايفها من بره
وبردو انتى اضرى بالموضوع يمكن اكون فهمت غلط

وسمحينى

كوباية مايه;11478236:
مانا المشكله هطلع حاجه لله فين وازاى؟؟
انا هنا معرفش اىحاجه

بصى والله يا لولا انا عارفه ان دا مش جوزى وعارفه انه واخد عين واننا اصلا واخدين عين

عشان هما هنا بيعتبروا ان اللى بيجيب ولد دا بيبقى عمل معجزه

وخصوصا اننا ماشاء الله 5 حوامل فى العيله عنده

ال 4 حوامل فى بنات وانا الوحيده اللى ولد

وبعدين احنا مبقيناش كدا غير لما الناس جم وزارونا وكدا

لا حول ولا قوه الا بالله
معلش ربنا يبعد عنك العين والحسد يارب طيب بصي بما انك مش هاينفع تطلعي حاجه لله انهارده او اليومين دول اندري ندر واوفيه لما تقدري والله انا جربت الموضوع ده كان زيي السحر والله وخرجني من المشكله الحمد لله
ربنا يبعد عنك السحر والعين والحسد يارب

هي اخته حامل في بنت؟

على فاكره هو لا سافر ولا حاجه
هو تلاقى ابوه هو اللى قالوه هاروح معاها
عشان ابنه ميشوفكيش ويضعف قصدك
ويبوظ اللى اهله مخططينه
لان سبحان الله ممكن من نظره مابينكو ترجع الميه لمجاريها ولا كان حاجه حصلت
وعشان كده بيقولك ماتخرجيش من الاوضه ساعت العقيقه
ده ممكن كمان يدخلك حد ياخد منك الواد وخلاص عشان يتجنب انو يشوفك

ويمكن بعد مابيقفل معاكى بيحكى على المكالمه وبيقولوا برافو عليك وبيشجعوه

والله اعلم
بجد ماتزعليش منى بس مش هتلاقى اللى يقولك الكلام ده فى وشك

نصحتى اتكلمى معاه بهدوء
ولمايقولمك مبحبكيش والكلام ده
كلميه بهدوء وقليلوه مرسى على وعدك ليا
خلى كلامك فى نوع من الاحساس بالذنب
وياريت متخليش باباكى ينزل من قمته ويكلمه
خلى اخوكى هو اللى يكلمه
ده لوعاوزين تكلموه
لان الاب ليه مكانه والزوج ديما بيعمله حساب
مضيعيش الماكانه دى
عشان يفضلك كبير يتخاف منه قدام جوزك

معلش بتأخر فى الرد عشان بحاول اقنع ياسين يرضع
الدكتوره قالتلى انهارده انه ضعيييييييييييييييييييييييف :(

كوباية مايه;11478173:
قولى يا ديو يا حبيبتى والله مش هزعل

انا والله بجد ملقيتش غيركو اصلا واقف جمبى وبيسئل عليا بجد

والله انتوا اجدع واحسن مليون مره من اى حد عرفته

انتى حلفتى انك مش هتزعلى
انا اسفه بجد لو كلامى جارح:040: