تعبت منه والله تعبت خلاااص!! :( ساعدوني

شيماء الامارات;11463379:
احس انه سوالفكم سوالف مراهقين

اذا انتوا مالكين وهو ريلج من حقج تمنعينه انه يرمس بنات بس اذا السالفه غير جيه مب من حقج كيف خاطبين وانتي تدخلين الشات وهو يدخل الشات والماسننجر

شو هالسوالف؟؟؟

ms. caramel;11466474:

نصيحة أختي ..


إستخيــــــري ربـــــــــــك ..

وفكـــري مليـــون مـــــــــره في الموضوع بعقلك مو بقلبك ..

يعني إذا فسختي خطبتك منه منتي خسرآنه أبد ..

لآنك لسآ صغيـرة وآنسـه يعني لم يسبق لك الزواج ..

فـ بالتالي حتكون الفرص قدآمك ..

لآتنسي إن هو مر بتجربه فاشلة إحتمال كبير يكون هو السبب في فشلها ..

لآن مبين عليه إنسـآن غير مؤهل لتحمل مسؤوليه بيت وزوجـة وعيـال ..

يعني كل إهتماماته وتفكيـره مثل المرآهقين ..

للمره الثـانية أقولك أختي فكري بعقلك مو بقلبك ..

عشآن لآتعيدي تجربته الفاشلة مره ثانية وتكوني إنتي الضحية ..

رومانسيه جذابه;11468489:
قوووووه حبيبتي الله يعينج والله حاسه فيج شي ينرفز الصراحه

وماعليج من البنات الي يقولون لج خله يولي عنج لا... لأن اذا تحبين الشخص بيكون صعب عليج تتركينه بهالسرعه ....


شوفي حبيبتي انتي لازم تقعدين وتفكرين عدل بينج وبين نفسج ... بما انج تعرفينه وتعرفين شخصيته لازم تعرفين هل ممكن انه يتغير علشانج ويضحي بالنت وبالخرابيط عشانج؟؟؟؟؟

كلميه وقولي له والله يافلان انت رجال مو مراهق حق هالحركات واذا انت تحبني وشاريني اترك سوالف النت عنك من جدامي ومن وراي يعني يا انا يا هالخرابيط... حته لو قال لج هذا بس كلام فاضي ومادري شنو ةانا احبج انتي وقلبي لج قولي له اثبت لي هالشي واترك هالحركات عنج وفهميه ان هالحركات تضايق وتجرح وخله يحط روحه بمكانج,,,, يرضه انه يدخل المسن يكلمج وانتي ماعطته طاااااااف وخامره على المنتدى وسوالف مع الشباب؟؟؟؟؟؟؟؟؟؟؟؟؟؟؟؟؟؟ خليه يحس ويجاوبج على هالسؤال... لايقول انتي بنت وانا رجال ... لا الجرح نفسه والالم نفسه للبنت والرجال....

اذا اختارج انتي يعني صج يبغيج واذا لف ودار اهني تأكدي انه بايعج ومفضل خرابيطه عليج..

وهني بتعرفين اذا كان اهو صج يحبج ويبغيج.....بس مو تصدقين حركاته وتنامين على اذنج.... لازم تتأكدين من المسن ماله وان ماعنده ايميلات انتي ماتدرين عنها....

حلمـ .,;11469028:

وأنا أقرآ الموضوع .,

توقعت إنكم من ديرة وحدة

وإنج ما تجاوزتي الـ 21

وهو بعد توه عشرينـي

لكن ,

تفاجآت إنه في الثلاثيـن .. ولا بعد مطلق وعنده عيال :047:

وإنتي ما شاء الله عليج 24 , يعني شباب وفاهمة وطلعتي من مرحلة المراهقة خلاص ..,

+

عارفة إنج تحبينـه

وأكو بينكم خطبة رسمية بين الأهل

*

بس هذي ما يمنع

إن خطيبج غلطان من ساسه لراسه

يعني لا تحاولين تدافعين عنه بأنه مريض ومقضيها في البيت

ويقوم يسوي الشي الغلط !.. :01:

+

المصيبة إنه ماخذ راحته على الأخر في منتدى سخيف وبلا هدف ولا قيمة ولا معنى

هل تضمنين نفسج إنه في الواقع بعد ما يكون جذي ؟!..

شدراج على بلاوي موبايله أو حتى علاقاته

خلج فطينة

ولا تكونين غافلة

الحين الوحدة تصير مع زوجها في بيت واحد

وبينهم عشق وحب وأطفال

وضامنته مثل ما هي ضامنة شوفة عيونها

تتفاجآ بالخيانات!!!!!!!!

فما بالج إنتي إلي بعيدة عنه

وتشوفين خرابيطه على النت

وعارفة إنه مطلق و وحداني .. يعني وضعه أصعب

+

لو كنت مكانج بـ خاف على نفسي منه

إنسان غريب مو من ديرتي

مطلق وعنده أطفال

وغير جذي كبير مب ياهل ولا هو مراهق

وجذي سوالفه وخرابيطه ؟!..

لا يبه ,

شلي حادني على الآذية

الوحدة تبي تتزوج علشان تستر على نفسها وتعيش هنية ومرتاحة

مب علشان تتآلم وتتعب وتحزن وتكون شايلة هم زوجها ليلها نهارها

+

هذي تونا على البر لا صارت خطوبة رسمية ولا تم الزواج

وشوفي شلون ماخذ راحته على الآخر وأسمحي لي في (((( الصياعة ))))

لأن إلي قاعد يسويه ما له أي معنى ثاني

هذي باجر لا تزوجج شنو بيصير ؟!..

+

لا يبـه

تركي عنج عوار هالقلب

وفكري بشكل سليم ومنطقي

وتركي عنج هالحب وهالخرابيط

وتركي عنج أحاسيس قلبج

+

أنا إنسانة عمري ما صرت ضد الحب

بالعكس أشجع الحب

وخصوصاً إذا كان حب شريف بيتكلل بالزواج

بسسسسسسسسسس

حب إنسان يستحق قيمة هالحب

مب إنسان ما يستحق هالمحبة وهالمودة

إنسان ثلاثيني وعايش حياة العزوبية طول بعرض .. ماهو داري عني ولا عن هوى داري

لاهي بمغازل البنات وبالشات وبالكلام الفاضي :039:

+

بدل لا يلتهي بهالسوالف التعبانة

خله يلهى في شغله

في أطفاله

في إتمام زواجه منج

هذي تفكير الثلاثيني .. هذا تفكير العقل

هذا تفكير الأخلاق :ok:

+

الثلاثيني ما يفكر في نت ومغازل وشات

وترك لي شغله على جنب بحجة المرارة

((( عندي صديقة عمرها 21 توها صغيرة يعني وعندها المرارة وللحين ما أستآصلوها وما شاء الله على هالتعب والآذية مواصلة حياتها طبيعي )))

و وينه عن أطفاله إذا لين الفجر سهاري على النت

شلون يربيهم إختي ؟!..

متى عنده وقت لهم ؟!..

وإنتي توج بنت صغيرة لمتى بيخليج جذي

وشلي موقف موضوعكم بلأساس ؟!

دامه على قولتج منصب وما أدري شنهو

يعني إنسان مقتدر ومكون نفسه وباني حياته

شلي يمنع أو موقف خطوبتكم ؟!..

شي غريب جداً :091:

+

فكري بـ عقلج

شوفي هل تصرفاته سليمة ؟!.

هل يعقل إنه يكون زوج مناسب لج للمستقبل

هل يستحق منج التضحية والغربة ؟.

هل يستحق تكونين أم بديلة لأطفاله وإنتي بعدج صغيرة ومن حقج تجربة الأفضل

+

لين شفتي خطيبج صح

وأحنا الغلط

على بركة الله

وربي يوفقج إن شاء الله

أنا من كلامي معاج ترى مب ماخذة شي

أنا بس حابه أفيدج , ولا أنا خسرانة أي شي :065: