ششكثر اعاني يارب

الله يفرج همك اختي فضفضي اختي علشان تطلعين اللي في قلبك ان شاءالله ترتاحين طمنينا عنك

لا اله الا الله

اختي فضفضي وريحي قلبك حنا خواتك
وربنا يزيح همك يارب اكيد احنا اخواتك ونشيل عنك همومك

الله يعينك ان شاء الله

فضفضي وريحي نفسك مو زين تكتمي بقلبك

لا حول ولا قوة الا بالله ..

ربي يطمنك ويريح قلبك ..

ياحرااااام
فضفضي حبيتي وياريت ما تقسمين قصتش عشان نقدر انساعدش
اشلون تتخطرين هالمعاناة أن شاء الله

الله يعينك ويساعدك يارب

:(

عسى ربي يريحك ياقلبي ويطمن بالك واذا مافضفضتي لنا احنا تفضفضي لمين فدييييييييييييييييتك ياروحي

اختي فضفضي على راحتك وكلنا اذان صاغية و الله يفرج هم كل مكروب

++



فكرت بالهروب يوم كنت طفله


تعبت من الالم والمعاناه


وكلمت صديقتي ابي اروح عندهم اعيش

خلاص بهرب


ووافقت صديقتي وفرحت

وقررنا


واخذت اغراضي اللي بدرج المدرسه

ويوم جيت بروح تذكرت اشاعه عندنا يالاطفال شديدي السواد يعذبون الاطفال ويقتلوهم


وكانت صديقتي من هالنوع ترددت فخفت وهونت ورجعت لمعاناتي



++





كنت بالمدرسه كالعاده يوم دخلت مربيه الفصل وسئلت بحب وحنان بنآآآت من عندها مشكله

تفضفض لنا

حنا اهل وعائله وحده


ناظرت لها ودي اروح اشكي لها معاناتي

بس اعرف نظرتها لي


طفله شقيه ماتطيقها

حاولت اروح

بس ماقدرت اخاف من نظرات الرحمه والشفقه والكره

فجلست بمكاني بكل الم




+++

++



فكرت بالهروب يوم كنت طفله


تعبت من الالم والمعاناه


وكلمت صديقتي ابي اروح عندهم اعيش

خلاص بهرب


ووافقت صديقتي وفرحت

وقررنا


واخذت اغراضي اللي بدرج المدرسه

ويوم جيت بروح تذكرت اشاعه عندنا يالاطفال شديدي السواد يعذبون الاطفال ويقتلوهم


وكانت صديقتي من هالنوع ترددت فخفت وهونت ورجعت لمعاناتي



++





كنت بالمدرسه كالعاده يوم دخلت مربيه الفصل وسئلت بحب وحنان بنآآآت من عندها مشكله

تفضفض لنا

حنا اهل وعائله وحده


ناظرت لها ودي اروح اشكي لها معاناتي

بس اعرف نظرتها لي


طفله شقيه ماتطيقها

حاولت اروح

بس ماقدرت اخاف من نظرات الرحمه والشفقه والكره

فجلست بمكاني بكل الم




+++






وجات لحظة الزواج



لحظه اللي كل عروس تتمناها

جلست بغرفه لحالي وانا خايفه

اسمع اصوات الزغاريد

والطقاقات

دخلت عندي الكوفيره اول ماناظرت ملامحي الطفوليه سئلتني : انتي كم عمرك

رديت وانا منحرجه:12

شهقت وهي تردد حرآآآم


وتقول لزميلتها الكوفيره : حرآآم وربي لسى صغيره الله يعينها



+++


وجات وقت الزفه ماكنت احس بأي احساس الا بأحساس الحياء من الحريم


امشي وانا خايفه اتعثر ماعمري في حياتي لبست كعب وهالمره الاولى اللي البس كعب

مشيت وجدتي تمسك بيدي الى ماوصلنا الكوشه

وجلست على الكوووشه واناظر في الحريم


مشاعر كثيره كانت تحتويني خوف الم تردد


الا يوم طاحت عيوني على بنت من في اعمارنا ترقص تستهبل في رقصها

نسيت اني متزوجه

نسيت ان هذا عرسي

فمديت رجلي بحيث ماحد يشوفني ودعست على رجلها بالكعب

التفتت علي البنت وجات تبي تدعس على رجلي بس سحبوها

وانا اضحك بصوت واطي


حسيت للحظه بالفرح وانا اتخيل شكلها شلون مقهوره

+++



وتزوجت ودخلت عش الزوجيه

بكل خوف

الم

تردد

كان زوجي فيه شوي خجل


بعد الثلاث الايام الاولى ناداني زوجي : حياتي


التفت له بخوف وخجل ورديت عليه : شهالكلام عييب

من يوم وانا صغيره ماسمعت كلمه حب ولا حنان ممن حولي


وهذا الكلام كنا نشوفه [
عيب
ويوم جا يبي حقه الشرعي خففت بالحييل


وربي ماكنت اعرف شي عن ليله الدخله ولا جماع ولا شي


يوم شاف اني جاهله بكل شي


مسكني وهدأني وقال لي الحقوق الزوجيه كلها


كان طيب ,, رومانسي ,, حنون بالحييل


عشقته بجنون


حبيته بجنون


تعلقت فيه بالحييييل


ضحكت خلاص هذي نهايه الالامي هذي نهايه معاناتي


مادريت ان الدنيا تخبي وراها الكثير من المواجع


مادريت ان حرام علي الضحك والسعاده والفرح



++++

جيت عند اهلي

وكعاده الاطفال اللي بعمري تحصل بينهم شوي من المضاربه فتضاربت انا واختي

وجات امي وضربت اختي

وجات تبي تضربني فجريت رحت عند زوجي

ابي احتمي منه

ابيه يكون لي عون

ودخلت امي وراي وهي ماتدري ان زوجي موجود ويوم شافت زوجي انحرجت بالحيييل استحت ووقفت بمكانها


فهم زوجي الموضوع فرد وهو مبتسم : عادي لو تبين تضربينها اضربيها ولو تبيني اجيبها لك تضربينها اضربيها


وقفت للحظه


حسيت وربي الم في قلبي

حتى زوجي


حتى اللي بقي لي في الدنيا


ششكثر اعاني خرجت من عندهم لدورة

المياه مكاني من يوم فتحت الدنيا اتخبى عن الناس وابكي فيه


بكيت وبكيت بكيييت
آآآآآآه وآآآآآآآه يادنيا تعبت ياربي ارحمني برحمتك ارحمني يارب


++

حملت بـ اول مولود الحمدلله ماكان فيه لا وحام ولا معانا بس لاشافتني امي انطنط ولا اجري صرخت بوجهي


ومرت شهور الحمل ويووم كنت بالثامن لجهل مني قمت ابي اتمشى

جلست اتمشى في شقتي وانا افكر بــ اشياء كثيره كثيره

مدري كم مر من الوقت وانا امشي الا يوم حسيت بالالام فضيعه


ماعرفت ايش هالالالام فجريت الله يكرمكم لدوره المياه وحسيت برغبه في الزفير


وبدات ازفر ازفر


حسيت شي يبي يخرج ماكنت ادري ان هذا هو الطفل يوم حسيت شي يبي يخرج من الخوف جلست

ورحت بعدين لزوجي


وقلت له وانا ابكي من الخوف والالم/ تعبانه


رحنا الولاده وقالت الدكتوره ولاده


والحمدلله ولدت والطفل سليم بس جلس بالحظانه تقريبا اسبوع اثر الكتم اللي جاه وقت الطلق على كلام الدكتوره تقولي انتي بجلوسك كتمتي على الطفل



وانتهت الولاده بالامها ومعاناتها


موقف عمري ماراح انساه


شلون كنت ابكي اصرخ اتلوى من الالام


شلون حسيت بلحظه اني اموت


شلون كنت افكر شو سبب الالم


...{ الله يسامحكم يا اهلي


+++



دخلني زوجي معهد في الصباح ومعهد بالعصر


حاولت اعترض بس مافي اي فايده


ماقدرت اوفق بين زوجي وبين طفلي والبيت والمعاهد


اجي من الصباح وانا تعبانه حيل احط راسي وانام اقوم العصر اروح المعهد الثاني واجي المغرب اروح لطفلي



ماعجبه الوضع كذا

زوجي شاف الاهمال في البيت وانا كلمته ماقدر اوفق بس مو راضي



بعد المغرب حطيت راسي على اساس ارتاح شوي انام مع طفلي

تفاجاءت بفتح الباب بقوه علي وهو يصرخ البسي وتعالي المجلس

وربي حسيت قلبي طاح من الخوف عرفت فيه مصيبه جايه

صرخت : ايش سويت


ماتكلم


اخذت طفلي ورحت المجلس فلقيت العائله الكريمه كلها مجتمعه

حسيت اطرافي متجمده من الخوف وانا اناظر ابوي وهو معصب


بدا زوجي يتكلم ويتكلم وانا مو قادره حتى ادافع على نفسي موطيه راسي وحاضنه طفلي بألم


وبعدها خرج


وخرجت العائله بعد ماكل فرد فيهم عطاني من الكلام

ماحد في الغرفه الا انا وابوي


صرخ علي البسي عباتك وتعالي


لبست عباتي واخذت طفلي ورحت مع ابوي


رحت عند اهلي

وجات امي تخوفنني جابت سيره طلاق وزوجك راح ياخذ طفلك بيعيش عند ابوه

بكيت الا طفلي

لا ماحد ياخذه


طفلي حرام عليكم


وجا اليوم الثاني وارسل يبي الطفل


بكيت الا طفلي


اخذوه وانا اناظر في عيونه وابكي ابكي طفلي حرام ابيه ماقدر اعيش من دونه


ماقدر طفلي يتاقلم عند اهل زوجي ماغير يبكي ويبكي وانا هناك ابكي


آآآآآه يادنيا


ماقدرت اصبر على هالوضع

ماعندي لاجوال ولاتلفون فاستخدمت اسلوب الرسايل كتبت له اترجاه ياخذني وارجع وياه

ارسلت له رساله عن طريق اخوي الصغير

ورجع لي الرساله ويطلب من طلبات اسويها

رديت عليه ابشر ابشر ابشر

وبعدها جا هو وابوه ورجعوني وبيتي

ويوم رجعت لبيتي

طلبت من زوجي بعض الاغراض لطفلي

راح يجيبها


ويوم جا سمع صوت من غرفتي قرب شوي سمع صوت جدي في غرفتي وهو يصارخ علي

مادخل

مادافع عني


حط الاغراض في المطبخ وراح

واتصل علي وقال / اذا سئل جدك عني قولي له ماجا




++


وليتها هنا وقفت النهايه صار ابوي كل يوم يجي شقتي

ويتفقد البيت واذا شاف شي يغرز اصابعه في شعري ويجره ويضربني


اجلس في زاويه من البيت وانا ابكي


ليش ياربي ليش ليش

مايناديني الا مجنونه مجنونه مجنونه


وين راحت المجنونه وين جات المجنونه


آآآآه ياربي


من وين الاقيها يادنيا لاسند ولا ظهر


تعبت وربي تعبت



++

عمري الحين 23 وام لاطفال ومسؤليه وبيت


وزوجي عمره 35 احس تفكيره غير احسه جاي من زمن غير زماني



+


الحين بهالعمر تراودني احلام المراهقه


اغمض عيوني واتخيل اني لابسه فستان ابيض ويجي فارس احلامي على حصان ابيض وياخذني لدنيا مليانه فرحه وسعاده

ودي اعيش الحين مثل باقي البنات


ودي اعيش ايام الملكه


ايام الزواج


ودي اعيش شهر العسل


دامني فاهمه الدنيا ودي تبتدي حياتي من هنا


احس بالالم وانا اسمع اللي حولي خطيبي يتصل

خطيبي اهداني


خطيبي وخطيبي


++


زوجي بهالفتره صار ميت عاطفي لا احساس ولا ماشاعر


اذا جينا نبي نخرج يقولي شرايك نعزم فلان وفلان


ودي بيوم يقولي ويصرحها بصريح العباره : ودي اخرج معك


ودي بيوم ياخذ بيدي

يسئلني ليش زعلانه


ابكي الحين ولا مابكيت ماهمه


زعلت ولا مازعلت ماهمه


واذا جا احد يشتكيله عن زوجته : امره بالصبر وان هذي ام عياله تتحمله ومن الكلام اللي يفتح النفس

وانا طيب ليش ماتطبق الكلام على ارض الواقع



اذكر مره تصلحت وتمكيجت

ابي اسوي له مفاجاءه

ويوم فتح الباب الشقه ناظر فيني وضحك


وانا وقفت بمكاني الملم شتات نفسي المجروحه


++


ماصرت اقرا قصص رومانسيه ولا اتابع اي شي يتعلق بالرومانسيه


اذا شفت اي منظر رومانسي ابكي بلا شعور واردد شمعنى انا



قبل يومين كنت اتابع مسلسل انمي عادي مافيه اي رومنسيه

وفجاءه ظهرت لقطه بالحييل رجعتني سنوووات

ماحسيت نفسي الا وانا ابكي


البطل الرئيسي في الانمي تضايق يوم شاف الفتاه اللي يحترمها تبكي


هنا جلست ابكي وانا اتذكر ابن الجيران وحنا صغار يكره دموعي


يكره بكاي


كنت ابكي على عروسة اخته اخذها منها واعطاني اياه

وانا اتابع الانمي جلست ابكي مدري شذكرني فيه



++


ابوي الحين صار ساكت لايكلم احد ولا شي ولا يصارخ اذا شافني يسلم ويسئل عن الاحوال ويسكت


اما امي تغيرت بالحيييييييل يالحييييل صارت طيبه وحنونه


تهديني انا واطفالي الهدايا


اذا ضربت احدمن اخواني تتأثر

وحرمت تضرب احد


اختي بالمتوسط واهلي يشوفونها صغيره وماطلبو منها تغطي


اختي بالثانوي تنتط تجري تستهبل قدام ابوي مايتكلم يشوفها لسى صغيره


طيب انا


ليش بهالنظريه لي

علشاني اول العنقود الكبيره

انحرمت من طفولتي


والحين انحرم من الحب والحنان حتى من زوجي


+

صار زعول وعصبي وعنيد


زوجي الى الآن وهو يعاملني معامله طفله صغيره


نامي بدري

قومي بدري

ليش سويتي كذا


هذا ماينفع حطي ملح حطي مدري وشو




آآآآآآآآه يادنيا



آآآآآآه ياربي



تعبت ياعالم


بصيييييييييييييييييييييح


الى متى وانا اتحمل


الماضي ماقدر انساه


والحاظر ماشفت فيه شي من السعاده


لاصديقات لا احباب لا احد



ياربي ياربي ياربي ارحمني برحمتك انت على كل شي قدير



هذي دموعي




هذي الامي



هذي جروحي



بصييييييييييييييييييح

الله يكون بعوونك حبيبتي اسمعي اللي يرضيك وطنشي الباقي وعيشي حيياتك حاولي تعوضي نفسك وحاولي تتقربي من زوجك على قد ماتقدري مهما حاول صدك امشي معاه بأسلوب العبط سوري ماعندي معنى غير كده انا لما ابغى شي امشيييه بالعبط الحلو طبعا مو اللي ينرفز او بالهدااااوه وادعي واستغفري وقومي الليل واتضرعي لله واطلبيه انه ربي يفرحك بالدنيا ويعوضك بالأخره وتتبدل حياتك للاحسن وقلبي معاكي حبيبتي

الأخت شكثر أعاني ...خوفي من رب العباد فوق كل شئ و فوق كرامتي ,,لذلك أنا آعتذر عما بدر مني...
ربما لأن هناك عضوات قبلك قد استخدمن هذا الاسلوب و قمن بخداعنا قد أعماني و بدى لي ان كل من يستخدم هذا الاسلوب هو كاذب ,,, و أنتي اسأل الله لك الفرج و أرجو منك رفع دعائك علي بالبلاء فضلا منك

حبيبتي الا بذكر الله تطمئن القلوب

الصفحات فدوه لج ابيج تفضفضين كل الي بداخلج واحنا قلوبنا مفتوحه لهمج واي مشكله بنساعدج فيها

وربي يكون في عونج يالغاليه