o°°o°°o° تجمع الجديد اللي اجهضــو و ينتظرون الحمل بــإذن الله ~* °o°°o°°o

paradise rose;11454121:
السلام عليكم ورحمه الله وبركاته
ازيكو يابنات احب اشارك معاكوا ف التجمع دا

عدد الاطفال؟
لا يوجد يارب يرزقنى ويرزقكوا قريب يارب
متى سقطت؟وكم مرة؟
من اسبوع ودا السقط التانى
السقط الاول كان بعد 15 يوم
والسقط التانى كان الجنين ف الشهر التانى

وشلون سقطت؟بعملية تنظيف ولا بروحه نزل ولا بتحميلة ولا جراحه؟؟؟؟؟
ياريت بالتفصيل..
الاول نزل لوحده عباره عن نقطه لونها غامق ونزلت الدوره عاديه بعده الحمد لله على كل شىء
الثانى جالى نزيف حاد ورحت المستشفى الدكتور نزله بس معملش عمليه تنضيف اعطانى برشام ينزل البقايا وقالى الباقى هينزل ف الفتره النفاس القصيره دى

وكم عمرك؟:037:26

وشنو سبب الاجهاض؟اذا وجد
الاول مكنتش اعرف وعملت مجهود كبير جداا وشلت اشياء ثقيله وحاجات غلط الحمد لله
الثانى معرفش السبب بس الحمد لله على كل حال
وهل ناوية تاخذ علاج او طريقة تساعد على الحمل ان شاء الله؟
انا ناويه اغير الدكتور اللى كنت بروحله لانى ف الحمل كان بينزل عليا دم عباره عن خيوط كدا وقالى طول ما مفيش مغص متقلقيش بس لما جه المغص كنت بسقط خلاص يعنى قدر الله و ماشاء فعل
ناويه ان شاء الله اعرف ايه التحاليل اللى تطمنى ان الحمل دا نزل وان الرحم رجع طبيعى زى ماكان
ربنا يدلنى على دكتور كويس يطمنى ياريت اللى تعرف دكتور كويس ف القاهره تقولى عليه

وياريت بس اعرف اعمل ايه ف الفتره اللى اانا فيها دى اشرب اعشاب معينه او اهتم ازاى بنفسى فى الفتره اللى بعد السقط دى
البردقوش كويس ولا لا ف الفتره دى
وهل لو عملت سونار بيبان فيه ان الرحم نظف تمام ورجع مكانه ولا لا
وشكرااا
ربنا يارب يكرمنا كلنا ويرزقنا الحمل الثابت القوى ويرزقنا اطفال سليمه معافاه يارب