الحقوني انا خربت بيتي..... انصحوني!!!!

لولا الله اولا ثم هم ...لاتنسين :)
ومبرووووووك

طبعا والنعم بالله انا ماقلت شي غير... ومشكورين

بسم الله
اختي الغاليه العذراء:
اعتقد البنات الله يجزاهم خير ما قصرو بس وانا اختك الواجب في كل أمورنا لابد من تبيت الاستخاره والله سبحانه وتعالى ما يخيب عباده الله يرضى عليك استخيري في امرك واتركي الامور تسير على سليقتها واذا ربك رايد لك في هذا الرجل الخير فهو راح يسخره لك ويرجعه واحمديه عليه واذا ما اراده لك الحمد لله والحب ماهو كل شي في هاذي الدنيا لا اوصيك الله الله بالثقل

وااااااااااااااااااااااااااااو جد فرحت من قلبي يالعذراء:up::shy::shy:

للوووووش والله اني احاتيك احسك زيي طيبه وتدلعين ويهاوشونك وانتي على نياتك:cool2: انا كذا مبسوووووووطه لك وصااااادقه اثقلي شوي ترى الرجال يحبون الثقل وخاصه من اللي يدلعونهم زينا:shy:

الله يوفقك ولا يجيب الزعل بينكم يارب ويارب يبارك لكم في مشاعركم ولا يفرقكم:shy:

الف الف مبرووووك ولاتعيديهااا مره ثااانيه

اختى مثل ما هدمتى ابنى يعنى مثل ما خربتى على نفسك بمسج صلحى

امورك ايضا بمسجات اخرى رقيقة تذكرة بايامكم الحلوة ارسلى هذة المسجات يوميا لمدة اسبوع وبعدين راح يهدا وذيك الساع كلمية واعتذرى
واللة كريم

كثرة العتاب تذهب الوداد؟؟؟

الازبيث مشكورة وانا دايما اصلي الاستخارة لو كنازينين مع بعض او زعلانيين وربك ايسر الامور يارب

الله يوفقك ياختي احلى البشر وانشاءالله لازم نثقل مافي طريقة غير هذي لانهم مش وجه دلع...

حنووووونه تووووووووبة ومشكورة وايد!!!

المايقة انشاءالله بس انا قررت اثقل لانه مايستاهل دلع :mad:

webshots صدقج والله ياختي

والله مايوريكم اللي انا شفته :(

عزيزتي .. أولا مبروووووك على الرجوع ..
ثانيا .. هذا التوتر اللي حصل بينكم يمكن يتكرر في أمور أخرى .. وهذا اللي حاصل معاي أنا وخطيبي .. لكن في النهاية الحب يغلب لأنه الأقوى ونحن نتعلم من أغلاطنا ..

حبوبتي .. في هذي الفترة وفي فترة الملكة وبعد الزواج وفي أول حياتكم مع بعض .. بتكونوا تتعودوا على بعض وكل واحد فيكم يعرف الثاني .. بيتبين مع الوقت إن كل واحد فيكم له اهتمامات ممكن تكون مختلفة .. له أسلوبه المستقل في التفكير .. ويمكن يصير في بينكم صدام .. لكن أهم شي إنج تعرفين كيف تتصرفين .. ولازم التضحية تكون من الطرفين ..

في أحد الاتصالات اللي بينكم .. افتحي معاه موضوع نقاش عن حياتكم .. وإنكم بتواجهوا مواقف صعبة لازم تعدوها مع بعض .. وإن اختلاف الرأي لا يفسد حبكم .. وإنكم لازم تتناقشوا مع بعض في أمور حياتكم وإذا اختلفتوا في نقطة معينة حاولوا توصلوا لنقطة تجم رأيكم في النص ..

يعني لا تتغلي وايد .. ولا تميلي وايد .. خليج وسط .. خلي كلامكم فيه بعض السوالف .. وبعض القصص .. لا تتكلمي طول الوقت في الحب والشوق وبس .. بعدين بيحس بملل وإنت ما بتعرفي كيف تغيري هالروتين .. حاولي تشوفي شو اهتماماته وزيدي معرفتج فيها وكلميه عليها .. بيحس إن في شي جديد طرأ في مكالماتج معاه .. ولاتحرميه من ربعه .. وإذا شفتيه متضايق إنتي اقترحي عليه إن يحاول يرفه عن نفسه بطلعة مع ربعه للبحر أو للسينما .. ترى الريال لما يكون متضايق مايحب كثرة الكلام .. يحب يفكر لوحده ويهدا لوحده فلا تضغطي عليه ودايما ادعي له في ويهه إن ربي يفرج عليه ويهديه وييسر طريقه وطريقج ويكتب لك الحياة السعيدة المستقرة والذرية الصالحة .. قولي آآآآمين ولجميع بنات المسلمين :D

حبيتي ترى الثقل زيييييييين والصرااااااااحة راحة خصوصا هالفترةوانشاء الله بيرجعلك لانه على كلامك انك متعلقة فيه واتوقع هو نفس الشي باذن الله وثانيا انشاء الله لما يرجعلك بشرينا لانه يانه عندي نصااااااااايح والله يسهل امرك .

أختي العذراء76 أنشاء الله اللي بينكم يتصلح وذلك من خلال تغير تصرفاتج معاه لأن الرجل يختلف عن المرأة له إلتزمات عمل لازم ينجزها وله ربع لازم يكون له نصيب من وقته معاهم وأيضا وقت للراحة 00فأتمنى منج أختيار الأوقات المناسبة لمحادثته 00أو أجعلي له هو اختيار الوقت المناسب لمحادثتكي0000 وأخيرا الثقل مطلوب 0000ومبروك لرجوعه لكي000وانشاء الله للأبد0000تحياتـــــي

الصراحه اختي انا مع ام انوار في كل كلمه كتبتها اشدعوه يقولك بتركك على مسجات وحتي لو اسعجتيه مايقولك انتي من طريق وانا من طريق هذا من الحين زهقان ومش قد المسؤليه بعدين وش بيسوي انا اسفه اختي على الكلام ادري انك بتعصبين لاني لاحظت من كلامك انك تحبينه بس هذا رايي والحين خليه بعض الوقت يمكن يهدي وانتي سويتي اللي عليكي اعتذرتيله وصبري وشوفي ولاتذلين نفسك عنده انتي مب رخيصه والاهم لادخلين حد بحياتك لاتصيرين غبيه حتي لو كانت اعز اصدقائك لاتدخلين حد بمشاكلك بعدين لاسمح الله لو صارت علاقه بينهم لاتقعدين تصيحين والاهم انتي صبري شوي يمكن هو مضايق وحط الحره فيكي صبري شوي خليه يرتاح وبعدين اتصلي وتفاهمي معاه وقوليله انا ودي اكلمك اعرف اطباعك قبل الزواج وبهذي الطريقه تبررين ليش كنتي تلعوزينه و الحمدالله انك تصالحتي معاه بس لازم يتفهم مش كل مره يسويلك نفس هالمرة وتقعدين تصيحين وتفكرين :D2:cool2::up:

آسفة على التأخير!!!
عروس السهد صدقج والله وأنا صدق راح أتبع كلامج كلمة كلمة!! إنه مو لازم نتكلم في الحب دوم!! لازم نناقش مواضيع تخص حياتنا!!

شعوولة رجع!! وهذي هي البشارة.... :)

غدر الزمان مشكورة على الكلام الجميل والله يبارك فيكي يارب....

عروس الدوحة مشكورة على التعليق وأنا أدري انه قلبكم علي!! وانا حرمت أدخل أي حد في مواضيعنا الخاصة... بس لأنه ضاقت بي الحيلة.... والحمدلله على كل حال

عزيزتي العذارء الله يصلح الحال ويرجع المياة لمجاريها ولا يجيب الزعل انتي اكثري من الدعاء وتعلمني من اغلاطك ولا عاد تكررينها وتغلطين علية ثاني و وبنفس الوقت حوالي تثقلين وانصحك تشترين كيف تعاملين محبوبك لدكتور صلاح الراشد عبارة عن علبة في اشرطة واشتري واحد لخطيبك اسمه كيف تعامل محبوبتك واشتري كتاب الرجال من المريخ والنساء من الزهرة تلاقينة بمكتبة جرير واهديهم لخطيبك واشتري نسخة لك بعد;)

شكراً يا عروس السماء وإنشاءالله ألقاهم وأهديه في أسرع وقت ممكن!!

تسلمين يالغالية :)

مبرووووووووووووووووووك

والله فرحتيني :clap: :clap: :clap: :clap: :clap: :clap: :clap:

بس هاه ياويــــــــــــــــلك لو تعيدينها


Good luck:up::up:

تسلمين لي يا Mكلهـ قمرهم ـمM

والله أحرجتوني :o

وماراح أعيدها بس ربك يسترها معايا

فى البداية ارحب بيكى اود انصحك بان تتركى بضعة ايام لانه حالته النفسية لا تسمح له بان يتحدث معاكى وقد يقول اشياء غير مسؤل عنها انتظرى حتى يتصل بيكى وان لم يفعل حاولى انتى الاتصال وحاولى ان تكونى رقيقة معه وارسلى له هدية وارسلة له رسالة على الجوال قولى فيها انك ما زالتى تبحه وانك مازالتى منتظره والله معك

اصبري واذا كان يبيكي
بيرجع وبعدين الف واحد يتمناك:)

اختك الخيالية

WALAA MOHAMED
الخياليه

مشكورين على ردكم حبايبي!! القصة صارت من زمان والحمدلله الأمور على أحسن مايرام....

والله هو طيب بس طبيعة المرأة طماعة لأنها عاطفية أكثر من الرجل... وأنا انتبهت متأخر... ولا هو مش مقصر بس ساعات مايقول كلام حلو بس اكتشفت إنه طيب وحساس والحمدلله على كل حال...

المهم أشكركم جزيل الشكر إنكم قريتوا موضوعي وحسستوني والله إنه قلبكم علي!!

الله يوفقكم ويوفق الجميع وادعولي!!