التجمع العاشر للحوامل اللاتي يلدن في شهر 3 ( مارس/آذار ) 2010 م - بإذن الله

Daloo3t_Obooy;11453649:
صباح الخير على احلى كروشات ، بقرا كم صفحه وبرجع لكم :)

عيــ المها ــون;11451159:
مره يقولي الجوري ومره يقولي مها قلت الجوري لا ومها عندنا موجود في البيت ثنتين نبي شي جديد لانه شيخه مافي يعني ابي اسم رزه ولاعت جبدي واحوس في راسي ابي شي جديد وحلو مب لاقيه

јǿđ;11451503:
مرحبا بنات

ترى قلب البتول ولدت امس العصر ويابت احمد
ولادة طبيعية الحمدلله

ورحت لها من شوي يلست معاها ساعه تقريبا
وخليت زوجي ينقع بغرفه الانتظار

بس حصلت زفه محترمه منه ههههههههههه
توقعت اصلا حتى قلت لها اكيد زوجي بيزفني الحين

بس يلا اهم شي انه شفناها ولا اله الا الله احمدي يجنن لبى قلبه

يلا قلب البتول سبقتكم ببدايه شهر مارس نشوف منو بعدها

زين البراري;11452750:
بنات شاسوي فيني حكه رهيبه في جسمي كله لي درجه اطلع دم
شاسوي .

الحلم الأزرق;11453565:

صباح الخير بنات شخباركم وحشتوني

زين البراري;11453667:
صباح الورددلوعه تو ما نور التجمع

لوليكي;11453657:

صباح الفل ام جوجو:025:

زين البراري;11453602:
صباح الورد الحلم الازرق وان شاء الله دوم ينشرح صدرج

Daloo3t_Obooy;11453719:
بالعكس الجوري وايد حلو ، انا كنت بسميه بس عقب غيرت يمكن بنتي الثانيه :041:


الف مبروووك وحمدلله على سلامتها ويتربى بعزهم ان شاء الله ، وصلي لها سلامي وقوليلها ان شاء الله مانستنا من الدعاء واهي تطلق :02:


ربي يعينج حبيبتي ، انا الحكه في كرشتي مو طبيعيه بس كله احقرها مابي احك وايد ويطلع دم او الخطوط ذي اللي ماتروح بس امسح عليها بايو اويل وخلاص :091:




صباح الورد ام الوردات ، احنا بخير نسأل عنج :025:

منور بوجودج، عندي سؤال لج؟ متى بديتي تعطين عيالج ماي صحه؟ واهمه يرضعون طبيعي من البدايه والا عقب يوم بديتي تعطينهم صناعي؟



صباح العسل ام لولو :049:

candy libya;11453760:
صباح الورد بنات كيفكم اليوم

أمس رحت المستشفى مع انه موعدي كان يوم 4/3 بس قدمته لانه عندي مغص في بطني ، سويت كل التحاليل ، قالولي عندي الكالسيوم منخفض واعطتني حبوب كالسيوم والسكر بعد منخفض والدم كان 11 يعني نزل دمي ، ووزني زاد بس كيلو واحد مع اني آكل وايد بس قالت عادي .
وقلتلها يادكتورة ولد والا بنت وانا طاااااايرة من الفرحة لاني بعرف جنسه أخيراً ولا تقولي الدكتورة فشلة هذا جنينك جالس متربع مااقدر اشوفه قلتلها يمكن يتحرك ونشوفه بس الدكتورة حاولت ومحاولاتها بائت بالفشل ، وازيدكم من الشعر بيت جنيني الله يحفظه لي حاط ايده علي وجهه متكيف ههههههههههه .
بنات دمي نازل كثير والا عادي

candy libya;11453784:
بنات سامحوني والله داشة علي تجمعكم بالغلط

سامحوووووووني

الحلم الأزرق;11453769:

هلا زين أمس وأول أمس تذكرتج بس ما كنت أبي أتذكرج بهالموقف كنت أبي أتذكرج بموافق حلوة بس يالله عاد تعرفين على شنو زين مو قلت لج إن السكري مرتفع عندي وحولوني على السلمانية على أساس يسوون هذا التحليل السخيف إلي بعد كل وجبة بس ما رحت لما رحت موعدي بالامريكي الدكتورة شافت تحليل السكر وقالت ليج جذي مرتفع وهذا موزين للبيبي قلت لها بسالفة إني تحولت على السلمانية بس ما رحت زفتني وقالت لازم بكرة إتروحين إسوينه المهم رحت من الصبح الساعة سبع سويته وان صايمة وطلع أوكي بعدين بعد الريوق بساعتين طلع مرتفع كان في دكتور ودكتورة ,الدكتور قال لازم أبر أنسولين بس لما جت الدكتورة قالت لا ما يحتاج الإرتفاع مو واجد وقالت لي روحي مركزكم وسوي تحليل بعد الغذاء والعشاء إذا طبيعي خلاص بس لو مرتفع بتاخذين أبر الأنسولين المهم رجعت البيت على 12 تغذيت ورحت سويت تحليل طلع أوكي وبعد العشاء بعد كان اوكي عاد حسيت كأن واحد مكفخني تكفخ من التعب وكنت مضايقة حدي من هالحالة وقلت يارب بسرعة أولد وأفتك من هالمعاناة مع السكر الله لا يبلي أحد فيه

زين البراري;11453850:
بنات اخليكم باروح ارقد شوي من قعدتي الساعه اقعد ولدي حق المدرسه وانا قاعده وامس باليل راقده الساعه 4 الصبح
باروح ارقد لان ريلي وعدني اليوم انروحانسوي اوردر حق السويت والمالح

اشوفكم على خير

candy libya;11453784:
بنات سامحوني والله داشة علي تجمعكم بالغلط

سامحوووووووني

الحلم الأزرق;11453927:

أم جود وينج حبيبتي

Daloo3t_Obooy;11453959:
عادي حبيبتي افا عليج بس ، كلنا خوات وحياج ويانا بأي وقت :065:



انا هني ، بس مادري شفيني من امس وانا ظهري وبطني كلش مانمت عدل كله من الباستا الحاره :057: