. شكلتي قد تكون بسيطه ولكنها العكس .

شكرا لكل الردود

ام سلمى

هذا الحمل تقريبا كنت انتظره ؟

ولكن حاليا انا متعبه جدا من الوحام

سحآبۃ عروس;11399774:


وكاره كل شئ في حياتي

كررهت اكل وكرررهت اتكلم مع الاشخاص من حولي

وكررهت غرفتي :091:

وتعبانه اني اقوم باي عمل ولو كان بسيط!

مع اني قبل الحمل انسانه مرتبه جدا وحركيّه

والان منذ بدأ الوحام لا احس بطعم الحياه :091:

واكررره كل شئ ودائما بمزاج سئ

واشعر بأن هذا الشعور سيلازمني مدى الحياه



فاانا اصبحت اكره كل شئ ولااشعر بالراحه

وخوفي من ان هذا الشعور سيلازمني دائما

ذكرتيني بنفسي أختي سحابة عروس،،
حملت بعد زواجي بسنتين وكنت أنتظر هالحمل وأعد الثواني عشان أشوف الخط الثاني، ويوم كملت شهرين "عينك ما تشوف إلا الظلمة:091:"
(كرهت مدخل الشقة، كرهت غرفتي، كرهت ريحة ثلاجتي، كرهت أشوف الأبواب مفتحة، ما أقدر على ضوى اللمبات والا صوت التلفزيون، إعتزلت العالم، حسيت إني خلاص حياتي إنتهت، وكأني عايشة في عالم آخر لحالي إسمه "عالم الأموات الأحياء"، بس قدر الله وسقطت.
وبعد سنة حملت ولله الحمد، ولما كملت شهر من الحمل بدأت نفس المعانة الأولى، صرت حتى زوجي ما أشتهي أشوفه ولا أسمع صوتة، وريحته حتى من بعيد أعوذ بالله، كنت من التعب ما أقدر حتى أقوم من مكاني طول اليوم بس منسدحة والألم ما يعلم فيه غير رب العالمين، ورحت ثلاث مستشفيات وأدوية وحبوب بس بدون نتيجة، حسيت خلاص هذي بتكون حياتي، وراح أعيش اللي باقي من عمري في هالعذاب، وكنت أطالع الناس وأحس إنهم في عالم وأنا في عالم، ما كنت أتكلم ولا أضحك ولا أبتسم.
بس طبعاً هذا كله خف شووووووي على الشهر الخامس، وصرت أغصب نفسي إني أقوم وأطلع بس بدون ما أجهد نفسي، وسبحان الله الشهر التاسع كان أسهل شهور الحمل.
وعدت هالشهور على خير الحمد لله وجبت أغلى هدوي "ربي يحفظه ويسلمه ويهديه يا رب"، ولما ولدت تقريباً راح نص التعب وبقى شوي مع الأيام راح كل شي ولا أذكر كيف كان، بس بعد أخاف إذا تخيلت إني حامل من جديد "بس بيني وبينش خاطري في هدوية (مو يقولوا يا وجعة المنسية روحي وردي عليا)"
"أقول كملي ما قلت شي الى الحين"

اختي المرحله اللي تمرين فيها مرحله عاديه

واغلب الآمهات مروا بهذي المرحله وانا معاج انها صعبه بس ان شاء الله بعد 4 شهور راح تكون مجرد ذكرى لج .. والله يقومج بالسلامه يارب

مبرووك الحمل ..فترة وتعدي لا تحاتين ..

ريحي نفسك وخلي كل الي يدووور بالك بعيييد اهي بس فتره وبتعدي وبترجعين نفس اول واحسن مع النونو الحياة غير ربي يتمم عليك ويسر حملك وولادتك يارب

تقبلي مرور اختك ام زهراء

ربي يشرح لك صدرك
مرحلة وتعدي
انا كنت زيك وكل اللي حملوا مروا بهالفترة
بس لاتحاولي تضغطي على عمرك ريحي قد ماتقدري

الله يتمم لك على خير

نصيحة حاولي أتغيرين جو يعني طلعي و أذا تقدرين سافري لأن هذي الفترة وايد حرجة و متعبةو الله أيساعدج ان شالله

اي والله ترى اهي فترة الحمل خصوصا في شهورها الأولى وان شاء الله بتعدي عليج ..
الله يسهل لج أمورج يارب

مو مشكلة حبيبتي .. شدة و تزول ان شاءالله :)


الله يهون عليج

فتره واتعدي انا بحملي الاول كنت اكره حتى زوجي واطلع اي حجه واطلع من البيت واكره كلشي بس تميت فتره الوحام وبعدين خلاص الحمد الله راحت هذا بالحمل الاول بس الثاني الحمد الله كلشي تمام حبيبتي لا تخاافين فتره واتعدي وانشالله اتقومين بالسلامه والله يتمم عليج حملج