نفسيتي تعبااااااااااااااااااااااااانــة ..!!

السلام عليكم

كيفكم عرايس ان شاء الله طيبين ..

حبيت افضفض عندكم لاني حدي متضاااااااااااااايقه ونفسيتي زبااااله لا والله يمكن الزباله

احسن مني ..!!

قبل ساعتين زوجي طلب مني اروح معاه لأهله بعد صلاه المغرب لان صار لي اسبوع

مو رايحه لهم وقلت له

عندي شغل في البيت واذا تبيني اجله عشان اروح معاك بروح مع اني ماراح ارتاح هناك !!

سألني ليش قلت له انت تعرف الاسباب مايحتاج أقوول لك !!

قال لانك تطفشين لانك لحالك مامعك احد ..!!

أهل زوجي عبارة عن (( أبوة وأمه كبااااار في السن )) أخوانه الي مو متزوجين كله برى البيت

اكبر أخوانه متزوج وساكن معاهم وعند عيال وبنات ولما نروح لهم نقعد مع بعض في الصاله

وكله عمي وزوجي واخو زوجي يسوولفون واحنا قاعدين نسمع سوالفهم وطبعاَ سوالفهم

قديمه يعني يوم كان عمي صغير ومغامراته في المعيشه القاسيه وكيف كان يكسب

لقمه عيشه وعمتي تسولف معاهم عن الغنم والابل <== بس هذي سوالفهم

واذا تطورت سوالفهم يعلقون على التلفزون والله انا احبهم واعزهم بس يضيق

خلقي عندهم أتمنى مرات نقعد حن يالحريم في غرفه عشان ناخذ حريتنا في السوالف

بس للاسف ماكو سوالف كله اسئله عندهم يعني بالعربي تحقيق معي وين رحتي ؟؟

شنو اكلتوا ؟؟ منو جاكم بالبيت ؟؟ اتكلمين اهلك في الكويت راح يجون بالصيف ؟؟

وجاتك الدورة ؟؟ متى تسبحتي منها ؟؟ ولما حملت وسقطت كله يسئلون

في شئ جاي بالطريق ؟؟ ولما نسافر انا وزجي يقولون راحوا يتعالجون !!!!!!!!!!

والله نفسيتي تعبت من هالروتين وقمت اجيهم مرة في الاسبوع ولا اطول عندهم

عشان مايسلوني عن الحمل وجتني نفسيه الله لايوركم حبست عمري بالبيت شهر

تقريبا حتى ماقمت اطلع مع زوجي ومن ثلاثه اشهر قمت اكل كلوميد وكل يوم ادعي ربي

انه يرزقني بالذريه الصالحه عشان يكون لحياتي طعهم ومعنى والله يعورني قلبي

لما اشووف زوجي يلاعب بنات اخوه الصغاار او لما تقول لي

عمتي (( ام زوجي )) ودي عندكم ولدين او ثلاثه اقول لها الله كررررررريم ..

وهذا من غير كلام الحريم الي مايخلص ليش ماحملتي وليش ماتروحين اتعالجين


ترى كبرتوا وللحين ماجاكم عيال مع ان عمري 27 وزوجي 32 متزوجين

من سنتين 6شهور تقريبا

و اسبوع االي طاف أطلب زوجي اني أسافر لاهلى بالكويت عشان اغير جووووو

وكله يقول لي لا انتظري يمكن تكونين حاامل لاني الاسبوع الي طاف اخذت ابرة تفجيريه

والبويضه كان قياسها 22 والدكتور متفااائل خير وعطانا امل كبيييييييييييير ..

والله يكتب لنا الي فيه خير ويرزقنا بالذريه الصالحه ويرزق كل محرومه ياارب ..

بنات ولي يسلموكم أدعوا لي براحه البال ورزق العيال ..

الله يسعد الي بترد علي وتطيب خاطري بكلمتين ...


مودتي ..