ولادتي الثانية طبيعية والاولى قيصرية .. القصة والمميزات ..

انا من تجمع فبراير وتاريخ ولادتي 10 فبراير
وكنت حاطة في بالي اني على الاقل راح اوصل فبراير لاني ولدت من قبل قيصرية فقلت يمكن تتاخر الولادة عندي مثل البكرية
وابد ابد ما كنت حاطة احتمال
على انه كانت تجيني ريح استقبال بس بعد ما حطيت احتمال ..
نجي لقبل يومين من الولادة
الساعة 12 ليلة الثلاثاء
نزلت قطرات من الماء
قلت يمكن افرازات وقعدت تزيد لحد ما تيقنت انها ماء الراس :ok:
طبعا نزل الماء بدون الم ..
وقعدت في البيت يوم كامل
ليلة الاربعاء رحت مستشفى خاص وحولوني على التنويم لانه بس فاتح الرحم 2 سم
وبعدها جات الدكتورة المناوبة بعد ما ركبوا التخطيط
دخلت وسالتني كم سؤال وذلفت ـالله لا يردها ـ
ومن اللباقة الزايدة عندها ارسلت الممرضات عشان يجهزوني للقيصرية :039:
وما كلفت على روحها حتى تقول لنا
وطبعا على طول زوجي طلع وناقشها وسوى سالفة وطلبنا نطلع على مسؤليتنا
تقول ان نبض الجنين تعبان ..:042: << انتبهوا ترى الدكتورة طلعت كذابة ونصابة
وطلعنا ورجعت البيت ..:037: شوفوا الروقان طبعا الالم مستمر معاي لكن ما انتظم
وقعدت في البيت الى صباح الاربعاء ومع شروق الشمس رحنا مستشفى ثاني
طبعا خذنا تقرير من المستشفى الاول وفيه الحالة لان عطوني ابرة مضاد
ورحت لهم وقلت لهم حالتي وركبوا جهاز التخطيط
وقالوا 11 راح نقرر عملية او لا
والحمد لله نبض الجنين سليم 100% بس كان مع الطلقة ينزل شوي والممرضات طمنوني انها حالة طبيعية :025:
لان مثل ما الام تتعب الجنين يتعب اثناء الطلق
واستمر معاي طلق مو منتظم الى الساعة 4 عصر الاربعا فقالوا ما فيه الا طلق صناعي خفيف عن طريق المغذي
لاني عملية سابقة
فتوكلت على الله
وخذنا الطلق بس ساعة وما طلع منه أي نتيجة
فعطوني طلق ثاني وهنيه بداء الالم الحقيقي
استمر الطلق من 5 المغرب الى 10 في الليل
ولما شافتني القابلة اتلوى من الالم :091:
قالت خل اكشف
طلع 8 سم
ونادت الدكتورة وقالت يالله ولادة فقالوا لي وقت الالم يجيك ادفعي من تحت
وطبعا سوت لي توسيع الله يهديها
اول دفعة ما ضبطت معاي :094: نسيت الطريقة على اني تدربت عليها
بعدها القابلة دخلت ايدها وقالت ادفعي
مع شدة الالم حسيت انه ما اقدر ادفع وهي مدخلة ايدها
اقول لها ما اقدر
وطلعت ايدها وللمرة الثانية الدكتورة قالت ادفعي
هالمرة تذكرت الطريقة الصح :095:
اخذ نفس عميق واكتم نفسي وادفع
هنيه قالت الدكتورة ممتاز بين الراس
وقالت اذا جاتك الطلقة ادفعي
وجات وادفع بكل قوتي
مرة ومرتين وثلاث:029:
وسبحان الله بس طلع الراس توقف الالم كاني ما فيني شي
وبعدها طلع وليدي فديته ورفعته لي قالت ولد :03:
خخخخخخخخخخخخخ على اني ابيها تقول بنت :049:
والحمد لله طلع ولد سليم معافى كامل قبل الموعد ب3 اسابيع
وكانت ولادتي 20 يناير
خلوه جنبي شوي وقالوا بنوديه الملاحظة يومين لان من زمان والماي ينزل عندج
قلت اوكيه بعدها بدت تخيط طبعا عطتني ابرة بنج المنطقة من داخل ما حسيت بشي
بس اخر غرزتين برى حسيت فيهم اقول لها عطيني ابرة مخدر تقول ما اقدر وكملت وانا احتسب الاجر عند الله
وعدت الولادة على خير ..

اما الفرق بينها وبين القيصرية
الام الولادة الطبيعية على شدتها الا انها وقتية يعني يوم الولادة
بس المتعب هو شق العجان والخياطة
بس لو اهتميتي بالجرح زين ودومتي على تعقيمة والعناية بعد بس تطيح الخيوط يرجع كل شي اوكيه
القيصرية انا لا اسميها ولادة
اسميها عملية فقط كفاية تعب البنج والم البطن بعد العملية
بصراحة ولدي الثاني الحين استانست فيه اكثر اخذه واشيه من اول اسبوع
اما الاول بس كنت اطالعهم كيف يلاعبونه ويلبسونه

حياتي بعد الولادة الطبيعية رجعت طبيعية بس المتعب قلت لكم الخياط يعني اللي ما يسوون لها توسيع ترتاح بعد يومين من الولادة
اما القيصرية يبي لج شهور وانتي تدارين الجرح تخافين ينفتح والا يصير فيه شي وما تقدرين تلبسين اشياء ضيقة لا تضغط على الجرح
وجسمي الحمد لله بعد الطبيعية على انه ترهل وخرايط من التشققات
بس كله اهون من شق طوله 10 سم في بطنج
بس الحمد لله بداء ينزل ويرجع
وفي النهاية بس اقول لكم
اذا قرروا لكم عملية في مستشفى خاص خذوا اغراضكم وطلعوا لاني حسيتهم نصابين :039:
قالت هالناس عندهم تامين فما عندهم مشكلة في الدفع
يعني اخلاقيات الاطباء انمحت وصارت المادة فوق كل شي ..
والحمد لله على ان الولادة صعبة بس الاولاد هالتعب يستاهلونه
ويارب ترزق كل محروم

وتوته توته خلصت الحتوته :f::f::f::f::f::f: وهالورد توزيعات للي يدخلون موضوعي