موضوع راح يحدد مصيري

انا مابقولج وافقي او ارفضي
بس يا أختي اذا هو إنسان بدون جنسية فكري بالمستقبل لعيالج وتنشئتهم وتعليمهم وصحتهم !!! في هالأمور المفروووض التريث وعدم التسرع وحتى لو صليتي إستخارة وارتحتي فكري زين مليووون مرةةة

وعلى قول وحدة من الأخوات اذا كان (بدون وفي دولة الكويت) ترى الوضع جداً صعب عندهم الله يعينهم

فكري زين والله يوفقج وييسر أمورج ولاتتسرعين

الله يوفقج ان شاء الله

مممممممممممم

اختي يعني هل هناك مشكله مع سالفة الاقامه؟؟

يعني راح تتأخر ولا شنو بالضبط؟؟

هذا شي

الشي الثاني

انتي شكلك مترددده وخايفه

اذا كنتي حيل خايفه من انه بدون

و فيه مشاكل وايد

شاوري ناس متخصصين بحالتج

علشان يقدرون يفيدنج يعني

اشلون الاقامه القانويه حق اعيالج ان شالله

وشنو لهم حقوق بدولتج

و شنو اللي لهم واللي عليهم

ان شالله التأخير هذا فيه مصلحه لج

فكري عدل و استشيري و شوفي شنو بتوصلين له

والله يوفقج حبيبتي

لو انا بدالج مستحيل اخذه لان وبعدين العيال كيف حياتي بتمشي كيف
في نظري الحب مو كافي انج تضحين بهالموضوع
فكري زين وبالاخير هذي حياتج
بالتوفيق

حبيبتي والله الحياه صارت صعبه
فكري شووووووي في مستقبلج
وانا من رائي انج تتركيه
فكري في عيالج فكري في نفسج
هو بدون تعرفين شو يعني
وانتي عندج الجنسيه وكل شي
بس اي ابغي انتي من اي دوووله
لان عندنا في عمان ما يصير العمانيه تاخذ بدووون ومستحيل يخلونها تتزوجه
اما في الامارات فحسب ما سمعت ان الحرمه اذا تاخذ بدون
زوجها ما يتجنس ولا حتى الاولاد لان بعضهم غرضهم الجنسيه
فاحسن شي انج تتركيه
وربي يعوضوج بواحد احسن منه
واختي صلي استخاره واكثري من الاستغفار والي ربج كاتبه بيصير
وانتي ما تعرفي يمكن سبب ان الملكه ما تمت خير من رب العالمين
عشان ما تتعذبين انتي وعيالج مستقبلا

كل تأخيرة وفيها خيرة

احنا عدنا مثل في البحرين لو تجري جري وحوش غير رزقك ما بتحوش

ثقي ثقة تااااااامة خيتو اذا هو رزقج راح تاخذينه

والله يسهل امورج ان شاء الله ويجعلج من نصيبه وتفرحين قريب ان شاء الله

ادعي لي الله يسهل امري ويسخر لي ولد الحلال الي يسعدني ويهنيني ان شاء الله

الله يوفقك ويفتح لك ابواب الرزق والخير

داومي علي الاستخاره حبيبتي .وان شاء الله ربنا ييسلك امورك