OoOo تجمع حوامل مايو الثامن OoOo

فرح الهوى;11508853:

سلام ... :)

اكيد وحشتكم .. :)

انا كنت مرقده من يوم الأحد الي طاف لين اليوم .. توني طالعه الظهر من المستشفى ..
السبب ان جاني طلق قوي .. بس الحمد لله قدروا يخففونه مع الايام والحين راح ...

الله يكمل هالشهور على خير ...

انا بروح انام اشوي ... بعدين بقوم بقولكم التفاصيل بالضبط ..

سلامات ياقلبي ماتشوفين شر انتبهي على نفسك وارتاحي

zahra20;11508865:
ما انتبهت حبيبتي ، لا تزعلي:029:

لا ياقلبي ليه ازعل :032: بس حبيت اوضح لك :083:

بنات شخباركم ..وحشتوني كتير ..يالله بديت اتملل من الحمل استغفرالله دايما اقول متى اولد..لو مااخاف على البيبي تمنيت اولد ولادة مبكرة...

بنات البحرين جفتوا جلابيات النفاس اللي تسويهم ام محمد وااااايد حلوين..رحت من اسبوع بس ماكنت مقررة اللون اللي ابي اسويه..بس انه ماحابه البس جلابية في النفاس كفاني تبهدل في الحمل..

بالبس بس في المستشفى وحق بعدين خذيت لي بجامات كلها بأزرار احسن لي على الأقل انتبه حق جسمي ...

انتوا شرايكم خصوصا اللي مب اول بيبي..ومجربين

نيهال غادة وبنت الأصايل وزهرة شخباركم ...انه بكرة موعدي الدكتورة بتسوي لي التراسوند بتجوف موقع البيبي ..الله يستر وودي اعرف الوزن حاليا..لان يقولون السكر ينفخ البيبي واذا ماتحاسبين يصير كبير وماتقدرين تولدين طبيعي ..الله لا يقول ..

هلا حلووة موت احسن شي للبيت تاخذين بجايم عاديه مريحه

وجق الاستقبال ضيوف اخذي قمصان رضاعه

فروحة..
فقدناج.. الله يتمم لج بخير ويقومج بالسلامة..

نيهال..
خلي دهن العود تدليج المحل دامها شايفتهم!

حلوة..
اي انا بعد الثقل ذابحني وتمللت.. لو يصير نولد بالثامن زين ههههه
بسم الله علينا..

صاجة والله لاعت جبدنا من هالجلابيات.. خلاص عقب الولادة ستوب.. بروح سناء باخذ لي بيجامات اريح لي للنفاس.. وعقب اسبوعين من الولادة نقدر نرجع للجينزات والتنانير والكشخة شوي..

حلوة..
اي انا الاربعاء موعدي.. وخايفة يقولون لي كبر البيبي زود.. واتريا بعد نزل راسه ولا لا..
بشرينا عن اخبارش بعد الموعد!!

حلوة مووت;11508970:
نيهال غادة وبنت الأصايل وزهرة شخباركم ...انه بكرة موعدي الدكتورة بتسوي لي التراسوند بتجوف موقع البيبي ..الله يستر وودي اعرف الوزن حاليا..لان يقولون السكر ينفخ البيبي واذا ماتحاسبين يصير كبير وماتقدرين تولدين طبيعي ..الله لا يقول ..

صحيح الي معااااها ارتفاع شديد بالسكر ينفخ الطفل

انتي كم السكر ؟؟ الله يطمن قلبك يارب

وانا من زمان ماسالت عن وزن البيبي

انا الاسبووع الجاي السبت زوجي بيروح دبي وبضل بالبيت لحالي وصايره كله احلم انو تجيني ولاده وهو مو موجود وانا خايفه؟؟

نيهال

وش هالوسواس.. انتي بعدج حتى ما دشيتي الثامن!
اي ولادة وهو برى؟؟ صلي على النبي.. بيرجع بالسلامة ولا تحاتين جذي..

بنت الاصايل علي وسواس مو طبيعي ههههههههههه

مو مني من الكوابيس

ترى يقولون الكوابيس تزيد ويا نهاية الحمل..
شي طبيعي يعني!

من طلعت دعاية ماكس فاكتور في المنتدى احسه وايد صاير بطيء وعلة ما يفتح الصفحة الا بطلوع الروح!!!

نيهال االسكر عندي 10.5 ..باجر انشالله خير احاتي هالموعد وصايره مااكل شي والله كل ماابي اكل اقول اخاف يأثر على السكر..بس اتعب وايد كله دايخة...

بنت الأصايل انتي متى اخر مرة جيكتي وزن البيبي؟؟؟

سناء بيجاماتهم زينين؟؟؟وسايز جم ناخذ اخاف اخذ لارج يصير كبير ولا تاخذين غاليين لآن بنلبسهم فترة وعقب بنضعف اكثر..انه باخذ جم وحدة من مشوار ..

مراحب كروشات
اخباركم اليوم
اليوم ذكرى ميلادي صار عمري 26
ابو الشباب اشترى لي كيكه وراح دور لي على عطر مس ديور شيري شكله جديد بعده ماينزل في اسواقنا
كان فيه منه عينه في مجلة زهرة الخليج
واني كذا شكلي:-o
مو مستوعبه :-o
قلت يمكن كاسره خاطره الدبه لفوق وشكلي كاني شحاته قال خلني افرحهااا شوووي

بنت الاصايل;11509096:
من طلعت دعاية ماكس فاكتور في المنتدى احسه وايد صاير بطيء وعلة ما يفتح الصفحة الا بطلوع الروح!!!

اي والله صاجة..انه اقووول شنو حظي ماادخل اسولف مع البنات الا يصير بطيء ويشير:066::066::066:

بنات انتوا زيي انا لمه اسوي تحديت للصفحه يعلق معاي ؟؟

اي والله صادقه بنت الاصايل

فرح
سلامات
ماتشوفين شر ان شاء الله
ربي يتمم لج باقي الشهور على خير

جنه جنه;11509102:
مراحب كروشات
اخباركم اليوم
اليوم ذكرى ميلادي صار عمري 26
ابو الشباب اشترى لي كيكه وراح دور لي على عطر مس ديور شيري شكله جديد بعده ماينزل في اسواقنا
كان فيه منه عينه في مجلة زهرة الخليج
واني كذا شكلي:-o
مو مستوعبه :-o
قلت يمكن كاسره خاطره الدبه لفوق وشكلي كاني شحاته قال خلني افرحهااا شوووي

هههههههههههههه ضحكتيني شحاتة مرة وحدة...انه والله من جم يوم عيد زواجنه كان 3 مارس اقولج وقالي حجزت في مطعم على العشا والله على طول تذكرت شكلي وخشمي وخنافري شكبر صايرين وشفايفي كأنهم سيليكون استغفر الله قلت هاذي اي مكياااج يغطي هالحالة..بس حاولت قد مااقدر اني اكون مقبولة..:072::072:


كل عام وانتي بخير وغقبال 100 سنة