التجمع الثالث لحوامل شهر 7 بإذن الله ,,,, حياااكم ｡◕‿◕｡

Stylish Girl;11578753:
كروشات شخباركم؟

انا اليوم كله نوم × نوم

مادري اشفيني


حتى يوم اسوي العشا نسيت احط البهارات خخخخخ

مأساه الحال

انتو نفسي ولا اشلون؟

انا قلت زين جذي عشان اريح روحي من شغل البيت هههههه

يلا انتو شخباركم و شخبار النونو؟؟؟

هلا ستايلش

طبيعي النسيان وكثرة النوم الله يعينه

يقولون لين نوصل لفترة الولاده تصير الذاكره زيرو :041:وبعدها نسترجها وتصير اقوى من قبل

سبحان الله كل شي له حكمه :072:

*_القطوة_*;11579059:
اليووم رحت لولو هايبر اي بالرفااع

كنت انا وزوجي كل مره انقوول بنمر انشووفة ولا انرووح

اول مره ندخله

×_×

عجبنا مقعد السياره ماركة جيكوو بس ماكان فيه اللون الي نبيه خسااره

سمعت ان عندهم تجهيزات للبيبي حلوه

ومفكره امر اشوف اغراضهم

شنو شفتي عندهم يسوى للتجهيزات ؟

ماسة الجمال;11579975:
سلااااااااااااااااااااااااااااااااااااام ياكروشات شخباركم ؟؟

زماااااااااااااااااااااان عنكم 3 ايام مادخلت المنتدى خربان مايدخل ايش معنى بس أنا ؟؟؟؟

نوادر العرب الله يصبر قلبك ويعوضك بطفل سليم ومعافى يارب العالمين وان شاء الله يكون شفيع لك وكل شي خيره من ربي

وعليكم السلام والرحمه

هلا ماسه شخبارك ؟

كلنا يعلق معانا مرات ويسكر بوجهنا

لكن لن نستسلم :03::041:

رومانسيه جذابه;11580952:
مممممم مادري ليش ليلحين ماحسيت بخوف من الولاده يمكن لأن تو الناس...

بنات شهيتي مفتوحه هالايام بشكل غير طبيعي.... مادري شسالفه

انا بعد احس تو الناس على محاتات والولاده

انا احاتي بس تعدي الاسابيع على خير والله يتمم حملنا

والولاده ربنا يسهلها علينا يارب

وعن الشهيه انا بعد صايره وايد اكل وطايحه في الحلويات الشوكلاته وشيز كيك خايفه يصير عندي سكر الحمل الله يكفينا الشر

رومانسيه جذابه;11581420:
اووووووووووووه انا بعد الحارج ذابحني

بس لما اكل روب اكتيفيا الصغير المخفوق وااااااااااااااايد يخف علي

وفي بعد حبوب مصاص مثل البولو اسمه رينيه مممممتاااااااااااااااااز حق الحارج ماعرف شنو كنت باسوي بدونه

انا اكل روب ويخف ويرد يرجع

من وين الحبوب المصاص؟؟؟
الحقيني فيييييييييه

ananya;11581192:
مررررررررررررحبا

بنات من نفسي متلخبطة تلخبط حالتها
يوم امساك ويوم اسهال
طبعا بنات الي عندهم حارج
اني ذابحني ذبااااااااااح وماقدر انام بالليل قايمة قاعده وحاطة ليي مخاد اشكثر تحت راسي
الله يعينا من الحين للولادة

ياربي تخفف علينا

عن الحارج اكلي روب قبل النوم ونامي على الجنب اليسار وطبعا بمخاذ مضاعفه

وهذي الشغله لا بد منها وعلى الاشهر الاخيره بتزيد ربج يسهل علينا

ياربييييييييه
شنو تزيد بعد ماقدر اتحمل
استغفر الله لا اعتراض على مشيئتك

الله يعيني
اليوم ماكليت شي اخاف يزيد الحارج وارجع

ananya;11581894:
انا اكل روب ويخف ويرد يرجع

من وين الحبوب المصاص؟؟؟
الحقيني فيييييييييه

من اي صيدليه حبيبتي الدكتوره وصفت لي اياه

اسمه ريني
Rennie

اللهم لك الحمد دخلت السااااااااااااااااااااادس ونااااااااااااااسه :093: عقبال الباقيين

ananya;11581958:
ياربييييييييه
شنو تزيد بعد ماقدر اتحمل
استغفر الله لا اعتراض على مشيئتك

الله يعيني
اليوم ماكليت شي اخاف يزيد الحارج وارجع

بالعكس كلما كانت المعده خاليه يزيد الحارج

ماسة الجمال;11582326:
اللهم لك الحمد دخلت السااااااااااااااااااااادس ونااااااااااااااسه :093: عقبال الباقيين

الف مبروك وعقبال الشهر التاسع والولاده يارب

روز ماري الله يبارك فيك يارب ويسمع منك

رومانسيه جذابه;11581253:
الااااااااااااي وناسه..

تره يخرع بقا لج بس 3 صور يعني بده العد التنازلي:037:

الفال لنا ان شاء الله

هههههه اي والله ان شاء الله يطوفون بسرعه ولا احس بالوقت

rosemarry;11581828:
هلا عبق انثى بخير الله يسلمك

انتي شخبارك؟

وعن الكرشه مرات احسها قاعده تكبر ومرات احس ما تتحرك ابي اشوف روحي مثل الحوامل اللي دبتهم تمشي قدامهم :041:

الله يتمم لنا يارب على خير

شتبييييييين في الكرشه ما وراها الا البلاوي انا كنت ابيها بسرعه تطلع لي والحين تشقق بطني ومنقهره حدي

ماسة الجمال;11582326:
اللهم لك الحمد دخلت السااااااااااااااااااااادس ونااااااااااااااسه :093: عقبال الباقيين

مبرووووووووووك:013:

مساء الخير كروشات شخبااااركم

انا وايد تعبانه صايدتني انفلونزا ورحت المستشفى مارضو يعطوني مضاد حيوي

وبس الحين عايشه على البندول والعصاير والمشروبات الساخنه

ادعو لي اطيب بسرعه مليييييييييييت :(

قريت ردودكم بس التعب الي فيني مو مخليني اسوي اقتباس وارد عليكم

فوشي .. انا كنت في قطر وبالنسبه لتحليل السكر اول مره اسويه

دلوعة قيصر

الله يساعدج
عليج بالسوائل دايما اشربي عصير برتقال طبيعي
وسوي لج حليب وعسل
وابتعدي عن البندول مو زين للحامل

اهليين بناات شخباركم؟؟

روزماري بالنسبه لـ لولو هايبر انا عجبني بس مقعد السياره في اغراض للمواليد واايد

بس انا مشكلتي مايعجبني اي شي

عندهم شغلات حلووة

×_×

...


بالنسبه للولادة انا خفت منها لانه اختي وبنت خالتي توهم واالدين وشفت معاناتهم كل يووم ؛_؛

الحين ثنتينهم يصيحون من لخيااط مايقدرون حتى يمشوون

؛_؛

دخلت اسبوووع جدييييييييد

يا سلااااااااااام

:093:

ربي يتمم لنا على خير ياارب

صباااااااح الخير لكل الحوامل
وعسى يكون هذا اليوم يوم بركة عليكم
ومبروك للي دخلو الشهر السادس
و عقبال الباقي

بنات عندي سؤال
أني تاريخ 17 /3 سويت اشعة في المركز لكن ما خبروني وش فيني
الحين السؤال هل اقدر اسوي اشعة في الخاص عقب اشعة المركز بعشرة ايام يعني تاريخ 27/3 ؟؟
او في خطر على الجنين
اني من قبل سويت اشعة عند فوزية بس كان ردها فيه احتمال لأن الجنين كان اصغر من اللي كنت حسابتنه بحساب الدورة وقالت لي لازم اسوي من جديد
خاطري اعرف جنس البيبي علشان ابدي تجهيزات

fooshe girl;11583021:
شتبييييييين في الكرشه ما وراها الا البلاوي انا كنت ابيها بسرعه تطلع لي والحين تشقق بطني ومنقهره حدي

انا بعد بطني بدأ يتشقق بس بعد خاطري اشوف روحي مثل الحوامل اللي بطنهم قادمهم :041:

نبي الشقى ولما نوصل له بنقول آه وآه :085:

الله يبلغنا ويتمم لنا على خير

دلوعة قيصر;11583500:
مساء الخير كروشات شخبااااركم

انا وايد تعبانه صايدتني انفلونزا ورحت المستشفى مارضو يعطوني مضاد حيوي

وبس الحين عايشه على البندول والعصاير والمشروبات الساخنه

ادعو لي اطيب بسرعه مليييييييييييت :(

قريت ردودكم بس التعب الي فيني مو مخليني اسوي اقتباس وارد عليكم

فوشي .. انا كنت في قطر وبالنسبه لتحليل السكر اول مره اسويه

ما عليك شر حبيبتي دلوعه

اي المستشفى ما راح يعطونك غير البندول

بس عليك الصبر والراحه وشربي عصير برتقال راح يفيدك

والله يشافيك بسرعه يارب:072: