التجمع الثالث لحوامل شهر 7 بإذن الله ,,,, حياااكم ｡◕‿◕｡

لولو مي;11415713:
مساء الخيــــر حبيباتي... اشتقت لكم من فتره ما دخلت ع لمنتدى....

شخبااركم عسااكم بخيـــــر ^^

بخير الله يسلمك

واحنا اشتقنالك اكثر وينك اختفيتي

rose_rose7788;11414559:
السلام عليكم خواتي ....

اسمحولي انضم للتجمع معاكم *___* ....

والله يتمم حملنا على خييير وانقوم بالسلامه احنا وكتاكيتنا يا رب العالمين ....

ام علي

حياك الله معانا بالتجمع

ومبروك الحمل والله يتمم على خير لك ولنا يارب

واحة الوجدان;11414351:
رومانسيه جذابه يسلمووو على الرد وعلى كل من رد علي
ما شاء الله عليكم حدكم نشيطين ...
بنات اليوم وانا في الحمام اعزكم الله نزل علي افرازات مخاطيه لونها ابيض مع شفاف تكفون طمنوني هذا شي طبيعي ولا لا لان موعدي بعد اسبوعين وهل احد منكم صار معاها هشي
ياريت تجاوبوني وربي قلقانه حدي وافكر كثير اعوذ بالله من الشيطان...!

الافرازات البيضه طبيعيه هالفتره وتزيد مع تقدم الحمل

اهم شي ما يكون لها لون ولا رائحه

هلااااااااااا كروشات
شخباركم عساكم بخير؟

بقرأ الواجب وراجعه لكم

زهرة الجنه;11417072:
هلااااااااااا كروشات
شخباركم عساكم بخير؟

بقرأ الواجب وراجعه لكم

هلا زهرة الجنه

بخير الله يسلمك شخبارك انتي

الله يعينك على الواجب انا توني مخلصه تعبت :041:

دلوعة قيصر;11408275:
مساااء الخير كروشاااااااات شخبااااركم


توني راده ومقتبسه على كل وحده بس للاسف انمسح كل شي من رداوة النت الي صاير اليوم مادري شالسالفه


من امس بالليل وانا نفسيتي زيروووووووووو

حتى رحت بيت حماتي وكان في ناس هناك احس قاعده ابتسم في وجيه الناس غصبا عني بس عشان مايقولون شفيها عاقده النونه


واليوم بعد قعدت وانا نفسيتي تعبانه وجاتني اخبار عن جدتي انها في حاله خطره وعندنا عرس عقب يومين


الله يفرج الحاااال ان شاء الله احس روحي متخربطه والله

هلا دلوووووعه
الله يشافي جدتج يارب وتقوم لكم بالسلامه ان شاء الله
الف مبروووك على زواج اهلج الله يسعدهم يارب

سوعال;11408517:
هلا حووامل

أنا الحمد لله صرت بخير ولله الحمد

يسلموو لكل من سأل عني ..

اهلا سوعال
الحمد لله خيتوووو دام صحتج صارت احسن
ماعليج شر
ومشكوووووووره على المعلومات القيمه

Stylish Girl;11409802:
السلام حوامل
شخباركم؟
ماشاء الله فتحتو جزء يديد وانا اخر من يعلم
المهم
اليوم كان موعدي في العسكري
موعد في عياده القلب و الحوامل
عياده القلب سوو لي فيلم رعب اخر شي قالو لي كل شي اوكي
ورحت عياده الحوامل
اخر وحده دخلوني انا
سوو لي تلفزيون
بس الدكتوره كلش ماعطتني ويه
مخليه الشاشه صوبها وانا ولا ادري شسالفه خخخخخخ



المهم سالتها اذا يبين الجنس
قالت لي يبين بس مو واضح
وقالت لي احتمااااااال
سر
اذا تأكدت بخبركم
وبس الحمدلله كل شي تمام
انتو اشلونكم؟

الحمد لله اختي دام تطمنتي وكل شي تماااام
وان شاء الله تعرفين جنس البيبي قريب وتبدين تجهزين

أم رواض;11409952:
هلا اشحالكم بنات سوري انقطعت عنكم يومين بعيد الشر عنكم قام يطيح مني دم ورقدت في المستشفى يومين واليوم طالعة الحمدلله على كل حال وقف النزيف وطبعا انمنعت عني الحركة الكثيرة لمدة اسبوع على الاقل

الحمد لله على سلامتج خيتووو
خطاج السوء
تحملي بروحج واهم شي الرااااااااحه ولا تتحركين وايد

*_القطوة_*;11410795:
توني راجعه
رحت مجمع الواحة
كنت رايحة اشووف الاسره والموسى (لسلال)
باااجر برووح السعووديه ×_×
زووجي يبيني ارووح معاه وقالي بوديني جم محل كنت ابي اروحهم
مع ان ماعندي حمااس اجهز وانا ماتأكدت من الجنس
مساعه بماذركير احترررت عدددددل
اطالع اغرااض البنات يعجبوني والاولاد يعجبووني
تعبت نفسيتي ههههههههههههه
اخذت ثرمومتر بس لقياس درجة حراره البيبي
وطلعت

هلا قطقوووووطه حبوبه
هههههههه
ان شاء الله تتأكدين من جنس البيبي قريب وتروحين تتشرين على راحتج

Stylish Girl;11411445:
بنات بقول لكم
انا حسيت في بطني تحت
شي يتحرك جنه نبض
امي تقول لي هذي من حركات البيبي
حتى الدكتوره قال لي جذي

انزين بسالكم انا اليوم سويت تلفزيون ( التراساوند )
عقب اشكثر اقدر اسوي مره ثانيه؟
لان ابي اتاكد اكثر

انه بعد ساعات احس مثلج بنبض واقول هذي اكيد البيبي
عادي الألتراساوند مايضر مثل ماقالوا لج البنوتات

وردة خريف;11412315:
حلوه سوالفكم

متى اوصل الخامس واسولف ههههههههه

بنات موعدي الخميس ادعولي يصير كل شي طبيعي

يختي الحمل يخوف ماتدرين تفرحين ولا ينكسر قبلج انا لسى مابي افرح ههههه

الله يتمم عليكم ويسهل ولادتكم جميعاً يارب

هلا ورده
الله يتمم حملج على خير وتشوفين ضناج بصحه وعافيه يارب
خلي عنج الوسواس الخناس وعيشي حياتج ياحلوه

*ام ورد*;11412362:
شخباركم كروشات



كأني ما رزيت الفيس في هالتجمع إلا مرة وحدة ، شاسوي احس خلصت سوالفي


صج ما عندي سالفة يعنبو حشرن مع الناس عيد


ابي بسرعة اعرف جنسه اف تمللت لاعت جبدي على طاري جنس البيبي البارحة حلمانة اني يبت بنية مو حلوة وانه كل شارية ثياب زرقة وقاعدة البسها الثياب واتحلطم عليها وهي مسكينة تعور الفاد ضعيفونة ومخنفسة ويها علي ،، قعدت من النوم وخاطري مكسور عليها وتعوذت من ابليس ،، الله لا يقوله صج التفكير يلعب دور


ياله ما باهذر وايد توني اقول ما عندي سالفة

هلا ام ورد
ههههههههه يا احنا يا هالأحلام
انه كله احلم اني والده ولد جميييل وحلو وايد ماشاء الله وكذا مره احلم وكله ولد
الحمد لله يارب ولد او بنت كله نعمه من ربي المهم الصحه والسلامه

*_القطوة_*;11413489:
امس ماحسيت بالحركة واايد
واليوم من اكلت حلاوة شعر البناات قاعد يرفرف لي ههههههههههههه
والحين بزوده
مادري شكله تعبان يبي يرقد
قلت يمكن عطشان وشربت مااي هههههههههه بس زاادت الحركة
يارب هالنشاط يصير بموعد السونار هههه

ههههههههه يحليله شكله نشيط الله يخليه يارب وتشوفينه بين ادينج
تحملي برووووحج في السعوديه ولا تعبين نفسج وايد خيتوو

rose_rose7788;11414559:
السلام عليكم خواتي ....
اسمحولي انضم للتجمع معاكم *___* ....
والله يتمم حملنا على خييير وانقوم بالسلامه احنا وكتاكيتنا يا رب العالمين ....
ام علي

ياهلا اختي ام علي
نورتي حياج معانه البيت بيتج والمكان مكانج
يارب الله يتمم لنا على خير ونشوف الكتاكيت بخير وسلامه يارب العالمين

لولو مي;11415713:
مساء الخيــــر حبيباتي... اشتقت لكم من فتره ما دخلت ع لمنتدى....
شخبااركم عسااكم بخيـــــر ^^

مساء النووووور والسرور
حياج الله اختي
بخير ولله الحمد انتي شخبارج؟؟

دلوعة قيصر;11416578:
قوه بنااات شخباركم ؟؟
توني متصله على امي سافرت اليوم حق جدتي البحرين عشان تطمن عليها
وقالت لي يعني الحمد لله حالتها مستقره الحين بس للحين مازال الخطر الله يشااافيها يااارب
وبالنسبه لي بكره بالليل راح اسافر البحرين عشان اتطمن عليها وعشان مره وحده احظر العرس
الليله حنة بنت خالي بس للاسف مابقدر احظر
وللحين ماجهزت اغراضي ولا حفيت جسمي ومو مستعده نفسيا ولا جسديا خخخ
يلا ان شاء الله يتمم العرس على خير وتتشافى جدتي ونفرح عدل

هلا دلوووعه
الله يشافيها يارب ياكريم
اي والله كريه جذي اذا فيه عرس وفرح وفيه احد من الأهل مريض
ماعليها الا العافيه ان شاء الله
الله يبارك لكم في زواج بنت خالج

rosemarry;11416954:
توني خلصت غذى الحمدلله

عوااااااافي على قلبج روز

rosemarry;11417090:
هلا زهرة الجنه

بخير الله يسلمك شخبارك انتي

الله يعينك على الواجب انا توني مخلصه تعبت

هلا وغلا روووز
دوووم , الحمد لله بخير
افففففففففف الواجب شطووووله خخخخخخخخ
خلاص ماعودها اغيب عن التجمع وبعدين تصير على صفحات وايد بتابع اول بأووووووول

بيييييييييه ليش جذي صاروا الأقتباسات هههههههههه افففف بس مابعدل شي كفايه دار راسي:040::039:

هلا مساكم نور وعسل ومساء خاص لكتاكيتكم الصغار فديتهم الله يطلعهم بالسلامة وكل اللي سأل عني وهناني سلامتي مشكورين والله والشر ما اييكم مول أحس إني تعبت وأريد أجهز بسرعة وأربي بسرعة بعد منو عنده هالاحساس نفسي ...الحين بطلع بروح السنتر بوينت بس بلقي نظرة على ملابس البنات بس أخاف ما أقدر أيود عمري وأشتري مع أن الدكتورة قالت لي أبدي أجهز لأن اللي يستوي له نزيف في هالفترة 70 % ولادة مبكرة بس ما أتمنى هالشيء يا رب أربي طبيعي

مرحبااااا كروشاات
انا اهني ترى بس حدي تعبانه:096:
قريت الواجب كله بس مالي بارض اسوي اقتباس و ارد مادري شفيني صايره كسوووله حدي سامحوني بنات
وايد الم في ظهري حتى مو قادره اقعد على الكرسي مال الشغل كل الوقت واقفه احس شوي يخف الالم
قطوطه وانتي الصاجه من فتح هالتجمع مادري شفيني صرت ما اشارك وايد من الي حسدني اعترفو :041:

ام رواض ماتشووفين شر حبيبتي وان شاء الله ماتولدين الا بموعده

ام ورد من كل هالردود لفت انتباهي حلمج خخخخ وعليا صج بينكسر خاطري لو انا مكانج انا على طول احلم بولد او بنت بس يكونون حلوين وكله حلمي ولاده بواحد ماجوفهم اثنينهم في الحلم مادري ليش ههههه

أم رواض;11417458:
هلا مساكم نور وعسل ومساء خاص لكتاكيتكم الصغار فديتهم الله يطلعهم بالسلامة وكل اللي سأل عني وهناني سلامتي مشكورين والله والشر ما اييكم مول أحس إني تعبت وأريد أجهز بسرعة وأربي بسرعة بعد منو عنده هالاحساس نفسي ...الحين بطلع بروح السنتر بوينت بس بلقي نظرة على ملابس البنات بس أخاف ما أقدر أيود عمري وأشتري مع أن الدكتورة قالت لي أبدي أجهز لأن اللي يستوي له نزيف في هالفترة 70 % ولادة مبكرة بس ما أتمنى هالشيء يا رب أربي طبيعي

هلا ام رواض
مساء الفل والياسمين
تحملي بروحج ولاتعبين روحج وايد في التسوق
وان شاء الله ماتولدين الا في وقته يارب :f:

fooshe girl;11417471:
مرحبااااا كروشاات
انا اهني ترى بس حدي تعبانه:096:
قريت الواجب كله بس مالي بارض اسوي اقتباس و ارد مادري شفيني صايره كسوووله حدي سامحوني بنات
وايد الم في ظهري حتى مو قادره اقعد على الكرسي مال الشغل كل الوقت واقفه احس شوي يخف الالم
قطوطه وانتي الصاجه من فتح هالتجمع مادري شفيني صرت ما اشارك وايد من الي حسدني اعترفو :041:

هلا فشفوووووشه
الله يعطيج العافيه خيتوو :f:
وان شاء الله تشوفين الكتاكيت بصحه وسلامه يارب :093:

زهرة الجنه;11417326:


هلا وغلا روووز
دوووم , الحمد لله بخير
افففففففففف الواجب شطووووله خخخخخخخخ
خلاص ماعودها اغيب عن التجمع وبعدين تصير على صفحات وايد بتابع اول بأووووووول

هههههههه

احسن يعلم على الانضباط :041:

أم رواض;11417458:
هلا مساكم نور وعسل ومساء خاص لكتاكيتكم الصغار فديتهم الله يطلعهم بالسلامة وكل اللي سأل عني وهناني سلامتي مشكورين والله والشر ما اييكم مول أحس إني تعبت وأريد أجهز بسرعة وأربي بسرعة بعد منو عنده هالاحساس نفسي ...الحين بطلع بروح السنتر بوينت بس بلقي نظرة على ملابس البنات بس أخاف ما أقدر أيود عمري وأشتري مع أن الدكتورة قالت لي أبدي أجهز لأن اللي يستوي له نزيف في هالفترة 70 % ولادة مبكرة بس ما أتمنى هالشيء يا رب أربي طبيعي

ما عليك شر ان شاء الله

وما انصحك تتحركين هالفتره اخذي راحه تامه ولاحقه على التجهيزات

وان الله تولدين بوقتج

fooshe girl;11417471:
مرحبااااا كروشاات
انا اهني ترى بس حدي تعبانه:096:
قريت الواجب كله بس مالي بارض اسوي اقتباس و ارد مادري شفيني صايره كسوووله حدي سامحوني بنات
وايد الم في ظهري حتى مو قادره اقعد على الكرسي مال الشغل كل الوقت واقفه احس شوي يخف الالم
قطوطه وانتي الصاجه من فتح هالتجمع مادري شفيني صرت ما اشارك وايد من الي حسدني اعترفو :041:

مراحب فشفوشه

ما تشوفين شر ان شاء الله

اذا تعبانه وايد اخذيلك اجازه يومين ريحي حالك قعدت الكرسي متعبه الله يعينك

يسلموووو كروشات
الله يعطيكم العافيه ويتمم عليا وعليكم حملكم ويرزق كل وحده بالي تتمناه والله انكم طمنتوني ماني قادره انام من امس بس اهلوس من هاذي الافرازات حتى جاني مغص من الخوف وتوه راح لما قريت الردود الله ييسر لكم حملكم وتشوفو البيبيهات بصحه وعافيه....!
احبكوووووووووووووووم

هلللو أخباركم؟؟

انا بكره موعدي ان شاء الله تكفوووووووووون ادعولي اعرف جنس الجنين ومايطلع مسكر ارجوله لاني خلاااااااااص ماأقدر أتحمل أكثر من كذا

بنات صدق يقولون الولد يبين قبل البنت؟؟

يتصفح الموضوع حالياً: 4 (4 من الأعضاء و 0 من الزوار) ‏ماسة الجمال, ‏alasooola, ‏دلوعة قيصر

مين اللي خلف الكوااااليس؟؟؟؟؟:071:

هلا بنات اشلوووونكم؟؟؟؟

صارلي جم يوم ادش اقره الواجب واذا ييت بارد عليكم انشغل

واضطر اقوووم من على اللاب توب

الحمد لله كلكم طيبيين وانا الحمد لله بخير

انتظر موعدي يوم السبت انشالله عشان اعرف جنس البيبي واطمن عليه

ادعولي بنات


ماسه الجمال

سمعت ان الولد ابين ابسرعه وايكون واضح

عكس البنت