ananya;12112090:
السلام عليكم............ سؤال ...وين احصل مخدات الرضاعه؟؟؟؟؟؟؟؟
بروكولي;12098926:
يلا ماعليه ان شاء الله يقطعهم البيبي بالسلامة هههه واني بعد مثلش اول حمل لي امشي واشتري وخربوطة ما ادري من وين ابتدي ومن وين اخلص من سبع سنوات ماكانت جذي المنتديات وكان دخولي لها جدا قليل لكن الحين الحمد لله الكل يساعد والكل ياخذ خبرات من غيره :thumbs_up:
وبالنسبة لشباحات الحفر اذا تبين تاخذين اللي يجون مع بعض بالنسبة لي افضل اللي يجون خمس وحدات مع بعض اذا كانو ملونين ولازم تاخذين بعد اللي يجي لونهم ابيض لان اللون الابيض عجيب على البيبي وناعم ووو يعني ما اقدر اوصف اليش خخخخخ :|
وبالنسبة حق اللي يجي نص كم على راحتش اذا ناوية تخلين البيبي بدون افرول يصير يلبس لكن اذا تحت الافرول دايما حفر افضل وارتب
اي وبعد نسيت في سنتر بوينت يجي افرول ثلاث مع بعض اعتقد سعرهم خمسة دينار ونص هذي قطنهم زين اغسل والبس في ولدي وماتغيرو ;)
بعد تذكرت شي وهو ان في نوع من الشباحات يجي نص كم لونه ابيض ويتسكر على جنب حلو في اللبس انتي روحي صوب اللي لونهم ابيض وبتجوفينه وبعد في نوع نص كم مثل المخمل هذا يصلح حق الشتا اذا كنتي بتولدين في الشتا
ان شاء الله اكون ساعدتش ولو بنسبة بسيطة
الظل;12101109:
هلا خيو و الله يقومش بالسلامة
أم فاطمة اللي يبي يروح لها البيت لأن ما عندها محل
و رقمها 33998579_38869303
عندها عدة ألوان أنا خذيت أبيض بـ 8.5 دينار بس را عتني في الأسعار لأن ما خذه من عندها الطقم بعد
و التنكريين بعد متفاوته اسعارهم في بـ 14.5 بس اني حجزت ثنتين أبو 15 لأن مو متاكدة شنو بجيب و دفعت لها قيمة الحجز لنهاية شهر خمسة لما ارد عليها بترجع علي قيمة الثانية .
أني عجبوني وايد لأن مرتبين و تجيبهم من بره كولتي
بقَايا حُلمْ;12114085:
السلام عليكم ،،
شخباااركم؟
انا بكرية واتخيل نفسي لين رحت بتشرى مابعرف شنو آخذ
موعد ولادتي ان شاء الله على نهاية شهر 10 او بداية 11 يعني بكون الجو على نهاية الصيف تقريبا
فياريت لو تساعدوني بنوعية الثياب والاغراض والعدد
بما ان التخفيضات في سنتر بوينت قريبة
وبسأل عن الاجهزة بعد وأفضل نوعية
مثل جهاز شفط الحليب شنو أحسن نوعية والبقية يعني
وشكرا مقدما
:)
زهورة1;12114474:
هلا اختي
انه بعد موعد ولادتي نهاية 10 او بداية 11
و مثل حالتج انطر تخفيضات سنتر بوينت انه اخذت اكثر شي افرولات لانهم مريحين للبيبي و الجو يكون بارد شوي عليه
عن النوعية جونيرز زينه و مذر كير الاصلي بعد و في جم محل اوكي بعد
و عن ىجونيرز جوفي بلد الصناعة لان في الهند و تايلاندو نسيت الباقي و هذلين زينين بس الي يجون صناعة الصين مو تمام و هالكلام قالت لي اياة وحدة تشتغل اهناك
و انه اخذت افرولات نيو بورن زيادة و البنات قالو لي ان 5 وحدات اوكي او اقل و الباقي اخذيهم0-3 و 3-6
و اخذي شباحات الحفرة و الكم طويل و النص كم لان برد بس مو تاخذين وايد نيو بورن اخذي3-6 اكثر
و اخذي القماطات القطن اقل شي 2 و القحافي مهمين بعد عشان اذونهم و البرد و اخذي بع اللحاف الي يجي صوف او فرو ناعم هاي الي انه باخذة
الله يقومج بالسلامة
دلوعه عمرها;12124142:
انا شريت مخدتين رضاعه
وحده من مذركير الاصلي ووحده من سنتر بوينت
اذا دورتي وما حصلتي سألي الموظفين اللي هناك .. :)
ميمي الجميله;12129962:
هلا خواااااتي
ياريت تخبرونا عن سعرهم
لاني حاطه في بالي اخد وحده
رسيل الورد εïз;12128347:
اللي من مذركير الاصلي بكم شريتينها؟
ومن اي فرع لان رحت اللي بمجمع البحرين ماحصلت عندهم
اني شفت منهم في سنتر بوينت على الشهر الجاي بجهز ان شاءالله مايكملون
بقَايا حُلمْ;12114085:
السلام عليكم ،،
شخباااركم؟
انا بكرية واتخيل نفسي لين رحت بتشرى مابعرف شنو آخذ
موعد ولادتي ان شاء الله على نهاية شهر 10 او بداية 11 يعني بكون الجو على نهاية الصيف تقريبا
فياريت لو تساعدوني بنوعية الثياب والاغراض والعدد
بما ان التخفيضات في سنتر بوينت قريبة
وبسأل عن الاجهزة بعد وأفضل نوعية
مثل جهاز شفط الحليب شنو أحسن نوعية والبقية يعني
وشكرا مقدما
:)
بقَايا حُلمْ;12114085:
السلام عليكم ،،
شخباااركم؟
انا بكرية واتخيل نفسي لين رحت بتشرى مابعرف شنو آخذ
موعد ولادتي ان شاء الله على نهاية شهر 10 او بداية 11 يعني بكون الجو على نهاية الصيف تقريبا
فياريت لو تساعدوني بنوعية الثياب والاغراض والعدد
بما ان التخفيضات في سنتر بوينت قريبة
وبسأل عن الاجهزة بعد وأفضل نوعية
مثل جهاز شفط الحليب شنو أحسن نوعية والبقية يعني
وشكرا مقدما
:)
دلوعه عمرها;12134099:
انا بكرية مثلج .. وهذي اهم النقاط اللي عرفتها من اللي قريته
العدد على راحتج بس لا تكثرين وايد لأن بعدين بعد تبين تشترين خصوصا ان الموسم بيتغير
1- اهم شي ما تكثرين ثياب النيوبورن لأنها تصغر بسرعه على البيبي.
2- وحاولي تشترين اللي ايون طقم 5 قطع او 6 مع بعض مو مذكرة جم قطعه بالضبط
بس تيي شباحه وافرول ومهاد ومريلة وقبعه وساعات القفازات معاه بعد.
3- حاولي الثياب اللي بتشترينهم يكونون قطعه وحده احسهم اريح وايد حق البيبي احنا نسميهم افرول
انا كل اللي شريتهم قطعه وحده
اذا حبيتي تشترين قطعتين او اكثر على راحتج بس لا تكثرين لأن يمكن تضايق البيبي وبعدين تصغر عليه وما يكون لبسها.. عشان جذي انا شريت كله قطعه وحده.
4- ولا تشترين كل الثياب الحين لأن بتولدين ان شاء الله قريب الشتاء
يعني اشتري الثياب اللي من 0 - 3 شهور شتوية اكثر واذا ما حصلتي الحين انتظري ينزلونهم
5- احسن منتجات صراحه على رايي الشخصي طبعا
مذركير الاصلي وسنتر بوينت .. لقيت عندهم كل شي ابيه واحتاجه
يعني من هالمحلين بس خلصت اغراض البيبي كلها
حتى سنتر بوينت بروحه يكفي .. بس شريت اشيا بسيطة من مذركير
مثل جم فوطة لونهم ابيض ساده لأني ابي يطرزون عليهم
والفوط الصغار .. ومخدة الرضاعه قبل ما احصلها في سنتر بوينت اممممم
وكم شباحات اللي ايون مجموعه مع بعض يدهم قصير واللي بدون يد
وشريت طقم مدري طقمين من عندهم مثل النقطة رقم 2 >> :lol:
اما الباقي كله من سنتر بوينت .. :)
افتريت على محلات ثانية ما اقول لج لا بس ما عجبني فيها شي
يمكن سعرها كان غالي على الفاضي :D
6- انا شخصيا ما شريت ثياب قطعتين مال الكشخه وجذي
قلت الحين الياهل بيكون كله ممهد اول ما ايي
الكشخه ان شاء الله بعدين حق العيد يمكن اشتري بدلة قطعتين ولين كبر شوي عقب الـ 3 شهور يمكن اشتري
بس الحين كله ام قطعه وحده .. وبصراحه حلوين يعني
مذركير شريت منه بدلة على التايغر رفيج ويني ذا بووه
قطعه وحده والوانها فرايحيه وحلوة صراحه
عجبتني وشريتها .. في اشكال ثانية بس ما خذتهم
لأني شريت هذي قبل ما اعرف جنس البيبي
فشريت وحده بس من هالكشخة اللي قطعه وحده .. :)
ادري وايد هذرت بس ان شاء الله استفدتي .. :)
7- بالنسبة حق جهاز شفط الحليب .. انا ما فكرت اشتريه صراحه .. هو ينفع اكثر شي حق الامهات اللي يدرسون او يشتغلون .. :)
و ان شاء الله ما بحتاجة .
8- جهاز الصوت .. انا شخصيا مو مستعيلة عليه بما اني بتنفس عند امي ان شاء الله
يعني عقب الاربعين ان شاء الله راح احتاجه اذا رجعت شقتي ..
فقلت لزوجي اجلة مو لازم الحين عشان الميزانية شوي مضغوطة .. :)
9- سرير ما شريت لأني شريت طقم النفاس الكامل اللي اييج كل شي فيه ..
شريت لي واحد معاه سلة موسى ومعاه سرير للبيبي
فقلت لزوجي بستخدم السلة حق النفاس و هالسرير ان شاء الله خل نستخدمه لين يصغر عليه .. وبعدين باذن الله ناخذ العود
عشان يطول معاه مو كل شوي نشتري سرير خخخخخخخ
10- بما اني في شقة ما عندي غرفة ثانية اخصصها للبيبي .. عشان جذي ما فكرت اشتري دولاب حق الثياب
قلت بما انه ما عنده ثياب وايد الحين والطقم اوردي معاه دولاب حق ثيابة فبتم استخدمه .. وبستخدم الدروج اللي يايين مع غرفة نومي حق اغراضه اذا احتجت مكان لها لأن كم درج فاضيين عندي .. :)
11- في لستات وحده يزاها الله خير مسويتهم
ونفعوني صراحه ،،
ودرستها عدل واللي احتجته شريتة واللي ما احتجتة ما شريتة .. وفي اشياء اجلتها لي بعدين مثل الجاري وكرسي السيارة .. احس تو الناس عليهم يعني .. :)
12- امممم اي عندج اغراض السباحه حق سبوح البيبي ،،
انا بصراحه ما شريت بانيو .. لأن امي الله يخليها بخليها تسبحه اول الايام :D لأني اخاف وبعدين يصير خير خخخخخخ :D
بس شريت المستلزمات .. واظن الاسفنجة العودة اللي يسدحون البيبي عليها عشان ما يزلق بحتاجها حتى حق امي لو احطها في المغسلة .. بس للحين ما شريتها
اذا ولدت وما شريتها واحتجها بشتريها بعدين ان شاء الله.
13- لا تنسين انج من عقب الولادة ان شاء الله .. لازم كل ثيابج اللي تلبسينها تصلح حق رضاعه .. يعني تقدرين تبطلينها عند الصدر
في جلابيات خاصة حق الرضاعه
وفي بجايم اذا ما تبين جلابيات بس اشتري البجايم اللي تييج بلوزتها كانها قميص عشان اسهل انها تنفتح وترضعين البيبي ..
من تجهيزاتي اظن هذي اللي باقي لي خخخخخخخخ
ثياب الرضاعه والتوزيعات بس .. ان شاء الله مع الراتب الياي. :)
14- بخصوص المراضع .. بما اني مفكرة ارضع طبيعي ان شاء الله .. خصوصا اول الايام اكثر فايدة حق البيبي
شريت بس مرضاعتين صغار .. وما كثرت قلت بعدين ان شاء الله اذا احتجت بشتري .. شكثرهم خخخخخخخ
لأني مو مفكرة اعطيه الحليب الصناعي الحين .. بتأخر فيه شوي .. :)
خصوصا اني لا شغل ولا مشغله خخخخخخخخ
ولا وراي دراسة .. يعني ان شاء الله بتفرغ حق وليدي :o
15- ابتدي من الحين انتي وزوجج تيمعون شوي من الراتب .. خشي منه لين تبتدين التجهيزات عدل.. بينفعكم بعدين ان شاء الله :)
16- وافتري وشوفي تجهيزات البنات حق بيبياتهم في القسم .. بتستفيدين باذن الله .. :)
اممم ما ادري اذا نسيت شي بعد او لا ..!!
أدري هذرت وايد .. بس ان شاء الله اكون افدتج :)
وتكونين استفدتي من هالهذرة خخخخخخخ .. :D
اغلب النقاط قلت لج رايي الشخصي واللي انا بسوية
مو شرط تتقيدين فيهم .. :)
شوفي انتي واحتياجاتج وامكانياتج .. :)
يمكن اللي يناسبني ما يناسبج .. :)
وبس ..
أظن ما باقي شي ،،
اذا عندج سؤال او استفسار بعد
ان شاء الله بساعدج اذا قدرت
واذا في شي انا نسيتة ذكريني يمكن انا ناسية بعد خخخخخخ
سلآم .. :)
ترى وايد تعبت ..
اذا استفدتي مني
واذا قدرتي لا تنسين تمرين على هذي
اذا ما عليج امر :D
•. مذهلـــــة .•;12137581:أفضل جهاز شفط مديلا الالكتروني
وجهاز تعقييم المراضع شيكو
ومراضع بيجون وايفنت
وبالنسبة للملابس مدام بتولدين في البرد لا تكثرين من الثياب الشتوية لانه يمكن
ما يكون الجو بارد وتتوهقين بالاغراض الي شريتيهااا يعني اخذي ملابس وسط شتوية وصيفية
وخلي الباقي لي طلعتي بعد النفاس الوحده واايد تحب تتشرى بعد الولادة:thumbs_up:
بقَايا حُلمْ;12138265:
ماشاء الله عليش اختي
كفيتي ووفيتي
وماقصرررتي
بسجل الاشياء اله كتبتيها وبشوف اذا احتجت شي رد بسالكم
وبالنسبة لجهاز الشفط والمراضع
انا احتمال الله يوفقني واشتغل عشان جدي لازم بحتاج
وحتى لو ما اشتغلت انا من النوع اله يأيد الطبيعي مع الصناعي في حالات الضرورة طبعا
مثلا لاسمح الله مرض الام لو طلعتها لمشوار كلش ضروري فلازم هالاشياء باخذها في بالي
وان شاء الله ربي يثبت حملي وحملش وحمل كل حامل يارب ياكريم
وتسهل علينا الولادة
:)