تجمع بنات مصر فى ركن العناية بالشعر الجزءالرابع عشر لشهر ربيع الاول 1431

ملك حياتى;11439471:
شكرا يا قمر ربنا يخليكى يا رب:025:

طيب يا بنات فى حد جرب شامبو يكون كويس للقشرة :040:

بصى ياجميل تجربتى مع القشره كانت معناااااااااااااة استخدمت بروتى كير وكان تووووحفه والله فى التساقط والقشره اقل بنسبه 80%وبعدين ححسيت انها رجعت تانى استخدمت طريقه انوش ربنا يجازيها كل خير انك تحطى معلقه خل تفاح على لتر ميه فى اخر شطفه للشعر بتروح من اول مره لكن كل الشامبوهات المخصصه للقشره بتقلل صحبح نسبه القشره بس بتخفف الشعر جدا وبتقصفه كمان ولو بطلتى الشمبو بترجع تانى دى كاتنت تجربتى مع القشره

باربى ممكن سؤال انا عارفه انك من انصار الزيوت ودهانها ممكن اعرف بتجيبى زيوت ايه ونوعها وبتجبيها منين

نواره2005;11450225:
باربى ممكن سؤال انا عارفه انك من انصار الزيوت ودهانها ممكن اعرف بتجيبى زيوت ايه ونوعها وبتجبيها منين

اه والله يا نواره م انصار الزيوت وبشششششده عارفه قريب اوي لما سمعت منكو كلكو وفي التي في ومن كل البشر ان الزيوت بتخنق الشعر وبوقعه وتقصفه وكده بطلت الزيوت واستعملت كل الكريمات اللي في الدنيا جربتها شعري وقع مع ان مش كان في تساقط ولا باي نسبه وخف شويه وهاش واتنعكش وبقي يمسك في بعضه ومش يرضي يتسرح فرجعت تاني للزيوت وحررررمت مش عارفه هو معاق وبيحب الحاجات الغلط ولا ايه
بصي انا لما اجي اسرح شعري وهو مبلول بحط زيت اسمه هندولين هو باين ب 7 جنيه بس تحفه بجد وفي منه كمان مجموعات يعني مجموعه هندولين بالصبار للتقويه وبجوز الهند للنعومه وكده فعندي بتاع جوز الهند كمان جميل اوي . وساعات احط دابر املا مش بهتم مصري ولا سعودي كله شغال معايا كويس وممك احط زيت كده من عند رجب العطار هي مجموعه زيوت هو خالطها ب 10 جنيه حلووووه اووووي للتسريح او كحمام زيت كمان
وكل يوم بالليل او كل يومين بحط زيت ذره
ولحمامات الزيت والخلطات عندي انواع كتييييييير بس كلها بجيبها من العطار سايبه يعني بجيب تمن و ربع كيلو زيتون وخروع جرجير ولوز وجوز هند واخليهم كل واحد لوحده وساعات ممكن استعمل زيت جوز الهند او اللوز لوحدهم علشان حلوين اوي
ولما اجي اعمل حمام زيت بحط من كل واحد معلقه علي شويه ذبده علي شويه عسل وذبادي وبيضه واضربهم علي شعري
بس كده

الف شكر يا باربى هندولين ده من شركه الكابتن وزيت جوز الهند بتجبيه منين وعلى فكره انا من انصار الزيت بس الكلام ده من قريب وبصراحه عندى كريم جى كازنوفه و براشوت وبحس لما اجى احط منهم مش حلوين بعد استعمالى للزيت وبعد استعمالى للزيوت شعرى بقه فيه لمعه وحساه احسن من الاول بكتير وكمان اختى عملت زى وبقينا اتحاد الزيوت

نواره2005;11451210:
الف شكر يا باربى هندولين ده من شركه الكابتن وزيت جوز الهند بتجبيه منين وعلى فكره انا من انصار الزيت بس الكلام ده من قريب وبصراحه عندى كريم جى كازنوفه و براشوت وبحس لما اجى احط منهم مش حلوين بعد استعمالى للزيت وبعد استعمالى للزيوت شعرى بقه فيه لمعه وحساه احسن من الاول بكتير وكمان اختى عملت زى وبقينا اتحاد الزيوت

هههههههههههه يحيا اتحاد الزيوت
والله يا نواره انا لما جربت اعتمد علي الكريمات بس شعري اتدمر
انما مع الزيوت الحمد لله والله مش في اي تساقط ولا تقصيف وشعري قوي اوي ومتغذي وبيلمع وصحته حلوه اوي وشكله ابن ناس كده
بس زيت هندولين مش من شركه الكابتن بتاع الكابتن اسمه هيرولين هندلين ده مش عارفه والله تبع شركه ايه بس بجد تحفه وبموت فيه
وزيت جوز الهند بشتريه سايب من عند العطار من عطار عادي خالص مش معروف

عايزة كريم تصفيف ابن ناس استنوا اقولكم جربت ايه ايفا صبار ايفا عسل نحل فاتيكا
ليزا بالجرجير وحش وحش وحش وحش خالص ليزا ده
اجرب مين تانى فاتيكا ماشي حاله بس مش واو كنت بستخدم ايفا صبار وبقالى كتييير مش لاقياه ادورت على عسل النحل لمعته مش عاجبانى مش عارفه ليه رغم ان الناس كلها بتحب شعرها يلمع بس ده لمعته غريبه ومدهنن اوى
اجرب جى كازانوفا اصل حاسه ان بالمرز هيكون تقيل زي الفازلين يغنى بتهيالى هيبقى المع واتقل من ايفا عسل نحل دوختكوا صح هههههههههه

ازيكوا يا احلى بنات انا اول مرة اشارك معاكو فى التجمع وعايزة اسال انوش عن المشاط انا قريت عنه كتير وفعلا اشتريته من عطار كبير فى اسكندرية بس عايزة اعرف منك شكل المشاط ده ايه لان اللى جبته لونه نبيتى غامق على بنى وعامل زى ورق الشجر المكسر منه رقيق اوى ومنه عريض شوية وبصراحة لم استعمله ونفسى اجربه عشان شعرى بايظ جدا هايش وجاف وضعيف ونفسى يكون كويس ومعلش طولت فى الكلام بس يا ريت تردى عليا سلااااااااااااااااااام

بنات انا بابا كان جايبلى شامبوهات كتير من السعودية فى منهم صلاحيته انتهت
لو استعملتوا يعمل حاجة لشعرى

meshmesh 2009;11452477:
عايزة كريم تصفيف ابن ناس استنوا اقولكم جربت ايه ايفا صبار ايفا عسل نحل فاتيكا
ليزا بالجرجير وحش وحش وحش وحش خالص ليزا ده
اجرب مين تانى فاتيكا ماشي حاله بس مش واو كنت بستخدم ايفا صبار وبقالى كتييير مش لاقياه ادورت على عسل النحل لمعته مش عاجبانى مش عارفه ليه رغم ان الناس كلها بتحب شعرها يلمع بس ده لمعته غريبه ومدهنن اوى
اجرب جى كازانوفا اصل حاسه ان بالمرز هيكون تقيل زي الفازلين يغنى بتهيالى هيبقى المع واتقل من ايفا عسل نحل دوختكوا صح هههههههههه

هههههههههههه
بوصي انتي شكلك عامله زيي انا نفسي في كريم قوامه تقيل يلم الهيشان بس مش يدهنن لان بكره اللمعان بتاع الكريمات
انا ادامي كذا حاجة مش جربتها وهجربهم واحد ورا واحد فالفتره الجايه انتي ممكن تجربي منها كريم باراشوت و كريم دابر ( بنات جابته وقالت وحش ) و جارنييه :065:

hend_el7oot;11452898:
ازيكوا يا احلى بنات انا اول مرة اشارك معاكو فى التجمع وعايزة اسال انوش عن المشاط انا قريت عنه كتير وفعلا اشتريته من عطار كبير فى اسكندرية بس عايزة اعرف منك شكل المشاط ده ايه لان اللى جبته لونه نبيتى غامق على بنى وعامل زى ورق الشجر المكسر منه رقيق اوى ومنه عريض شوية وبصراحة لم استعمله ونفسى اجربه عشان شعرى بايظ جدا هايش وجاف وضعيف ونفسى يكون كويس ومعلش طولت فى الكلام بس يا ريت تردى عليا سلااااااااااااااااااام

حبيبتي قولنا كتير ان المشاط موجود عند حراز بسسس
وشكله مش نبيبتي خالص دا لونه اخضر زي الحنه وبودره مش ورق شجر
وللعلم المشاط لا بيضيع الهيشان ولا بيعالج جفاف الشعر ولا بيطوله هو بيمنع تساقط بس
وعلى وصفك للي معاكي دا فا هو مش مشاط وانا اخاف اقولك استخدميه بعدين يضرك
وطريقة استعمال المشاط بتغلي مقدار كوبايه مايه وبعدين ترفعيها من النار وتحطي عليها معلقه من المشاط وتقلبي كويس لحد لما يمتزج وعصاره الاعشاب تنزل فالمايه هتلاقي لونها بئه زيتي غامق اوي
بعد كده ممكن تحطي عليه زيت من اي نوع معلقتين يعني و ممكن زبادي وبعد كده تخلطي وتبدأي توزعيه على شعرك وتسبيه 5 ساعات وبعدين تشطفيه :025:

دلوعة الغالى;11453166:
بنات انا بابا كان جايبلى شامبوهات كتير من السعودية فى منهم صلاحيته انتهت
لو استعملتوا يعمل حاجة لشعرى

طبعا يعمل كتير اوعي تستخدمي حاجة منتهيه الصلاحية لاقدر الله ممكن تسببلك حساسية في فروة راسك و توقع شعرك ارمي كل اللي خلص دا :065:

بنات قولولى العروس لما بتتجوز بتعمل ايه فى شعرها علشان يبقا حلو

نغم النغومه;11454543:
بنات قولولى العروس لما بتتجوز بتعمل ايه فى شعرها علشان يبقا حلو

حسب نوعيه شعرها حبيبتي لان احتياجات الشعر الجاف غير احتياجات الشعر الدهني
بس بشكل عام في اساسيات كده منها انك لازم تختاري المنتجات اللي تناسب نوعيه شعرك
يعني لو معندكيش قشرة مش تستخدمي شامبوهات القشرة ولو شعرك جاف مش تستخدمي شامبوهات للشعر الدهني او العكس لو شعرك دهني مش تستخدمي شامبوهات للشعر الجاف
نفس الكلام في باقي الحجات بلسم وحمام كريم وكريم تصفيف
وضروري بعد ما بتغسلي شعرك تعمليله حمام كريم على النص الاخير منه وبعده البلسم ويكفي تغسلي شعرك مره واحده فالاسبوع لو شعرك جاف اما لو دهني يبقى مرتين او 3 ولو حبيبتي تزودي عن المرات يبقى بالمايه بس واغسلي النص الاخير من شعرك بالبلسم وبعده حمام الكريم
لو شعرك متقصف قصي التقصف عشان مش يزيد لان هو ملهوش علاج وحاولي تشوفي اسباب دا لان ممكن يكون انيميا او اهمال في الاهتمام بشعرك وطول ما سبب المشكلة موجود مهما هتفضلي تقصي مش هتستفادي بحاجة
ولو شعرك جاف اعملي حمام زيت مره كل اسبوع على فروة الراس للتغذية

بس كده دي اهم النقط بس قوليلي انتي اسمك كان كده من اول ولا غيرتيه اصل حاسه ان اعرفك بس متلخبطة هههههه
وربنا يتمملك بخير

نغم النغومه;11454543:
بنات قولولى العروس لما بتتجوز بتعمل ايه فى شعرها علشان يبقا حلو

أنوش;11454420:
طبعا يعمل كتير اوعي تستخدمي حاجة منتهيه الصلاحية لاقدر الله ممكن تسببلك حساسية في فروة راسك و توقع شعرك ارمي كل اللي خلص دا :065:

شكرا ياقمر انا فعلا كنت خايفه استعمله بس قولت اتاكد منكم
ايه احسن نوع شامبو للشعر العادى والخفيف

انوششش انا عملت المشاااااااااط اخييرا بس مش عارفة صح ولا غلط اولا انا غليت مية كتيير مش كباية حلة صغييرة وحطيت فيها بصل وتوم متقطعيين اوك
وبعدين لما غلوا حطيتهم في كباية كبييرة وحطيت 2م مشاط اوك وقلبت وسيبتهم 5د زي ما انتي قولتي بس انا بقي صفيتهم كذا مرة وبعدين حطيتهم في ازازة رش علشان اقدر ارش جزء جزء علي فروة راسي وانا بقسمة كدة صح ولا اية وانا حاسة انة نشف شعري شوية عادي دة ؟

بنات في حمام كريم معمول بنبات أمة الكثيرا بيتباع في منتدي تاني مش هنا حد جربة او جرب نبات الكثييرا يقوللي هي فعلا حلوة ولا لا ؟

أيتن;11457382:
انوششش انا عملت المشاااااااااط اخييرا بس مش عارفة صح ولا غلط اولا انا غليت مية كتيير مش كباية حلة صغييرة وحطيت فيها بصل وتوم متقطعيين اوك
وبعدين لما غلوا حطيتهم في كباية كبييرة وحطيت 2م مشاط اوك وقلبت وسيبتهم 5د زي ما انتي قولتي بس انا بقي صفيتهم كذا مرة وبعدين حطيتهم في ازازة رش علشان اقدر ارش جزء جزء علي فروة راسي وانا بقسمة كدة صح ولا اية وانا حاسة انة نشف شعري شوية عادي دة ؟

بنات في حمام كريم معمول بنبات أمة الكثيرا بيتباع في منتدي تاني مش هنا حد جربة او جرب نبات الكثييرا يقوللي هي فعلا حلوة ولا لا ؟

صح يا قمر بس انا بضيف على مايه المشاط زبادي ومعلقتين زيت اي نوع
بس قوليلي حسيتي بفرق في التساقط ولا عادي زي ماهو ؟؟

بالنسبة لكريمات الكثيرا انا شوفتها زيي زيك واللي اكتشفته ان في بنات بتعمله بنفسها فالبيت

أنوش;11454420:
هههههههههههه
بوصي انتي شكلك عامله زيي انا نفسي في كريم قوامه تقيل يلم الهيشان بس مش يدهنن لان بكره اللمعان بتاع الكريمات
انا ادامي كذا حاجة مش جربتها وهجربهم واحد ورا واحد فالفتره الجايه انتي ممكن تجربي منها كريم باراشوت و كريم دابر ( بنات جابته وقالت وحش ) و جارنييه :065:

ثانكس انوش خلاص نديها براشوت المرة دى المهم نهبط بسلام:083:

nahla.alex;11456217:

انا بردوا محتارة اوي في الموضوع لو بنات اتجوزوا ياريت يفيدونا خصوصا اول ايام الجواز لاني صعب جدا تعملي سيشوار كل يوم بليز يابنات ساعدونا في الموضوع دة

اول حاجة لازم تحبى شعرك ايا كان شكله وماتكسفيش منه
لأنك مستحيل تعمليه سشوار ولا مكواة كل يوم هيتدمر أكيد
ماتزوديش غسيله فى الاسبوع عن مرتين بالشامبو وباقى المرات يبقى بالمياه وحمام الكريم بس
وابقى اعملى شعرك كيرلى

ازيكم يا بنات :083:
كنت عايزه شامبو كويس للقشره مينشفش شعرى غير شامبو بروتى كير لانه بصراحه طلع عادى اوى ومش عاجبنى القشره زى ماهى معملش فيها اى حاجه ياترى اقدر اجيب شامبو ايه وياريت بلاش شامبوهات اوريفلام عشان مبحبهااااااش .....

انا باذن الله بعد خطوبتى هروح لدكتورة اسمها منى سبيع ف المهندسين
وهعمل حقن للشغل وتغذية عندها وهفيدكم كمان باى تطورات

محدش رد عليا لييييييييييييييييييييييييه عاوزه اعرف احط السيروم قبل الكوى ولا بعده