أنوش;11558620:
لو عايزة حاجة فالبيت جربي سوفت اند بيوتفل اامن كريم فرد منزلي ومش بيوقع الشعر
طيب اخر سؤال علي سوفت اند بيوتيفل اللي خنقناكي بسببه ده ههههههههههه اخواتي الولاد دايما بيفردو شعرهم مع انه ناعم فبعد 3 شهور كده لما تأثير الكريم يروح شعرهم بيكون زي ما يكون محروق ولونه محمر وضعيف اوووي والشعرايه رفيعه ومتقصفه وضايعه بجد . بس اخر مرتين اخويا جرب كريم اسمه بيوبوينت باين وشعره مش اتدمر خالص زي الكريم الاولاني
فالسؤال بقي علشان انا عاوزه اشتريلهم الكريم ده . بعد شهرين تلاته كده الشعرايه بتفضل شكلها زي ما هو (هو طبعا مضر ومؤثر من غير ما تقولي بس المظهر يعني ) ولا بتتحرق وبتتقصف ولونها يتغير بردو
mashimaro16;11558785:
انا حتتطفل واقولك علشان لسه عاملاه
ب 72 جنيه من العزبى
بس بصى علشان تعمليه ويطلع حلو اوى لازم تبقى عامله شعرك قبليه بالمكواه علشان يبقى مفرود
وتسبيه على شعرك مده كويسه وتمشى بالخطوات زى ما مكتوب بالظبط لانه ليه كذا خطوه
بس حقيقى تحفه وحلو اوى ومش بينشف الشعر
بيتهيألي غالي شويتين 72 انا شوفته في صيدليه ب 60
ولا كده في مضروب ولا اييييييييييييييه
banota_helwa;11559010:
الحمد لله يا جميل ان التساقط قل وان شاء الله يقف خالص بس خليكي مهتمه بشعرك علي طول علشان يفضل جميل ومش يحصل مشاكل تاني ان شاء الله . مش اول ما تلاقي التساقط قل تبطلي الكورسات الحلوه دي
كلامك كله صح ياباربى وان شاء الله انا هستمر على الكورس ده لان بجد احساس ان الواحده مننا شعرها بيتساقط كله كده قدام عنيها احساس بشع جداااااااااا
وكمان انا ناويه اعمل خلطه الحنه اللى انتى قلتى عليها عشان بصراحه كده بثق فى كلامك جدااااااااا
بس انا لو مش عندى زيت زيتون اعمل ايه ؟
[/QUOTE]
لو مش عندك زيت زيتون انزلي اشتري ههههههههههه ايه الكسل ده
بصي هو الزيت مهم اوي في الحنه بجد علشان مش تنشف شعرك وتلاقيه هايش وجاف وشكله عاوز الحرق
انا حتي بحط زيت زيتون وزيت ذره مع بعض
فانتي ممكن لو مش عندك زيت زيتون تحطي زيت ذره لو مش عندك ولا ده ولا ده اتفضلي تعالي علي نفسك واتمشي لحد السوبر ماركت او العطار واشتري
ولو قررتي انك هتستعملي الحنه علي طول بانتظام زي الشطوره يبقي احسن تروحي عند العطار تشتري كيلو حنه وربع كيلو حبه البركه وكيلو زيتون سايب او نص كيلو وتخليهم عندك جاهزين علشان مش كل اسبوعين تروحي تشتري حاجات انا دايما بعمل كده
miko85;11562063:
ياعيال سالت قبل كده في نوع بيبي ليس رقمها pro230سودا مش الحمرا ولو ماحدش مايعرفهاش ياريت تقوللي علي النواع ال جابنها
انا صاحبتي راحت تشتري بيبي ليس من بي تك قالت عاوزه pro230 جابو لها 15 موديل مختلفين وقالوا لها كل دول pro230 بس في ارقام تانيه لكل واحده بعد pro230 انا مش فهمت منها حاجه وهي كمان مش فهمت اوي بس قالت لي ان كان في الوان كتير اوي روز واسود واحمر وبني وكل الوان الطيف بس الاسعار من 190 جنيه لحد 600
banota_helwa;11563359:
سؤالى لباربى
انا ان شاء الله ناويه اجرب خلطه الحنه اللى انتى قلتى عليها ان شاء الله بس عندى سؤالين
انتى بتقولى بعد ما نعجنها نتركها 12 ساعه طيب مش هى كده ممكن تنشف ولا ايه
السؤال التانى بقى انتى لون شعرك كان ايه ياباربى ولما انتظمتى على الحنه هل اتغير ولا لا
لانى بصراحه استمريت على الحنه لمده شهر واكتر وكنت بعجنها بزيوت ومع ذلك شعرى لونه فتح رغم ان لونه كان اسود جدااااااااا وانا بحب اللون الاسود اوى عشان كده وقفتها علطول
انا منتظرة ردك عليا ياباربى
معلش بقى انا تقلت عليكى كتير
لا يا توتا هي الحنه المفروض بعد ما تتعجن بتسيبيها 12 ساعه علشان تتخمر هي ساعات بتنش شويه فعلا بعد ال 12 ساعه بس مش بتنشف بتنشف يعني . لا بتشرب شويه من السوائل اللي فيها بس بتفضل شغاله مش تقلقي
وانا لون شعري كان اسود وفضل اسود لونه مش اتغير خالص
ومش تقلتي عليا ولا حاجه والله يا حبيبي احنا كلنا اخوات وبنفيد بعض
توكلي علي الله وجربي الحنه كل اسبوعين وانتي هتشوفي شعرك هيفرق ازاي بجد
انا عملتها امبارح تاني وقاعده اقطع في شعري بالمشط والله مش بيقع منه ولا شعرايه والشعرايه تخينه وقلبوظه ومتغذيه وبنت ناس اوي بجد