تجمع بنات مصر فى ركن العناية بالشعر الجزءالرابع عشر لشهر ربيع الاول 1431

بناات انا عملت الكيرلي تاني امبارح اهو و عملت كللللللللللللل اللي قولتوه و سبته ينشف و حطيت بيبي اويل و كللل حاجه و برده مش اتعمل
بس المفاجاه المرادي مش اتعمل و بس لا هاااااش و بقى مرعب:085:
اللمبي فيييشل يا رجاله:093:

معلش يابنات والله كان نفسي يتعمل عشان اقولكم اتعمل ازاي و تعملوا بس والله باظ مني
بس انا مش هيأس :013:وراه وراه مهو مش معقوله بعد الجواز هقعد اعمل شعري ايه لازم اجرب الكيرلي و يتظبط بس مش دلوقتي بقى عشان محدش ينتظرني

بس جربوا والله ممكن تتظبط مع حد فيكم ان شاء الله انا مش مقياس انا الحاجه دايما مش بتتظبط معايا من اول كم مره:066:

banota_helwa;11494833:
على فكرة يابنات دى تانى يوم استخدم زيت ترشوب بصراحه ماشاء الله لا قوة الا بالله بيعطى نعومه للشعر حلوة جدااااااااااااااااااااااااااا
انا بستخدمه كل يوم تدليك خفيف لفروة الراس نفسها
وبحط نقط بسيطه من الزيت على الشعر نفسه وملاحظه الحمد لله ان شعرى مش هايش زى الاول الحمد لله
وانا هقولكم على اخر التفاصيل لحظة بلحظة

مبروك النتيجه جبتيه منين وبكام وكام مللى معلش بتعبك معايا

نواره2005;11495841:
مبروك النتيجه جبتيه منين وبكام وكام مللى معلش بتعبك معايا

متقوليش كده يانواره
بصى انا لسه هتصل باخويا اساله هو اشتراه منين لكن انا اعرف سعره 45 جنيه وهو 100 ملى بس هو تقريبا اغلب الزيوت اللى بيشتريها بتكون من عند المروانى

جزاكى الله خير يا بنوته على سرعت الاجابه

سؤالى يا بنات وخاصه انوش انا مرتاحه على شامبو فى اوفيف اغيره وله استمر عليه

نواره2005;11496215:
جزاكى الله خير يا بنوته على سرعت الاجابه

سؤالى يا بنات وخاصه انوش انا مرتاحه على شامبو فى اوفيف اغيره وله استمر عليه

الشامبو يا قمر مش تستخدميه اكتر من 3 شهور بشكل مستمر يعني اقطعي وبعدين ارجعيله تاني بس مش تزودي عن 3 شهور متواصل بكل مره (:

banota_helwa;11494833:
على فكرة يابنات دى تانى يوم استخدم زيت ترشوب بصراحه ماشاء الله لا قوة الا بالله بيعطى نعومه للشعر حلوة جدااااااااااااااااااااااااااا
انا بستخدمه كل يوم تدليك خفيف لفروة الراس نفسها
وبحط نقط بسيطه من الزيت على الشعر نفسه وملاحظه الحمد لله ان شعرى مش هايش زى الاول الحمد لله
وانا هقولكم على اخر التفاصيل لحظة بلحظة

ما شاء الله كويس انه عجبك وان شاء الله يفضل حلو كده علي طول
بس انتي اصلا اشتريتيه علشان ايه او هو بيعمل ايه يعني بيطول ولا بينعم ولا بيتقل ولا ايه

mariam87;11494994:
بناات انا عملت الكيرلي تاني امبارح اهو و عملت كللللللللللللل اللي قولتوه و سبته ينشف و حطيت بيبي اويل و كللل حاجه و برده مش اتعمل
بس المفاجاه المرادي مش اتعمل و بس لا هاااااش و بقى مرعب:085:
اللمبي فيييشل يا رجاله:093:

معلش يابنات والله كان نفسي يتعمل عشان اقولكم اتعمل ازاي و تعملوا بس والله باظ مني
بس انا مش هيأس :013:وراه وراه مهو مش معقوله بعد الجواز هقعد اعمل شعري ايه لازم اجرب الكيرلي و يتظبط بس مش دلوقتي بقى عشان محدش ينتظرني

بس جربوا والله ممكن تتظبط مع حد فيكم ان شاء الله انا مش مقياس انا الحاجه دايما مش بتتظبط معايا من اول كم مره:066:

هههههههههههههه معلش يا لمبي انا جربت الهيشان والرعب ده في المره اللي جربت فيها
خلاص كده انتي ارتاحي شويه والتجربه اللي جايا عنديان شاء الله :083:

نواره2005;11496215:
جزاكى الله خير يا بنوته على سرعت الاجابه

سؤالى يا بنات وخاصه انوش انا مرتاحه على شامبو فى اوفيف اغيره وله استمر عليه

انا لو شامبو عجبني مش بحب اغيره ومش بتنازل عنه ابدا مهما يكون بس المشكله بتكون تعود الشعر علي الشامبو فبيحصل له حاجتين مفعوله بيضيع ومش بياثر تاني او يحصل زي ما حصل معايا لو اضطريتي تغيري شعرك مش يقبل اي شامبو تاني ويبوظ منك
انا كنت متعوده علي شامبو صانسيلك الموف فتره طويييييييييييله وشعري ماشي تحفه معاه لما فجاه الشطار غيرو الشامبو وطوروه وهبلوه الوف ده اختفي مش عارفه الاقيه تاني ابدا فشعري دايما تعبان دلوقتي ومش راضي يتعود علي اي شامبو تاني وتاعبني معاه بجد مش في غير بروتي كير عجبني اوي بس انا مش عاوزه استعمله علي طول علشان لو شعري تساقط ولا حصل له حاجه وحشه فاجيبه يصلح اللي باظ

banota_helwa;11495988:

متقوليش كده يانواره
بصى انا لسه هتصل باخويا اساله هو اشتراه منين لكن انا اعرف سعره 45 جنيه وهو 100 ملى بس هو تقريبا اغلب الزيوت اللى بيشتريها بتكون من عند المروانى

مش تنسي يا توتا تسأليه اشتراه منين اصل انا عاوزه اجربه زيكم وشوفته مع التاجرات ب 55 و 60

باربى انا سالته واتاكدت منه انه اشتراه من المروانى وانا اصلا مش كنت طلبته منه ولا حاجة هو اشتراه كده منه لنفسه يعنى هههههههههههههه قلت اجربه بس اول حاجة لاحظتها فيه النعومه دى ماشاء الله انا اول مره اجرب زيت وارتاح له كده بس هو مكتوب عليه انه لتساقط الشعر وانه يثير نمو الشعر اعتقد يعنى انه بيطوله بس اكيد الطول ده هشوفه على المدى البعيد يعنى
بس اى تطورات انا معاكم وهقولكم على اللى بيحصل ويارب يبقى كويس

بنات ايه رايكم في زيت الزيتون للشعر يعني في ناس تقول حلو وناس تقول بيحرق الشعر ؟؟؟؟؟؟؟؟؟؟؟؟

وناس بتقول بيطول الشعر وانه مفيد جداااااااااااااااااااا؟؟؟؟؟؟؟؟؟؟؟؟؟

rosy2;11500234:
بنات ايه رايكم في زيت الزيتون للشعر يعني في ناس تقول حلو وناس تقول بيحرق الشعر ؟؟؟؟؟؟؟؟؟؟؟؟

وناس بتقول بيطول الشعر وانه مفيد جداااااااااااااااااااا؟؟؟؟؟؟؟؟؟؟؟؟؟

زيت الزتون من الزيوت القوية يعني بالبلدي كده يقولو حامية
حلوة انك تستخدميه لفروة الراس لكن للشعر نفسه لا خالص الزيت اللي ممكن تحطي على شعرك شوية هو جوز الهند او السمسم لكن لا زيت زتون ولا خروع ولا لوز كلهم تقال عالشعر لكن عادي تدلكي بيهم فروة الراس

وعن نفسي انا حرمت احط زيت على شعري اكتفيت ان اعمل تدليك بالزيت واحط كريم لشعري نفسه وسيرم للاطراف وحاسه انه افضل

Stacy;11500532:

اخر مشتراياتى

http://forums.3roos.com/showthread.php?p=11500489&posted=1#post11500489

مبروك تتهني بمشترياتك حلوين ماشاءالله (:

أنوش;11492472:
لسه كوت لولا قايله انها شافتها في فتح الله بس انا مش جربتها
التقصيف حله القص اولا ثم العناية بالشعر بحمامات الكريم وحمام الزيت لاطراف وبالطبع لو عندك انيميا لازم تتعالج

المشكله اني بقصه على طول بس برده وانا بهتم بيه هو الحمد لله شعري حلو وناعم بس بيهيش ومقصف جامد مع اني بقصه فبحاول احل الموضوع ده باي طريقه تانيه غير القص

ميهو2007;11501982:
المشكله اني بقصه على طول بس برده وانا بهتم بيه هو الحمد لله شعري حلو وناعم بس بيهيش ومقصف جامد مع اني بقصه فبحاول احل الموضوع ده باي طريقه تانيه غير القص

بوصي يا قمر هو القص فايدته انك بتشيلي الجزء المتضرر عشان التقصف مش يطلع لفوق ويزيد
انما هو مش علاج ومادام سبب المشكلة موجود يبقى هتفضلي تقصي ومش هتخلص
وبما انك ماشاءالله بتهتمي بشعرك طيب ما تروحي لدكتور يعملك تحليل تتأكدي ان مفيش اي انيميا
وكمان غيري منتجات الشعر اللي بتستخدميها يعني الشامبو والبلسم وحمام الكريم وكريم التصفيف يمكن هما دول اللي مش جايين مع شعرك

بنات انا سألت الدكتوره اللي بروحلها ع حقن الميزو ثرابي

قالتلي الجلسه ب250 وبتبقى مش عرفه مرتين ف الاسبوع تقريبا وهو كورس كده بخلصه

المهم يعني حد هنا جررررررربها ؟؟؟؟؟؟؟

لاني لسه مقررتش اعملها

ياريت تفيدوني لاني ناويه عليها بجد

emoosmsm;11502504:
بنات انا سألت الدكتوره اللي بروحلها ع حقن الميزو ثرابي

قالتلي الجلسه ب250 وبتبقى مش عرفه مرتين ف الاسبوع تقريبا وهو كورس كده بخلصه

المهم يعني حد هنا جررررررربها ؟؟؟؟؟؟؟

لاني لسه مقررتش اعملها

ياريت تفيدوني لاني ناويه عليها بجد

مش اعرف عنه حاجة انا هتابع معاكي بردو وياريت اللي يعرف يقول (:

انوش دورت ع النت كتير

الميـــــ( Mesotherapy )ــــزوثيرابى

هو تقنية طبية قديمة تم اكتشافها في العام 1952على يد طبيب فرنسي اسمه مايكل بستور ، وهي عبارة عن حقن صغيرة و دقيقة جدا غير مؤلمة الى حد ما ، تعطى تحت سطح الجلد و تحتوي على مواد و تراكيب مختلفة قد تكون مستخلصات نباتية او
مكملات غذائية او فيتامينات او إنزيمات او احماض أمينية او مواد مغذية او مواد معدنية او أدوية.
و تقوم فكرة استخدامها على نظرية أن هذا المزيج من المواد أو الادوية يؤدي الى إذابة الشحم المتواجد تحت الجلد و انكماش الخلايا الدهنية .

جدير بالذكر أن هذه التقنية واسعة الاستخدام في اوروبا و امريكا الجنوبية و لكنها محدودة الاستخدام في الولايات المتحدة الامريكية و ذلك نظراً لأن إدارة الغذاء و الدواء ( FDA ) الأمريكية لم توافق على أي نوع من العقارات و المواد المستخدمة في الميزوثيرابي .

و تعتبر من أحدث الصيحات في عالم تجميل الجلد و الجسم و ذلك من أجل الحصول على النتائج العلاجية المرغوبة كتخفيف الوزن في أماكن معينة ، و تجديد خلايا الجلد لاستعادة نضارته و شبابه ، وعلاج السليوليت و تحسين المظهر الخارجي للجسم .

هذا وقد تم استخدام هذه الطريقة في البداية لعلاج بعض الحالات الخاصة مثل أمراض الاوعية الدموية و إصابات الرياضة و الامراض المعدية و أمراض الروماتيزم و تحسين الدورة الدموية ، وسرعان ما بدأ الاطباء بعد ذلك في استخدام الميزوثيرابي في النواحي التجميلية المختلفة ، ومع ازدياد نشاط الشركات المنتجة للمواد المستخدمة في الميزوثيرابي و ادعاءاتها المتكررة بفاعلية هذه التقنية ، اتسعت قائمة الاستخدامات و تعددت دواعي استعمال الميزوثيرابي لتشمل الآتي :

التقليل من دهون الجسم بصفة عامة او في أماكن محددة منه ، وعلاج السليوليت ، و علاج سقوط الشعر و الصلع ، وعلاج الندبات ، وتحسين مظهر و نوعية الجلد وتقليل التجاعيد و إعادة نضارة الوجه .

و رغم استخدام الميزوثيرابي لعد سنوات في أوروبا فإنه لم يتم حتى الآن تقييمه بطريقة علمية معتمدة و محايدة ، فالدليل العلمي لدعم هذه التقنية يكاد يكون معدوماً أو في أفضل الاحوال ضئيلاً جداً ، فليس هناك دراست علمية قصيرة أو بعيدة الأمد على مدى فعاليته و الآثار المترتبة عليه ، كما يبدو بأنه لا يوجد هناك أي معايير تحدد استخدام مواد الحقن المعينة و كمياتها و عدد جلسات الحقن وفترات تكررها ، كما لا يوجد برتوكول او برنامج علاجي محدد للاستعمالات المخلتفة يسمح بالتنبؤ بنتيجة العلاج و درجة التحسن المتوقعة و توقيتها .

و يلقى الميزوثيرابي حالياً رواجاً متزايداً في مختلف أنحاء العالم و خصوصاً أوروبا حيث يستخدم في علاج حالات متنوعة من إصابات الملاعب الى الألم المزمن ، أما في الولايات المتحدة الامريكية و كندا فرغم تزايد استخدامه مؤخراً فإنه يستعمل بصورة رئيسية لتقليل الدهون فيما يعرف بإسم إذابة الدهون ( Lipodissolve ) ، ويعتقد أن ذلك يتم عن طريق أكسدة الدهون و تسريع عملية الأيض داخل الخلايا لزيادة التفاعلات الكيميائية المصاحبة وصولاً الى التغيرات الظاهرية المطلوبة في الجلد ، وهنا يجب أن نذكر أن الجمعية الامريكية للجراحة التجميلية قد أكدت على أن الميزوثيرابي البديل الآمن للعملية المعروفة بشفط الدهون ( Liposuction ) ، و التي تعتبر الطريقة الوحيدة التي أثبتت كفاءتها للتخلص من الدهون .


وطبعا الشعر نفس الكلام

المهم بقى انا صرفت نظر لاني مش بحب اعمل حاجه عليها كلام كتير كفايه الوميض اللي بعمله وربنا يستر منه:096:
لقيت بقى الوصفه دي ياأنوش وداخله دماغي موت وحاسه اني مقتنعه بيها اوي

وع فكره انا دلوقت عدى شهر ع استخدامي ل زيت الخروع ومش بعمل حاجه غير اني بدعيلك ليل نهار:f::f: يعني هو لسه مبنش اوي
بس فيه منابت شعر كأنه وبر صغير كده وانا مازلت مستمر عليه لحد ماأوصل لنتيجه مرضيه بأذن الله

شوفي الوصفه دي بقى انا هبدأ اعملها اول مااشتري الكحول باذن الله واقولكم ع النتيجه

هاتوا توم وافرموه جيدااا وضعوه فى زجاجة بلاستيك (ثلث الزجاجة)والتلت التانى ضعوا كحول والتلت الثالث ضعوا ماء(اى قسموا الزجاجة 3 اتلات كل توم مفروم وكحول وماء)وبعدين حطوا شويه ماء ورد مش كتير واغلقوا الزجاجة جيداا واتركوها اسبوعين مع الرج المستمر ثم فلتروا الزجاجة حتى تتخلصوا من التوم(بعد ان تدوب المادة الفعاله اللى فيه اللى بتنبت الشعر فى الماء والكحول)سوف يتبقى سائل اصفر اللون(مزيج الماء والكحول والمادة الفعاله)هاتوا قطارة وكل يوم قبل النوم نقطوا بيها ع الفروق او المنطقة الخفيفة لموه شهر الى شهرين ..مميزات التركيبه نتائج مضموووووووونه جددااا وهتلاقى شعرك تققققل اووى والفروق الواسعة قلت هى متجربه كتييييييير واثبتت كفائة العيوب..1_رائحة الثوم والتى تزل باخد شور سريع يوميا 2_بينشف الشعر نتيجة وجود الكحول لكون دة بعد اما الشعر يتنبت ويتقل هقولكم على حمام كريم هايل يطرى الشعر ويرجعوا زى ماكان(لان للاسف الكحول مهم جداا لانه هو اللى بيستخلص المادة الفعاله ويدوبها ف الميه)..بس بجد الوصفة دى هاااااايله وبسيييييطة ومتجربه كتييييييير (( منقوله ))

قوليلي ايه رأيك فيها واي بنوته جربتها تقولي وصلت لايه

صعب اوى احط كحول على شعرى بجد حخاف

مش عرفه والله يا لولا بس ع فكره لو تعرفي خبير الاعشاب الصينيه يوسف الشرفا الاردني

كان قايل الخلطه دي قبل كده بس زيوت مع كحول

اقولك اسألي اي صيدلي وانا هسأل برده ونشوف ايه الحوار

ايمو الميز ثيربي يعني مش واو عملت 3 جلسات وماحستش باي تحسن خاااالص
انا كان عندي فراغات صغيره من علي جناب الشعر كنت بجيب تومه واقسمها نصفين وادلك بيها حسيت الشهر بدا ينبت كمان كنت بحط زيت جدايل لتطويل الشعر وحسيت الفرافات طولت شويه واتملت شعر

انا من رايي بلاش الكحول ما تجربوش فى شعركم يا بنات اه بيبقى فيه مستحضرات للشعر فيها كحول بس بتبقى بنسبة معينة
بنات عايزة احسن نوع صبغة لانى ان شاء الله عايزة اصبغ على الفرح و عايزة انا اللى اجيب الصبغة اضمن انا ماما بتحط كوليستون بس انا قلت اسال حبيباتى بناات عروس
اه و يا ريت تنزلولى صور شعر احمر او هاى لايت احمر لانى عايزة اعمل اللون دا ان شاء الله انا شعرى لونو بنى غامق ادونى بقى الصور و الصبغة الحلوة