ساعدوني زعول وعنيد فديته بس ؟؟

بنت الاصايل;11351695:
البنات ما قصروا الصراحة بالرد.. ما عندي شي أزيده على اللي قالوه..
يعني انتي تصوري نفسج منتي مخطوبة.. وتحرش فيج مثل هالولد بتوافقين؟ اكيد لا.. يعني كنتي مخطوبة ولا متزوجة ولا كنتي عازبة ما تفرق عشان تبررين للولد رفضج لمغازلته!! صح؟؟

والشي الثاني انج رحتي وقلتي لريلج مثل هالموضوع.. من حقه يزعل.. والغلط الثاني اللي سويتيه بعد انج رحتي وقلتي لزوجج السالفة.. مو كل شي يصيدج تقولينه لريلج.. الصراحة مطلوبة بين الزوجين لكن مثل هالمواقف اللي تسبب لج حساسيات بينج وبينه لا تفتحين ابواب على نفسج فيها..
مادري وش راح تتوقعين من رجال زوجته بتقول له انها ابتسمت في وجه غريب عشان مدحها.. يعني كأنج تقولين له انج مستانسة ومرتاحة على مثل هالمدح اللي حصلتيه من انسان ما لج علاقة فيه..

اما انه يكلم زميلات العمل.. هذا شتان بينه وبين الموقف اللي صار لج.. لا تقارنينهم بتاتاً..

الحمدلله انصلح امركم وخلج دوم صاحية ومحافظة على خطيبج لا بكرا تتراكم عليج وتخسرين ثقته..
ربي يوفقكم دايماً..

بحرينية_حلوة;11352632:

سمحيلي أختي أكون شوي صريحة وياج ..

انتي قلتي ان انتي و ريلج صريحين مع بعض و هاي شي حلو .. بس تره مو كل شي ينقال للزوج .. يعني واحد تحرش فيج ماله داعي تروحين تقصين له القصة لأن مهما مهماااا كان زوجج متفهم بيحز في خاطره و بيتضايق .. فكان من الأفضل لو انج تطنشين السالفة و ما تقولين له .. خصوصا انج تعرفينه زعول .. !

أتمنى ان الزعل ما ييدل طريجه بينكم .. بس للمستقبل .. فكري في ردة الفعل قبل لا تقولين أي سالفة .. و انج ما تقولين له كل شي مو معناته انج تخشين عنه او شي من هالقبيل .. مجرد انج ما تبين تزعلينه ..

مكارم الأخلاق;11353369:

:047::047::047::047:

بصراااحة فعلا فعلا زوجك طيب وحنون ،،بس زعل عليش؟؟؟ ،،وبش تبغين منه ؟؟؟يصفق ليش الله يهديش حبيبتي ،،ترااك بعدك صغييرة ،انتبهي لحياااتك عزيزتي والي سويته عن جد خطأ كبير

الله يهديكم لبعض:072:

عاشقة زوجي;11354904:

حبيبتي انتي غلطانه بصراحه

ونصيحه مني في اشياء ماتنقال للزوج بذات مثل هالمواقف

لانه تولد الشك والغيره الزايده ومشاكل مالها اول ولا تالي

وفي الاخير بتكونين الخسرانه لانه مابخليش تطلعين مكان بعد

يقول خطيبي انا الصبيان مايون يم البنت لا اذا ابتسمت

براءة أنثى;11355215:
حبيبتي اللي سويتيه غلط وكان لازم ماتبتسمين لاي شخص ومهما صااار
انا لو سويت جذي جاااان خطيبي من زماااااااااان سطرني وطلقني ..
احمدي ربج على هالخطيب والله يبعد عنكم العين ...
ويهديج ان شاء الله ويهديه ...

ماء الكافور;11355421:


كلام زوجك صح واحمدي ربك انها عدت على الزعل بس

ما في داعي تطولينها مع الصبي وتجادلين معاه ديري ظهرك وطنشيه واذا كل صبي غازلك وابتسمتي له هذي مشكلة

لا تزعلين من صراحتي ولازم تحافظين على حياتك الزوجية وتكونين ثقيلة اذا طلعتين بالشارع