تجهيزاتي لعيد ميلاد زوجي .. ساعدوني يا حلوات ...

شخباركم يا عرايس يا حلوات ؟!

عيد ميلاد زوجي قريب و في بالي اسوي له حفلة معتبرة :ok:
بس على الله ما يخربون السالفة الكتاكيت :039:!

المهم هذي تجهيزاتي الأولية طبعاً شفهياً للحين ما شريت شي
اول شي اللبس :
طبعاً راح يكون اللون المفضل لزوجي احمر و افكر اشتري فستان احمر أو مارون قصير ،

ثاني شي :
الهدية راح تكون عطر و محفظة اختي تقول نكست عندهم محفظات رجالية حلوة و بـ6 دينار بحريني (60 ريال سعودي ) ، و ميدالية راح اطبع عليها صورته و صورة الكتاكيت :072:
و التغليف أنا راح احطها ببوكس و ازينها على ذوقي و بأفكاري احسن من المحلات ،
و اضافة الى الهدية بوكيه ورد اللي يعشقه زوجي حتى لو كان صغير يعني على حسب الميزانية :037: ...

ثالث شي :
الكيكة ....
اممممم الكيكة طبعاً لازم انا اسويها لانه يحب الهوم ميد :094: !
و مفكرة اسوي كيكة وحيدة كالقمر مع الشكر مقدماً على الوصفة حبيبتي وحيدة,,,

رابع شي:
اممممممم و في بالي اسوي ركن صغير للمساج بعد اطفاء الشموع و تسليمه الهدية :040:،

خامس شي:
و التسريحة زوجي يحب الشعر السايح الطووويل ما يحب التسريحات و بضيف لشعري اكسسوار خفيف و ناعم ،

سادس شي :
افكر اسوي له كرت بسيط و بخط ايدي ببرنامج الحفلة > يكون يصدق حاله في حفلة حقيقية :037:

سابع شي:
مفكرة اشتري طقم عطر و لوشن و شور جل هيبناس الوردي برايكم يصلح لمثل هالليالي مع العلم ان زوجي ما يحب الروائح القوية يحب الروائح الهادية و الناعمة ...

ثامن شي:
الميك آب، ابغيه مكياج ناعم و في نفس الوقت فخم ....
الفاونديشن طبعاً ما استغني عن ماكس فاكتور :016:
وش رايكم آخذ الكومباكت ماكس فاكتور بعد ؟؟
و بالنسبة للوس باودر وش رايكم ببودرة ماك ؟
و الآي شدو طبعاً بيكون احمر او مارون حسب لون الفستان و يه ذهبي بس محتارة بلون الاضاءة اللي راح اضيفها تحت عظمة الحاجب اي لون ياريت تفيدوني ....
و بالنسبة للبيس شدو هل يحل محل الكونسيلر او لا ؟؟!


شو رأيكن يا بنوتات بالبرنامج و ياريت تساعدوني في استفساراتي ..

و اذا تمت الحفلة راح اصور كل شي و اوريكم :016: