لمة الليبيات لشهر ربيع الاول 1431 ه ....

..................................................................

سوريهاااااااااااااااات بسيطه ونواعم للعروس لطلعه خفيفه
































الجاي بسيط جدا بس الوانه حلوة





واخر وحدات كاجول وسبور بس يصلحو لي العروس مع صاحبتها او ف طلعه مش رسمي ---------لان فيهن انوثه واناقه

كيف حاكم يابنات يامدامات ياحلوات والله منورات انى قاعدة ساهرة ونقرا فى النقاش الى بين روح الوليد و روزا وعروس ليبيا من بكرى ومابيتش نقطع كلامكم الى زى العسل والله انشاء تتهنى ياعمرى واديرى الى خاطرك فيه
تعرف انى عندى حاجة نبى نقولهالك لكن مش تخافى والله والله والله عن تجربة شخصيىة الزواج والدراسة حاجةصعبة تبى راس من حديد لان الحياة مش بسيطة زى ما انتى متوقعة لانى قريت طب 3 سنين وانى متزوجة ولاى اسفسار تفضلى حتى على الخاص لان انى بش قدرت نكمل قرايتى ونحافظ على حوشى وراجلى تحملت هلبة وكافحت هلبة والفلوس ماليهمش علاقة

دوقك رائع وراقي ياعروسة ليبيا ان شاء الله ننخطب وناخد منهم...:064:........... ميغركش اسم ام احمد

انا قاعدة مشريت شيء

وانحس اني مليت وطقيت ومانبيش نشري ههه

معني اي لوف شوبنق بس توا مليت منه لقبل نبدا حتي اصلا

يا ام ناني علاش تخوفي فينا وادعيلي ربي يرزقني بالزوج الصالح

عروسة ليبيا .. ههه باللهي عليك امشي انتي ديرلي شوبنق امتاعي وابعتيلي وانخلي المليونير امتاعي يدفعلك ههه تريحيني ههه


ام ناني هو صعب قراية مع حوش وراجل .. بس انا اصلا بكون متزوجة بس في حوش اهلي لا راجل لا حوش .. وكم شهر بس 3 سنين هلبا


روح الوليد .. اي كلهم سوريهات .. يبيلي شيء مستور .. ههه يس اي دو اتقبل رأي ..

ههه تكلمووووو

هدرزوووو .. كساااااد

كافي خطيبي العزيز انكلم فيه اخداه النوم :( .. وانتم ارقدو وقعدت بروحي :(

شكلي بنمشي انهدرز امتع حوامل مصر اللمة امتعهم

من بكري وهم يكتبو ..

مش زي هنا هدوووووووء

خل نمشي نتعلم منهم ههه

لك الحمد في الليل حتي الصباح
لك الحمد في الصبح حتي السحررر

ماشاء الله عليكم وع هدرزتكم
ان شاء الله كلكم اموركم تمام وبخير:025:

والله نورتي ياروح الوليد و:072:حمد الله غ سلامتك

ام ناني فعلا القراية صعبة مع الزواج:039: هو من غير زواج وواعره يابال :095:حوش وراجل

ياربي نتخرج ومانشيليش هم عندي:049: مواد يااااااااااااااارب ادعولي

اهلا بيك ام محمد وعقبال مانشفوك عروسة معانا بتجمع:093:

عروستنا ديمة تحفة التجمع تسلمي :087:ع كلامك الطيب ربي مايحرمنيش منك

عروس ليبيا وين يابنوتات ان شاء الله اتكون :016:بخير يارب

في امان الله

صباح الخير يا حلوات

يا حلوات مشيت لمركز ميس الريم
درت كشف عن الدكتور الاردنى باسم البرقاوى
علشان بشرتى دهنية و اعطانى دواء حبوب كولاجين وفيتامين ودارى موعد ثانى يوم لجلسة تقشير دايموند للنضارة ووتنعيم البشرة لتجهيزها لعلاج الميزو

مشيت درت الجلسة التقشير حلو ومطولش وحسيت وجهى نعوم هلبه زى البيبى والحمد لله
لكن جلسة الميزو اللى هيا علاج للبشرة الدهنية لتكسير الدهون وعلاج الافرازات الدهنية من تحت الجلد
شوية وجعتنى

وتوا وجهى فيه شوية احمرار ويختفى ان شاء الله بعد يومين
و اعطانى واقى شمس حلو وعجبنى هلبه كانك حاطة بودرة على وجهك

واخيراااا هاذى القصة بالتفصيل واللى تبى تسأل على حاجة انى حاضرة

على فكرة نهاية الاسبوع بنمشى اندير جلسة مساج وندلع روحى شوية هههههههههههه وتو انقوللكم عجبنى والا لا

روزي فنش يور استدي فرست
وبعدين الفرح صدقيني اريح لك عن تجربة ناس كثيرين الدراسة اولا خصوصا شكلك اتغاري على خطيبك موت
يعني لم تتزوجي وتكوني قريبة جنبة واتحسي بحبة وبقربة اكثر صدقني حا تضعفي وخصوصا كان شفتي بنات
واهتمام بيةمن العائلة والاقارب... وهل الاشياء مرات تخلق لك مشاكل وعدم ثقة لاقدر الله,,,

ههه انا اغار عليه موت ؟!! عادي يعني شوي ههه :01: :01: :01:

اممم شكله خلاص اشيل فكرت العرس توا ..

انا افتحلكم موضوع ههه :02:

اش احلي اسامي عندكم يعني تبو اتسمو اصغاركم ؟ ههه

اي سوري .. صباح الخير .. :01:

نايضة طول ع الاسامي من الصبح .. امس ليل كنت احلم بيهم :013:
---

انا من كثرت الاسامي اللي عاجبيني ونبي انسميهم كلهم شكلي بنجيب طزينة فروخ :04:

نب انسمي

اولاد : عبيدا .. حمزة .. تميم .. عاصم .. زين
بنات : مي .. ريم .. هند .. روز ..

هدوما نص اصغاري ونص التاني بوهم بيسميهم ههه احني عائلة متفهمة نص بالنص ههه .. يعني ان شاء الله ياخوفي ياسميهم كلهم وانقعمز احببي :024:
لان شكله ناوي هكي:031:

كيف حالكم بنات اليوم ان شاء الله تكونوا بخير

حبيبتى روح الوليد الحمد لله على السلامة ونورتينا وانتى الاحلى اكيد

حبيبتى بيكا المركز شكله كويس لكن بنسالك عندهم بوتكس للوجه؟
ننتظر في ردك حبيبتى
وعلى فكرة لو تذكري العبايات اللي قتلك تو انشوفهملك مشيت في نفس اليوم وشفت كانوا المحلات منفضات قالوا يديروا في تصفية لان البضاعة الجديدة جت
وقلت لصاحب المحل على الموديل اللي انتى تبيه قالي فيه منه والله اعلم هو فهمنى والا يدير في روحه ذكى رح انمر عليهم هاليومين ونقولك