لمة الليبيات لشهر ربيع الاول 1431 ه ....

يا بنات معليشي عندي طلب بالله عليكم من عندها صور سوابيت مغلفات نبي نشوفهم بش ناخد منهم أفكار
و بارك الله فيكم مقدما

i`m so sad

why u r so sad عروسة أشرف

حبيبات قلبى الغاليات وحشتنى موووت كلكن بدون استثناءوالله مرايفة عليكن مووووت وكبدى تغلى عليكن امرااااااااايفة عليكن لين خلالالالاص .....يييييييييييييييه وكان نحكيكلن هنو واميرة ورايقة يهبلن مووووت بنيات عسل ياسبحان الله هلى المنتدى ميعرفش فينا الا على البنات الى ماشالله عليهن ...اميرة جت اول وحدة وعرفنة بعضنا على طول وراهى تهبل زى الخليجيات بالزبط وراهى اطير فى العين على روحها لا سمينة لا سو ...دبدوبة شوية والله يابنات بشوشة واجتماعية وماشالله عليها وتخش القلب على طول وربى انشالله يطيحها فى الى يستاهلها ومش حنسسالك جبرت خاطرى وجيتك لعندنا وانشالله انجيك يوم فرحك يارب ...اما هنوجةالتانية وتلاقينة معاها فى التواليت انا واميرة وعرفتها من الحنة وطلعة صحبة صحباتى لكن هيا معرفتنش ههههههه وهنو ورايقة ياسبحانة الله حسية ان فيهم شبه من بعضهم ...تبن الصراحةو الله بدون مبالغة زى عرضات الازياء الاسبانيوليات شعرهن اسود وعيونهن سود ونزيكات وحانطات ويهبلن ياخيتى والله كان نحكى لبكرة مش حنوفيهن حقهن وخطيبينهن اكيد ربى يحبهم الى طيح فى هل الغزيلات...وصحباتى غارن منهن قلنلى من امتى هل الصحبات الى دايرتيهن من ورانة ..وبنات خالتى قريب ضربونى لمة قتلهن صحباتى الى فى النتدى جن قالنلى ليش موريتيهن وانا من فلوجتى نسية بكل...الى ضحك مزبوط هو بابا مش مصدق وماما تحلفلة وتقولة والله سلمة عليهن وهو مزال مش مستوعب الفكرة ...هنو اميرة رايقة...يعلم ربى انى فرحة من وسط قلبى انكن جيتنى وسامحنى عشان مسلمتش عليكن لمة روحتن..من كترة مزحمة علينا معش اذكرة انى ودعتكن ولة لا...وانشالله انجيكن يوم فرحكن يارب انتن وكل العضوات الغاليات وانجى لعروسة الغالية على قلبى يوم لمتها فى البيبى

عروسة ليبيا;11442057:

روزي

روزي ام زوجك لو جت هيا او خواته البنات طبعا تتالقي اول شوفه ليهم وتلبسي يا اما قونه حلوة وبلوزه جو مخصره لبسه او بدله خفيف

وتلبسي ذهب خفيف جو تعليقه وهكي وتحطي ميك اب وسشوار

يعني لازم تكون ف احلا صورة ومميزه

اي اكيد ههه مالة بنطلعلهم واني مشفشة ههه

اما بوو خطيبك عمك

لقائك ب عمك ابو زوجك لو بعد عقد القران فهو محرم ليكي يعني عادي جدا انتي زي بنته وهو زي بوك لانك شرعا مرت ولده

وهذا الي ماشيين عليه هنا

===========================
===================

لو بيجي اول مره وهوا مزال بدون عقد قران نقترح الاتي

بوك او خوتك الاولاد وحتى رجالت خواتك

وخطيبك وبوه

يجلسو ف مكان بروحهم اوكي
========================

هكي الي ماشي عندنا ووهكي يفرح بوه ويرتاح لما يتعرف بيكم


هكي الاصول وهي تكبرو بيه

اي انا سألت سؤالي اقصد بعد مانتزوج .. مش توا
وهو اكيد لما بيجو بيكون مع ابوي وخوتي ورجالت خوتي حيجو كلهم اكيد

=============================

وماما تستقبل امه ومعاها البنات خواتك او كناتكم زوجات اخوانك

واكيد يلتمو يحضرن ويكونو مشيكات وانيقات

==========================

يعني مش انتي وماما بس لزم يكون ف حد ف استقبالها من خواتك وزوجات خواتكم وحتى لو ف مراه ليبيه مقربه من امك وهلبا صحبتكم عادي

تجي وترحبو بيها كلكم وطبعا هما يستقبلوها قبلك وبعدها انتي تطلعي تسلمي وترحبي بيها

اي اكيد ههه هدا اللي بيصير ههه بس اكره انا ادخل بعدين احس الانضار كلها عليا مخييييف :01:

وتكوني لبسه لبسه زي بدله خفيفه يعني لبسه شبه رسمي بس بلون حلو بنك سماوي لون تاعم يعني

لازم بدلة .. انا فكرت عندي قفطان يعني طوله لي الركبة حرير و بدون ايدين يعني بس مش عريان هلبا وامتع حفلات يعني سنبل .. يصير ؟؟

ووووهكي الاصوووول والي تعودنا بيه

==============================

وبعدين لما تبي تسلمي علا بوه تكون لبسك لبسه حجاب اكيد عندك هلبا قفطاين طوال ولبسات حلوات يصلحو لطلعه قونه سوا قماش وعليها بلوز مخصر وهكي

حويجه انيقه وراسك مغطاا======والله مهما كانو اهاه منفتحين هكي الاصول اعطيهم احسن انطباع

عنك وعنك اهلك وربايتك

هكي اريح ليكي وليهم وحتى المراه ام زوجك تنسجم وتاخذ راحتها وتتعاطو مع بعض زي اى خطبه ويكون جو حلووووووووووووو وعفوي

واكيد كل الحواجز تنزال وتنشال

انا بديت سو نرررفز ههه معنه شهر ستة بيجو بس من توا خايفة

اذا بيجو اهله شكله مش حندير خطوبة في الحوش بنديرها في صالة ههه

===========================

حقا نسيت نقوللكم اليوم عيد ميلاد أم الغالي و طبعا خديتلها طورطة و عطر خليجي هديتها و اتصلت بيها

عروسة ليبيا

بس انا فكرت في العزايم بنلبس قفاطين يعني سنبل وقصار مش اطوال .. مش بدالي !

تو انوريك صور ليهم

جدددد
يعني مثلا انا في عرسي عازمة وحدة كيف متزوجة يمشو ايدرولها موسيقي و تخش
وهو عرسي انا ؟؟

تمشي تملح مش امدايرتلها شيء زيها زي الناس ههه

تفسد لي العرس

نصايح لحبيباتى الغاليات
يابنات متنسنش كلام خيتكن الى تحبكن واجد :
حاولو ان يكون فى المطبخ ابتاع الصالة حد من العيلة يعنى حد قلبهة عليكم عشان ياخد بالة من كل حاجة مش اتسيبو كل حاجة وتلتهو بالفرح . ويابنات متعبنش على حد فى شى حاولن انكن اديرن حاجتكن ابروحكن ومش وحدة اتقوللكم انديرلكم حاجة تعبو عليها الة لمةتكونو واثقين منها ...نحن صارتلنةمع قريبة لنا جتنة يوم الاربعاء وقالت النوع الى بنديرة لكم مش حيسر منة مع انة هى الى عرضاتة اضطرينا ان انعدو لمطعم بيزا ودارلنة شيش دجاج وكباب ومن الزحمة والربكة وان مفش حد من العيلة فى المطبخ الكباب نسو فى السيارة ومقدموش للمعازيم يعنى روحنة للحوش ب 550 طرف كباب قعدنة نوزعو فيهن على يومين ...والسعر كان غالى 600 دينار(هضا الى يعبا على حد)...ويابنات راهى شهادة الحق الطقم الى فى الصالة غير عادى تصورو حتى بواقى العصير الى زاد من على الطالولات حطوهم لنا فى السيارة وكل حاجة زايدة ...لان يوم الفاتحة قعدة امعاهم فى المطبخ بس هم ياخدو فى التبسى وعلى طول يرموه مع ان حرام والله فى سوانى ردو يوم الفاتحة مش مقروبات خصوصا الحاجات الى ملفوفة فى الالومنيوم حتى الجاتو فى طروف مش ملموسات بكل وبصراحة تحشمة انقوللهم خلوه ...لين جت مرات عمى بدت تحول فى الحاجات الى مش قاربينهن بكل ...بس هم من ناحية الامانة والله منتها الثقة والمعاملة الراقية ...وانشالله اول مايجهزو الصور حنزلهن لعيون الغاليات لان بنحطلكن حاجة واضحة ...واحلى سلام لااحلى خيات ولااحلى منتدى فى العالم

عروسة ليبيا;11443391:

ههههههههههه

روزي

ههههههههههههه هك الاعراس ف ليبيا مش قصدى اديريها برراااا

لا هما هك نظام اعراس طرابلس ووومن زمان هكي زمزامات يدرجو العروس

وهي حركه حلوة لما ام زوجك او اهل العرس يدرجو العروس قدرك لها وزي التكريم لها وتميز


وبعدين العروس صحبه الحفل لها طلتها بروحها واضاءه تجي عليها اول ماتخش غير الزفه والزغاريت والاستقبال ومشيته ف الممر والكل يرجا فيها


وبعدها تركب للكوشه والكل مركز فيها


ام العريس الي بيجو فهما معازيم بيكونو وسط المعازيم الي تكون عروس جديده تدرج وبس



ووووالله حلوة تعرفي ام زوجك كل عرس بتدخليه بدرجك يعني تخلي الفرقه ادرجك وتكون طلتك مميزه


والكلام اهو مش هلبا اول سنه لين تحمل ويجي البيبي


وكل بنت تحبها وتتمناها لانهن تعامل زي الاميره والعروس صحبه الحفل هيا الملكه

باهي واذا ماجبتش ولا تاخرت

تقد اربع خمس سنين وهي ع اساس عروسة وكل عرس يديرولها زفة


اوكي شوفي هالقفاطين انا شاريه زيهم ههه

ع اساس بنلبسهم يعني لما في عزومة او شيء







مش اسبوع او شيء

لا بس عزومة

يصلحو ولا يقولو خيرها هالبنت ههه !

ايوا يا سلم كنتها وسلم الام الي ربتها

يا فرحه ضيوووووو يحبوووووه الرجاله الجو اهووو مووووووووت

ممنوووووع البسة لغيري انا

عم بفكر جن جن عم فكر القها بموووت بحبه انا ههه




ههه اوكي شوفو

طبعا انا احب الهدايا المميزة ههه يعني شيء زيادة مع عطر او اي شيء ههه

لقيت موقع هنا في بريطانيا يديرولك قصة روميو اند جوليات قصة ع شكل قديم والقصة كلها وكاتبين قدام باي شكسبير

بس ههه انت تعطيهم اسامي اهلك واهله ويغيرو القصة بأسامي اللي انت تبيها

وبدل رومي اند جوليات يكتبو اسمك واسمه ع الغلاف والقصة كااااااااامة ههههه

اي نو انه شيء غريب ههه بس عجبني ههه يعني شيء نايس ومختلف

اش رايكم فيها ؟؟

اذا تبو ههه خير قولو اساميكم واسم روميوكم ونديرلكم وحدة وحدة ههه

مش بس قصة روميو و جوليات في حتي سندرليا و كلهم ههه

عروسة ليبيا;11443564:

روزي


حلوات بشكل عام فيهم واحدت نازكات

وفيهن العادي والمكرر واهما سيبمل لدرجه زي لبس المرهقات عندنا الي صغار ف سن ف الحفلات يلبسو هكي يعني تقريبا

بس ملحوظه اغلبهن عريان وشبه سوريهات خفيفه


عندك الي ممكن متاع عروس يجو التركواز الي علا يمين فيه رفيونكه سودا

والموف الي علا اليسار فيه الرقبه العاليه

واخر واحد البنك حلو حلو


هذووو 3 احلا وحدات والتاني نحسهم سيمبل هلبا جو تلبسيهم ف عيد ميلاد صاحبتك او ف حوشك جايك حد من عمرك او عروسات شبوبات زيك


يعني نحسهم عاديات وفي ما يشبهمم ومش متاع عزومه وانتي عروسه


هدوو ------ حلوات بس ف عزايم رسمي مثلا صديقه عمتك المقربه عزمتك وهيا مره كبيره من عمر عمتك وبتمشي يعني تبي حويجه رسمي شوي وف نفس الوقت نازكه وحلوة


وراهم البدل توة فيهن وحدات مودرن وستايل والالوانهن مميزه لكنهم بدي قونه قصيره وجكيت مخصر او قفطان عليه جاكيت او بنطلون وتوب كت وجاكيت

ف حاجات تجننننننننننننننننننننن ف ليبيا وف طرابلس بذات ماركات وف حاجات طلياني وفرنساوي وتركي وحاجات ماركه وشيك


تو نحاول نجيب ليكي صور من النت ومن المواقع مش بزبط بس نقربلك الصورة

=====================================

بالنسبه لتدريجه العروس لالالالا عاد مش لي هالوقت يعني السنه الاولى كلها تقدري اتقولي او فتره

يعني اي شيء ولازم فوقه التجاكيت وانا هالتجاكيت مااحبها

اصلا انا ماقدر اشري من ليبيا ههه اني بنمشي ليبيا بعد العرس ههه ف اصلا مافيش وقت :014:

امممم ريلي سكررررررد لاني بكون بروحي غادي واني مانفهمش في هالاشياء ههه
يعني ماعندي لو عازمينا مرا كبيرة لازم شيء مستور شوية
وقدام بوه لازم مش عارفة شنو وقدام امه هلبا ديتيلز


كلهم عندي نفس الشيء البس ههه :01:


يعني شكله هلبا حاجات يبيلي اتعلمها ههه



اني وي

عروس اشرف كنك زعلانة ؟؟:01: