¸.•~ تجهيزات عرائس ( مملكة البحرين ) لشهر ربيع الأول 1431 - 2010 م / الجزء = 62 ~•.¸

" همسات الروح "

بصراحة دامج ناوية على إضافة لفستان الملجة ,

فـ ما أنصج بالبحرين بتاتاً

فستان جديد وما أنلبس .. فـ حاسبي عليه لا يخترب

روحي السعودية وخذيه لنفس المحل

في نفس اليوم يسوي لج أي شي تبينه في الفستان وبـ ببلاش بعد ما ياخذون عليج جارج

وكأنه إذا بياخذون يا 5 ريال أو 10 ريال ههههههههه

لأن إحتمال هني البحرين يعفسونه لج أو يخربونه عكس المحل تبعه , إلي متخصص فيه

أنا عسبالي بس تبين تضيقينه مثلاً .. في البحرين سهلة هالشغلة !..

+

الباقة ,

دام إن هاللون مدخل شوي في الكريستالات !..

فـ ليش لا ؟!..

ليش ما تسوينه كـ لون للباقة :025:

ترى اللون الأورنج جداً فظيع في الميك آب

و وايد ألوان تتماشى وياه

مثلاً : الأخضر , تدرجات الأصفر النعومي ( بيبي يلو ) , التركوازي الهادئ .. إلخ

ويطلع العروس فخمة وفرايحية وايد

واللمعة أو الإكسسوار للباقة يكون ذهبي ,

ولو حبيتي تسوينه مع إضافة روز أوف وايت

ترى بيطلع فننننننن :ok:

*

موفقة :065:

عروس البحريين;11387445:
بنااااااااااات شنو تنصحووني في استقبالي البس

؟؟؟؟؟؟؟

جلابيه فخمه وراقيه او فستان راقي

اممممم

محتاره حديييييييي

واذا بسوي الاستقبال في صاله

عائلي فقط

اذا في صاله أنصحج تلبسين فستان ناعم :)

أو جلابيه فخمه

بنات والله تعبانة تعبانة حدي اليوم بعد ماحجزت مرمريز من شهرين واتفقت معاه اهل زوجي اني في بداية الوقت لكم اسلامي وبعدين لنه من بعد مادش ويتعشون
والحين قالوا لا يا ملايــــــه يا اسلامي ع طــــــــــــول شاسوي بنات حدي منقهرة يوم خطوبتي خليت لهم كله اسلامي ولا احد قعد بعد طلعوا يوم سمعوا بدش ع اغنية شاسوي ابــــــــــــــــــــــــي رايكـــــــم تكفون :( :(

بنااااااات اليوم حجزت بصاله النادي البحري للاستقبال

عجبتني القاعه شرحه احلى من مرمريز ماعجبتني


هذياااااان

لوسمحتي ضيفييني قائمه الزواج 1/4 واخيييييييراااا خخخخ


بنات

تعرفون دي جي اسمه دريم

الله فيه 4 بنات

من ترشحون لي

وشرايكم في فوز ؟؟؟؟؟؟؟؟؟؟؟

ملاكي الوحيد;11392132:
بنات والله تعبانة تعبانة حدي اليوم بعد ماحجزت مرمريز من شهرين واتفقت معاه اهل زوجي اني في بداية الوقت لكم اسلامي وبعدين لنه من بعد مادش ويتعشون
والحين قالوا لا يا ملايــــــه يا اسلامي ع طــــــــــــول شاسوي بنات حدي منقهرة يوم خطوبتي خليت لهم كله اسلامي ولا احد قعد بعد طلعوا يوم سمعوا بدش ع اغنية شاسوي ابــــــــــــــــــــــــي رايكـــــــم تكفون :( :(

حبيبتي .,

أهم شي تسوين لج عرس الكل يكون فيه راضي ومستانس

شتسوى عليج تسوين لج عرس ,

وفي ناس زعلانة وشايلة بالخاطر ؟!..

ترى فرحتج ما بتكمل

إذا عندج ميزانية عدلة

أنصحج تجيبن لج ملاية من برى

ويا كثر الملايات العدلة عندنا وإلي بصراحة كل من يمدح فيهم

بتشيل لكم المكان شيل وبتسوي لكم جو في الصالة بدل .. الديجي الإسلامي

وزفتج دخلي على الزفة إلي بخاطرج

بإتفاق مع الديجي !..

وبدون ما تقولين لأحد :041:

وحزة الحزة .. بيكونون أمام الأمر الواقع ومحد بيقدر يتكلم أو يزعل

وإنتي وشطارتج عاد

أرضي الأطراف كلها وأرضي نفسج :ok:

أنا أشوف الملاية حل وسط لأنها قادرة تحيي لكم الحفلة وتسوي جو .. إذا ما بغوا أغاني

وزفتج ,

ماله داعي تروحين تقولين لهم شنهو بتحطين

هاي إتفاق بينج وبين الديجي فقط !..

+

عروس البحريين;11392195:
بنااااااات اليوم حجزت بصاله النادي البحري للاستقبال

عجبتني القاعه شرحه احلى من مرمريز ماعجبتني


هذياااااان

لوسمحتي ضيفييني قائمه الزواج 1/4 واخيييييييراااا خخخخ


بنات

تعرفون دي جي اسمه دريم

الله فيه 4 بنات

من ترشحون لي

وشرايكم في فوز ؟؟؟؟؟؟؟؟؟؟؟

وايد يمدحون هالديجي , إهما قروب بنات

يبردون قلبج ويسون إلي بـ خاطرج

وفي وحدة من البنات .. الله يذكرها بالخير / أوريانا

قالت أنهم ما يتفوتون .. ومدحتهم بقوة :ok:

وأسعارهم جداً ممتازة

إهما 4 وكلهم نفس المستوى

بس " فوز " أفضلهم ومعاها بعد وحدة والله ناسية أسمها الحين :040:

بنات شوفوا الفستان اللي بالمرفقات
عاجبني وايد وين افصله ؟ و كم راح يكلف القماش بالتفصيل ؟

و كم تقريبا راح ياخذ على ما يجهز ؟

حلومــه مشكورة حبيبتي اي والله كلامج صح والله اذكر في خطوبتي رجعت بصياحي وحتى المكياج ساح
وبجوف لي ملايــــة بس اي احســـن ملايـــة ام نور زيـنــــة او لا..؟؟

عروووسي
الف مبرووك مقدما الله يتمم لج على خير ياربي

حلوومه
تم الرد ابوي

Athena;11392403:
بنات شوفوا الفستان اللي بالمرفقات
عاجبني وايد وين افصله ؟ و كم راح يكلف القماش بالتفصيل ؟

و كم تقريبا راح ياخذ على ما يجهز ؟

الفستان وايد نعومي وسمبل .. وراقي

يعني تودينه مكان خياطتهم مضبوطة .. أكيد بيصيدون لج الموديل :094:

ما أدري كم بيكلف ,

لأن كل محل وله سعره

عندج :

- قصر الزفاف / عالي .. للمصممة ميساء

- فستاني / الزنج

- المصممة كبرى القصير .. محلها يصير في الرفاع , عالشارع العام

إنتي خذي لج لفة وألقي نظرة علأسعار ,

والأنسب لج وإلي ترتاحين لهم سوي عندهم :049:

+

ملاكي الوحيد;11392436:
حلومــه مشكورة حبيبتي اي والله كلامج صح والله اذكر في خطوبتي رجعت بصياحي وحتى المكياج ساح
وبجوف لي ملايــــة بس اي احســـن ملايـــة ام نور زيـنــــة او لا..؟؟

لا إن شاء الله

في الزواج تفرحين وتعوضين على نفسج

وما تكمل الحفلة إلا على الخير .. والكل مستانس فيها :013:

ربي ييسر أمورج

أم نور هذي بنت الملاية أم فاضل

أنصحج فيهم وبقوة بعد :02:

لأن حضرت لهم حفلة وبصراحة ما قصروا شالوا المكان شيل .. و رقصنا وتفاعلنا وياهم

إهي وبنتها !..

والله يذكرها بالخير الأخت / دهن العود

تقول جابوها في حفلة حنة أختها وما قصرت شالت لهم الصالة شيل

أنا شخصياً تعجبني ,

وعندج بعد ملايات أرخص منها وبمثل مستواها :

- أم بسام

- أم صادق

:065:

+

أم فهادي;11392442:

السلام عليكم ..

انا بـاجر ان شاء الله رايحه الرونق أحجز ..
ولاني مب من النوع اللي اذا يجوف يقرر لازم احد يقول لي ذي احلى
ف من ترشحون لي مكياج حق السمــــــر .. وتسريحــــه ...؟؟!!

......................
وسمعت عن خياط الاطراف الناعمه في سوق واقف ..وين يصير بالضبـــــط ؟؟؟
كله يتهيأ لي اني جفت هالاسم في مكان وناسيه ..!!!
.............................

الرونق ,

معروفين في شغلهم النظيف للشعر .. :ok:

لتسريحات هالثلاث إهما الأفضل .. وهم إلي يسون العرايس

( فتحية , وحيدة , بدرية )

إلي متوفر عندها المجال خذيها بلا تردد :094:

للميك آب .,

عندج ( نجاة ماك , نهاد , فاطمة اللبنانية )

ودامج بتروحين وبتكونين هناك شوفي شغلهم مرة وحدة وقرري أفضل !.. :014:

+

خياطة الأطراف الناعمة ,

تدلين البنك الأهلي المتحد إلي بسوق واقف ؟!..

صاير مقابله

في صفة صالونات ( العفراء , صبايا , مرام .. إلخ )

أهو يصير في النهاية

والخياطات هناك فلبينيات & هنود

زينين حق تعديل شغلات , حق تفصيل ساري .. هالسوالف يعني أهما وايد :ok:

الترجيه;11392454:
عروووسي
الف مبرووك مقدما الله يتمم لج على خير ياربي

حلوومه
تم الرد ابوي

ثاانكس حبوبة , وكا أترياه يوصل :032:

الترجيه

مشكووووووره حبيتي على الدعوه

حلم

مشكوره وماقصرتي

حلومة وباقي البنات بغيت رقم الحنايه ليلى ام نور ضروري
وهل اتيي البيت؟

أم فهادي;11392442:

السلام عليكم ..

انا بـاجر ان شاء الله رايحه الرونق أحجز ..
ولاني مب من النوع اللي اذا يجوف يقرر لازم احد يقول لي ذي احلى
ف من ترشحون لي مكياج حق السمــــــر .. وتسريحــــه ...؟؟!!
هلا اختي الرونق
هم كذا وحده للعشر "وحيدة# فتحية#بدرية# وحسنا"

والمكياج عندج "معصومة ماك# نجاة ماك# نهاد# فاطمة اللبنانية"
......................
وسمعت عن خياط الاطراف الناعمه في سوق واقف ..وين يصير بالضبـــــط ؟؟؟
كله يتهيأ لي اني جفت هالاسم في مكان وناسيه ..!!!
.............................

صاحبة الظل الخفي;11392670:
حلومة وباقي البنات بغيت رقم الحنايه ليلى ام نور ضروري
وهل اتيي البيت؟

دقايق وبطرشه لش

وهي تجي للبيت :ok:

همس الـروح
مثل ما قالت لي حلم
ان نورية + صفية + منى شغلهم وااو :ok: والكل يمدحهم
في خطوبتي الي سوت لي شعري نورية وكانت التسريحة كشخة :037:

ملاكي الوحيد;11392132:
بنات والله تعبانة تعبانة حدي اليوم بعد ماحجزت مرمريز من شهرين واتفقت معاه اهل زوجي اني في بداية الوقت لكم اسلامي وبعدين لنه من بعد مادش ويتعشون
والحين قالوا لا يا ملايــــــه يا اسلامي ع طــــــــــــول شاسوي بنات حدي منقهرة يوم خطوبتي خليت لهم كله اسلامي ولا احد قعد بعد طلعوا يوم سمعوا بدش ع اغنية شاسوي ابــــــــــــــــــــــــي رايكـــــــم تكفون :( :(

لا تحطين اغاني لان ماتبارك لكم العرس
فـ الاحسن تخلين يا ديجي اسلامي او ملايه :091:

عروس البحريين;11392195:
هذياااااان

لوسمحتي ضيفييني قائمه الزواج 1/4 واخيييييييراااا خخخخ

يا حليله التاريخ يوم كذبة ابريل :085:

أم فهادي;11392676:
وياريت تعدلون اسمي(متكرر) بالقائمه انا 26/6

ان شاء الله :091: