¸.•~ تجهيزات عرائس ( مملكة البحرين ) لشهر ربيع الأول 1431 - 2010 م / الجزء = 62 ~•.¸

عزيزتي ( صاحبة الظل الخفي )

عندج في الدمام مكانين تسوى الروحة لهم !..

- مجمع المارينا مول << متخصص فقط في فساتين السهرة

- شارع الحب " سوق الحريم " << وهذي متخصص فقط في فساتين الأعراس ومستلزماته

+

وعندج في الخبر هاي الأماكن إلي تسوى الروحة لهم :

- مجمع الفينيسا << وهو مجمع متنوع وتلقين أزيد شي محلات قطع & فساتين سهرة

- شارع السويكيت .. وهو متخصص في فساتين الأعراس ومستلزماته

- الجمعة مول << وهو متخصص في فساتين السهرة , وما شاكل !..

*

وإن شاء الله أكون أفدتج :065:

ورد الروان

بغيت رقم أم علي بلييييييييز

صاحبة الظل الخفي;11371261:
انه عجبتني سالفه توزيعات الورد
سؤال اذا المعازيم 400 جم ورده اخذ؟؟

أخذي دبل!..

500 وردة مكس ( يعني كل الألوان ) :094:

أو أختاروا لون واحد وهو مثل لون ثيم العروس

اقول بنات

جنه عرسي جرب << توها تستوعب ههههههههههههههه

ادعولي الله يوفقني يارب





انا اليوم رحت السعوديه خذيت شنيولي ..
طبعا خلصت كل ترتيباتي باقي تناتيش صغيرونه

ان شاء الله الثلاثاء راح تبتدي الاحتفالات الى الجمعه هههههههههههههههههههه >> هلا فبراير مو كيفي نحيسه






المهم انا رتبت هالجدول لي





السبت عندي موعد فيشل
الاحد حححق اظافري
الاثنين بروح اسوي حلاوه وانظف ويهي
الثلاثاء بتحنى
الاربعاء والثلاثاء ماقدر اسوي شي لان الثلاثاء حفلة حنتي والاربعاء جلوتي
الخميس بروح اصبغ شعري وبسوي حمام مغربي <<< لان الحلوة تروح يوم الاربعاء عله مايات الا هالاسبوع هههههههههههههههه


ان شاء الله الجمعه بروح اسوي مساج <<< فاضيه يوم العرس بتسوي مساج الصبح

موعدي مع الشعر والمكياج بيكون المغرب


شرايكم فيني بنات
منظمه كل شي صح ؟ :$

حلمـ .,;11371277:
عزيزتي ( صاحبة الظل الخفي )

عندج في الدمام مكانين تسوى الروحة لهم !..

- مجمع المارينا مول << متخصص فقط في فساتين السهرة

- شارع الحب " سوق الحريم " << وهذي متخصص فقط في فساتين الأعراس ومستلزماته

+

وعندج في الخبر هاي الأماكن إلي تسوى الروحة لهم :

- مجمع الفينيسا << وهو مجمع متنوع وتلقين أزيد شي محلات قطع & فساتين سهرة

- شارع السويكيت .. وهو متخصص في فساتين الأعراس ومستلزماته

- الجمعة مول << وهو متخصص في فساتين السهرة , وما شاكل !..

*

وإن شاء الله أكون أفدتج :065:

الحين شارع الحب والحريم غير عن سويكت؟؟
انه ماباخذ فستان جاهز ابي مكان يبيع قطع فساتين سهرة وين احصل من هالاماكن الي ذكرتيها

KeFi n7esa;11371293:
اقول بنات

جنه عرسي جرب << توها تستوعب ههههههههههههههه

ادعولي الله يوفقني يارب





انا اليوم رحت السعوديه خذيت شنيولي ..
طبعا خلصت كل ترتيباتي باقي تناتيش صغيرونه

ان شاء الله الثلاثاء راح تبتدي الاحتفالات الى الجمعه هههههههههههههههههههه >> هلا فبراير مو كيفي نحيسه






المهم انا رتبت هالجدول لي





السبت عندي موعد فيشل
الاحد حححق اظافري
الاثنين بروح اسوي حلاوه وانظف ويهي
الثلاثاء بتحنى
الاربعاء والثلاثاء ماقدر اسوي شي لان الثلاثاء حفلة حنتي والاربعاء جلوتي
الخميس بروح اصبغ شعري وبسوي حمام مغربي <<< لان الحلوة تروح يوم الاربعاء عله مايات الا هالاسبوع هههههههههههههههه


ان شاء الله الجمعه بروح اسوي مساج <<< فاضيه يوم العرس بتسوي مساج الصبح

موعدي مع الشعر والمكياج بيكون المغرب


شرايكم فيني بنات
منظمه كل شي صح ؟ :$

أول شي ,

ربي ييسر أمورج & يتمم لج على خير :065:

كل ترتيباتج حلوة ومنسقة

حتى فكرة المساج في يوم العرس .. بالصبح

وايد حبيتها :032:

بالعكس بتعطيج ريلاكسنج & راحة لليوم كله!..

وإنتي محتاجة إلى راحة وهدوء

*

ما عدا ( الحمام المغربي )

لا لا لا لا

كلش , كلش , كلش غلط :047:

بتسوينه وإنتي أوردي خلاص شايلة شيرتج & متحنية

شناوية عليه ؟!. تطيرين الحنة كلها :085:

الحمام المغربي كله تفرك وخلطات وبخار

يعني ما بتطلعين إلا حنتج بهتت وراحت !!!!!!

أهو الحنة كثرة الماي والصابون لا صادته تخليه يتآثر , فما بالج بحمام مغربي مرة وحدة

وغير جذي

الحمام حلاتج تسوينه قبل الحلاوة بيومين أو ثلاثة

لأنه يطلع لج الشعر الصغير إلي تحت الجلد !..

فـ قدمي موعده , لأن موعده كلش غلط صاير , في نص الشي :01:

خليه قبل لا تسوين الحلاوة :094:

خليه يوم السبت , مع الفيشل!..

علشان تحسين بلإنتعاش كله بيوم واحد

" صحوبة "

كا شرحت لج بالضبط له !..

كل مجمع وشنهو عنده ,

وإي شارع السويكيت .. يختلف إختلاف كلي عن شارع الحب

واحد بالدمام و واحد بالخبر ,

والقطع .. بصراحة مالج إلا ( الفينسيا ) أهو أكثر شي يوفر قطع فساتين سهرة

وإذا تقولين رحتيه وما عجبج !..

ألقي نظرة على المارينا مول يمكن تغيرين رآيج وتلقين شي عدل

لأن هالمجمع وايد يسوى ويستاهل الروحة بجد

أو الجمعة مول يمكن تلقين بعد شي يسوى .. خصوصاً إن هالفترة تخفيضات عالفساتين عندهم

والأسعار حدها خيالية يقول 60 , 70 , 80 .. يعني تسوى :025:

فـ ما بتخسرين لو رحتي جولة عن هالمجمعين لأنج ما قط رحتيهم

عندي تعليق صغيـــــــر

غالباً نشوف اللي مهورهم قليله سبحان الله فيها بركه يعني العروس تتشرى اللي تبي ولين تشبع وماينقصها وسبحان الله امورهم تمشي سهالات والله ييسر لهم كل شي

وانا ماسمعت عن بحرينيه خذت اكثر من 4000 دينار .. سواء من عايلتي او عايله غيري الا وحده الله يستر عليها كانت تبي تطلع فيها خذت 6000 لا ونصهم خذت فيهم عطورات انا انصدمت حسيت انها مو جايفه خير

وي فديتنا احنا مدللات جايفين خير ههههههههههههههههههههههه

حلومه المشكله ماقدر

الحلوة مشرفه علي ههههههههههههههههه وهقتني الله يغربلها
انا قلت اذا بروح حمام مغربي بقولها ماتفرك لك مكان الحنه

حلمـ .,;11371338:
" صحوبة "

كا شرحت لج بالضبط له !..

كل مجمع وشنهو عنده ,

وإي شارع السويكيت .. يختلف إختلاف كلي عن شارع الحب

واحد بالدمام و واحد بالخبر ,

والقطع .. بصراحة مالج إلا ( الفينسيا ) أهو أكثر شي يوفر قطع فساتين سهرة

وإذا تقولين رحتيه وما عجبج !..

ألقي نظرة على المارينا مول يمكن تغيرين رآيج وتلقين شي عدل

لأن هالمجمع وايد يسوى ويستاهل الروحة بجد

أو الجمعة مول يمكن تلقين بعد شي يسوى .. خصوصاً إن هالفترة تخفيضات عالفساتين عندهم

والأسعار حدها خيالية يقول 60 , 70 , 80 .. يعني تسوى :025:

فـ ما بتخسرين لو رحتي جولة عن هالمجمعين لأنج ما قط رحتيهم

ثانكس حلومه وكل الي ساعدوني استفدت وايد وان شاءالله احصلي شي

تعرفون احد يبي يغير موعد حجزه في صاله مرمريز 2 نص 3 او اخر 3؟؟

Ambassador of Bahrain;11366447:

بنات في احد عنده فكره عن البنات السكيورتي اللي ايبونهم

حق الموبايلات والكاميرات

اتعرفونهم؟؟؟

شركة شويطر ظمان وبنات بحرينيات السكيورتي يعني مايجاملون ماعندهم حاكر ماكر مافي تلفونات يعني مافي

ميمي3;11365880:
بنات وين الاقي ستاندات جذي حق احط فيها الكب كيك لاني اتصلت الى فن كيك مال الحد باخذ منها بس ماتسوي ستاند تقول قبل كانت تسوي زين وين الاقي؟؟؟؟

محلات المواعين
رامز
الانوار
فخر البحرين
سوق المعلم

ميمي3;11365971:
ميمي البحرينيه هههههههههه كأني انا المزورة فديتج والله
وين هاذي أمبرس ممكن تدليني وممكن الرقم ع الخاص وتفصيل ممل :025:

ردوا عليج وأي استفسار حاظره

3athba;11365936:
وجود+حلم
الحمدلله خلصت الليله على خييير
وكنت حدي مرتبه و نعوووميه :040:
حلم اذا ما عليج أمر ممكن رقم الي تبيع الأكسسواار

آيسكريم;11366014:

فديتج جودي مافي اله انتي الي رديتي علي بس وكلهم سفهو لي هههههه :085:

لا امس جربتها وصرت كأننه عمري 10 سنوات هههههه :085::085:

كلش ماعجبتني ولاحلوه علي

وحمدت ربي انه شعري طويل ، واصلا مستحيل اقصه مابغه يطول لي من آخر قصه قصيتها

وحشني الشعر الطويل، وخطيبي مايرضى اقصه

يعني هالقصاص خلاص راحت ايامه ياحرام :091:

وثانكيو فديتج على ردج :065:

[/CENTER]

آيسكريم;11366050:

امممم مادري منو الي اقل شي يطلع لها حرار وقلت بحط لها صورة لكريم

اعتقد حلاتي بعباتي

المهم هذا لكريم الي استخدمه وسعره 5.650 دينار في كل صيدليه اتحصلينه بس انا ماآخذه اله من صيدلة الرازي / جدحفص

آيسكريم;11366172:
انا الشوق هذا فستاني وانشالله بروح افصله عند كبرى القصير او عند محل اسمه فستاني لبنات ثنتين وبجوف اي مكان من ذلين اروح لهم بس اكثر شي كبرى



والطرحه محتاره شللون اسويها

بس احتمال كبير تكون مثل طرحة هيفاء هذي



او مثل هذي




وبس :08:

نيغار;11366186:
بنوتات ادري مللتكم من الاسئلة...:040:
بس احين اذا بسوي استقبال لازم بعد اسوي غذا ؟؟؟:01:

أنا الشوق;11366631:

الغسول اسمه Acne Derm اذا بشرتج دهنيه وايد حلو لها، مايجففها ولا شي بالعكس يخليها متوازنه أكثر وتغسلين ويهج 3 مرات باليوم
والكريم اسمه Skinoren تستعملينه مره وحده في اليوم
والدالاسين تي يعتبر مضاد حيوي بس هو محلول سائل تحطينه على الحبه وفي منه حبوب بعد، بس انا استعمل المحلول، وتحطينه قبل ماترقدين
والمضاد الحيوي مادري اخاف اقول اسمه ويطلع مايناسبج لأنه كبسولات :041:
يعني

آيسكريم;11366979:
ههههههههههه :085:

كلنه اندور الفعاليات حق هالويه وياريت بعد شسمونه هههههههههه :085:

تمااااااااااااام شكلي بروح آخذهم :ok:

يالله حلاتي علينا بهم هههههه يا نفعت يا رحنه فيها ههه:085:

روح,;11367361:
+
وين اقدر أحصل ورد طبيعي بسعر رخيص حق كمية كبيرة

أنا الشوق;11367692:
بنات الحين في ردتي من الشغل مريت فخر البحرين، رحت أبي آخذ لي العلب اللي ب50 فلس
بس طلعوا مب اللي في بالي
تحطمت :091:

وجفت اللي صايرين نفس اللي حطتهم الترجيه بس ذلين سايزهم أكبر والوحده ب450 فلس

وبسس ما كان لي بارض اروح مكان ثاني :037:

ايه صج
ترى في اشيا عنده غاليه :085:
الفازات عند الأنوار الوحده ب دينار ونص وهم عندهم ب4 :057:

mylove1976;11370724:
مبروك لكل العروسات اله صارت حفلتهم والله اتمم على الباقي صار لي فتره ما دخلت المنتدى كنت مريضه بس ما شلء الله للحين مستنيين في الكلام بنات بليز ادعو لي بالتوفيق لان بكره الخطوبه وكلش تعبانه واحاتي الحمد لله مرت الملكه على احسن ما يكون والله اتمم على خير ولين صار عندي وكت بحط لكم التقرير لاني كلش تعبانه وما اقدر اجمع افكاري الحين

هذيــان;11370895:
خبر عاجل :


الذهب بينزل في الايام القادمة



http://www.alaswaq.net/articles/2010/02/18/32337.html

صحوبه
اي فديتج سالي اذا ماعليج امر
انزين فديتج ليش ماتاخذين بارز افك لج ماتضمنين في هالفتره يفصلون لج نفس ماتبين ومايطلع يبي تعديل الخ...
خصوصا ان ماعندج الا اسبوعين بس!!
وبالنسبه للتوازيع مادري يعني مكانج بسوي 200 ورده و200 شي ثاني

كيفي نحيسه
يالله الله يسر امورج ياربي ويتمم حفلتج على خير ابوي
بس لاتسوين المغربي جي سويها قبل حتى لو فيج الحلوه لان صج حتى لوقلتي ماتجرب صوب الحنى عندج ريلج وغيره لابد تحتاجين تمر صوبهم اكثر الاماكن تحتاج هالحزه عنايه وتنضيف
ميسره ياربي

عذووبه
تستاهلين حبيبتي وعليج بالعافيه
والله يتمم لج على خير ياربي

هذيان
بشرج الله بالخير على الاقل العروسات يقدرون ياخذون لهم شي وعليه انمهطووا مساكين

أنا الشوق;11365477:

:037::037::037::037::037::037::037::037:
عاد انتي أول وحده تكتبين لي صفحه كامله :041:

خخخخخخ إن شـآء الله بأذن الله .. مآطلبتي شي ..

بروحي احب اكتب تعبير .. :041:

أنا الشوق;11365726:
ايه صج بنات

اذا ابي أوزع بخور،، اشتريه من محل ولا أنا أسويه؟؟؟
أمي قالت لي احنا نسويه أحسن لأن أبي كميه عووده
فمادري، اذا تعرفون محلات يبيعون بخور زين ورخيص
والبخور اللي يصير أقراص، يعني مب كور، جم حبه تيي في البوكس؟!

اعرف وحده يم بيتنه زين بخورهآ .. 150 حبـه بدينـآر ..

آنه خذت من عندهآ في حنتي .. وخذت لي امي بعد بخور وخلطته يعني مع بعض ..

أنا الشوق;11365834:
ميمووو

الأطراف الناعمه شلون أسعارهم؟؟؟
شارية لي قطعه بنجابي، يعني توب وصروال :041:، وقلت باوديها يخيطونها لي
أول شي فكرت في منوه، مع اني ماجربته من قبل بس على المدح يعني
بس الحين الأطراف الناعمه أجرب لي :094:

المنوه روحي وانتي مغمضه ..

تودين التفصيل على طول تلبسينه عقب مضبووط لا يبيله تضييج ولا توسيع

مآشآء الله صج يضبط ..!

وآنه بعد وديت فستآن مآل عرس رفيجتي ضبطه لي حتى مآوديته يعدل فيه شي خخخ

يعني وآيد جآد في شغله هالمحل هآذي اللي يعجبني فيه

حتى يسوي شنآيل بعد :)



وربعي فسآتين حفلة حنتهم كله من عنده ..

بس يمكن يسوي لج غـآلي شويونه .. :040:

بس تعبت عيوني حرتني من القرآيه

رديت على جمن سؤآل وان شآء الله تستفيدون

والبـآقي بجآوب عليهم بـآجر مع الصفحآت اللي بتنكتب الزيآده

فمآن الله :)

ميمي3;11365880:
بنات وين الاقي ستاندات جذي حق احط فيها الكب كيك لاني اتصلت الى فن كيك مال الحد باخذ منها بس ماتسوي ستاند تقول قبل كانت تسوي زين وين الاقي؟؟؟؟

تلاقين الاستاند في محل في السيتي سنتر فوق مقابل هوم سنتر عنده تجهيزات وااايد بس ناسية اسمه الحين .