أنا الشوق;11529293:
ههههههههههههههههه أنا قبل المنامه وضواحيها مادلهم كلش
بس عقب ماشتغلت صرت أدل واتدعس في السلمانيه والعدليه ومادري وين
بس سوق المنامه مادل فيه شي ولا بادل بعد :037:
انزين الحين نرجع لمحور حديثنا
أمس قلت لكم عندي تقرير بس الحين نسيت شنو هو أصلا :085:
أول امس الله يسلمكم رحت استلمت بدلتي مالت الحنه
وطبعا سويتها بنجابي برمودا،،وديتها الخياط اللي يم بيتنا وكله نتعامل وياه،، كان يخيط مراييلي مالت المدرسه :040:
المهم، قلت له الموديل وكل شي وقلت باسوي اليد شيفون وقلت له بعدين باييب لك الخلق
هو الريال قال لي اوكي
رحت محل خلق يمنا مالقيت اللون اللي ابيه فخليت السالفه واول امس رحت سوق الرفاع دشيت محل مالقيت عنده ودشيت محل ثاني بعد ماعنده،، فقلت بس مابحصل،، ولقيت قطعة شيفون اللي تصير فيها لمعة ميتاليك،، ماعرف شنو بالعربي خخخخ معدنيه يمكن خخخخ
المهم، لونها صاير تركواز على أخضر وبلمعه ذهبيه وأنا قطعتي زرقا وفيها شك ذهبي
قلت يلااااا
وخذت لي متر
عقب رحت للخياط الا مجهز لي البدله وحاط اليد خلق عادي ومستانس مسكين عليها خخخخ فسكت عنه وقلت له اوكي وخذتها البيت
جااان يطلع التوب وسيع
رديت امس وديته له وأمي وياي، هي قالت له يبدل اليد ويحط الشيفون الا يقول لنا ماما بس هاذي مايناسب :085::085::085:
قلت له بس معليه حطه وهو متعجب احسه يقول شفيهم عميان :085::085::085:
بس شنسوي
وايد نجوف في السوق قطع جذي مدخلين ألوان مع بعض ومالهم علاقه :037:
وبعد امس عقب ماطلعت من الشغل رحت صالون زمرده حق "التريتمنت"
وصلت هناك يمكن 4 الا ثلث جذي
أقول لها انا يايه حق تريتمنت،، تقول لي تبين سبا؟؟ قلت لها والله مادري بس انا ييتكم من قبل وقلتوا لي تريتمنت
ويوم بطلت شعري الا تقول اييييه،، قلت لها تذكرتي شعري يعني ؟؟ :085::085:
المهم، غسلت لي شعري بشامبو ويلا،، وبعدين حطت لي فاشكول على كل خصله،، يعني قسمت شعري اقسام وحطت في كل قسم وبعدين رفعته وحطت لي كاب بلاستيك وقعدت تحت مال البخار مادري شسمه يمكن ساعه الا ربع
وبعدين سوت لي مساج حق راسي وردت تفرك وتسمت في الخصل وعقب غسلت شعري وحطت لي كريم من لوريال
عاد كالعاده قالت لي باقص لج شوي،، قلت لها شكثر شوي يعني؟؟ راوتني نتفه قلت لها اوكي
قالت لي انا بامشي على قصتج الحاليه
قلت اوكي
ابتدت قصت من تحت وراوتني الا نتفه
جان اجوف المره مشتطه وتقص وتقص وتقص،، وهي مندمجه في القص الا بنت عمتي داشه الصالون :085::085::085::085: صادوه
المهم، وطلعت الموس مادري شسمه وقصقصت لي شعري من جدام
وهي تقص وانا ابلع ريجي :037::037::037: بس يعني عقب طلعت القصه حلوه
وطبعا رديت البيت وحصلت زفه من عند أمي
مااا علينا
بعدين رحت ابي اجوف فستاني اذا يتوسع ولا لا
و وديته أم نواف،، قالوا لي فيه جانس انه يتوسع انج واحد بس
ويوم لبسته طلع يبيله 4 انج :047::047:
عاد قلنا بنرد نروح السعوديه عشان يضبطونه لي
لاعت جبدي من السالفه
لا وأمس امي تقول لي،، اصلا هو اللي في المحل قال لنا باأذيكم مثل ما أذيتوني :047: قلت لها متى بعد قال؟؟ الا تقول يوم تمينا نبيه ينزل لنا في السعر
وأنا أكثر شي قاهرني سالفة البروفه،، ماتحجى ولا قال شي وانا مادري بعد بهالسوالف
ومادري شلون حسيت ان انقص علي :091:
فالحين الخطه ان يمكن يوم السبت ان شالله نروح السعوديه ونخليهم يوسعووون الفستان وأبيهم يبطنونه لي بعد وبعدين اذا ييت هني اوديه حق أم نواف يضبطونه لي على الأقل وانا لابسته ياخذون القياس وجذي
ومساكين الفلبينيات حليوين يعني
ومارضوا ياخذون بيزات،، مب ذيج مالت السعوديه البروفه بدينار ونص
احنا وهلفساتين
يا من شراله من حلاله عله :01:
انه بعد بروح السبت السعوووديه وان شاء الله تفرررج :085:
صرخي في الجسر قولي حلاتي وانه بقوول شوووقي عشان نعرف بعض هههههه
اما نسويها :041:
وجــ ــود;11529780:عروسآآآآآآت
وحستووووووووووووووووووووووننيييي :02:
مبرووووك للعرآآيس الجدد .. آآآآلف مبرووك وعساها عشرة دآآيمة ان شاء الله
والفآل للعزابيات
وانتي بعد وحشتيييينا:087:
آيسكريم;11530027:
بنات الحين انا محتاره بصراحه
انا من البدايه كان خاطري في قاعة الليالي والحين مدام بسوي شي بسيط قلت بسوي في عايشة المؤيد
بس الحين محتاره بين عايشة والليالي :091:
عايشه اتصلت وفي حجز للتاريخ الي ابيه بس الليالي كل مااتصل محد يرد ابي استفسر منهم وجوف بس محد يرد وماابي اطول اكثر عشان ابدء حجوزاتي لكل شي واخاف اطول وحجز عايشة بالتاريخ الي ابيه ينحجز:060:
شرايكم خلاص آخذ عايشة وتوكل على الله او انطر الى بعدين اجوف الليالي يمكن احد يتكرم ورد :057:
انه رأيي من رأي حلم
ومايسوى عليج تأنيب الضمير اخذي لج صاله مخصصه للاعراس وسوي يلي تبين ان شاء الله اتييبين نجوى كرم وراشد الماجد محد بيتكلم
وانتي باقي على عرسج ووايد تقريبا 4 شهوور يعني لو صبرتي 3 ايام وعقب حجزتي مابيتأثر التاريخ يلي تبينه
انتي جم امكانياتج للصاله اذا فيج شده تدفعين اخذي قصر المرجان يصير تاخذينها بروحها بدون البوفيه وعندج من 100 شخص الى 500 وانتي كيفج
انه حجزتها لزواااجي :041:
