¸.•~ تجهيزات عرائس ( مملكة البحرين ) لشهر ربيع الأول 1431 - 2010 م / الجزء = 62 ~•.¸

حلمـ .,;11491053:

لستة بـ مواضيع تهم + تفيد كل عروس

ورحم الله والديها إلي بترفعها من خلال ( الإقتباس )

أقلها علشان الكل يشوفها ويستفيد !..

لأن وايد بنوتات يحتجونها .. وبـ وفر عليهم البحـث

/
/
/

للملجة & الحنة & الجلوة :

- كل ما يتعلق بـ سفر العجم مع الصور والتفاصيل -

- ساريات هندية -

- ساريات هندية ( 2 ) -

- المكياج الهندي -

- الستايل التراثي البحريني " ثوب النشل " -

موديلات فساتين الخطوبة & الزواج :

- موديلات فساتين حديثة جداً -

- موديلات فساتين حديثة جداً ( 2 ) -

- موديلات فساتين حديثة جداً ( 3 ) -

مكياج + تسريحات + باقات :

- تسريحات عرايس فخمة وجديدة -

- مكياج متنوع ( 1 ) -

- باقات & مكياج -

- تسريحات -

- مكياج متنوع ( 2 ) -

- لمحبات الستايل الخليجي الثقيل فقط -

- مكياج متنوع ( 3 ) -

- لمحبات الستايل اللبناني الناعم فقط -

- مكياج متنوع ( 4 ) -

- تسريحات ( 2 ) -

للتجهيزات & التسوق & الديكورات :

- مناكير " صبغ أظافر " -

- تآثيث شقة مودرن -

- مكياجات -

/
/
/

:032:

يعطيش العافية

حلمـ .,;11490754:
عليج بـ العافية خيـه ,
ههههههههه عجبني هالآختراع إلي مخليته في صورتج والتوقيع , حده كيوووووووت :087:

من ذوقش :040:

a7la_ba7rainia;11491249:

بالنسبة للضبضوب بقول ليش شي يمكن يضحكش

اذكر من جم سنة طلع ليي قبل العيد بيوم واحد في عيوني

و حدي تمللت و اعتفس مزاجي

بعدين عمتي جابت ليي كلينس فيه ماي و خلته على عيوني ..

و خليته يمكن ربع ساعة و بعدين نمت .. قعدت الصبح ما في شي رااح

بعدين سألتها وقالت ليي هذا ماي القدو :085:

ترى ماي القدو له فواييد :037: اذكر مرة عورني بطني وعطتني امي ماي قدو
وخفت :02:

أنا الشوق;11492666:
اممم أكثر شي البنات يمدحون بيبي لس
وفي نوع يديد من البيبي لس واللي هو التيتانيوم وسعره اعتقد في حدود ال40 أو 35 هيك
وهذا اللي أفكر فيه حاليا :042:

شكراً بس هل فيه درجات وايد من الحرارة؟

مثلاً ون تك فيه 3 مستويات ورفيجتي تستعمل ابرد شي وماشالله شعرها مايخترب مع ان قبل شعرها كان يكش على أقل شي

أنا الشوق;11481303:
يصير على شارع البديع مادري شيسمونه ذاك الصوب
وباطرش لج الرقم في مسج


:085::085::085::085::085::085:
أنا يوم أحسب قلت آخذ لهم من هارديز و أب سايز بعد وبيطلع علي أرخص
:037::037::037:


ههههههههههههههههههههه وناسه مو :085::013:

بجم يسوون الشعر حق العرايس؟؟ وغير العرايس؟؟

بصراحه ماعندي فكرة بس مو الي اعرفه وسمعته انه مو غالي وايد بس بسالج عنه وبخبرج :014:

أم فهادي;11483290:
قوووه بنوتااات ..

سؤال ..تعرفون وين يبيعون الخزامااات اللي تنشال وتنحط من غير لا اقض خشمي .؟؟!

انا ماخذه لي بس من زمااان عاد من مجمع دلمون وصغار كانهم الماس اشكالهم واذا احكهم محد يعرف انهم لزق عبالهم خارقه خشمي :037:

وماخذه بلي فضيني الي مثل الالماس وألوان عجيبين بس ماذكر جم سعرهم بصراحه

هذيــان;11483479:
قائمة عرائس البحرين " الخطوبة " :

بشاير القمر .. 5-3 ( تم )
Aldalee3a .. مم 5-3 ( تم )
3athba مم.. 6-3
====

نور القمرر .. 6 - 3

مبروووووووووك بنات والله يوفقكم يارب :072:

همسات عشق;11485472:
آيسكريم وينج ؟

انتظر ردج بفارغ الصبر بخصوص امتحانات المنتصف ..

:(..

هلا خيو سوري تأخرت عليج في الرد

سألتها اتقول في شهر اربعه بس للحين ماحددو لهم التواريخ

يعني ماعطتني جواب عدل

حلمـ .,;11485511:

بنوتـاات .,

عندي إستفسار .. بعيد عن تجهيزات العرس شويه

وأتمنى تفيدوني فيه

أنا مقررة أسوي ريجيم قوي :085:

يعني أنا حالياً مخففة أكل , وصاير أكلي صحي جداً

والحمد لله وزني قاعد ينزل بلأسبوع كيلو .. بس مشكلته مو ثابت

وأنا أحب أخربط بلأكل أحياناً :039:

بس لأن أنا وزني الطبيعي كان 55 - 54

و زاد واااااااايد .. وصل إلى 63 :035:

والحمد لله الحين خفيت وصلت إلى 59 :027:

وأبي أرجع لوزني الطبيعي سابقاً

والود ودي بعد أرجع لوزني أيام الثانوية 48

زين خلصينا .. وايد هذرتي ههههههههههههههههههههههه :041:

+

قررت أسوي ريجيم التمر

ما أدري سمعتوا فيه ولا لا ؟!..

إلي هو 21 تمرة باليوم .. تتوزع على 7 تمرات في كل وجبة .. مع لبن أو حليب قليل الدسم

وما تاكلين أي شي ثاني !..

بس عادي تدخلين سالفة الخضروات الورقيـة .. كـ سلطة :060:

وضروري تشربين الماي بكثرة

+

يقال إنه ريجيم قوي وعادي بالشهر تخسرين فوق الـ 5 كيلو , :013:

+

عاااااااااااد الزبدة ههههههههه :085:

أنا فيني فقر دم " ثلاسيميا "

وقلة الأكل ما تفيدني وأحتمال يصيدني شي لا سمح الله هههههههههههه

ما أدري في وحدة سمعت فيه ؟!.. جربته ؟!.. شافت نتايجه على أحد ؟!.. :07:

+

تنصحوني أجوكم وأبتدي أسويه ؟!..

بليز فيدوني يا أصحاب الخبرات :009:

+

ملحوظة :

أنا نزلت الإستفسار هني أبي رآيكم يالبحرينيات :087:

مالي بارض أفتح موضوع على هالسالفة هههههههههههه

حلم وزنج وايد زين مو متينه ليش تضعيفين اكثر؟؟
تدري انا كان وزني قبل 55 ونزلت 50 بدون رجيم يعني وبعدها رديت رجعت 55 وقلت اله اوصل وزني 60

يعني انتي وزنج وايد زين

يعني حاولين انجك ماتزيدين اكثر ولاتسوين رجيم ولا هم يحزنون

بصراحه انا كله باكل ههههههههه

فديت الاكل والله احلى شي في الدنيا الاكل والنوم ههههههه :085:

لاتسوين رجيم ولاهم يحزنون وستانسي بس حافظي على وزنج لايزيد اكثر

انتي جم طولج؟؟

همسات عشق;11485552:
اختي آنه بعد وزني حاليا 55-56 وبعد ابي اضعف ابي اوصل 48 نفس ما قلتي ..

والحين خفيت شوي وصلت 52 بس بما انتي فيج ثلاسيميا ما انصحج صراحة بهالشيء ..

لان هالمرض متعب .. اعرف وحدة جذي قالو لها لا تصومين وصامت وتعبت وطاحت عليهم ودخلت في غيبوبة 6 شهور مرقدة والحين قبل جم يوم توفت :(..واهيه صغيرة بعد

الله يرحمها :(

* القمورة *;11485665:
+



الله يسلمج ,

بقولج قصة الحين عن الخزامة ( الزمام )

أنا متولعة فيه من يوم كنت في إعدادية إلى يومج :040:

وحدي .. حدي .. حدي خاطري أركب لي

بس محد مشجع الفكرة والكل رافض :039:

لأن مردج بتملين منها وتبين تقلعينها مثلاً

فـ راح تترك آثر للآبد على خشمج

وبعد لا تركت الآثر ما يروح

فـ تبحث وأستفسرج بخصوصها

قالوا لي عادي تسوين لج تفصيل :013:

محلات الذهب أو الآلماس أو المجوهرات .. المتخصصيـن يعني

وبتصير بالضبط مثل الأصلية

وترى أغلب إلي يلبسون خزامة مب صجية , أنما تفصيل ( التركيب )

شلون ؟!..

تروحين أي محل وتطلبين خزامة فص أو كيفج إذا ببالج موديل مثلاً ؟!. , .. وأحلى شي فص ألماس

يسونج لج إياه مع مغناطيس

وما أدري شلون يصير قطعتين أظنتي

وحدة من داخل والفص من برى

طبعاً ثابتة جداً وقوية وايد

ومثل الأصلية

وهذا أنا .. مقررة بإذن الله أسويها

بس يبي لي أستفسر أكثر عن محلات تفصل لي خزامة

وإحتمال أسوي فص ألماس .. وما أتوقعه بيكون مكلف وايد لأنه فص صغيرووون :057:

+

حلووومه

لاتتعقدين من الاثر احسه يروح
خصوصا اللي فيهم كسرة في خشمهم ماعرف شلون اوصف
يعني الفتحه صايرة في انحناءة الاخشم مادري شلون ههههه
المهم اني الحين صار ليي 3 سنوات من سويت خشمي
ولليوم اذا اشيل الخزامه يوم كامل وارجع ابغى البسها احصل صعوبه
من جذي ما اشيلها
اصلا تعودت عليها اذا اشيلها كأن شي ناقصني
بس مثل ماقلتين احسن شي الذهب او الالماس عشان بعد الخشم مايتحسس

وبالنسسبة للزق وين يبيعونهم ام فهادي في في مدهش ومحلات الاكسسوارات اغلبهم عندهم

حتى محلات ابو 200 فلس ساات يجيبون

انا ماأايد المغناطيس

لانه يعني ماتدرين لاسمح الله والله لايقوله عطستي شي مني مناك وتروح النتفه الصغيره الي داخل الخشم تدخلج داخل خشمج شنو بتستفيدين؟؟

بعيد الشر عنج وعن الكل

يعني براحتج بس انا اللزق احسن وأأمن من كل شي

مها البحرين;11486749:
بنات تذكرتم يوم تتكلمون عن الاظافر حصلت لكم عن المحل اللي عند صيدلية ناصر ...

وايد خاطري اروح له هالصالون ولاصار مجال اروحه هذيك المره

بس انشالله هالمره بروح له

وثانكيو على الصور مها :016:

undisclosed;11492618:
سلام

بنات احد يعرف وين يبيعون ستريتنر شرمة oneteck؟

رحت نزيه الي يم أشرف وقال لي مخلص من 8 شهور لأن الطلب وايد عليه وما بييبونه مرة ثانية

أو ممكن ترشحون لي ستريتنر شغل عدل لأن انا شعري بسرعة يخترب ولاعت جبدي

انا توني الحين وانا يايه بيت خالتي

بنت خالتي قالت لي تبي ستريتنر آخذ لها ورحت صبايا جدعلي

وخذيت لها واحد ب 22 دينار

واااااااااايد عجبني سراميك

وطبعا اول ماوصلت استخدمته على طول ماعطلت بنت خالتي ماعندها وقت ههههههههههه:085:

وايد زين وتمام شغله عجبها

روحي جوفي اهو في نوعين واحد اسود ووواحد اعتقد رصاصي لونه

انا خذيت الاسود

وبسرعه صار حار