¸.•~ تجهيزات عرائس ( مملكة البحرين ) لشهر ربيع الأول 1431 - 2010 م / الجزء = 62 ~•.¸

آيسكريم;11345249:
انزين بنات محد قالي عن كبرى القصير شرايكم؟؟

انا عندي موديل فستاني وفي بالي شي تنصحوني اروح لها او لا؟

هلا حبيبتي روحي ليها بس لا تتعاملين وياها مباشره عندها المصمم اللي هناك احسن يخفض في الاسعار وعطيها الموديل وقولي حقها ابغي بهاي السعر مثلا 400 وهو يرسمه لج مره ثانيه اني سويت شدي والصراحه ابدع طلع علي فستاني 400 ورحت حق رومان ديزاين ب 1000 مادري ليش

بشاير القمر;11345690:
مرحبااا بنات ضيفوني ملجتي بتكون تاريخ 21/2 /2010

والحفله بتكون في بداية شهر 3 وخطيبي مايبيها تكون ليلة جمعه
دبروني طفشني مو راضي يقبل ومادري اي يوم احدده

اهم شي تاريخ الملجه تفتكين بعدين دوري لج مكان اذا حصلتي لان كل مكان محجوز القاعات والله يوفقش

لؤلؤة المحرق بليز عطيني رقم شيماء مالت الديجي الي تقولين عنها و جم اسعارها؟

حلاتي بعباتي 320 هاي حق فستان شنو بالضبط؟ الزواج؟

طالبة طموحه;11453489:
شايني ولا تترددين وحلو شغلها اني حفيت في الخطوبه في حور العين سوتني ماساه حواجبي خيط واني اللي مربتنهم اشهر علشان تغير قومي سويهم لي اخس من خيط
شايني ايدها خفيفه ولا تقولين بيطلع حبوب اليوم بروح حقها عندي خطوبة ولد خالتي
روحي بدون تردد

مو بس انتون اني بعد مربتنهم خلتني اصيح عليهم اطالعني من فوق نظارتها وتقول لي حليوين صاروا الله يهنيش ابهم

شايني حلو حماتي يعجبها شفا
صار لي من قبل محرم ما حفيت قلت بربيهم لربيع جانه عرس مفاجئ وما عندي وقت اروح حماتي قالت لي روحي فاتنه الخليج هذا خروفه الخليج
رحت عطوني وحده طابور عليها ما اذكر اسمها من شفتها خفت على حواجبي والله ما اجدب عليكم وش عرضهم الحين خط بنسل صايرين وجهي صاير غير
هي اتحف بالخيط واني ملقطي بيدي اعدل وراها
جرت الخيط بخشونه لين مقرتنه

اي رديت قريت ردج للجلوة؟؟!!! مو كأنه وايد انا اقول جان استفدتي في الفلوس في شي ثاني... و انتي كله متهوررة و بس خخخخخ الله يهداج

المهم دام انه عاجبنج و داش خاطرش تتهنين فيه :)

طفله واطلب حنانك;11451678:
مشكورين للي ردوا على سؤالي

بصراحه اني ابي اسوي حفلة بسيطه بس ابيها تطلع كشخه عشان جذي فكرت بالبوفيه اذا سمحت الميزانيه خاصه اني باسويها عائليه وبحاول يكون العدد قليل بحدود 250 ..
بس اني ماعرف شلون تصير طريقة البوفيه يعني ماعرف شنو اللي احسن

شوروا عليي

اخاف تصير عفسه ويلعوزون نفس ما صار في خطوبتي..
خطوبتي كانت في ماتم وكان الاكل بارسلات من المخبز ومع هذا لعوزوه وعفسوا الحفله فوق تحت ولما دشيت وشفت الوضع بغيت اصيح.. ولا يفوتكم نص الناس طلعوا لي في ممر الماتم يشوفوني حتى قبل ما اعدل الطرحه.. ولما كنت امشي من الباب للمسرح ما نطروني اوصل وقاموا نثروا علينا فلوس وبغوا يطيحوني بدل المره 3 وانقهرت حدي :039: ولو ما مسكت روحي جان صرخت وقلت من هالغبيه اللي تشوفني مو عارفه امشي وترد تنثر عليي وتبي تطيحني خخخخ
وكنت ابي ابتسم مجامله للناس بس اهلي لاحظوا ان فيني شي واحس حتى باقي الناس لاحظوا وكل ما اتذكر تنبط جبدي وتجيني الصيحه :091:
وخايفه يتكرر هالشي في العرس
ابيه يصير مرتب

ويييي شهالحاله :060:
جوفي اذا معازيمج 250 اخذي بوفيه ل220 تقريبا
الأسعار تختلف من مكان لثاني
بس أرخص شي بوعلي عندهم بدينارين يعني 440 + السيرفس 10% + المشروبات والقوطي بربيه ونص :085:

عاشقة قلبه;11452048:
هلا هلا عروسات شخباركم؟؟

عروسات في صالات تكون شاملة كل شي وسعرها ب 1100

اللي تعرف ياليت تقولي او تطرش لي عالخااص

زينة الأفراح حق 300 شخص وأقل بوفيه

نيغار;11453887:
اي رديت قريت ردج للجلوة؟؟!!! مو كأنه وايد انا اقول جان استفدتي في الفلوس في شي ثاني... و انتي كله متهوررة و بس خخخخخ الله يهداج

المهم دام انه عاجبنج و داش خاطرش تتهنين فيه :)

(( طفله واطلب حنانك ))

من جذي ما أحب ولا أؤيد أبداً

أعراس المواتم

لأنها آذية وغربال .. يعني الزحمة بـ تكون وايدة مب شوي :039:

وفوق جذي العروس نفسها وايد صعبة عليها .. في زفتها وفي قعدتها

يعني ياما رحت حفلات في مواتم .. أقول لو مسوين في صالة رخيصة والله أهون

الأكل نعمة الله مرمي على الأرض , والمآتم معفوس عفاس!!!!!!!!!!

وأنا ما أحب جذي .. المآتم له هيبته وأحترامه

وقليل ناس إلي أشوفهم محافظين على نظافته وترتيبه .. ومقدرين مكانته

حلو يتسوى فيه جلوة , ملجة .. هيييييك شي :094:

الهدوء بيكون أزيد , والمعازيم بتكون أقل

+

حاولي في عرسج تعوضين وتسوين شي أرتب , علشان نفستج إنتي ترتاح

يعني سوي لج مثلاً

حفلة عائلية مثل ما قلتي

في صالة من هـ الصالات الرخيصة .. وفي ما شاء الله شكثر صالات

وحتى لو الأكل بارسلات .. ما أظن بتصير لج آذية ولعوازة مثل المآتم

لأن القعدة على كراسي وطاولات

والحفلة بتكون عائلية

فـ الوضع بيكون كل أهون وأحلى

+

وإنتي بعد حسبي ميزانيتج وشوفي الأنسب لج :ok:

أنا الشوق;11450361:
امبييييييه بنات مابقى شي على العرس

واااااي مساعه الفلبيني يقول لي باجر تاريخ 1 مابقى شي خخخخخ حسيت قلبي يدق بسرعه
والحين جفت توقيعي وقلبي بيطلع من مكانه :060:

انزين باسألكم شنو السعر المعقول حق الباقه
أنا كنت حاطه لي ميزانيه 25-30 بما اني أبي شي بسيط والمحل قال لي بيسويها لي ب25
بس مساعه عجبتني وحده ثانيه وقال لي نوعية الورد غاليه ويمكن يسويها ب50 :060:

شرايكم؟؟؟
قولوا لي لا تسوينها :085: لأن أخاف اتهور :040:

مبروووووووووك شواقة وايييييييه مابقى شي على الزواج ربي يوفقج آنا أخرته لتاريخ 8/4
انزين شواقة وين بتسوين باقتج؟؟

مشكورين كل الي هنوني وباركولي :025:

ميمي3;11446779:
ألف مبروك حبيبتي والله يبارك لج وييسر أمورج عاد تقزين في المعازيم تعرفين كل وحده وين قاعده هههههههههههه :085:

نافورة شنو اللي من مزاهير؟؟؟؟ نافورة شكولاته :085:يااحنا ويه هالنافورة

:065:
ههههههههههههه ايي لازم بقز المعازيم :085: خصوصا ان العدد قليل والماتم صغير وانه قاعده ومتملله ماعندي شغله :085:
النافوره مالت ماي عاديه تجي مع السفره بس اهم نسو يجيبونها

مناامية;11450990:



كنتين قمررر صراحة واختي استخفت على الحركة اللي في ايدش تقول حدها واو اكي اتقول لين انخطبت لازم بتقلد عليش

:040:

مجنونة انا;11451037:

منامية

شنو الحركة اللي كانت بايد العروس
ياريت تخبرينا علشان نستفيد >>> جاني فضوول

والف مبروك فوفو البحرين مرة 2

الماكيره لصقت لي كرستالات على يدي لونهم بنفسجي واخضر تفاحي فاتح وحلوه صارت الحركه :049: صايرين كرستالات بس كأنهم تاتو هههه ماعرف اشرح شلون

أووووف توني مخلصة الواجب هههههه

مريم ناز

بالنسبه لليفة المغربية أخذيها من الحواي على دينار بدل الصالونات اللي يبيعونها علينا أدبال سعرها
وعن المفراكة القفاز من البودي شوب هذي للتسبوح العادي يعني أنا وديتها حق الحمام المغربي قالت لي ما تنفع وجربتها ما تقشر الجسم يعني مو خشنه كفاية.

ممكنَ رقمَ عايشه بوحمود اللي تمكيج أو فيْ أيْ صـًآلوـن تشتِغلْ

صالون بنت الأصايل في المحرق

maryoom;11453989:


مبروووووووووك شواقة وايييييييه مابقى شي على الزواج ربي يوفقج آنا أخرته لتاريخ 8/4
انزين شواقة وين بتسوين باقتج؟؟

ايييييه سكتي مابقى شي
قلبي يسوي دق دق دق
الباقه حاليا مفكره أسويها عند دريم هوم :042:
والبارحه يمعت لي جم صوره
وباوديها له باجوف بجم بيسويها وبامر على يلدا بعد باجوف سعره،، لأن يلدا مجربته حق خطوبتي وعجبني الفلبيني مالهم حسيته يفهم خخخخخخخ

همس الـروح;11451234:

مرحبــآ

بكتب لكم تقريري اليوم .. :016:

>> العصر رحت القي نظرة على الفستان .. :065:

>> وعقب المغرب رحت الحواج اخذت لي كريم اساس وبودرة من ديور :032:
وطلع ليي عرض فيشيل :041:

>> حبيبتي همووووسة بجم شريتي البودرة؟؟
شريت لي ماكس فاكتور & مكياجي
بس آبي بعد ديور رحت للفرع اللي بالرفاع فيسس وقالت الفلبينية ماعندهم هالماركة تقول بالستي سنتر ويبي لي أروح بس مآدري على جم؟؟

سراب الأمنيات;11451373:
بنات عطوني اسماء محلات عبايات في شارع جد علي

شغلهم مضبوط واسعارهم اوكيه

آنا رحت أمس شارع جدعلي وسويت لي عباية وأسم المحل أسرار الليل أعتقد حلو شغله ومرتب وأسعاره معقولة:065:

بنات محد يعرف رقم ناس يسوون بخور؟ ضروري:(

بنات صالة فاطمة الشكر جم رقمها؟ الي عندها تطرش لي رقمها

لؤلؤة المحرق;11451387:


الترجيه ..

فديتج اذا رمووشج طوآل وكثيفين حطي لج بالوحده الرموش ..

واذا عآديين زينيين يعني حطي لج الكآمل الرمش ..

وانتي بعد جوفي على حسب المآكييره اللي بتروحين لهآ ..

لان بعضهم مآعندهم اللي بالوحده مو متوفر عندهم الا الكآملين ..

والحين اكثريتهم كله يحطون الكآملين حق حفلات العرس ..

الا اذا كآن الميك آب بعد لبنآني وناعم بعد في ناس يحطون بالوحده ..




همس الروح ..

تسلمين على تقريرج والله يعطيج الف عآفيه وبعد عليج بالعافيه على اللي شريتيهم ..


بالنسبه للذهب عندج السيف وعندج سوق المنامه والرفاع وحتى المحرق


لكن الاكثريه يروحون المنامه



وبالنسبه ..

الكحل العادي : كراجا يصبغ عدل

الضلال : على حسب اهو .. بس الاحسن شي واللي يصبغ عدل كراجـآ ..

في بعد فلور مار بس افضل كراجا ..


الحين بعد طالعين مكياج مبروك يصبغون عدل وحلوين الوآنهم ..




البلشر : ميبي لين الوانه يسوي الوحده naturel

الحمرة : الحمر اللي بالبروش بعد كراجا عندج وايد حلوين ويثبتون .. وعندج وايد ماركات فديتج

مو بس وحده ماركه


الكلوز : الكلوزات لايف ستايل يعجبوني .. وبعد مو شرط تاخذين ماركه محدده لكن في ماركات

مشهوره لكن قلوزاتهم مو لي ذاك الزود


واهو بالاول والاخير اهم شي الكحل والبوده والاساس اهو الماركه العدله اللي تاخذينها

وجوفي باقي البنات بعد بيقولون لج اكيد اكثر انه الحين على السريع رديت عليج وان شاء الله

باقي البنات بيذكرون لج ماركات غير ..

وموفقه ..:025:

تسلميييييييييين حبيبتي لؤلؤة على التقرير أستفدت لأني ميح بالمكياج :085:

مفتقده ايسكريم
عسى المانع خير ياربي
مايندره شسوت هالبنت الله يسر لها يارب

لولو
فديت عمرج ماقصرتي ابوي
بس قررت اللي كامل لان احلى علي خبرج رمووش نتيفات يادوب ههههه

مهويه
احس كخيار مناسب للوقت ابتسام كمال

حلاتي
ياخطيره انتي ههههه
ملبوس العافيه فديتج تلبسينه وتقطعينه بخير ابوي
اهم شي الخاطر دام جدمتي وطلبتيه لاتتحسفين ولاعلى شي لان انتي اللي بتلبسينه<<<لان اختج مثلج هههه